scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

Movie Masala

 
category logo

కార్తీకం ఆచారాలు.. శాస్త్రీయ కారణాలు..

Karthika masam & its scientific reasons

కార్తీక మాసం.. శివుడికి అత్యంత ప్రీతికరమైన మాసం. ఈ మాసంలో స్త్రీలు ఎంతో భక్తి శ్రద్ధలతో పరమేశ్వరుడిని పూజిస్తారు. అనేక వ్రతాలు, నోములు ఆచరిస్తారు. సూర్యోదయానికి ముందే లేవడం, చన్నీటితో స్నానం, నదిలో దీపాలు వదలడం, గుమ్మాలకు మామిడి తోరణాలు కట్టడం, కాళ్లకు పసుపు రాసుకోవడం, ఉసిరి చెట్టు కింద కూర్చుని భోజనం చేయడం.. ఇలా చాలా రకాల పద్ధతులు పాటిస్తుంటారు. వీటివల్ల దైవానుగ్రహం పొందడంతో పాటు ఆరోగ్య పరంగా కూడా అనేక ప్రయోజనాలున్నాయి. మరి ఆ మాటకొస్తే.. హైందవ సంప్రదాయంలో పాటించే ప్రతి ఆచారం వెనుక ఒక శాస్త్రీయ కారణం ఉందన్న విషయం మనకు తెలిసిందే. ఈ క్రమంలో ప్రత్యేకించి కార్తీక మాసంలో ఆచరించే కొన్ని పద్ధతులు, వాటి వల్ల కలిగే ప్రయోజనాల గురించి తెలుసుకుందాం..
నదీస్నానం..
కార్తీక మాసంలో సూర్యోదయానికి ముందే నిద్ర లేచి నదులకు వెళ్లి స్నానం చేయడం అనేది అనాదిగా వస్తున్న ఆచారం. ఫలితంగా ఆరోగ్యం కూడా చేకూరుతుంది. అదెలాగంటే.. నది నీరు కొండలు, కోనలు, చెట్లు.. ఇలా అన్నింటినీ తాకుతూ ప్రవహిస్తుంది. దీనివల్ల వాటిపై ఉండే మూలికల రసం ఆ నీటిలో కలుస్తుంది. కాబట్టి ఈ నీటితో స్నానం చేయడం ఆరోగ్యదాయకం. అలాగే నది నీరు చల్లగా ఉంటుంది. కాబట్టి చల్లటి నీటితో స్నానం చేయడం వల్ల శరీరంలో రక్త ప్రసరణ బాగా జరిగి ఎలాంటి అనారోగ్యాలు దరిచేరకుండా ఉంటాయి. అందుకే ఈ మాసంలో చాలామంది చన్నీటి స్నానానికే ఎక్కువ ప్రాధాన్యం ఇస్తారు. అయితే కలుషితమైన నదుల్లో, చెరువుల్లో స్నానం చేసే ముందు మాత్రం ఒకటికి రెండు సార్లు ఆలోచించాల్సిందే.