scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'నాకు పాజిటివ్‌ వచ్చిందని అందుకే అమ్మకు చెప్పలేదు!'

'కరోనా.. ప్రస్తుతం అందరికీ అదో మృత్యుపాశంలా కనిపిస్తోంది. వ్యక్తిగత పరిశుభ్రత పాటిస్తూ తగిన జాగ్రత్తలు తీసుకుంటే కరోనా సోకదని, రోగనిరోధక శక్తి అధికంగా ఉన్న వారు ఈ వైరస్‌ నుంచి సులభంగా బయటపడచ్చని ఎంతమంది నిపుణులు ఎన్ని రకాలుగా చెబుతున్నా, ఈ మహమ్మారిని జయించిన వారే నొక్కివక్కాణిస్తున్నా.. మన మనసులో ఏదో ఓ మూల భయం, ఆందోళన నెలకొన్నాయి. ఈ క్రమంలో కాస్త అనారోగ్యంగా అనిపించినా కరోనా నిర్ధారిత పరీక్షలు చేయించుకోవడానికి సైతం జంకుతున్నారు చాలామంది. కానీ మనం అలా చేయడం వల్ల మనతో పాటు మన చుట్టూ ఉన్న వారిని సైతం ప్రమాదంలో పడేసిన వారమవుతామని అంటోంది ఓ నర్సు. పరీక్షలో పాజిటివ్‌ వస్తే చనిపోతామన్న భయమే మనల్ని నిలువునా చంపేస్తుందని, మానసిక ధైర్యమే కరోనాను జయించడానికి మన వద్ద ఉన్న ప్రధాన ఆయుధమని చెబుతోంది. ఆ సానుకూల దృక్పథంతోనే కరోనాపై విజయం సాధించి తిరిగి విధుల్లో చేరిన ఈ నర్సు అంతరంగమేంటో తెలుసుకుందాం రండి..'

Know More

Movie Masala

 
category logo

కరోనా పేరుతో వైరస్‌ను పంపుతున్నారు... జాగ్రత్త!

cyber attacks in the name of coronavirus

ఆర్థిక వ్యవస్థలు కుప్పకూలిపోతున్నాయి.. దేశాల మధ్య సంబంధాలు తెగిపోతున్నాయి.. ముఖ్యమైన మీటింగ్‌లు వాయిదా పడుతున్నాయి. ఒకటి కాదు రెండు కాదు దాదాపు అన్ని రంగాలపై ‘కరోనా’ వైరస్‌ (కొవిడ్‌-19) దాడి చేస్తోంది. ఇక ఇదంతా ఇలా ఉంటే.. కరోనా వ్యాధిని వ్యాపారంగా కూడా మార్చేసిన సందర్భాలు మనం చూస్తూనే ఉన్నాం. మామూలు రోజుల్లో రూ.10 విలువ చేసే మాస్కులను.. ఇప్పుడు ఏకంగా రూ.50నుంచి వందకు అమ్ముతున్నారు. మనుషుల ఆరోగ్యానికే కాకుండా జేబులకు సైతం చిల్లుపెడుతోన్న ‘కరోనా’ వైరస్‌ను ఆసరాగా చేసుకొని ఇప్పుడు ఏకంగా సైబర్‌ నేరగాళ్లు కూడా నేరాలకు తెగ బడుతున్నారు. ఇంతకీ ‘కరోనా’తో సైబర్‌ నేరాలు ఎలా జరుగుతున్నాయనేగా మీ సందేహం.. అయితే ఈ స్టోరీ చదివేయండి..

కరోనా వ్యాప్తిపై ఎన్నో పుకార్లు హల్‌చల్‌ చేస్తున్నాయి. మరీ ముఖ్యంగా సోషల్‌ మీడియాలో వీటికి లెక్కే లేకుండా పోతోంది. ఏ సోషల్‌ మీడియా అకౌంట్‌ ఓపెన్‌ చేసినా చాలు కరోనాకు సంబంధించిన ఏదో ఒక అప్‌డేట్‌ కచ్చితంగా ఉంటోంది. ఈ క్రమంలో యూజర్లు కూడా వాటిని నమ్ముతున్నారు. ఇక ప్రతి ఒక్కరికీ ఇంటర్నెట్‌ అందుబాటులోకి రావడంతో సమాచారం కోసం అందరూ నెట్టింటి తలుపునే తడుతున్నారు. దీన్నే అదనుగా తీసుకున్న సైబర్‌ నేరగాళ్లు దాడులు మొదలు పెట్టారు.

coronahacking650-2.jpg
‘మ్యాప్‌’ ఓపెన్‌ చేస్తే అంతే సంగతులు ..
ప్రపంచంలో ఏ దేశంలో ఎంతమంది కరోనా వైరస్‌ బారిన పడ్డారు? ఎంతమంది చనిపోయారు? ఇలాంటి సమాచారాన్ని తెలుసుకోవడానికి చాలామంది ఇంటర్నెట్‌నే వేదికగా ఉపయోగించుకుంటున్నారు. ఈక్రమంలోనే ప్రపంచ పటంలో ఏ చోట ఎంతమంది కరోనా బారిన పడ్డారన్న విశేషాలను చూపిస్తూ.. పలు మ్యాప్‌లు నెట్టింట్లో హల్‌చల్‌ చేస్తున్నాయి. ఇదే అదనుగా చేసుకొని సైబర్‌ నేరగాళ్లు ఓ డమ్మీ మ్యాప్‌ను రూపొందించి దాని ద్వారా మాల్‌వేర్‌ను పంపిస్తున్నారు. ‘కరోనా వైరస్‌ మ్యాప్’ పేరుతో వైరల్‌ అవుతోన్న ఈ మ్యాప్‌ను ఓపెన్‌ చేసినా.. వేరే వారికి షేర్‌ చేసినా వెంటనే మాల్‌వేర్‌ మీరు ఉపయోగిస్తున్న కంప్యూటర్‌లోకి చొచ్చుకుపోతుందని ప్రముఖ సైబర్‌ సెక్యూరిటీ నిపుణులు చెబుతున్నారు. ప్రస్తుతం ఈ మాల్‌వేర్‌ కేవలం కంప్యూటర్‌లపైనే దాడి చేస్తోందని.. కానీ స్మార్ట్‌ ఫోన్లతో పాటు ఇతర ఎలక్ట్రానిక్‌ గ్యాడ్జెట్లపై అటాక్‌ చేసే విధంగా మాల్‌వేర్‌ను అభివృద్ధి చేసే అవకాశాలు కూడా ఉన్నాయని నిపుణులు చెబుతున్నారు. అయితే ఇలాంటి మాల్‌వేర్‌ అటాక్‌ జరగడం ఇదే తొలిసారి కాదని, గతంలో 2016లోనూ ఇలాంటి దాడులు జరిగాయని చెప్పారు.

coronahacking650-5.jpg
ఏం జరుగుతుంది..?
మాల్‌వేర్‌తో కూడిన లింక్‌ను క్లిక్‌ చేసిన వెంటనే మీ కంప్యూటర్‌ సైబర్‌ నేరగాళ్ల చేతుల్లోకి వెళ్లిపోతుంది. దీంతో మీ కంప్యూటర్‌లో ఉన్న డేటా మొత్తాన్ని వాళ్లు ఇట్టే తెలుసుకునే అవకాశం ఉంటుంది. మీ బ్రౌజింగ్‌ హిస్టరీతో పాటు క్రెడిట్‌ కార్డులు, డెబిట్‌ కార్డుల వివరాలు, వాటి పాస్‌వర్డ్‌లు మీకు తెలియకుండానే హ్యాకర్ల చేతుల్లోకి వెళ్లిపోతాయి. నిజానికి ఒక కంప్యూటర్‌ను హ్యాక్‌ చేయాలంటే కచ్చితంగా ఏదో ఒక సాఫ్ట్‌వేర్‌ను ఇన్‌స్టాల్‌ చేయాల్సి ఉంటుంది. కానీ అలాంటిదేం లేకుండానే మాల్‌వేర్‌తో కూడిన ఈ ‘కరోనా మ్యాప్‌’ మన వ్యక్తిగత సమచారాన్ని లూటీ చేస్తుంది. కాబట్టి ఒకవేళ మీ కంప్యూటర్‌కు, స్మార్ట్‌ ఫోన్‌కు కరోనా పేరుతో ఎలాంటి లింక్‌లు వచ్చినా ఆచితూచి స్పందించడం మంచిదని నిపుణులు సూచిస్తున్నారు. ఇక కరోనాకు సంబంధించిన సమాచారాన్ని ఇంటర్నెట్‌లో వెతికే క్రమంలో ఒకటికి రెండుసార్లు లింక్‌లు సరైనవేనా.. కాదా.. అన్న విషయాన్ని గమనించాలని చెబుతున్నారు.

coronahacking650-7.jpg
‘వర్క్‌ ఫ్రం హోమ్‌’..?బీ కేర్‌ఫుల్‌!
కరోనా వైరస్‌ విజృంభిస్తుండడంతో కొన్ని సాఫ్ట్‌వేర్‌ కంపెనీలు వారి ఉద్యోగులకు ఆఫీసుకు రాకుండా ఇంటి నుంచే పని చేసుకునే వెసులుబాటును కల్పిస్తోన్న విషయం తెలిసిందే. ఒకేచోట ఎక్కువ మంది ఉండడం వల్ల వైరస్‌ వ్యాపించే అవకాశాలు ఎక్కువగా ఉంటాయన్న ఉద్దేశంతో ఆ కంపెనీలు ఈ నిర్ణయం తీసుకున్నాయి. అయితే దీన్నే అదనుగా చేసుకొని కొందరు సైబర్‌ నేరగాళ్లు.. సదరు కంపెనీల ముఖ్యమైన సమాచారాన్ని దోచేస్తున్నారు.
వారే లక్ష్యంగా..
సాధారణంగా ‘వర్క్‌ ఫ్రం హోమ్‌’ (ఇంటి నుంచే పనిచేయడం) చేసేవారు ఇంటర్నెట్‌ సహాయంతో సదరు కంపెనీ సర్వర్‌తో లాగిన్‌ అయ్యి తమ పనిని చేసుకుంటారు. ఇలాంటి వారినే టార్గెట్‌ చేసుకొని హ్యాకర్లు దాడులు చేస్తున్నట్లు బెంగళూరుకు చెందిన ‘సుబెక్స్‌’ అనే సంస్థ పేర్కొంది. ఉద్యోగుల డివైజ్‌లు లేదా రౌటర్లను హ్యా్‌క్‌ చేసి మాల్‌వేర్‌ను ప్రవేశపెట్టేందుకు సైబర్‌ నేరగాళ్లు ప్రయత్నిస్తున్నారని ‘సుబెక్స్‌’ పేర్కొంది.

coronahacking650-6.jpg
ఎలా గుర్తించారంటే ..
టెలికాం కంపెనీలకు సేవలందించే ‘సుబెక్స్‌’ సంస్థకు 62 పట్టణాల్లో ‘హనీపాట్‌’ నెట్‌వర్క్‌ వ్యవస్థ (హ్యాకర్లను గుర్తించేందుకు ఏర్పాటు చేసిన డమ్మీ వ్యవస్థ) ఉంది. ఈ క్రమంలోనే ఈ వ్యవస్థ కరోనా వైరస్‌ వ్యాప్తి ఎక్కువగా ఉన్న చోట్ల.. వర్క్‌ ఫ్రం హోం చేస్తున్న ప్రదేశాల్లో మాల్‌వేర్‌ కదలికలను గుర్తించింది. గత కొన్ని రోజులుగా ఆరోగ్య రంగం, తయారీ రంగం మినహా ప్రపంచ వ్యాప్తంగా మిగిలిన అన్ని రంగాల్లో ఈ మాల్‌వేర్‌ దాడులు జరిగినట్లు గుర్తించారు. ఈ-మెయిల్స్‌, సోషల్‌ మీడియా లింక్స్‌, పలు మెసేజింగ్‌ ప్లాట్‌ఫామ్‌ల్లో ఫిషింగ్‌ దాడులు బాగా పెరిగాయి. ఇక ‘coronavirus emergency declared,’ ‘1,000 coronavirus deaths in last 16 hours’, ‘this drug could save your life from corona’, ‘డబ్ల్యూహెచ్‌వో విరాళాలు వసూలు చేస్తోందనే’ లింకులు నెట్టింట్లో వైరల్‌ అవుతున్నాయి. ఒక వేళ వీటిని ఓపెన్‌ చేస్తే ఇక అంతే సంగతులు. ‘వర్క్‌ ఫ్రం హోమ్‌’ చేసే సమయంలో ఏవైనా అనుమానాస్పద ఫైల్స్‌ వస్తే జాగ్రత్తగా ఉండాలని నిపుణులు సూచిస్తున్నారు.

coronahacking650-1.jpg
మెయిల్స్‌ ద్వారా కూడా..
ఇక ఈ-మెయిల్స్‌ ద్వారా కూడా సైబర్‌ నేరగాళ్లు కంప్యూటర్‌, స్మార్ట్‌ ఫోన్లను హ్యాక్‌ చేస్తున్నారు. కరోనా వైరస్‌ను ప్రస్తావిస్తూ కొన్ని రకాల ఫిషింగ్‌ మెయిల్స్‌ను యూజర్లకు పెద్ద ఎత్తున పంపిస్తున్నారు. ఒకవేళ ఎవరైనా ఆ మెయిల్స్‌ను ఓపెన్‌ చేస్తే వెంటనే సదరు డివైజ్‌ హ్యాకర్ల చేతుల్లోకి వెళ్లిపోతుంది. ఇక ప్రపంచ ఆరోగ్య సంస్థ (డబ్ల్యూహెచ్‌వో) పేరుతో కూడా సైబర్‌ నేరగాళ్లు మెయిల్స్‌ను పంపిస్తున్నారు. ఇలాంటి ఈ-మెయిల్స్‌ పట్ల జాగ్రత్తగా ఉండాలని నిపుణులు సూచిస్తున్నారు. ఎట్టి పరిస్థితుల్లోనూ అనుమానాస్పద మెయిల్స్‌ను ఓపెన్‌ చేయకూడదని హెచ్చరిస్తున్నారు. సో...బీకేర్‌ఫుల్‌!





women icon@teamvasundhara
indore-labourers-daughter-bharti-khandekar-gets-1-bhk-flat-for-top-marks-in-10th-class

ఫుట్‌పాత్‌పై చదువుకుంది.. ఫ్లాట్‌ గెలుచుకుంది!

ఆ అమ్మాయి ఫుట్‌పాత్‌పై పుట్టింది.. రెక్కాడితే గానీ డొక్కాడని కడు పేదరికం మధ్య పెరిగింది. ఈ రోజుల్లో అన్ని సౌకర్యాలున్న పిల్లలే శ్రద్ధగా చదువుకోమంటే అది లేదు, ఇది లేదంటూ వంకలు పెడుతున్నారు. అలాంటిది చిన్నతనం నుంచి అష్టకష్టాల మధ్య పెరిగినా చదువుపై మక్కువ పెంచుకుందా బాలిక. ఎలాగైనా సరే కష్టపడి చదివి.. తన తల్లిదండ్రుల కష్టాన్ని తీర్చాలనుకుంది. నిజానికి తానెంత బలంగా కోరుకుందో తెలియదు కానీ.. పదో తరగతితోనే తాను అనుకున్నది సాధించింది.. తల్లిదండ్రుల ముఖాల్లో వెలకట్టలేని ఆనందం నింపింది. మరి, ఇంతకీ ఎవరా బాలిక? ఏంటామె కథ? తెలుసుకోవాలంటే ఇది చదివేయండి.

Know More

women icon@teamvasundhara
meera-mehta-receives-uks-the-diana-award-for-her-humanitarian-work

అందుకే కాబోయే ఈ డాక్టరమ్మకు ఆ అవార్డు!

కరోనా.. ఎందరినో శారీరకంగా, మానసికంగా క్షోభ పెడుతోంది.. మరెందరినో కూడుకు, గూడుకు దూరం చేస్తోంది.. ఉపాధి కోల్పోయిన ఇంకెందరి బతుకులనో ఛిన్నాభిన్నం చేస్తోంది. ఇలా అందరికీ ఓ పీడకలలా మారిందీ మహమ్మారి. అయితే ఇలాంటి ప్రతికూల పరిస్థితుల్లో చాలామంది ఎవరి కూటి కోసం వారు అవస్థలు పడుతుంటే.. కొందరు మాత్రం ఆర్థికంగా చితికిపోయిన బతుకుల్ని ఆదుకోవడానికి నిస్వార్థంగా ముందుకొస్తున్నారు. తమకు చేతనైన సహాయం చేస్తూ ఆపద్బాంధవులుగా మారుతున్నారు. మరికొందరు తాము చూపిన మానవత్వానికి ప్రతిగా ప్రతిష్ఠాత్మక అవార్డులు అందుకుంటున్నారు. తాజాగా ఇలాంటి ఓ అరుదైన పురస్కారం అందుకుంది ముంబయికి చెందిన 21 ఏళ్ల మీరా మెహతా. గత పదిహేనేళ్లుగా సమాజ సేవకు పాటు పడుతోన్న ఆమె.. కరోనా కల్లోల సమయంలోనూ తన నిస్వార్థమైన సేవను కొనసాగిస్తోంది. ఇందుకు గుర్తింపుగా బ్రిటన్‌ ప్రభుత్వం నుంచి ప్రతిష్ఠాత్మక ‘ది డయానా అవార్డు’ను అందుకొని ఒక్కసారిగా వార్తల్లో వ్యక్తిగా మారిపోయింది.

Know More

women icon@teamvasundhara
mp-girl-roshni-bhadauria-cycles-24-km-to-school-daily-scores-985-pc-in-10th-boards

రోజూ సైకిల్‌పై సవారీతో...టెన్త్ లో టాపర్‌గా !

అజ్‌నౌల్‌.. మధ్యప్రదేశ్‌ భీండ్‌ జిల్లాలోని ఓ కుగ్రామం. అక్కడికి బస్సు సౌకర్యమే కాదు.. ఇతర రవాణా సదుపాయాలు సైతం లేవు. ఇక ఆ ఊరి పిల్లలు పదో తరగతి పూర్తిచేయాలంటే అక్కడికి 12 కిలోమీటర్ల దూరంలో ఉన్న మెహ్‌గావ్‌ గ్రామంలోని పాఠశాలకు వెళ్లాల్సిందే. పోనీ.. ఆ బడికి స్కూల్‌ వ్యాన్‌ సౌకర్యం ఉందా అంటే అదీ లేదు. ఎవరికి వారు సొంత వాహనాలపై వెళ్లాల్సిందే! ఒకవేళ వరదలు ముంచెత్తి ఆ రోడ్డు మార్గం కూడా మూసుకుపోతే స్కూల్‌కెళ్లే ఆ ఒక్క అవకాశం కూడా ఉండదు. ఇలాంటి ప్రతికూల పరిస్థితుల్లోనూ చదువు కొనసాగించి పదో తరగతి ఫలితాల్లో ఉత్తమ ర్యాంక్‌ సాధించింది పదిహేనేళ్ల రోష్నీ బదౌరియా. మరి, ఇంతకీ అంత దూరం తను బడికి ఎలా వెళ్లిందనేగా మీ సందేహం? పోను 12 కి.మీ. రాను 12 కి.మీ. ఇలా మొత్తంగా 24 కి.మీ. సైకిల్‌పై సవారీ చేసి పాఠాలు నేర్చుకున్న రోష్నీ.. ఇప్పుడు తన ప్రతిభతో ఆ ఊరికే గర్వకారణంగా నిలిచింది. చదువంటే మక్కువ, భవిష్యత్తులో కలెక్టరై దేశానికి సేవ చేయాలన్న తపనే తనను నడిపిస్తోందంటోన్న ఈ చదువుల తల్లి గురించి మరిన్ని విషయాలు తెలుసుకుందాం..

Know More

women icon@teamvasundhara
jharkhand-young-writer-wins-commonwealth-short-story-prize-for-her-fictional-love-story-the-great-indian-tee-and-snakes

ఆ ప్రేమకథే ఈ అవార్డు తెచ్చిపెట్టింది!

కొన్ని చోట్ల బాల్య వివాహాలు, మరికొన్ని చోట్ల నెలసరి సమయంలో ఇంట్లోకి రావద్దంటూ ఆంక్షలు, ఇంకొన్ని చోట్ల కులాంతర, మతాంతర ప్రేమ వివాహాలను నేరంగా పరిగణించడం.. ఇలా మన దేశంలో ఎన్నో ఏళ్లుగా వేళ్లూనుకుపోయిన పాతకాలపు సంప్రదాయాలు, కట్టుబాట్లు, మూఢనమ్మకాలు నేటికీ కొనసాగుతూనే ఉన్నాయి. ఇలాంటి సామాజిక సమస్యలను వెండితెరపై ఆవిష్కరించే వారు కొందరైతే, మరికొందరు తమ కలంతోనే ఈ సామాజిక అంశాలను నలుగురిలోకీ తీసుకెళ్తారు.. అందరి మెప్పూ పొందుతారు. అలాంటి ఓ సున్నితమైన సామాజిక అంశాన్నే అందమైన ప్రేమకథగా మలచిందో భారతీయ యువ రచయిత్రి. దానికి ప్రతిగా ప్రతిష్ఠాత్మక ‘కామన్వెల్త్‌ షార్ట్‌ స్టోరీ ప్రైజ్‌’ అందుకుంది. మరి, ఇంతకీ ఎవరామె? ఆమె రాసిన కథేంటి? తెలుసుకోవాలంటే ఇది చదవాల్సిందే!

Know More

women icon@teamvasundhara
tea-sellers-daughter-anchal-gangwal-becomes-indian-air-force-pilot

ఛాయ్‌వాలా కూతురు పైలటైంది!

కలలు కనడం ఎవరైనా చేస్తారు.. వాటిని సాకారం చేసుకునే దిశగా ఎన్ని సవాళ్లు ఎదురైనా అధిగమించి అంతిమ లక్ష్యం చేరుకున్న వారే అసలైన విజేత అవుతారు. తమ కృషి, పట్టుదలతో అందరికీ ఆదర్శంగా నిలుస్తారు. అందుకు తాజా ఉదాహరణే మధ్యప్రదేశ్‌కు చెందిన 24 ఏళ్ల ఆంచల్‌ గంగ్వాల్‌. పేదరికం వెక్కిరించినా, ఆర్థికంగా అడుగడుగునా ఆటంకాలు ఎదురైనా తన ఆశయాన్ని వీడలేదామె. సవాళ్లను సానుకూలంగా స్వీకరిస్తూనే తన కలను సాకారం చేసుకుంది. నలుగురికీ ఆదర్శంగా నిలిచింది. అందుకే తన విజయంతో ప్రస్తుతం దేశ ప్రజల మన్ననలందుకుంటోంది.. ప్రముఖుల ప్రశంసల్లో తడిసి ముద్దవుతోంది. మరి, ఇంతకీ ఎవరీ ఆంచల్‌? ఏంటి ఆమె ఆశయం? తెలుసుకోవాలంటే ఇది చదవాల్సిందే!

Know More

women icon@teamvasundhara
girls-outperform-in-ts-inter-results-2020

పట్టుదలతో చదివారు... ‘టాపర్లు’గా నిలిచారు !

తమ పిల్లలు బాగా చదువుకోవాలని, చక్కటి ఉద్యోగాలు సాధించాలని, ఉన్నత స్థాయికి చేరుకోవాలని తల్లిదండ్రులు కలలు కంటారు. పిల్లల బాగుకోసం పరితపిస్తూ ఎలాంటి కష్టాలనైనా ఎదుర్కొంటారు. ఇదే సమయంలో పిల్లలు కూడా తమ తల్లిదండ్రుల రెక్కల కష్టాన్ని అర్థం చేసుకుని, వారి ఆకాంక్షలకు అనుగుణంగా చదువుతూ మంచి ర్యాంకులతో ప్రతిభ చాటుతుంటారు. ఈ నేపథ్యంలో తాజాగా విడుదలైన ఇంటర్‌ ఫలితాల్లో కూడా పలువురు విద్యా్ర్థినులు సత్తా చాటారు. పట్టుదలతో చదివి రాష్ట్రస్థాయి ర్యాంకులు సాధించారు. తద్వారా తమ భవిష్యత్‌ కోసం ఎంతో కష్టపడుతున్న తల్లిదండ్రుల కళ్లల్లో సంతోషాన్ని నింపారు.

Know More

women icon@teamvasundhara
madurai-girl-honoured-with-un-good-will-ambassador-for-the-poor

అందుకోసం దాచుకున్న 5 లక్షలతో 600 కుటుంబాల ఆకలి తీర్చింది!

‘కష్టాల్లో ఉన్న ఉన్నవారికి సాయం చేయాలంటే శ్రీమంతులు, స్థితిమంతులే కానక్కర్లేదు... కాసింత మంచి మనసుంటే చాలు’ అన్న మాటలను నిరూపిస్తూ లాక్‌డౌన్ బాధితులను ఆదుకునేందుకు చాలామంది స్వచ్ఛందంగా ముందుకొస్తున్నారు. ధనికులు కాకపోయినా దయాగుణంతో తమకు తోచినంత సహాయం చేసి పెద్ద మనసు చాటుకుంటున్నారు. ఈ క్రమంలో కరోనా ప్రభావంతో అల్లాడుతున్న పేదలను ఆదుకునేందుకు ‘నేను సైతం’ అంటూ ముందుకొచ్చింది మదురైకు చెందిన 13 ఏళ్ల నేత్ర. ఓ చిన్న సెలూన్‌ ఓనర్‌ కూతురైన ఆమె తన సివిల్స్‌ చదువుల కోసం పోగుచేసిన రూ.5లక్షలతో లాక్‌డౌన్‌ బాధితులకు నిత్యావసరాలను పంపిణీ చేసింది. తన సాయంతో ప్రధాని నరేంద్రమోదీ ప్రశంసలు సైతం అందుకున్న ఈ విద్యార్థినిని తాజాగా ఐక్యరాజ్య సమితి కూడా అరుదైన గుర్తింపు ఇచ్చి గౌరవించింది.

Know More

women icon@teamvasundhara
jharkhands-budding-archer-soni-khatoon-forced-to-sell-vegetables

విల్లు పట్టిన చేతులతో కూరగాయలమ్ముతోంది!

చిన్నతనం నుంచి ఆటలంటే ఆమెకు పంచప్రాణాలు. అందులోనూ విలువిద్యలో ఏకలవ్య శిష్యురాలిగా ఆరితేరాలనుకుందామె. అయితే ఆమె ఆర్థిక స్థితిగతులు అందుకు సహకరించలేదు. అయినా పాఠశాలలో చదువుకునే రోజుల నుంచే ఆర్చరీలో పట్టు సాధించింది. ఫలితంగా పలు జాతీయ స్థాయి పోటీల్లో పతకాలందుకుంది. ఇదే కృషి, పట్టుదలతో అంతర్జాతీయ స్థాయిలో రాణించాలనుకుంది. కానీ ఈసారి తన ఆర్థిక పరిస్థితులకు తోడు లాక్‌డౌన్‌ కష్టాలు కూడా తోడయ్యాయి. కూటి కోసం కూరగాయలమ్మడానికీ సిద్ధపడిందామె. అలా విల్లు పట్టి పతకాల వేట కొనసాగించిన చేతులే ఇప్పుడు కూరగాయలమ్ముతుంటే చూడలేకపోయిన అక్కడి ప్రభుత్వం తనకు సహకరించడానికి, క్రీడలో తనను ప్రోత్సహించడానికి ముందుకొచ్చి తనను ఆదుకుంది. అలా తాజాగా సోషల్‌ మీడియాలో వైరల్‌గా మారిందీ యువకెరటం. ఇంతకీ ఎవరామె? ఏంటా కథ? తెలుసుకోవాలంటే ఇది చదవాల్సిందే!

Know More

women icon@teamvasundhara
slum-chandni-special-interview-on-vasundhara-in-telugu
women icon@teamvasundhara
world-environment-day-2020-these-activists-are-making-the-world-a-better-place

రండి... వీళ్లను చూసైనా నేర్చుకుందాం !

మనం పర్యావరణాన్ని కాపాడితే.. అది మనల్ని కాపాడుతుంది.. అప్పుడు ఎలాంటి అనారోగ్యాలు లేకుండా హాయిగా జీవించచ్చు.. అలాకాకుండా మన చెడు అలవాట్లతో, పొరపాట్లతో పర్యావరణాన్ని నాశనం చేయాలని చూస్తే అదీ మన అంతు చూస్తుంది. ప్రస్తుతం కరోనాతో మనం ఎదుర్కొంటున్న గడ్డు పరిస్థితులు అలాంటివే! ఏదైనా మన దాకా వస్తే గానీ తెలియదన్నట్లు.. కరోనా వచ్చాకే అందరిలో వ్యక్తిగత శుభ్రత పెరిగింది.. లాక్‌డౌన్‌ పేరుతో ఇంటికే పరిమితమవడం వల్ల పర్యావరణానికీ తనను తాను రిపేర్‌ చేసుకోవడానికి సమయం దొరికింది. ఫలితంగా ఏళ్ల తరబడి కాలుష్య కాసారంలో మునిగిపోయిన యమునానది సైతం శుభ్రపడింది. అలాగే అనేక నగరాల్లో కాలుష్యం తగ్గింది.. అందుకే కరోనా అంతమైపోయినా మన ఆరోగ్యకరమైన అలవాట్లను, జీవనశైలిని ఇలాగే కొనసాగించాలి.. ఈ క్రమంలో చిన్న వయసులోనే ప్రపంచవ్యాప్తంగా కొందరు బాలికలు పర్యావరణ పరిరక్షణ కోసం నడుం బిగించారు. ప్రతి ఒక్కరూ మంచి అలవాట్లను అలవర్చుకొని ఈ పుడమి తల్లిని కాపాడుకోవాలంటూ ఉద్యమ స్ఫూర్తిని అందరిలో రగిలిస్తున్నారు. అలాంటి బాలికల గురించి, వారు చేస్తోన్న పోరాటం గురించి ‘ప్రపంచ పర్యావరణ దినోత్సవం’ సందర్భంగా తెలుసుకుందాం రండి..

Know More

women icon@teamvasundhara
story-of-a-first-asian-woman-who-got-a-driving-license-without-hands

మారియట్‌... నిన్ను చూశాకే ధైర్యం అంటే ఏంటో తెలిసింది !

పుట్టుకతోనే అమ్మాయికి రెండు చేతులు లేవు.. అది ఆమె తప్పు కాకపోయినా లోకం ఆమెను చిన్న చూపు చూసింది. ‘నీ శారీరక లోపంతో నువ్వేమీ సాధించలేవు..’ అంటూ వేలెత్తి చూపించింది. అది ఆమెకు నచ్చలేదు. ఏ లోపాన్ని చూపించి తనను అందరూ నిరుత్సాహ పరిచేవారో ఆ లోపాన్నే అధిగమించింది. తనలోని ప్రత్యేకతను ప్రపంచానికి పరిచయం చేసింది. చేతులు లేకపోయినా గ్రాఫిక్‌ డిజైనర్‌గా ఉద్యోగం సంపాదించింది.. చేతులు లేకపోయినా కాళ్లతోనే కారు నడపడం నేర్చుకొని డ్రైవింగ్‌ లైసెన్స్‌ పొందింది. ఈ ఘనత సాధించిన తొలి ఆసియా మహిళగా కీర్తి గడించింది. ఆమే కేరళకు చెందిన జిలుమోల్‌ మారియట్‌ థామస్‌. 28 ఏళ్ల జిలుమోల్‌ కాళ్లతోనే స్టీరింగ్‌ తిప్పుతూ అలవోకగా కారు నడిపే వీడియో తాజాగా ప్రముఖ వ్యాపారవేత్త ఆనంద్‌ మహీంద్రా కంట పడింది. తన జీవితంలో ఎదురైన చీకట్లను చీల్చుకుంటూ వెలుతురు వైపు పయనించిన ఆమెను మనమంతా ఈ కొవిడ్‌ సమయంలో ఆదర్శంగా తీసుకొని ధైర్యంగా ముందుకు సాగాలంటూ ఆమెపై ప్రశంసలు కురిపించారీ టెక్‌ దిగ్గజం.

Know More

women icon@teamvasundhara
corona-virus-12-year-old-noida-girl-books-flight-for-3-migrant-workers-with-her-savings

దాచుకున్న డబ్బుతో వాళ్లకు ఫ్లైట్‌ టిక్కెట్లు కొంది !

కరోనా సంక్షోభంతో వలస కార్మికుల బతుకులు చిన్నాభిన్నమయ్యాయి. లాక్‌డౌన్‌ కారణంగా వారి ఉపాధి అవకాశాలు అడుగంటిపోవడంతో సొంతగూటికి చేరుకునేందుకు శతవిధాలా ప్రయత్నిస్తున్నారు. కొందరు వేలాది కిలోమీటర్ల మేర కాలినడకన ప్రయాణం సాగిస్తుంటే మరికొందరు ట్రక్కు, లారీ, ఆటోలను ఆశ్రయిస్తున్నారు. ప్రభుత్వం దశల వారీగా లాక్‌డౌన్‌ సడలింపులిచ్చినప్పటికీ వీరి ప్రయాణం మాత్రం ఆగడం లేదు. అయితే దురదృష్టవశాత్తూ చాలామంది సొంతూరుకు చేరుకునేలోపే మృత్యువు బారిన పడుతున్నారు. ఈ నేపథ్యంలో రోజూ దినపత్రికలు, టీవీల్లో చూపిస్తోన్న వలస కార్మికుల వెతలను చూసి చలించిపోయింది ఓ ఎనిమిదో తరగతి విద్యార్థిని. వారి కోసం తన వంతు ఏదైనా సహాయం తలంచింది. అందుకోసం తన పిగ్గీ బ్యాంకులో పోగు చేసుకున్న సొమ్ముతో ఓ ముగ్గురు బడుగు జీవులను వారి స్వస్థలాలకు పంపించింది.

Know More

women icon@teamvasundhara
paralympian-swimmer-and-nurse-winning-the-internet-with-her-violin-skills

ఆమె సంకల్ప స్ఫూర్తికి ‘హ్యాట్సాఫ్‌’!

జీవితమంటేనే సుఖ దుఃఖాల సమ్మేళనం. అన్ని వేళలా మనం ఆశించినట్లు జరగదు. అందుకు తగ్గట్లే అప్పుడప్పుడు కొన్ని ఆటుపోట్లు మన ఓర్పుకు, సహనానికి పరీక్ష పెడుతుంటాయి. అయితే ఎలాంటి అడ్డంకులు వచ్చినా ధైర్యంగా ఎదురొడ్డి పోరాడడమే జీవితం. అదేవిధంగా సంకల్పబలంతో ప్రయత్నిస్తే ఏదైనా సాధించవచ్చని ఇప్పటికే చాలామంది చాలా సందర్భాల్లో నిరూపించారు. ఈ కోవకే చెందుతుంది జపాన్‌కు చెందిన మనామీ ఇటో. ఓ యాక్సిడెంట్‌లో కుడిచేతిని కోల్పోయిన ఆ అమ్మాయి తన వయొలిన్‌ స్కిల్స్‌తో అందరినీ అబ్బురపరుస్తోంది. సింగిల్‌ హ్యాండ్‌తో సంగీతాభిమానులను అలరిస్తున్న ఆ యువతి పారాలింపియన్‌ స్విమ్మర్‌గానూ సత్తా చాటింది. అంతేకాదు ఓ నర్సుగా రోగులకు సేవ కూడా చేస్తోంది. ఈక్రమంలో అంగవైకల్యం అనేది శరీరానికేనని, మనసుకు కాదని నిరూపిస్తున్న ఆ జపనీస్‌ యువతికి సంబంధించిన ఓ వీడియోను ఐఏఎస్‌ ఆఫీసర్‌ సుప్రియా సాహు తన ట్విట్టర్‌లో షేర్ చేసింది.

Know More

women icon@teamvasundhara
india-womens-football-team-midfielder-indumathi-katiresan-busy-enforcing-lockdown-in-police-uniform

ఇందుమతీ... హ్యాట్సాఫ్‌ !

వృత్తి రీత్యా ఎప్పుడూ బిజీగా ఉండే మనకు కాస్త సమయం దొరికితే చాలు.. కుటుంబ సభ్యులతో, స్నేహితులతో గడపాలనుకుంటాం.. లేదంటే మనకు నచ్చిన పనులు చేసుకోవడంపై దృష్టి పెడతాం. అలా కరోనా పుణ్యమాని దాదాపు రెండు నెలల పాటు మనకు సుదీర్ఘ సమయం దొరికింది. అయితే తాను మాత్రం ఈ సమయాన్ని తన వ్యక్తిగత పనుల కోసం కాకుండా దేశ సేవ కోసం కేటాయిస్తున్నానని అంటోంది భారత మహిళల ఫుట్‌బాల్‌ జట్టు మిడ్‌ ఫీల్డర్‌ ఇందుమతీ ఖతిరేసన్‌. క్రీడాకారిణిగానే కాకుండా.. తమిళనాడు పోలీస్‌ శాఖలో సబ్‌ ఇన్‌స్పెక్టర్‌గా విధులు నిర్వర్తిస్తోన్న ఆమె ఈ లాక్‌డౌన్‌ సమయంలో ఖాకీ ధరించి కరోనాకు వ్యతిరేకంగా తనవంతు పోరాటం చేస్తోంది. ఇలా ఇందుమతి సేవల్ని కొనియాడుతూ భారత ఫుట్‌బాల్‌ జట్టు తన అధికారిక ట్విట్టర్‌ పేజీలో ఓ పోస్ట్‌ పెట్టింది.

Know More

women icon@teamvasundhara
ivanka-praised-jyothi-who-cycled-with-injured-father-for-1200-kms

తన సాహసంతో ఇవాంక మనసు గెలుచుకుంది !

నడక నేర్పించిన నాన్నను సొంతూరికి చేర్చేందుకు ఎవరూ చేయని సాహసం చేసింది బిహార్‌కు చెందిన జ్యోతి కుమారి. లాక్‌డౌన్‌ కాలంలో ఒకటి కాదు...రెండు కాదు ఏకంగా 1,200 కిలోమీటర్ల పాటు తండ్రిని వెంటపెట్టుకుని సైకిల్‌ తొక్కిన ఆ బాలిక అసామాన్య ధైర్యంపై దేశ ప్రజలంతా ప్రశంసల వర్షం కురిపిస్తున్నారు. ప్రొఫెషనల్‌ అథ్లెట్లకు కూడా సాధ్యం కాని విధంగా ఏడు రోజుల సుదీర్ఘ ప్రయాణం చేసిన జ్యోతిపై భారత సైక్లింగ్‌ ఫెడరేషన్‌ కూడా ప్రశంసలు కురిపించింది. అంతేకాదు తనకు సైక్లింగ్‌లో ఉచితంగా శిక్షణ కూడా అందించేందుకు ముందుకొచ్చింది. గాయపడిన తండ్రిని కాపాడుకోవాలనే తాపత్రయంలో జ్యోతి చేసిన సాహసానికి అమెరికా అధ్యక్షుడు డొనాల్డ్‌ ట్రంప్‌ కూతురు ఇవాంకా ట్రంప్‌ కూడా ముగ్ధురాలయింది. ఈ మేరకు ట్విటర్‌ వేదికగా ఆ బాలికపై ప్రశంసల వర్షం కురిపించింది.

Know More

women icon@teamvasundhara
15-years-girl-brings-injured-father-on-bicycle-from-delhi-to-bihar

సొంతగూటికి చేరుకునేందుకు ఎంత సాహసం చేసిందో!

కరోనా ప్రభావంతో బడుగు జీవుల బతుకు ప్రశ్నార్థకమైంది. పొట్ట నింపుకోవడానికి వివిధ పట్టణాలకు వలస వెళ్లిన కార్మికులు పనులు దొరక్క పస్తులుంటున్నారు. దాతలు అందించే అన్నపానీయాలతోనే రోజూ కడుపు నింపుకొంటున్న ఆ కూలీలు గత్యంతరం లేక సొంతూళ్లకు పయనమవుతున్నారు. చేతిలో చిల్లిగవ్వ లేకపోవడంతో వేలాది కిలోమీటర్ల దూరంలో నున్న స్వస్థలాలకు కాలినడకన వెళుతున్నారు. ప్రభుత్వం శ్రామిక్‌ రైళ్లను నడుపుతున్నా కాలినడకన వెళ్లే వారి సంఖ్య ఏ మాత్రం తగ్గడం లేదు. అలా ఓ 15 ఏళ్ల ఆడకూతురు గాయపడిన తన తండ్రిని సైకిల్‌పై కూర్చోబెట్టుకుని దిల్లీ నుంచి బిహార్‌ వరకు ప్రయాణించింది. ఒకటి కాదు...రెండు కాదు ఏకంగా 1200కిలోమీటర్లు సైకిల్ తొక్కుకుంటూ ప్రయాణం సాగించిన ఆ తండ్రీకూతుళ్లు ఎట్టకేలకు సొంతగూటికి చేరుకున్నారు.

Know More

women icon@teamvasundhara
corona-virus-3-year-old-boy-bakes-cupcakes-to-raise-rs-50000-for-charity

పోలీస్‌ అంకుల్‌! కరోనా కనిపిస్తే మీ గన్‌తో కాల్చేయండి!

సాధారణంగా మూడేళ్ల వయసున్న పిల్లలు ఎలా ఉంటారు? ఇంట్లో అమ్మ చేసి పెట్టినవి తింటూ అల్లరికి కేరాఫ్ అడ్రస్‌గా ఉంటారు. లేకపోతే స్మార్ట్‌ ఫోన్‌, ట్యాబ్‌, టీవీనో పట్టుకుని వేలాడుతుంటారు. అయితే ముంబైకి చెందిన మూడేళ్ల కబీర్‌ మాత్రం అలా చేయలేదు. ఇంట్లో అమ్మ సహాయంతో స్వయంగా రుచికరమైన కప్‌ కేక్‌లు తయారుచేసి విక్రయించాడు. వాటి ద్వారా సంపాదించిన రూ.50వేల ఆదాయాన్ని ముంబై పోలీసులకు విరాళమిచ్చాడు. మరి కరోనాపై పోరులో భాగంగా చిన్న వయసులోనే పెద్ద మనసు చాటుకున్న ఈ బుడతడి గురించి కొన్ని ఆసక్తికర విషయాలు తెలుసుకుందాం రండి.

Know More

women icon@teamvasundhara
corona-virus-falguni-pathak-sings-from-her-balcony-for-neighbors

ఇప్పటికీ ఆమె పాటలో అదే మాధుర్యం!

కరోనాతో ప్రపంచ దేశాలన్నీ వణికిపోతున్నాయి. చిన్నా, పెద్దా, ధనిక, పేద అన్న తేడాల్లేకుండా అందరినీ కబళిస్తోన్న ఈ వైరస్‌తో కోట్లాదిమంది ప్రజలు ఇంటికే పరిమితమయ్యారు. లాక్‌డౌన్‌లో భాగంగా సామాజిక దూరం పాటిస్తూ కనీసం ఒకరినొకరు కూడా పలకరించుకోలేని పరిస్థితి. ఇప్పటికే లక్షలాదిమందిని బలి తీసుకున్న కరోనా గురించి ఆలోచిస్తూ చాలామంది ఆందోళనకు గురవుతున్నారు. ఇంట్లో ఉన్నప్పటికీ నిరాశా నిస్పృహలతో మానసిక అనారోగ్య సమస్యల బారిన పడుతున్నారు. ఇలా లాక్‌డౌన్‌లో ఆందోళన చెందుతున్న వారందరిలో తన పాటలతో జోష్‌ తీసుకొచ్చింది ఫాల్గుణి పాథక్‌. రెండు దశాబ్దాలుగా తన హుషారైన పాటలతో ఉర్రూతలూగిస్తున్న ఈ స్టార్‌ సింగర్‌ మరోసారి తన గొంతు సవరించుకుంది. సామాజిక దూరం పాటిస్తూ తన ఇంటి బాల్కనీలోనే పాటలు పాడుతూ చుట్టుపక్కలున్న వారందరిలో కరోనా భయాన్ని పోగొట్టేందుకు ప్రయత్నించింది.

Know More

women icon@teamvasundhara
corona-virus-on-rabindra-jayanti-two-sisters-pay-a-balcony-concert-tribute-to-tagore

శ్రావ్యమైన సంగీతంతో సానుకూల దృక్పథం నింపారు!

రవీంద్రనాథ్‌ ఠాగూర్‌... ‘విశ్వకవి’గా ప్రపంచవ్యాప్తంగా గుర్తింపు పొందిన ఈ బహుముఖ ప్రజ్ఞాశాలి గురించి ఎంత చెప్పుకున్నా తక్కువే. కోల్‌కతాలో జన్మించిన ఆయన పదునైన కలంతో ప్రతిష్ఠాత్మక నోబెల్‌ అవార్డు కూడా అందుకున్నారు. మనదేశంతో పాటు బంగ్లాదేశ్‌కు సైతం జాతీయ గీతాన్ని అందించిన రవీంద్రుడిని బెంగాల్‌ ప్రజలు అమితంగా ఆరాధిస్తారు. మామూలుగా అయితే ఏటా ఆయన జయంతి రోజు రాష్ర్టమంతటా అట్టహాసంగా సాంస్కృతిక కార్యక్రమాలు నిర్వహిస్తారు. కానీ లాక్‌డౌన్‌ కారణంగా ప్రస్తుతం ఎలాంటి బహిరంగ కార్యక్రమాలకు అనుమతి లేదు. ఈ క్రమంలో పుణేకు చెందిన సోదరీమణులు తమ అద్భుతమైన సంగీత కచేరీతో ఆ కొరతను తీర్చారు. తమ అపార్ట్‌మెంట్‌ బాల్కనీలోనే శ్రావ్యమైన గొంతుతో రవీంద్రుడి పాటలను పాడి విశ్వకవికి ఘనంగా నివాళులు అర్పించారు.

Know More

women icon@teamvasundhara
corona-virus-woman-techie-in-kerala-creates-news-paper-saree

పేపర్లతో శారీ.. ఈ అమ్మాయి క్రియేటివిటీ చూశారా?

ప్రతి మనిషిలోనూ ప్రపంచానికి తెలియని ఓ కళ దాగుంటుంది. సందర్భం, సమయాన్ని బట్టి అది బయటపడుతుంది. ఈ నేపథ్యంలో లాక్‌డౌన్‌ పుణ్యమా అని ప్రస్తుతం చాలామంది తమలో దాగున్న ట్యాలెంట్‌కు ‘లాక్‌’ తీస్తున్నారు. ఇందులో భాగంగా కొంతమంది కిచెన్‌లో గరిటె తిప్పుతూ సరికొత్త రుచులను పరిచయం చేస్తే.. మరికొందరు తమ క్రియేటివిటీని బయటపెడుతున్నారు. ఈక్రమంలోనే కేరళకు చెందిన ఓ ఐటీ ఉద్యోగిని న్యూస్‌ పేపర్‌తో చీరను తయారుచేసింది. మోడలింగ్‌, ఫ్యాషన్‌ డిజైనింగ్‌ రంగాల్లోనూ ప్రావీణ్యమున్న ఆమె.. తాను డిజైన్‌ చేసిన ‘పేపర్‌ శారీ’ని తానే ధరించి కెమెరాలో బంధించుకుంది. సంబంధించిన వివరాలను తన ఫేస్ బుక్ అకౌంట్లో పోస్ట్ చేసింది. ప్రస్తుతం ఈ ఫొటోలు సోషల్‌మీడియాలో వైరల్‌ గా మారాయి.

Know More

women icon@teamvasundhara
corona-virus-manipal-university-student-makes-donates-hand-sanitisers

వాళ్ళ కోసమే ఈ శానిటైజర్‌ బాటిల్స్‌ తయారుచేస్తున్నా!

కరోనా ధాటికి ప్రపంచమంతా వణికిపోతోంది. ఈ పరిస్థితుల్లో వైరస్‌ నుంచి మనల్ని మనం కాపాడుకోవాలంటే వ్యక్తిగత పరిశుభ్రత పాటించడం, మాస్కులు ధరించడం ఎంత ముఖ్యమో ప్రత్యేకించి చెప్పాల్సిన అవసరం లేదు. ముఖ్యంగా చేతుల్ని తరచూ శుభ్రం చేసుకోవాలని ప్రపంచ ఆరోగ్య సంస్థతో పాటు పలువురు వైద్య నిపుణులు కూడా సూచిస్తున్నారు. ఇండియాలో కూడా వైరస్‌ వేగంగా వ్యాప్తి చెందుతోన్న నేపథ్యంలో హ్యాండ్‌ శానిటైజర్లకు బాగా డిమాండ్‌ ఏర్పడింది. ఈ క్రమంలోనే వీటి అమ్మకం చాలామందికి వ్యాపార సూత్రంగా మారిపోయింది. దీంతో మార్కెట్లలో వీటి ధరలు ఆకాశాన్నంటుతున్నాయి. ఈ క్రమంలో కోల్‌కతాకు చెందిన బయోటెక్నాలజీ ఇంజినీరింగ్‌ విద్యార్థిని సిమర్‌ శర్మ సొంతంగా హ్యాండ్‌ శానిటైజర్లను తయారుచేస్తోంది. అనంతరం స్థానిక పోలీసుల సహాయంతో వాటిని అవసరమైన వారందరికీ ఉచితంగా సరఫరా చేస్తూ అందరి మన్ననలు అందుకుంటోంది.

Know More

women icon@teamvasundhara
corona-virus-priyanka-chopra-joins-greta-to-save-vulnerable-children-from-covid-19

ఆ మంచి పని కోసం వీరిద్దరూ చేతులు కలిపారు!

కరోనా ఉత్పాతంతో ప్రపంచమంతా విలవిల్లాడుతోంది. చిన్న పిల్లల నుంచి వయో వృద్ధుల వరకు అందరూ ఈ మహమ్మారికి బలవుతున్నారు. దీంతో ఈ వైరస్‌ను నిలువరించేందుకు ఆయా దేశాలన్నీ శాయశక్తులా ప్రయత్నిస్తున్నాయి. ఇదే సమయంలో వివిధ రంగాలకు చెందిన సెలబ్రిటీలు కూడా కరోనాపై పోరులో భాగస్వాములవుతున్నారు. కొందరు విరాళాలు అందజేస్తుండగా, మరికొందరు లాక్‌డౌన్‌ కారణంగా నష్టపోతున్న వలస కార్మికుల కోసం తమ వంతు సహాయ కార్యక్రమాలు చేపడుతున్నారు. ఈక్రమంలో సామాజిక సేవా కార్యక్రమాల్లో ఎప్పుడూ ముందుండే ప్రియాంక చోప్రా.. కరోనా బారిన పడుతున్న చిన్నారులను ఆదుకోవడానికి ముందుకొచ్చింది. స్వీడిష్‌ సోషల్‌ యాక్టివిస్ట్‌ గ్రెటా థున్‌బర్గ్‌తో కలిసి చిన్నారుల సంక్షేమం కోసం ఓ క్యాంపెయిన్‌ను ప్రారంభించిందీ గ్లోబల్‌ బ్యూటీ.

Know More

women icon@teamvasundhara
here-are-the-tiktok-videos-of-telugu-serial-actresses

టీవీలోనే కాదు.. టిక్‌టాక్‌లోనూ అలరిస్తాం..!

కేంద్రం లాక్‌డౌన్‌ ప్రకటించడంతో విద్యాసంస్థలు, వ్యాపార పరిశ్రమలతో పాటు వినోద రంగం కూడా తాత్కాలికంగా తమ కార్యకలాపాలను నిలిపివేసిన సంగతి విదితమే. దీంతో సినిమాలు, సీరియళ్లు, రియాల్టీ షోలు.. తదితర కార్యక్రమాలకు సంబంధించిన చిత్రీకరణ పనులు కూడా ఆగిపోయాయి. ఈ క్రమంలో నిత్యం షూటింగ్స్‌తో బిజీగా ఉండే మన బుల్లితెర తారలకు కాస్త విరామం దొరికినట్లయ్యింది. దీంతో వీళ్లు ఇంటి పట్టునే ఉంటూ ఈ క్వారంటైన్‌ సమయాన్ని కుటుంబ సభ్యులతో ఎంజాయ్‌ చేస్తున్నారు. ఇందులో భాగంగా కొంతమంది బుల్లితెర నటీమణులు టిక్‌టాక్‌ వేదిక ద్వారా ప్రేక్షకులను అలరిస్తుండడం విశేషం. ఈ క్రమంలో డ్యాన్స్‌, కామెడీ, సినిమా డైలాగుల అనుకరణతో పాటు.. సోషల్‌ మీడియా ఛాలెంజ్‌లలో పాల్గొనడం, తాము రూపొందించిన వంటలను పరిచయం చేయడం.. తదితర వీడియోలను కూడా టిక్‌టాక్‌లో పోస్ట్‌ చేస్తు్న్నారు. అలాంటి కొన్ని వీడియోలపై ఓ లుక్కేద్దాం రండి..

Know More

women icon@teamvasundhara
corona-virus-former-miss-world-manushi-chillar-starts-feminine-hygiene-program

నిత్యావసరాలు సరే... శానిటరీ న్యాప్‌కిన్ల సంగతేంటి?

కరోనా ఉపద్రవాన్ని అధిగమించేందుకు ప్రపంచ దేశాలు శాయశక్తులా ప్రయత్నిస్తున్నాయి. రోజురోజుకీ పెరిగిపోతున్న ఈ వైరస్‌ వ్యాప్తిని అదుపు చేసేందుకు ఆయా ప్రభుత్వాలు తగు ముందు జాగ్రత్త చర్యలు తీసుకుంటున్నాయి. ఈక్రమంలో మన దేశంలో కూడా కట్టుదిట్టంగా లాక్‌డౌన్ అమలవుతోంది. దురదృష్టవశాత్తూ లాక్‌డౌన్‌ కారణంగా చాలామంది పేదలు, వలస కార్మికులకు సరిగా తిండి కూడా దొరకడం లేదు. కానీ ఆయా రాష్ట్ర ప్రభుత్వాలు, స్వచ్ఛంద సంస్థలు, దాతలు వీరికి కావలసిన నిత్యావసర సరుకులను అందిస్తూ సాధ్యమైనంతవరకు వారిని ఆదుకుంటున్నాయి. అయితే ఇదే సమయంలో మహిళల గురించి కూడా ప్రభుత్వాలు ఆలోచించాలని సూచిస్తోంది మాజీ మిస్‌ వరల్డ్‌ మానుషీ చిల్లర్‌. ఇందులో భాగంగా ఆడవారి నెలసరి పరిశుభ్రతకు సంబంధించి ఓ అవగాహన కార్యక్రమాన్ని ప్రారంభించింది.

Know More

women icon@teamvasundhara
corona-virus-sircilla-girls-invented-gadgets-to-avoid-corona-virus

కరోనా అలర్ట్‌: అబ్బురపరుస్తున్న అక్కాచెల్లెళ్ల ఆవిష్కరణలు..!

‘నమస్తే.. శానిటైజర్‌తో చేతులు కడుక్కుని లోపలికి రండి’ అంటూ గేటు బయటే హెచ్చరిక! డబ్బా వద్ద చేతులు పెట్టగానే దానంతటదే శానిటైజర్‌ చేతుల్లో పడుతుంది.. ఆ ఆశ్చర్యం నుంచి తేరుకొని.. ఇంట్లో వాళ్లతో కరచాలనం చేద్దామనుకుంటే చేతికున్న వాచీ తాకొద్దని హెచ్చరిస్తుంది... పలకరిద్దామని కాస్త దగ్గరికెళ్తే చాలు వారి మెడలో ఉన్న ఐడెంటిటీ కార్డు దూరంగా జరగమంటూ చప్పుడు చేస్తుంది.. మీకు ఈపాటికే అర్థమై ఉంటుంది కదా! ఈ పరికరాలన్నీ కరోనాని తరమడానికే ప్రత్యేకంగా తయారైనవనీ. వీటి ఆవిష్కర్తలు సిరిసిల్ల పట్టణానికి చెందిన అక్కాచెల్లెళ్లు బుధవారపు శ్వేత, స్నేహలు...

Know More

women icon@teamvasundhara
pv-sindhu-shares-her-thoughts-and-experiences-in-drouble-trouble-web-show

women icon@teamvasundhara
corona-virus-doctor-collects-650-tables-for-corona-patients

ఫోన్‌ ఇవ్వండి... కరోనా రోగుల బాధను పంచుకోండి!

ప్రపంచానికి పెద్దన్న అని చెప్పుకునే అమెరికాపై కరోనా పగబట్టినట్టుంది. ఏ మాత్రం కనికరం లేకుండా రోజుకు వేలాది మంది అమెరికన్లను పొట్టన పెట్టుకుంటోందీ మహమ్మారి. ఇప్పటివరకు సుమారు 50వేలమంది ఈ వైరస్‌ బారిన పడి ప్రాణాలు కోల్పోగా.. లక్షలాది మంది అమెరికన్‌ ప్రజలు ఆస్పత్రుల్లో చికిత్స పొందుతున్నారు. ఈ నేపథ్యంలో కొన వూపిరితో కొట్టుమిట్టాడుతోన్న కొంతమంది కరోనా రోగులు తమ కుటుంబ సభ్యుల కడసారి చూపుకి కూడా నోచుకోవడం లేదు. అనాథల్లా మరణిస్తూ కాటికి చేరుకుంటున్నారు. వారి అధ్వాన్న పరిస్థితులను దగ్గరుండి గమనించిన ఈ టే అనే ఓ వైద్యురాలు వారి కోసం ఓ వినూత్న ఆలోచన చేసింది.

Know More

women icon@teamvasundhara
girls-showing-their-ultimate-talent-videos-goes-viral
women icon@teamvasundhara
bwf-names-pv-sindhu-as-an-ambassador-for-i-am-badminton-awareness-campaign

ఆటలో నిజాయతీనే అసలైన ఆనందం!

‘ఏ ఆటలోనైనా గెలుపోటములు సహజం. అందరిలాగే గెలుపనేది నాకు కూడా ఎంతో సంతోషాన్నిస్తుంది . కానీ ఆటలో నిజాయతీ అనేది నాకు ఇంకా ఆనందాన్నిస్తుంది. అదే నాకు ముఖ్యం’ అని చెబుతోంది బ్యా్డ్మింటన్‌ స్టార్‌ పీవీ సింధు. వరల్డ్‌ ఛాంపియన్‌షిప్‌ టైటిల్‌, ఒలింపిక్‌ మెడల్‌ లాంటి ఎన్నో ప్రతిష్ఠాత్మక టైటిల్స్‌, పతకాలు సాధించిన ఈ హైదరాబాదీ ప్లేయర్‌ తాజాగా మరో అరుదైన ఘనతను సొంతం చేసుకుంది. ప్రపంచ బ్యాడ్మింటన్ సమాఖ్య (బీడబ్ల్యూఎఫ్‌) నిర్వహిస్తోన్న ‘ఐయాయ్‌ బ్యాడ్మింటన్‌’ అనే ప్రచార కార్యక్రమానికి బ్రాండ్‌ అంబాసిడర్‌గా ఎంపికైందీ యంగ్‌ సెన్సేషన్‌. ఆమెతో పాటు మరో ఏడుగురు అంతర్జాతీయ బ్యాడ్మింటన్‌ క్రీడాకారులు ఈ క్యాంపెయిన్‌లో పాల్గొననున్నారు.

Know More

women icon@teamvasundhara
here-are-few-video-calling-apps-you-can-use
women icon@teamvasundhara
corona-virus-indian-women-hockey-team-launch-fun-fitness-challenge-to-raise-funds-

మా ఛాలెంజ్ కి మీరు సిద్ధమేనా?

లాక్‌డౌన్‌ కారణంగా నిరుపేదలు, రోజువారీ కూలీలు, వలస కార్మికులు ఎన్నో ఇబ్బందులు పడుతున్నారు. పనుల్లేక రోడ్లపైనే పస్తులుంటూ కడుపు మాడ్చుకుంటున్నారు. ఎవరైనా దాతలు వచ్చి అన్న పానీయాలు అందిస్తే తప్ప వారి ఆకలి తీరడం లేదు. ఇలా ఆపత్కాలంలో అవస్థలు పడుతోన్న పేద కార్మికులు, వలస కార్మికులకు ఆపన్న హస్తం అందించేందుకు భారత మహిళల హాకీ జట్టు వినూత్న ఆలోచనతో ముందుకొచ్చింది. ఇందులో భాగంగా ‘ఫన్‌ ఫిట్‌నెస్‌ ఛాలెంజ్‌’ పేరుతో విరివిగా విరాళాలు సేకరించి వలస కార్మికుల కడుపు నింపాలని నిర్ణయించుకుంది. ఓవైపు తమ ఫిట్‌నెస్‌ను మెరుగుపరుచుకుంటూనే.. మరోవైపు పేద కార్మికుల కళ్లల్లో సంతోషం నింపే ఈ సరికొత్త ఛాలెంజ్‌ గురించి మనమూ తెలుసుకుందాం రండి.

Know More

women icon@teamvasundhara
corona-virus-meet-these-kerala-women-cops-performing-lock-down-duties-on-royal-enfields

సాయమందించేందుకు ‘రయ్‌...రయ్‌’మంటూ వచ్చేస్తున్నారు!

కేరళ... భూతల స్వర్గంగా పేరు పొందిన ఈ రాష్ర్టంలోనే మొదటి కరోనా కేసు నమోదైంది. కానీ గతంలో సార్స్‌, నిఫా లాంటి ఎన్నో మహమ్మారులను సైతం ఎదుర్కొన్న అనుభవమున్న ఆ రాష్ట్రం.. నేడు కరోనాను కూడా సమర్థంగా తిప్పికొడుతోంది. కరోనా కట్టడిలో ప్రస్తుతం కేరళ మిగతా రాష్ట్రాలకు ఆదర్శంగా నిలుస్తోంది. ఓవైపు లాక్‌డౌన్‌ను పటిష్ఠంగా అమలుచేస్తూనే మరోవైపు ఈ ఆపత్కాలంలో సామాన్య ప్రజలెవరూ అవస్థలు పడకుండా తగు చర్యలు తీసుకుంటోంది. ఇందులో భాగంగా ఆ రాష్ట్రంలోని త్రిస్సూర్‌ పట్టణ పోలీసులు ఏర్పాటుచేసిన ప్రత్యేక మహిళా పెట్రోలింగ్‌ బృందాలు తమ సేవలతో పలువురి ప్రశంసలు అందుకుంటున్నాయి. రాయల్‌ ఎన్‌ఫీల్డ్‌ బైక్‌లపై పట్టణమంతా తిరుగుతూ ఆపత్కాలంలో అవస్థలు పడుతున్న వృద్ధులు, పిల్లలు, మహిళలకు అండగా నిలుస్తున్నాయి. వారికి కావలసిన సహాయ సహకారాలు అందజేస్తున్నాయి. ఇదిలా ఉంటే బెంగళూరుకు చెందిన దశమీ మోహన్‌ అనే మహిళ ఎంత దూరమైనా సోలోగా బైక్‌ డ్రైవ్‌ చేస్తూ అవసరార్థులకు కావలసిన మందులు అందజేస్తూ అందరి మన్ననలు అందుకుంటోంది.

Know More

women icon@teamvasundhara
meet-the-youtuber-twins-who-are-helping-people-stay-engaged-during-lock-down

యూట్యూబ్‌ ఛానల్‌ తో స్ఫూర్తి కలిగిస్తున్న కవలలు!

కరోనాను కట్టడి చేసేందుకు కేంద్రం విధించిన లాక్‌డౌన్‌తో దాదాపు అందరూ ఇంటికే పరిమితమయ్యారు. పాఠశాలలు, కళాశాలలు కూడా మూతపడ్డాయి. వార్షిక పరీక్షలు కూడా వాయిదా పడ్డాయి. దీంతో విద్యార్థులు కూడా ఇంటి దగ్గరే కాలక్షేపం చేస్తున్నారు. ఈ నేపథ్యంలో చాలామందికి లాక్‌డౌన్‌ బోరింగ్‌గా అనిపించడం సహజం. ఇక స్కూళ్లు మూతపడడం, పరీక్షలు వాయిదా పడడంతో విద్యార్థులు, వారి తల్లిదండ్రులు మానసిక ఒత్తిడికి గురవుతున్నారు. ముఖ్యంగా విద్యార్థుల పరీక్షలు, పిల్లల కెరీర్‌ గురించి ఆలోచిస్తూ ఆందోళన చెందుతున్నారు. అయితే ఈ లాక్‌డౌన్‌ను ఓ సమస్యగా భావించవద్దని చెబుతున్నారు భవ్యా సింగ్‌, నవ్యా సింగ్. భోపాల్‌కు చెందిన ఈ ట్విన్‌ సిస్టర్స్‌ తమ యూట్యూబ్‌ ఛానల్‌ ద్వారా లాక్‌డౌన్‌ సమయాన్ని ఎలా సద్వినియోగం చేసుకోవాలో విద్యార్థులకు, వారి తల్లిదండ్రులకు అవగాహన కల్పిస్తున్నారు. మరి ‘మనసుంటే మార్గముంటుంది, ప్రతి సమస్యకు ఓ పరిష్కారముంటుంది’ అని అంటున్న ఈ అమ్మాయిల గురించి కొన్ని ఆసక్తికర విషయాలు తెలుసుకుందాం రండి.

Know More

women icon@teamvasundhara
corona-covid-19-alert-staying-home-is-necessary-for-all-of-us-says-manushi-chillar

దూరంగా ఉంటే వారి మంచి కోరుకున్నట్లే!

కరోనా మహమ్మారిపై ప్రపంచ దేశాలు విస్తృతంగా పోరాటం చేస్తున్నాయి. రోజురోజుకూ పెరుగుతోన్న ఈ వైరస్ వ్యాప్తిని అదుపు చేసేందుకు వివిధ దేశాల ప్రభుత్వాలు తమ శక్తికి మించి కృషి చేస్తున్నాయి. ఈ క్రమంలో కరోనాపై ప్రజల్లో అవగాహన కల్పించేందుకు ప్రభుత్వాలతో పాటు పలు ఆరోగ్య సంస్థలు, స్వచ్ఛంద సంస్థలు సైతం ముందుకొస్తుండడం విశేషం. ఈ నేపథ్యంలో ప్రముఖ స్వచ్ఛంద సంస్థ యునిసెఫ్ (UNICEF) కూడా వివిధ వేదికల ద్వారా అవగాహన కార్యక్రమాలను చేపడుతోంది. అంతేకాదు, వివిధ రంగాలకు చెందిన ప్రముఖులను సైతం వీటిలో భాగం చేస్తోంది. ఈ క్రమంలో మాజీ ప్రపంచ సుందరి మానుషీ చిల్లర్‌ కూడా ఇటీవల యునిసెఫ్‌ ద్వారా ప్రజలకు తన సందేశాన్ని తెలియజేయడం విశేషం.

Know More

women icon@teamvasundhara
here-is-the-list-of-few-fake-corona-apps

ఈ ఫేక్ ‘కరోనా మొబైల్ యాప్స్’తో జాగ్రత్త..!

కరోనా ధాటికి ప్రపంచ దేశాలన్నీ వణికిపోతోన్న ఈ తరుణంలో.. ప్రజలకు తాము చేయగలిగిన సాయాన్ని చేస్తోన్న వారు కొందరైతే.. ఈ విపత్కర పరిస్థితిని అసరాగా చేసుకొని వాళ్లను మోసం చేస్తోన్న వాళ్లు మరికొందరు. ముఖ్యంగా సైబర్ నేరగాళ్లు ఆన్లైన్ వేదికల ద్వారా అమాయక ప్రజలను మోసం చేస్తున్నారు. ఇందులో భాగంగా కరోనా పేరుతో రకరకాల మొబైల్ యాప్స్ను సృష్టించి ఫోన్లలో ఉన్న బ్యాంక్ ఎకౌంట్ వివరాలు, సోషల్ మీడియా లాగిన్ ఐడీ, పాస్వర్డ్లు.. తదితర ముఖ్యమైన సమాచారాన్ని దొంగిలిస్తున్నారు. ఈ క్రమంలో ప్రస్తుతం మార్కెట్లో కరోనా పేరుతో ఉన్న కొన్ని ఫేక్ మొబైల్ యాప్స్ గురించి తెలుసుకుందాం..!

Know More

women icon@teamvasundhara
indian-origined-beauty-queen-bhasha-mukherjee-turns-doctor-to-help-people-from-corona-virus
women icon@teamvasundhara
group-calling-is-easier-in-whatsapp-with-this-latest-update

ఈ కొత్త అప్‌డేట్‌తో వాట్సాప్ గ్రూప్ కాలింగ్ మరింత ఈజీ!

కరోనా కారణంగా ప్రపంచ వ్యాప్తంగా ప్రజలు స్వీయ నిర్బంధం పాటిస్తున్నారు. దీంతో ఇంట్లో కాలక్షేపం కోసం రకరకాల మార్గాలను వెతుక్కొంటున్నారు. ఈ క్రమంలో ఎక్కువశాతం మంది ఆధారపడుతోన్న వేదిక సోషల్ మీడియా. యూట్యూబ్, ఫేస్బుక్, ఇన్స్టా, ట్విట్టర్, టిక్టాక్, వాట్సాప్.. ఇలా ఉదయం నిద్ర లేచిన దగ్గర నుంచి రాత్రి పడుకునే వరకు వీటిని చూస్తూ కాలక్షేపం చేసే వాళ్లు చాలామందే ఉన్నారు. అయితే లాక్డౌన్ ప్రారంభమైన తర్వాత ఈ వేదికలకు ఆదరణ పెరిగిందని.. జనాలు ఇదివరకు కంటే ఎక్కువ సమయాన్ని వీటి కోసం కేటాయిస్తున్నారని ఆయా వేదికల గణాంకాలు చెబుతున్నాయి. ఈ క్రమంలో తమ వినియోగదారులను ఆకట్టుకునేందుకు కొత్త కొత్త అప్డేట్లతో ఈ సంస్థలు ముందుకొస్తున్నాయి. ఈ నేపథ్యంలో వాట్సాప్ అందిస్తోన్న కొత్త అప్డేట్ గురించి తెలుసుకుందాం రండి.

Know More

women icon@teamvasundhara
shilpa-chakra-preparing-3d-face-masks-and-shields-for-doctors

ఫేస్‌మాస్క్‌లకు సాంకేతికతను జోడించి ఔరా అనిపిస్తోంది !

కరోనా రక్కసిపై త్రీడీ పోరుకు సిద్ధమమయ్యారామె. వైద్యులకు అండగా త్రీడీ మాస్కులు, ఫేస్‌షీల్డ్‌లు తయారు చేశారు. భవన నిర్మాణంతో పాటు వివిధ రంగాల్లో విస్తృతంగా అందుబాటులోకి వచ్చిన త్రీడీ ప్రింటింగ్‌ సాంకేతికతను ఉపయోగించి వీటిని ఆవిష్కరించారు జేఎన్‌టీయూ నానోసైన్స్‌ విభాగం సహాయ ఆచార్యులు సీహెచ్‌ శిల్పాచక్ర. మాస్కులకు డిమాండ్‌ పెరిగిన వేళ.. పునర్వినియోగించుకునేలా వీటిని రూపొందించారు. కరోనా బాధితులకు చికిత్స అందించే డాక్టర్లు వీటిని ధరిస్తే వైరస్‌ సోకకుండా మరింత భద్రత లభిస్తుందని చెబుతున్నారామె. ఫేస్‌షీల్డ్‌ ముఖమంతటికీ రక్షణ కల్పిస్తుంది. రోగిని పరీక్షిస్తున్న సమయంలో నోటి తుంపర్లు ముఖంపై పడకుండా అడ్డుకుంటుంది. ఇప్పటికే త్రీడీ ప్రింటర్‌ సాయంతో 30 ఫేస్‌షీల్డ్‌లు తయారు చేశారామె. వైద్యుల అభ్యర్థన మేరకు మరో 200 తయారు చేస్తున్నామన్నారు. ఒక ప్రింటర్‌ సాయంతో ఒక్కరోజులో 60 ఫేస్‌షీల్డ్‌లు తయారు చేయొచ్చని వివరిస్తున్నారామె.

Know More

women icon@teamvasundhara
doctor-sumalatha-gives-instruction-for-the-tribal-people-on-coronavirus
women icon@teamvasundhara
kids-donate-their-piggy-bank-savings-for-covid-19-relief

అంకుల్.. ఇదిగో మా కిడ్డీ బ్యాంక్‌ డబ్బులు... వాళ్ళను ఆదుకోండి!

కరోనా కారణంగా ప్రపంచమంతా చిగురుటాకులా వణికిపోతోంది. అగ్రదేశాల ఆర్థిక వ్యవస్థలు సైతం కుప్పకూలే పరిస్థితులు దాపురించాయి. ఇక ఇండియాలోనూ ఈ మహమ్మారి జూలు విదుల్చుతోంది. ఇప్పటికే సుమారు 4 వేలమందికి పైగా ఈ వైరస్‌ బారిన పడ్డారు. ఈ నేపథ్యంలో కరోనాను నియంత్రించేందుకు కేంద్ర ప్రభుత్వం లాక్‌డౌన్‌ కూడా విధించిన సంగతి తెలిసిందే. ఈ మహమ్మారిని మరింత సమర్థంగా ఎదుర్కోవడానికి ప్రధాన మంత్రి నరేంద్రమోదీ ‘పీఎం-కేర్స్‌’ పేరుతో ఓ ప్రత్యేక సహాయ నిధిని కూడా ఏర్పాటుచేశారు. ఇందుకోసం సెలబ్రిటీలు, సామాన్యులు, చిన్నా, పెద్దా అనే తేడాల్లేకుండా ప్రతి ఒక్కరూ తమ వంతు విరాళాలు అందజేస్తున్నారు. ఈ క్రమంలో యూపీకి చెందిన ఇద్దరు చిన్నారులు తమ కిడ్డీ బ్యాంకులో పొదుపు చేసుకున్న నగదును విరాళంగా అందజేసేందుకు ముందుకొచ్చారు.

Know More

women icon@teamvasundhara
easy-cake-recipe-by-prince-daughter-sitara

ఇంట్లోనే ఉండండి.. నాతో కలిసి కేక్‌ చేయండి!

మల్టీ ట్యాలెంటెడ్‌ కిడ్‌.. ఈ పదానికి ప్రిన్స్‌ మహేష్‌బాబు గారాల పట్టి సితార చక్కగా సరిపోతుంది. కరోనా లాక్‌డౌన్‌ నేపథ్యంలో ఇంట్లోనే గడుపుతోన్న ఈ చిన్నారి.. ఈ ఖాళీ సమయాన్ని చక్కగా సద్వినియోగం చేసుకుంటోంది. సితార, తన బెస్ట్‌ ఫ్రెండ్‌ ఆద్య (దర్శకుడు వంశీ పైడిపల్లి)తో కలిసి ‘A&S’ పేరుతో ఓ యూట్యూబ్‌ ఛానల్‌ను నిర్వహిస్తోన్న విషయం తెలిసిందే. పిల్లలు ఇష్టపడే విషయాలతో పాటు పండగలు, ప్రత్యేక సందర్భాలపై వీడియోలు రూపొందించి తమ యూట్యూబ్‌ ఛానల్‌లో పోస్ట్‌ చేస్తుంటారీ సెలబ్రిటీ కిడ్స్‌. అయితే ప్రస్తుతం కరోనాపై పోరులో భాగంగా అందరూ స్వీయ నిర్బంధం పాటిస్తోన్న ఈ సమయంలో ఓ రుచికరమైన, ఆరోగ్యకరమైన కేక్‌ను మనకోసం తయారుచేసి చూపించింది సీతా పాప. అంతేకాదు.. ‘ఇంట్లోనే ఉండండి.. నాతో కలిసి వంట చేయండి..’ అంటూ సితార ఎంతో ఈజీగా తయారుచేసిన ఆ కేక్‌ రెసిపీ ఏంటో మనమూ తెలుసుకుందాం రండి..

Know More

women icon@teamvasundhara
smriti-mandhana-chit-chat-with-fans-abour-her-life

లాక్‌డౌన్‌ వల్ల దాన్ని బాగా మిస్సవుతున్నా!

కరోనా నియంత్రణలో భాగంగా దేశమంతా లాక్‌డౌన్‌ అయిపోవడంతో సామాన్యులు, సెలబ్రిటీలు అన్న తేడాల్లేకుండా ప్రతి ఒక్కరూ స్వీయ నిర్బంధం పాటిస్తున్నారు. ఈ సందర్భంగా కొందరు సెలబ్రిటీలు ఇంట్లో ఉంటూనే సామాజిక మాధ్యమాల ద్వారా తమ అభిమానులకు విలువైన సందేశాలు అందిస్తూ... తమ సెల్ఫ్‌ ఐసోలేషన్‌ అనుభవాలను షేర్‌ చేసుకుంటున్నారు. మరికొందరు ప్రముఖులు తమ సమయాన్ని అభిమానులతో ముచ్చటించేందుకు కేటాయిస్తున్నారు. ఈ క్రమంలో భారత మహిళల క్రికెట్‌ జట్టు డ్యాషింగ్‌ ఓపెనర్‌ స్మృతీ మంధాన కూడా తాజాగా ట్విట్టర్‌ వేదికగా తన అభిమానులతో ముచ్చటించింది. కరోనా ఉపద్రవం కారణంగా కొద్ది రోజులుగా ఇంట్లోనే ఉండి సెల్ఫ్‌ ఐసోలేషన్‌ పాటిస్తోన్న ఆమె.. ‘#AskSmritisession’ పేరుతో ఫ్యాన్స్‌ అడిగిన పలు ప్రశ్నలకు ఎంతో సరదాగా సమాధానమిచ్చింది. మరి, ఆ విశేషాలేంటో మనం కూడా తెలుసుకుందాం రండి..!

Know More

women icon@teamvasundhara
pv-sindhu-shares-her-quarantine-lifestyle