scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'బావే నమ్మించి మోసం చేశాడు..!'

'మన దేశంలో మహిళల భద్రత కోసం ఎన్ని చట్టాలు రూపొందించినా లైంగిక వేధింపులు ఎదుర్కొనే అమ్మాయిల సంఖ్య అంతకంతకూ పెరుగుతూనే ఉంది. ఈ బాధితుల్లో చిన్నపిల్లలు కూడా ఉండడం చింతించాల్సిన విషయం. అంతకంటే దౌర్భాగ్యం ఏంటంటే.. అసలు తాము వేధింపులకు గురవుతున్నట్లు కూడా ఆ చిన్న వయసులో కొందరికి తెలియకపోవడం! ఫలితంగా పురుషుల్లో ఎవరిని నమ్మాలన్నా మనసులో భయం గూడుకట్టుకొని పోతోంది. సరిగ్గా ఇలాంటి పరిస్థితుల నుంచే బయటపడిన ఓ అమ్మాయి యుక్తవయసుకు వచ్చిన తర్వాత మరొక అబ్బాయిని నమ్మింది. గాఢంగా ప్రేమించింది.. కానీ అతడు కూడా ఆమెను వంచించాడు. ఇలాంటి పరిస్థితుల్లో ఆమె ఏం చేసింది? ఎలాంటి నిర్ణయం తీసుకుంది? మొదలైన ప్రశ్నలన్నింటికీ సమాధానం తెలియాలంటే ఆమె మనసు పలికే హృదయరాగం వినాల్సిందే..'

Know More

Movie Masala

 
category logo

ఈ డైట్‌తో చలికాలంలో షుగర్‌ని అదుపులో ఉంచుకోండి!

Food Items That Are Safe For Diabetic Patients During Winter

కాలాలు మారే కొద్దీ మన రోగ నిరోధక వ్యవస్థ పనితీరు కూడా మారుతుంది. ముఖ్యంగా శీతాకాలంలో వాతావరణ ప్రభావం మన ఆరోగ్యంపై తీవ్రంగానే ఉంటుంది. రకరకాల సీజనల్‌ వ్యాధులు, అనారోగ్య సమస్యలు కలిసి ముప్పేట మనపై దాడి చేస్తాయి. దీనికి ప్రధాన కారణం శీతాకాలంలో వీచే విపరీతమైన చలిగాలులే. దీనికి తోడు ప్రస్తుత పరిస్థితుల్లో కరోనా కూడా రోగ నిరోధక వ్యవస్థపై తీవ్ర ప్రతికూల ప్రభావం చూపుతోంది. ఈ క్రమంలో చలికాలంలో మధుమేహ రోగులు మరింత జాగ్రత్తగా ఉండాలంటున్నారు ఆరోగ్య నిపుణులు.
విపరీతమైన వేడి లేదా చలి రక్తంలో చక్కెర స్థాయిని బాగా ప్రభావితం చేస్తుంది. ఇక శీతాకాలంలో నమోదయ్యే అత్యల్ప ఉష్ణోగ్రతల వల్ల డయాబెటిక్ బాధితుల్లోని రక్తంలో చక్కెర స్థాయులు బాగా పెరుగుతాయి. ఈ విషయంలో నిర్లక్ష్యం వహిస్తే గుండె, మూత్రపిండాలు, నరాలు, కళ్లు వంటి ముఖ్యమైన అవయవాలకు తీవ్ర నష్టం వాటిల్లే ప్రమాదం ఉంది. కాబట్టి ఈ సీజన్‌లో రక్తంలో చక్కెర స్థాయిని ఎప్పటికప్పుడు చెక్‌ చేసుకోవాలి. అదే సమయంలో దానిని ఎక్కువ లేదా తక్కువ కాకుండా సాధారణ స్థాయిలో ఉంచుకోవాలి. ఈ క్రమంలో ఆరోగ్యకరమైన ఆహారం తీసుకోవడం ద్వారా రక్తంలోని చక్కెర స్థాయులను నియంత్రించవచ్చని ఆరోగ్య నిపుణులు సూచిస్తున్నారు.

diabetidiettipsgg650-4.jpg
ఈ కూరగాయలతో మేలు!
అదృష్టవశాత్తూ శీతాకాలంలో ఫైబర్‌ అధికంగా ఉండే కూరగాయలు, పండ్లు బాగానే లభ్యమవుతాయి. ఇవి రక్తంలో చక్కెర స్థాయులను నియంత్రించడమే కాకుండా శరీర బరువును అదుపులో ఉంచుతాయి. క్యారట్‌, ముల్లంగి, బీట్‌రూట్‌, బచ్చలి కూర, క్యాబేజీ, క్యాలీఫ్లవర్, బ్రొకోలీ, గ్రీన్‌బీన్స్‌, బఠానీలు, మొక్కజొన్న వంటి కూరగాయలను ఆహారంలో భాగం చేసుకుంటే మంచి ఫలితముంటుంది. ప్రధానంగా క్యారట్‌, ముల్లంగి వంటి దుంపల్లో ఫైబర్‌తో పాటు ఏ, బి6, సి, ఇ, కె-విటమిన్లు పుష్కలంగా ఉంటాయి. అదేవిధంగా జింక్‌, క్యాల్షియం, ఫాస్ఫరస్, కాపర్‌, అయోడిన్‌ వంటి ఖనిజ పోషకాలు కూడా శరీరానికి అందుతాయి. ముఖ్యంగా వీటిలోని జింక్‌ ఇన్సులిన్‌ స్థాయిని పెంచి డయాబెటిక్‌ రోగులకు ఎంతో మేలు చేకూరుస్తుంది.

diabetidiettipsgg650-1.jpg
ఈ పండ్లలో పుష్కలంగా పోషకాలు!
సిట్రస్‌ జాతికి చెందిన పండ్లలో ఫైబర్‌, విటమిన్‌-సి పుష్కలంగా ఉంటాయి. నారింజ, నిమ్మ, యాపిల్, బేరి పండ్లు, దానిమ్మ, కివీ పండ్లలోని యాంటీ ఆక్సిడెంట్లు డయాబెటిక్‌ రోగుల్లో చక్కెర స్థాయిని తగ్గించి అదుపులో ఉంచుతాయి. వీటిలోని ఫైబర్‌, సూక్ష్మ, స్థూల పోషకాలు, విటమిన్లు, ఖనిజ లవణాలు శరీరంలోని కణజాలాల క్షీణతను నివారిస్తాయి. ఈ క్రమంలో ఎంతో రుచికరమైన బెర్రీ పండ్లను డయాబెటిక్ రోగులకు సూపర్‌ఫుడ్‌గా గుర్తించింది అమెరికన్ డయాబెటిస్ అసోసియేషన్. వీటిలో అధిక యాంటీ ఆక్సిడెంట్లు, ఫైబర్‌తో పాటు గ్లైసెమిక్‌ ఇండెక్స్‌ తక్కువగా ఉంటుంది. బెర్రీ ఫ్రూట్స్‌ వల్ల రక్తంలో చక్కెర స్థాయి, ఇన్సులిన్‌ స్థాయి మెరుగుపడుతుందని ఓ అధ్యయనంలో తేలింది. వీటిని స్మూతీలు, జ్యూస్‌ల రూపంలో తీసుకుంటే మంచిది.

diabetidiettipsgg650-2.jpg
ప్రొటీన్ కోసం మాంసం!
రక్తంలోని చక్కెర స్థాయి పెరగడం వల్ల కణజాలాలకు తీవ్ర ముప్పు ఏర్పడే ప్రమాదం ఉంది. దీనిని నివారించాలంటే ప్రొటీన్ ఎంతో అవసరం. ఇందుకోసం మాంసం, చేపలతో పాటు ఒమేగా-3 ఫ్యాటీ ఆమ్లాలు అధికంగా ఉండే గుడ్లను బాగా తీసుకోవాలి. అయితే కార్బోహైడ్రేట్లు అధికంగా ఉండే రెడ్‌మీట్‌కు దూరంగా ఉంటే మంచిది.

diabetidiettipsgg650-5.jpgవీటి విషయంలో జాగ్రత్త!
* బియ్యం, బంగాళాదుంపల్లో కార్బోహైడ్రేట్లు పుష్కలంగా ఉంటాయి. వీటిలో గ్లైసెమిక్‌ ఇండెక్స్‌ కూడా అధికంగా ఉంటుంది. కాబట్టి మధుమేహ రోగులు సాధ్యమైనంతవరకు వీటికి దూరంగా ఉండడం మంచిది. మరీ తప్పకపోతే మితంగా తీసుకోవాలి.
* ఆహారంలో తప్పనిసరిగా రైస్‌ తీసుకోవాలంటే ప్రాసెస్ చేయని బ్రౌన్‌ రైస్‌ మంచి ప్రత్యామ్నాయం. ఇందులో కార్బోహైడ్రేట్లు అధికంగా ఉన్నప్పటికీ ఫైబర్‌ లాంటి శరీరానికి అవసరమైన పోషకాలు పుష్కలంగా అందుతాయి. ఇవి రక్తంలోని చక్కెర స్థాయులను నియంత్రిస్తాయి.
* బెల్లంలోనూ చక్కెర స్థాయులను పెంచే గుణాలుంటాయి. గ్లైసెమిక్‌ ఇండెక్స్ కూడా ఎక్కువగా ఉంటుంది. కాబట్టి మధుమేహ బాధితులు బెల్లంతో తయారుచేసిన పదార్థాలకు దూరంగా ఉండాలి.
* శీతాకాలంలో మొక్కజొన్నతో చేసిన బ్రెడ్‌లు, రోటీలను చాలామంది ఇష్టంగా తింటుంటారు. అయితే డయాబెటిక్‌ రోగులు మాత్రం మొక్కజొన్న పదార్థాలను మితంగా తీసుకోవాలని ఆరోగ్య నిపుణులు సూచిస్తున్నారు. అసలు చలికాలంలో వీటిని తీసుకోకపోవడమే మేలని సూచిస్తున్నారు.

diabetidiettipsgg650-3.jpg
* సాధారణంగా చలికాలంలో శరీరాన్ని వెచ్చగా ఉంచుకోవడానికి వేడి వేడి టీ, కాఫీలు ఎక్కువగా తీసుకుంటారు. వీటి కారణంగా రక్తంలో చక్కెర స్థాయులు పెరిగే ప్రమాదం ఉంది. కాబట్టి ఇలాంటి పానీయాలకు దూరంగా ఉండాలి.
* గొంతునొప్పి, సాధారణ జలుబు, ఇతర అనారోగ్య సమస్యల నుంచి రక్షణ పొందేందుకు తేనెను ఔషధంగా ఉపయోగిస్తారు. అంతేకాదు.. శీతాకాలంలో వచ్చే పలు సీజనల్‌ వ్యాధుల నుంచి తేనె ఉపశమనం కలిగిస్తుంది. అయితే మధుమేహ రోగులు మాత్రం తేనెకు ఎంత దూరంగా ఉంటే అంత మంచిది. ఎందుకంటే ఇది న్యాచురల్ స్వీటెనర్‌. ఇందులో కూడా చక్కెర అధికంగా ఉంటుంది.





women icon@teamvasundhara
beauty-and-health-benefits-of-coconut-water-in-telugu

అందుకే రోజుకి కనీసం ఓ కొబ్బరి బోండం తాగేయాలి!

'తక్కువ క్యాలరీలు.. నాలుగు అరటిపండ్లలో ఉండే పొటాషియం కంటే ఎక్కువ పొటాషియం.. కొలెస్ట్రాల్ ఫ్రీ.. సహజసిద్ధమైన కొవ్వులు..' ఇదే కొబ్బరి నీళ్ల ఫార్ములా. ఇందులో చక్కెర, ఎలక్ట్రోలైట్‌ల రూపంలో ఉండే కార్బోహైడ్రేట్ వల్ల మనం తిన్న ఆహారం త్వరగా జీర్ణమవుతుంది. అలాగే చర్మాన్ని పునరుత్తేజితం చేయడంలో కీలకపాత్ర వహిస్తుంది. పైగా అందరూ ఇష్టపడి తాగే న్యాచురల్ డ్రింక్ కూడా.. ఎలాంటి ఆరోగ్య సమస్యలెదురైనా సరే.. కొబ్బరి నీళ్లు తాగితే చాలు.. సమస్య నుంచి సగం విముక్తి పొందినట్లే.. మరి అంతటి ఔషధ గుణాలున్న కొబ్బరి నీళ్ల వల్ల అందానికి, ఆరోగ్యానికీ ఇంకా బోలెడన్ని లాభాలున్నాయ్!!

Know More

women icon@teamvasundhara
gynecologist-advice-on-pregnancy-diabetic-in-telugu
women icon@teamvasundhara
foods-to-overcome-nutrient-deficiencies-for-pregnant-woman-in-telugu

పుట్టబోయే బిడ్డ ఆరోగ్యం పదిలంగా ఉండాలంటే ఈ పోషకాలు తప్పనిసరి!

కాబోయే అమ్మలు ‘నాకు పుట్టబోయే బిడ్డ ముద్దుగా, ఆరోగ్యంగా, చురుగ్గా ఉండాలి’ అనుకుంటుంటారు. ఇందుకోసమే నవమాసాలు చక్కటి ఆహారనియమాలు పాటిస్తుంటారు. ఆరోగ్యకరమైన జీవనశైలిని అలవాటు చేసుకుంటూ పోషకాహారం తీసుకోవడానికి ప్రాధాన్యం ఇస్తుంటారు. అయితే గర్భం ధరించినప్పటికీ వృత్తి, ఉద్యోగాలు, ఇంటి పనుల బిజీలో పడిపోయి చాలామంది మహిళలు ఆహారం విషయంలో అశ్రద్ధ చూపుతున్నారు. ‘ఈ పూటకి ఏదో ఒకటి తిన్నామా.. కడుపు నిండిందా..’ అన్న ధోరణితో వ్యవహరిస్తుంటారు. అయితే ఈ నిర్లక్ష్యమే క్రమంగా పోషకాహార లోపానికి దారి తీస్తుందని, దీని ప్రభావం ప్రత్యుత్పత్తి వ్యవస్థపై పడుతుందని, అంతిమంగా ఇది పుట్టబోయే బిడ్డ ఆరోగ్యానికి నష్టం కలిగిస్తుందంటున్నారు ఆరోగ్య నిపుణులు. అందుకే ఈ పోషకాహార లోపాన్ని అధిగమించడానికి చక్కటి ఆహారం తీసుకోవాలని సూచిస్తున్నారు.

Know More

women icon@teamvasundhara
gynecologist-advice-on-over-bleeding-in-telugu

విపరీతంగా బ్లీడింగ్ అవుతోంది.. పరిష్కారమేంటి?

హలో డాక్టర్‌. నా వయసు 22. ఎత్తు 5’3’’. బరువు 55 కిలోలు. నాకు పీసీఓఎస్‌ ఉంది. డాక్టర్‌ మూడు నెలల కోర్సు ఇచ్చారు. ఈ కోర్సు పూర్తయిన తర్వాత రెండు నెలలు పిరియడ్స్‌ బాగానే వచ్చాయి. ఆ తర్వాత ఒక నెల పిరియడ్స్‌ రాలేదు. తర్వాతి నెలలో వచ్చినా బ్లీడింగ్‌ అవ్వలేదు. ఆపై నెలలో పిరియడ్స్‌ రెండు రోజుల ముందే వచ్చాయి.. పది రోజుల పాటు బ్లీడింగ్‌ అయింది. కానీ ఇప్పుడు ఐదు రోజుల ముందే నెలసరి వచ్చింది.. బ్లీడింగ్‌ ఎక్కువగా ఉంది.. ఇలా పిరియడ్స్‌ విషయంలో రెగ్యులారిటీ అంటూ లేదు. బ్లీడింగ్‌ కూడా విపరీతంగా అవుతోంది.. నా సమస్యకు పరిష్కారమేంటి? - ఓ సోదరి

Know More

women icon@teamvasundhara
hinakhan-reveals-how-she-starts-her-day-in-telugu

ప్రతి రోజూ ఆ కాఫీ.. ఆ జ్యూస్.. ఎందుకో తెలుసా?

కరోనా వచ్చాక అందరిలో ఆరోగ్య స్పృహ పెరిగిపోతోంది. ఈ మహమ్మారి బారిన పడకూడదని ప్రతి ఒక్కరూ రోగ నిరోధక శక్తిని పెంచుకునే పనిలో పడ్డారు. ఇందులో భాగంగా చాలామంది తమకు తెలిసిన ఇంటి చిట్కాలు పాటిస్తూ తగిన జాగ్రత్తలు పాటిస్తున్నారు. ప్రత్యేకించి ఆహారం విషయంలో ఉదయం లేచింది మొదలు రాత్రి పడుకునే వరకు ఇంట్లో వండిన పదార్థాలకే ప్రాధాన్యం ఇస్తున్నారు. అది కూడా పోషకాలు పుష్కలంగా లభించే వాటికే ఓటేస్తున్నారు. అలాంటి వారందరికీ తన మార్నింగ్‌ రొటీన్‌ని పరిచయం చేసింది బాలీవుడ్‌ బ్యూటీ హీనా ఖాన్‌. ప్రస్తుత ప్రతికూల పరిస్థితుల్లో తాను పాటిస్తోన్న ఈ అలవాట్లతో అందంతో పాటు ఆరోగ్యాన్ని సొంతం చేసుకోవచ్చంటోంది. ఈ క్రమంలో తన రోజు మొదలయ్యే తీరు గురించి తన యూట్యూబ్‌ ఛానల్‌ ద్వారా అందరితో షేర్‌ చేసుకుంది.

Know More

women icon@teamvasundhara
golden-rules-to-keep-your-kidneys-healthy-in-telugu

మీ కిడ్నీలు ఆరోగ్యంగా ఉండాలంటే ఈ జాగ్రత్తలు తీసుకోవాల్సిందే!

శరీరంలోని అత్యంత సున్నితమైన, ముఖ్యమైన అవయవాల్లో మూత్రపిండాలు కూడా ఒకటి. ఇవి మన రక్తంలోని మలినాలన్నింటినీ వడకడుతూ... శరీరానికి అత్యంత రక్షణ కలిగిస్తాయి. అందుకే వీటిని జాగ్రత్తగా కాపాడుకోవాలి. ఒకసారి కిడ్నీల పనితీరు మందగిస్తే మళ్లీ పూర్తిగా నయం చేయడం చాలా కష్టం. పైగా డయాలసిస్‌ లాంటి చికిత్సలకు ఎంతో ఖర్చవుతుంది. ఇక దెబ్బతిన్న మూత్ర పిండాన్ని మార్పిడి చేయించుకోవాలంటే దాతలు అంత సులభంగా దొరికే పరిస్థితి లేదు. అదే సమయంలో అనారోగ్యకరమైన జీవనశైలి, అలవాట్ల కారణంగానే చాలామంది అతి తక్కువ వయసులోనే కిడ్నీ సమస్యల బారిన పడుతున్నారని ఆరోగ్య నిపుణులు చెబుతున్నారు. ఈ క్రమంలో రక్తాన్ని శుద్ధి చేసే మూత్రపిండాల ఆరోగ్యాన్ని కాపాడుకోవాలంటే కొన్ని జాగ్రత్తలు పాటించాల్సిందేనంటున్నారు.

Know More

women icon@teamvasundhara
natural-ways-to-reduce-migraine-pain-in-telugu

మైగ్రెయిన్‌తో బాధపడుతున్నారా? అయితే ఈ చిట్కాలు మీకోసమే!

మైగ్రెయిన్.. దీని గురించి తెలియని వాళ్లు చాలా తక్కువమందే అని చెప్పుకోవాలి. లైట్, సౌండ్ సెన్సిటివిటీ వల్ల ఇది ఎక్కువగా వస్తుంటుంది. తలనొప్పితో పాటు వికారం, నీరసాన్ని కూడా మోసుకొచ్చే ఈ ఆరోగ్య సమస్య వల్ల ప్రపంచవ్యాప్తంగా చాలామంది తమ తమ పనుల పట్ల శ్రద్ధ పెట్టలేక ఇంటికే పరిమితమవుతున్నారని అధ్యయనాల్లో వెల్లడైంది. ఇక మన భారత్‌లో అయితే 12-15 శాతం మంది దీని బారిన పడి అటు తమ రోజువారీ పనులు చేసుకోలేక, ఇటు ఇంట్లో ప్రశాంతంగా ఉండలేక సతమతమవుతున్నారట! మరి, దీన్నుంచి బయటపడే మార్గమే లేదా? అంటే ఉందంటున్నారు వైద్యులు. కొన్ని ఆహార పదార్థాలను మన రోజువారీ మెనూలో చేర్చుకోవడంతో పాటు మరికొన్ని సులభమైన చిట్కాల్ని పాటించడం వల్ల మైగ్రెయిన్ నుంచి కాస్త ఉపశమనం పొందచ్చు. మరి, మీరూ మైగ్రెయిన్‌తో బాధపడుతున్నారా? అయితే ఆ చిట్కాలేంటో చూసేయండి.

Know More

women icon@teamvasundhara
why-eat-a-hand-pounded-chutney-thrice-a-week---a-new-post-by-celebrity-nutritionist-rujuta-diwekar

అందుకే రోట్లో రుబ్బుకున్న పచ్చళ్లే మంచివట!

పల్లీ చట్నీ, నువ్వుల చట్నీ, కొబ్బరి చట్నీ, కరివేపాకు చట్నీ, వివిధ రకాల కాయగూరలు-ఆకుకూరలతో చేసుకునే చట్నీలు.. ఇలా ఏదో ఒక పచ్చడి లేనిదే మన భోజనం పూర్తి కాదు. బయట హోటల్లో భోంచేసినప్పుడు కూడా ఏదో ఒక చట్నీ వడ్డించడం మనం చూస్తూనే ఉంటాం. మన ఆహారపుటలవాట్లలో చట్నీకి ఉండే ప్రత్యేకత అలాంటిది! మరి, అలాంటి చట్నీని తయారుచేసుకోవడానికి మనం ఏం ఉపయోగిస్తాం..? మిక్సీ లేదంటే వెట్‌ గ్రైండర్‌ అనే అంటారంతా! సులభంగా, త్వరగా చట్నీ చేయడం పూర్తవుతుంది కాబట్టే అందరూ వీటి పైనే ఆధారపడుతుంటారు. కానీ అదే సమయంలో రోట్లో రుబ్బుకున్న పచ్చడి అందించే రుచిని ఇది అందించలేదని కూడా అంటుంటారు మన ఇళ్లల్లో ఉండే పెద్దవాళ్లు.

Know More

women icon@teamvasundhara
gynecologist-advice-on-pcos-in-telugu
women icon@teamvasundhara
here-are-some-foods-that-are-good-for-your-brain-power-in-telugu

మెదడు చక్కగా పని చేయాలంటే ఇవి తినాల్సిందే!

కరోనా విరామం తర్వాత ఇప్పుడిప్పుడే పాఠశాలలు, విద్యాసంస్థలు ప్రారంభమవుతున్నాయి. దీంతో పిల్లలు మళ్లీ స్కూలుకెళ్లి పుస్తకాలు పట్టుకునే సమయం ఆసన్నమైంది. అయితే ఇన్ని రోజుల కరోనా విరామాన్ని కవర్‌ చేస్తూ ఇంత తక్కువ సమయంలో విద్యా సంవత్సరాన్ని పూర్తి చేయాలంటే కత్తి మీద సామే. ఈ క్రమంలో సెలవులు లేకుండా తరగతులు కొనసాగించడం, వరుసగా పరీక్షల తేదీలు కూడా ప్రకటిస్తుండడంతో చాలామంది విద్యార్థులు ఒత్తిడి, ఆందోళనకు గురయ్యే ప్రమాదం ఉంది. పోషకాహార లోపంతో మెదడు సంబంధిత సమస్యలను ఎదుర్కొనే అవకాశం ఉంది. అయితే ఇలాంటి ఒత్తిడి, ఆందోళనను తగ్గించుకోవడంతో పాటు మెదడు పనితీరును మెరుగుపరుచుకోవడానికి కొన్ని ఆహార పదార్థాలను క్రమం తప్పకుండా తీసుకోవాలని పోషకాహార నిపుణులు సూచిస్తున్నారు. మరి కేవలం పిల్లలకే కాదు...పెద్దల విషయంలోనూ మెదడు పనితీరుపై ప్రభావం చూపే ఆ ఆహార పదార్థాలేంటో మనమూ తెలుసుకుందాం రండి...

Know More

women icon@teamvasundhara
common-myths-about-contraceptive-pills-you-mustnt-believe
women icon@teamvasundhara
tips-to-eradicate-sound-pollution-in-telugu

సౌండెక్కువైతే చివరికి అసలు సౌండే వినలేం.. జాగ్రత్త..!

ప్రస్తుతం భూమిపై జీవించే ప్రాణులు రకరకాల కాలుష్యాలను ఎదుర్కొంటున్నాయి. వీటిలో శబ్ద కాలుష్యం కూడా ఒకటి. మనల్ని ఉదయాన్నే నిద్రలేపే అలారం దగ్గర నుంచి.. పడుకునే ముందు చూసే టీవీ వరకు రోజూ రకరకాల తీవ్రతలు గల శబ్దాలు వింటుంటాం. అయితే మన చెవిలో చాలా సున్నితమైన కణాలుంటాయి. ఇవి శబ్ద తీవ్రతను కొంతవరకు మాత్రమే తట్టుకోగలవు. కానీ.. మనం వినే మితిమీరిన శబ్దాలు ఈ కణాలపై తీవ్ర ప్రభావాన్ని చూపిస్తుంటాయి. ఈక్రమంలో మనం పూర్తిగా వినికిడి శక్తిని కోల్పోయే ప్రమాదం కూడా ఉంది. పైగా ఇలా కోల్పోయిన వినికిడి శక్తిని తిరిగి మనం పొందగలిగే అవకాశాలు చాలా తక్కువని చెబుతున్నారు నిపుణులు. ఈ క్రమంలో అధిక బరువు సమస్యను వ్యాయామాలు, డైటింగ్‌లతో ఎలాగైతే పరిష్కరిస్తామో.. శబ్ద తీవ్రత సమస్యను కూడా 'నాయిస్ డైటింగ్'తో నియంత్రించవచ్చు. అది ఎలాగో చూద్దాం..!

Know More

women icon@teamvasundhara
pregnancy-spotting-–-all-you-need-to-know-about-this-common-factor
women icon@teamvasundhara
how-to-deal-with-covid-19-vaccine-side-effects-and-home-remedies-to-try-in-telugu
women icon@teamvasundhara
foods-to-overcome-nutrient-deficiencies-that-are-incredibly-common-in-women
women icon@teamvasundhara
tips-to-take-care-of-your-breasts-in-telugu

వీటి విషయంలో జాగ్రత్త వహిస్తున్నారా..?

తీరైన శరీరాకృతిలో వక్ష సంపదది కూడా కీలకపాత్రే. అయితే వివిధ కారణాల వల్ల వాటి ఆకృతిలో, పరిమాణంలో తేడాలు చోటుచేసుకుని సాగిపోయినట్లుగా కనిపిస్తుంటాయి. దీనివల్ల ఒక్కోసారి వయసు పైబడిన వారిగానూ కనిపించే అవకాశం ఉంది. ఫలితంగా కొందరిలో ఇది న్యూనతకూ దారితీస్తుంది. అయితే వక్షోజాల్లో ఇలాంటి తేడాలు ఎందుకొస్తాయి..? అని మీరెప్పుడైనా ఆలోచించారా..? ఎందుకంటే మనం రోజూ చేసే కొన్ని కొన్ని పనులు కూడా వీటి అందం, ఆరోగ్యంపై ప్రతికూల ప్రభావం చూపుతాయి. కాబట్టి అవేంటో తెలుసుకొని మహిళలంతా తమ ఎద సంపదను ఆరోగ్యంగా ఉంచుకోవడం తప్పనిసరి. అందుకు రోజువారీ ఆహారపుటలవాట్లే కాదు.. వ్యాయామం కూడా తోడ్పడుతుంది. ఈ క్రమంలో ఆరోగ్యవంతమైన వక్ష సంపదను పొందాలంటే గుర్తుంచుకోవాల్సిన అంశాలేంటో తెలుసుకుందాం రండి...

Know More

women icon@teamvasundhara
shilpa-shetty-shares-homemade-recipe-to-boost-immunity-and-digestion

ఇమ్యూనిటీని పెంచే సూపర్ డ్రింక్!

కరోనా వచ్చిన దగ్గర్నుంచి అందరికీ వ్యక్తిగత పరిశుభ్రత, ఆరోగ్యంపై ఎక్కడ లేని శ్రద్ధ పెరిగిపోతోంది. ఈ మహమ్మారి బారిన పడకూడదని ప్రతి ఒక్కరూ రోగ నిరోధక శక్తిని పెంచుకునే పనిలో పడ్డారు. ఇందులో భాగంగా చాలామంది తమకు తెలిసిన ఇంటి చిట్కాలు పాటిస్తూ తగిన జాగ్రత్తలు తీసుకుంటున్నారు. ఇక ఇమ్యూనిటీని పెంచుకోవడానికి చాలామంది సెలబ్రిటీలు కూడా తాము పాటిస్తోన్న చిట్కాలను సోషల్‌ మీడియా వేదికగా అందరితో పంచుకుంటున్నారు. ఈ క్రమంలో బాలీవుడ్‌ బ్యూటీ శిల్పాశెట్టి కూడా రోగ నిరోధక శక్తిని పెంచుకోవడానికి ఉపయోగపడే ఓ అద్భుతమైన డ్రింక్‌ను, దాని రెసిపీని తాజాగా ఇన్‌స్టా వీడియో రూపంలో పంచుకుంది. అంతేకాదు.. రోజూ ఈ పానీయం తాగడం వల్ల జీర్ణ సంబంధిత సమస్యలు కూడా దూరమవుతాయంటోందామె. మరి, ఇంతకీ ఏంటా డ్రింక్‌? అదెలా తయారుచేస్తారో తెలుసుకుందాం రండి...

Know More

women icon@teamvasundhara
list-of-protein-rich-food-for-vegetarians-in-telugu

మీరు శాకాహారులా? అయితే ఈ ప్రొటీన్ ఫుడ్ మీ కోసమే!

శరీరంలోని జీవక్రియలు సక్రమంగా జరగాలన్నా, కండరాలు బలోపేతం కావాలన్నా ప్రొటీన్లు ఎంతో అవసరం. ప్రత్యేకించి ఉదయాన్నే నిద్ర లేచింది మొదలు... ఊపిరి సలపని పనులతో నిత్యం బిజీగా ఉండే వారు అలసట కలగకుండా ఉండాలంటే ప్రొటీన్లు అధికంగా ఉండే ఆహార పదార్థాలను ఎక్కువగా తీసుకోవాలి. ఇలా చేయడం వల్ల శరీర కండర వ్యవస్థ దృఢమవుతుంది. దీంతో ఎలాంటి ఒత్తిడి, అలసట లేకుండా సునాయాసంగా అన్ని పనులు చేసుకోవచ్చు. అలాగే ప్రొటీన్లు గుండె బలంగా ఉండేందుకు, రోగ నిరోధక శక్తిని పెంపొందించేందుకూ దోహదం చేస్తాయి. తగినన్ని ప్రొటీన్లు లభించే ఆహారం తీసుకుంటే తక్కువ క్యాలరీలతోనే కడుపు నిండిన భావన కూడా కలుగుతుంది.

Know More

women icon@teamvasundhara
kajal-aggarwal-penned-about-being-diagnosed-with-bronchial-asthma-at-the-age-of-five

ఐదేళ్లున్నప్పుడు ఆ సమస్యతో బాధపడ్డా!

మాటల్లో, చేతల్లో తామెంత ఆరోగ్యంగా ఉన్నామో చెప్పుకోవడానికి వెనకాడరు.. కానీ తమలోని అనారోగ్యాల గురించి బయటికి చెప్పడానికి మాత్రం చాలామంది సంకోచిస్తుంటారు. కారణం.. ఫలానా ఆరోగ్య సమస్య ఉందంటే చుట్టూ ఉన్న వారు తమ గురించి ఏమనుకుంటారోనన్న భయమే! అయితే కొంతమంది మాత్రం తమ అనారోగ్యాల గురించి చెబుతూనే అలాంటి సమస్యలతో బాధపడే వారిలో అవగాహన పెంచాలనుకుంటారు. సామాన్యులే కాదు.. కొంతమంది సెలబ్రిటీలూ ఇందుకు అతీతులు కాదు.. అందాల చందమామ కాజల్‌ అగర్వాల్‌ కూడా ఈ కోవలోకే వస్తుంది. చిన్నతనంలో తాను ఎదుర్కొన్న ఓ అనారోగ్యం గురించి తాజాగా బయటపెట్టిన ఈ టాలీవుడ్‌ బ్యూటీ.. ఈ క్రమంలో తాను పాటించిన ఓ చిట్కా గురించి కూడా చెప్పుకొచ్చింది. ఇలా తన ఆరోగ్య సమస్యకు సంబంధించి ఈ ముద్దుగుమ్మ ఇన్‌స్టాలో పెట్టిన పోస్ట్‌ తాజాగా వైరలవుతోంది.

Know More

women icon@teamvasundhara
epilepsy-and-pregnancy-what-you-need-to-know-in-telugu
women icon@teamvasundhara
irregular-periods-problem-in-telugu

నా ఇర్రెగ్యులర్ పిరియడ్స్‌కి ఆ మాత్రే కారణమా?

నమస్తే డాక్టర్. నా వయసు 39. ఈమధ్య తిరుమల వెళ్లాల్సి రావడం, మా ఇంటి గృహ ప్రవేశం వంటి సందర్భాల్లో నెలసరి రాకుండా ఉండేందుకు మూడు Primolut-N మాత్రలు వేసుకున్నా. అవి ఆపేశాక ఒకసారి పిరియడ్స్ మామూలుగానే వచ్చినా, ఆ తర్వాత నుంచీ రెగ్యులర్‌గా రావడం లేదు. నాకు సాధారణంగా 28 రోజులకే నెలసరి వస్తుంటుంది. ఈ క్రమంలో గైనకాలజిస్ట్ దగ్గరికి వెళ్లాను. Sysron-N 5mg ట్యాబ్లెట్స్ మూడు రోజులకు రాసిచ్చారు. మొదటి ట్యాబ్లెట్ వేసుకున్న మూడు గంటలకు కొద్దిగా బ్లీడింగ్ అయింది. డాక్టర్‌కి ఫోన్ చేసి అడిగితే ట్యాబ్లెట్ ఆపేయమన్నారు. ఆ తర్వాత ఒక రోజు గడిచినా బ్లీడింగ్ కాకపోయేసరికి మళ్లీ డాక్టర్‌కి ఫోన్ చేస్తే మిగతా ట్యాబ్లెట్స్ వేసుకోమన్నారు. కోర్సు పూర్తయినా ఒక రోజు గడిచినా బ్లీడింగ్ మాత్రం కావట్లేదు. నేను పిరియడ్ రాకుండా ట్యాబ్లెట్స్ వాడడం ఇదే తొలిసారి. ప్రతినెలా నాకు పిరియడ్స్ రెగ్యులర్‌గా వస్తాయి. ఇప్పుడే ఎందుకిలా జరుగుతుందో అర్థం కావట్లేదు. మళ్లీ నాకు పిరియడ్స్ రెగ్యులర్ అవ్వాలంటే ఏం చేయాలో సలహా ఇవ్వగలరు. - ఓ సోదరి

Know More

women icon@teamvasundhara
screening-tests-for-cancers-in-telugu

క్యాన్సర్ నిర్ధరణకు మార్గాలివిగో!

మనకు తెలియకుండా చాప కింద నీరులా వ్యాపిస్తున్న వ్యాధుల్లో క్యాన్సర్ కూడా ఒకటి. శరీరంలో కణవ్యవస్థ పనితీరు అదుపు తప్పడం వల్ల ఈ వ్యాధి బారిన పడే అవకాశం ఉంటుంది. అయితే క్యాన్సర్ వస్తే ఇక అంతేనని.. దీనికి మందు లేదని.. చాలామంది భయపడుతుంటారు. కానీ క్యాన్సర్‌ని ప్రారంభంలోనే గుర్తిస్తే ప్రస్తుతం అందుబాటులో ఉన్న వైద్య పరిజ్ఞానంతో దానిని నయం చేయవచ్చంటున్నారు వైద్యులు. ఇందుకోసం ముందు నుంచీ కొన్ని పరీక్షలను క్రమం తప్పకుండా చేయించుకోవాల్సి ఉంటుంది. నేడు 'ప్రపంచ క్యాన్సర్ దినోత్సవం'. ఈ సందర్భంగా మహిళల్లో వచ్చే పలు క్యాన్సర్లు, వాటి నిర్ధరణ మార్గాల గురించి తెలుసుకుందాం రండి..

Know More

women icon@teamvasundhara
foods-to-prevent-cancer-in-telugu

క్యాన్సర్ ముప్పు తగ్గించే ఆహారం!

మనం తీసుకునే ఆహారం, పాటించే లైఫ్‌స్త్టెల్‌లో భాగంగా మనకు తెలిసీ తెలియకుండా చేసే చిన్న చిన్న పొరపాట్ల వల్ల పలు రకాల వ్యాధుల బారిన పడుతుంటాం. అందులో క్యాన్సర్ మహమ్మారి కూడా ఒకటి. దీన్ని తొలి దశలోనే గుర్తిస్తే ప్రాణాపాయం తప్పుతుందని, కానీ చాలామంది చివరి దశలో గుర్తించి తమ జీవితాన్నే కోల్పోతున్నారని పలు సర్వేలు స్పష్టం చేస్తున్నాయి. అందుకే ఈ వ్యాధిపై అవగాహన కల్పించేందుకు ఏటా ఫిబ్రవరి 4న 'ప్రపంచ క్యాన్సర్ దినోత్సవం'గా జరుపుకుంటున్నాం. అయితే కేవలం చక్కటి జీవనశైలిని పాటించడమే కాదు.. కొన్ని రకాల ఆహార పదార్థాలు కూడా క్యాన్సర్ ముప్పును తప్పిస్తాయంటున్నారు ఆరోగ్య నిపుణులు. అవేంటో తెలుసుకొని వాటిని రోజువారీ మెనూలో చేర్చుకుంటే మనమూ క్యాన్సర్‌కు దూరంగా ఉండచ్చు.

Know More

women icon@teamvasundhara
sonam-kapoor-shares-recipe-for-her-breakfast-smoothie-and-it-includes-chocolate

సోనమ్‌ చెప్పిన ఈ చాక్లెట్‌ స్మూతీని మీరూ ట్రై చేయండి!

క్యాలరీలు, కెఫీన్‌ అధికంగా ఉండే డార్క్‌ చాక్లెట్‌ తింటే బరువు పెరుగుతారన్న అపోహ చాలామందిలో ఉంటుంది. అందుకే నోరూరిస్తున్నా చాలామంది వీటిని తినకుండా తమ నోరు కట్టేసుకుంటుంటారు. అయితే యాంటీ ఆక్సిడెంట్లు, ఫ్లేవనాయిడ్లు పుష్కలంగా ఉండే ఈ చాక్లెట్‌ స్మూతీని తన బ్రేక్‌ఫాస్ట్‌లో భాగం చేసుకుంటానంటోంది బాలీవుడ్‌ ఫ్యాషనిస్టా సోనమ్‌ కపూర్‌. పీసీఓఎస్‌ సమస్య కారణంగా గత కొన్నేళ్లుగా చక్కెర పదార్థాలకు దూరంగా ఉంటోందీ అందాల తార. ఈ క్రమంలో తాను ఉదయాన్నే తీసుకునే షుగర్‌ ఫ్రీ చాక్లెట్‌ స్మూతీ తయారీ విధానాన్ని ఇన్‌స్టా స్టోరీస్‌ ద్వారా అందరితో షేర్‌ చేసుకుందీ ముద్దుగుమ్మ.

Know More

women icon@teamvasundhara
good-way-to-eradicate-stress-in-four-weeks

4 వారాలు ఇలా చేస్తే ఎంతటి ఒత్తిడైనా మాయం !

ఈ కాలంలో అతి పెద్ద రోగమేదైనా ఉందంటే అది ఒత్తిడే. ఇది వైద్యులు చెబుతున్న మాట. ప్రపంచం మొత్తం మీద దాదాపు 80% మంది పని ఒత్తిడికి కుంగిపోతుంటే అందులో సగానికి పైగా ఒత్తిడిని జయించే మార్గాల కోసం అన్వేషిస్తున్నారట. ఈ ఒత్తిడిని వెంటనే గ్రహించి సరైన పరిష్కారాన్ని కనుగొనకపోతే అది అల్జీమర్స్ (మతిమరుపు), వూబకాయం, హృద్రోగం, అధిక రక్తపోటు వంటి పలు సమస్యలకి దారి తీస్తుందని మానసిక వైద్యులు చెబుతున్నారు. మరి అటువంటి ఈ ఒత్తిడి భూతాన్ని ఎలా తరిమేయాలి ? ఇందుకోసం మానసిక వైద్యులు, రచయిత 'నీల్ షా' నాలుగు వారాల ఓ ఉపాయాన్ని కనుగొన్నారు. అదేంటో చూద్దాం రండి !

Know More

women icon@teamvasundhara
benefits-of-napping-in-telugu

అందుకే కాసేపు కునుకు తీయాలట!

మధ్యాహ్నం భోజనం చేయగానే నిద్రొస్తుంటుంది. అయితే పని వల్లో, ఏ ఇతర కారణాల వల్లో ఆ నిద్రను ఆపుకోవడం, ఏ కాఫీ లేదా టీతోనో నిద్రను దూరం చేసుకోవడం.. వంటివి చేసే వారే మనలో ఎక్కువ మంది ఉంటారు. ఇక మీదట మాత్రం అలా చేయకండి అని చెబుతోంది తాజా అధ్యయనం. మధ్యాహ్న సమయంలో కాసేపు కునుకు తీయడం వల్ల మెదడు పనితీరు మెరుగుపడుతుందని రుజువైనట్లు వెల్లడించింది. మరీ ముఖ్యంగా 60 ఏళ్లు ఆ పైబడిన వృద్ధుల్లో అయితే మధ్యాహ్న నిద్ర మరిన్ని మంచి ఫలితాలనిస్తుందని తేల్చింది. అది సరే కానీ.. ఇంతకీ మధ్యాహ్నం ఎంతసేపు నిద్రపోవాలి? ఇలా కునుకు తీయడం వల్ల ఇంకా ఎలాంటి ఆరోగ్య ప్రయోజనాలు చేకూరతాయి? తదితర విషయాల గురించి తెలుసుకోవాలంటే ఇది చదవాల్సిందే!

Know More

women icon@teamvasundhara
how-to-increase-my-breast-size-in-telugu
women icon@teamvasundhara
nutritious-foods-to-help-boost-your-fertility-in-telugu

ఈ పోషకాలు తీసుకుంటే సంతాన భాగ్యం కలుగుతుందట!

అమ్మతనం కోసం ఎంతగానో పరితపిస్తుంటారు మహిళలు. కానీ అనారోగ్యకరమైన జీవనశైలి, ప్రత్యుత్పత్తి వ్యవస్థలో సమస్యల కారణంగా ప్రస్తుతం ఎంతోమంది స్త్రీలు మాతృత్వానికి దూరమవుతున్నారు. మరికొంతమంది ఐవీఎఫ్‌, అద్దె గర్భం.. వంటి కృత్రిమ పద్ధతుల్లో గర్భం ధరించి అమ్మలవుతున్నారు. ఏదేమైనా మనం తీసుకునే ఆరోగ్యకరమైన ఆహారంతో అమ్మయ్యే భాగ్యానికి నోచుకోవచ్చంటున్నారు నిపుణులు. ఈ క్రమంలో పోషకాలతో నిండి ఉన్న పదార్థాలను రోజువారీ ఆహారపుటలవాట్లలో చేర్చుకోమని సలహా ఇస్తున్నారు. మరి, ఇంతకీ సంతాన భాగ్యాన్ని ప్రసాదించే ఆ పోషకాలేంటి? సంతానలేమిని అవెలా దూరం చేస్తాయి? తెలుసుకోవాలంటే ఇది చదవాల్సిందే!

Know More

women icon@teamvasundhara
benefits-of-eating-breakfast-in-telugu

బ్రేక్‌ఫాస్ట్ చేయాల్సిందే!

రోజూ మనం తీసుకునే ఆహారంలో అత్యంత కీలక పాత్ర పోషించేది ఉదయం తీసుకునే 'బ్రేక్‌ఫాస్టే'! రోజుని ఉల్లాసంగా, ఉత్సాహంగా ప్రారంభించాలంటే మంచి పోషకవిలువలున్న అల్పాహారం తీసుకోవడమూ ముఖ్యమే. కానీ ఈ ఉరుకుల పరుగుల జీవితంలో కొంతమందికి బ్రేక్‌ఫాస్ట్ చేయడానికే టైముండదు. మరికొంతమందైతే ఏదో ఒకటి తినేద్దాంలే అని సరిపెట్టుకుంటారు. ఇలా చేయడం వల్ల ఆరోగ్యం దెబ్బతిని రకరకాల సమస్యలు చుట్టుముట్టే ప్రమాదమూ లేకపోలేదు. అలాగే మనం చేసే పనిపై సరిగ్గా శ్రద్ధ పెట్టలేకపోవచ్చు! ఇంతకీ బ్రేక్‌ఫాస్ట్ తీసుకోవడం వల్ల కలిగే లాభాలేంటి? చేయకపోతే వచ్చే నష్టాలేంటి? చూద్దాం రండి...

Know More

women icon@teamvasundhara
high-calorie-food-items-that-are-actually-healthy

బరువు పెరుగుతామేమోనని ఈ పదార్థాలను దూరం పెట్టకండి!

సాధారణంగా బరువు తగ్గాలనుకునే వారు ముందుగా క్యాలరీలు, కొవ్వులు అధికంగా ఉండే పదార్థాలను దూరం పెడతారు. ప్రత్యేకించి క్యాలరీలు ఎక్కువగా ఉండే ఆహారాన్ని తీసుకోవడం వల్ల శరీరానికి కావాల్సిన దాని కంటే ఎక్కువ శక్తి అందుతుందని, దీనివల్ల బరువు పెరుగుతామని చాలామంది భావిస్తారు. అందుకే ఏవైనా ఆహార పదార్థాలను తీసుకునేటప్పుడు ముందుగా అందులో శరీరానికి అందే క్యాలరీల గురించి అధికంగా ఆలోచిస్తాం. ఒకవేళ వాటిలో క్యాలరీలు ఎక్కువగా ఉన్నాయనుకుంటే వెంటనే అలాంటి పదార్థాలను దూరం పెడతాం. అయితే మనం తీసుకునే ఆహారంలో అన్ని రకాల పోషకాలతో పాటు క్యాలరీలు కూడా ఉండాలంటున్నారు ఆరోగ్య నిపుణులు. అదే సమయంలో క్యాలరీలు అధికంగా ఉండే కొన్ని పదార్థాలను ఆహారంలో భాగం చేసుకుంటే ఎన్నో ప్రయోజనాలను పొందచ్చని చెబుతున్నారు. పైగా వీటి ద్వారా అధిక బరువు, ఊబకాయం.. వంటి సమస్యల నుంచి బయటపడచ్చంటున్నారు. మరి, ఆరోగ్య నిపుణులు చెబుతున్నట్లు ఆరోగ్య ప్రయోజనాలు అందించే అధిక క్యాలరీలున్న ఆ ఆహార పదార్థాలేంటో తెలుసుకుందాం రండి.

Know More

women icon@teamvasundhara
here-are-the-benefits-of-vegan-diet-and-important-things-to-remember-when-following-that

'వీగన్ డైట్' పాటిస్తున్నారా? అయితే ఇది మీకోసమే..!

వీగన్ డైట్.. ప్రస్తుతం ఎక్కువమంది సెలబ్రిటీలు ఫాలో అవుతున్న డైట్ ఇది. మాంసం, గుడ్లతో పాటు పాలు, జంతువుల నుంచి ఉత్పత్తయ్యే పదార్థాలకు పూర్తి దూరంగా ఉంటూ కేవలం మొక్కల నుంచి లభించే పదార్థాలను మాత్రమే తీసుకోవడం వీగనిజం ముఖ్యోద్దేశం. ఇది ఒక ఆరోగ్యకరమైన జీనవశైలి అంటారు నిపుణులు. ప్రస్తుతం ప్రతి ఒక్కరూ ఆరోగ్యకరమైన లైఫ్‌స్త్టెల్ దిశగా అడుగులేస్తోన్న క్రమంలో వీగన్ డైట్‌పై చాలామంది ఆసక్తి చూపిస్తున్నారు. ఈ నేపథ్యంలో వీగన్ డైట్ వల్ల ప్రయోజనాలేంటో తెలుసుకుంటూనే.. ఈ ఆహార పద్ధతిని పాటిస్తూ ఎలాంటి జాగ్రత్తలు తీసుకోవాలో కూడా తెలుసుకుందాం రండి..

Know More

women icon@teamvasundhara
shilpa-shetty-trusts-this-home-remedy-to-relieve-acidity-and-indigestion-in-telugu

ఈ డ్రింక్‌తో ఆ సమస్యలు దూరం చేసుకోవచ్చు!

బాలీవుడ్‌కు సంబంధించి ఆరోగ్యం, ఫిట్‌నెస్.. వంటి విషయాల్లో శ్రద్ధ వహించే అందాల తారల్లో ముందుంటుంది శిల్పాశెట్టి. నిత్యం వ్యాయామాలు, యోగాసనాలతో పాటు తాను చేసే ఆరోగ్యకరమైన వంటకాల ఫొటోలు, వీడియోలను సోషల్‌ మీడియాలో షేర్‌ చేయడం ఈ ముద్దుగుమ్మకు అలవాటు. ఈక్రమంలో ఇప్పటికే రాగి దోసె, ఓట్స్‌ ఇడ్లీ, ఓట్స్‌ ఉప్మా, బేసన్‌ కొకోనట్‌ బర్ఫీ, బనానా బ్రెడ్‌...వంటి ఎన్నో రుచికరమైన, ఆరోగ్యకరమైన వంటకాలను తన ఫ్యాన్స్‌కు పరిచయం చేసిందీ అందాల తార. ఇక ఇటీవల తన హైడ్రోపోనిక్‌ గార్డెన్‌కి సంబంధించిన వీడియోను ఇన్‌స్టాలో పోస్ట్‌ చేసిన శిల్ప.. తాజాగా ఓ హెల్దీ డ్రింక్‌తో మరోసారి మన ముందుకు వచ్చింది.

Know More

women icon@teamvasundhara
common-myths-and-facts-about-thyroid-disease-in-telugu

థైరాయిడ్‌ ఉన్న వారు గర్భం ధరించలేరా?

నిజానికి మనం ఎంత జాగ్రత్తగా ఉన్నా మనకు తెలియకుండానే కొన్ని అనారోగ్యాలు మనల్ని చుట్టుముడతాయి. దురదృష్టవశాత్తూ వాటి వల్ల మన ఆరోగ్యానికి జరగకూడని నష్టం జరిగేదాకా వాటిని గుర్తించలేం. థైరాయిడ్‌ కూడా అలాంటి వ్యాధే! బరువు పెరగడం/తగ్గడం, అలసట, నీరసం, నెలసరి సమస్యలు, పొడి చర్మం, మలబద్ధకం.. ఇలా దీనివల్ల మన ఆరోగ్యంపై ప్రతికూల ప్రభావం చూపే సమస్యలెన్నో! ఇదిలా ఉంటే థైరాయిడ్‌ గురించి చాలామందిలో చాలా అపోహలే నెలకొన్నాయి. ఒకవేళ దీని బారిన పడితే నయమవుతుందా? థైరాయిడ్‌ ఉంటే పిల్లలు పుట్టరేమో? థైరాయిడ్‌ ఉన్న వాళ్లు గర్భం ధరించినా ఆ సమయంలో మందులు వాడడం మంచిదో? కాదో? ఇలా దీని గురించి ఒక్కొక్కరిలో ఒక్కో రకమైన సందేహాలు, అపోహలు ఉన్నాయి. అయితే వీటన్నింటినీ పక్కన పెట్టి డాక్టర్‌ సలహా మేరకు మందులు వాడుతూ, ఆరోగ్యకరమైన జీవనశైలిని అలవర్చుకుంటే ఈ సమస్యను అదుపు చేసుకోవచ్చని చెబుతున్నారు నిపుణులు. జనవరిని ‘జాతీయ థైరాయిడ్‌ అవగాహన మాసం’గా జరుపుకుంటోన్న సందర్భంగా థైరాయిడ్‌ సమస్యపై నెలకొన్న కొన్ని అపోహలు, వాటి వెనక దాగున్న అసలు నిజాలేంటో తెలుసుకుందాం రండి..

Know More

women icon@teamvasundhara
fssai-issues-guidance-on-safe-handling-processing-and-consumption-of-poultry-meat-and-eggs-during-bird-flu-outbreak

బర్డ్‌ ఫ్లూ అలర్ట్‌ : చికెన్‌, కోడిగుడ్లు తినడం మంచిదా? కాదా?

వారాంతాల్లో మాంసాహారం, రోజుకో ఉడికించిన కోడిగుడ్డు.. ఇవి లేకుండా ఉండలేరు కొంతమంది. అది కూడా మాంసాహారుల్లో చికెన్‌ ప్రియులే ఎక్కువమంది! అయితే ప్రస్తుతం బర్డ్‌ ఫ్లూ భయంతో వీటిపై ఉన్న ఇష్టాన్ని చంపుకొని మరీ వీటికి దూరంగా ఉంటోన్న వారూ లేకపోలేదు. అయితే ఆ భయం అక్కర్లేదని, తగిన జాగ్రత్తలు తీసుకుంటూ, వీటిని బాగా ఉడికించుకొని తీసుకుంటే మన ఆరోగ్యానికి ఎలాంటి నష్టం జరగదని చెబుతోంది ‘భారత ఆహార భద్రత, నాణ్యతా ప్రమాణాల సంస్థ (FSSAI)’. చికెన్‌, కోడిగుడ్లను తినాలా? వద్దా? ఒకవేళ తీసుకుంటే వైరస్ మూలంగా ఏవైనా అనారోగ్యాలు తలెత్తే అవకాశం ఉంటుందా? ఇలా చాలామందిలో నెలకొన్న సందేహాలకు తెరదించుతూ తాజాగా కొన్ని మార్గదర్శకాలను జారీచేసింది. ఇందులో భాగంగా వీటిని కొనుగోలు చేయడం దగ్గర్నుంచి వండుకోవడం, వ్యక్తిగత పరిశుభ్రత పాటించడం.. తదితర అంశాల గురించి ఈ మార్గదర్శకాల్లో భాగంగా వివరించిందీ సంస్థ.

Know More

women icon@teamvasundhara
complete-details-of-thyroid-on-national-thyroid-awareness-month

జాగ్రత్తగా ఉంటే.. థైరాయిడ్ ఏం చేస్తుంది?

హలో అండీ.. నిన్న షాపింగ్‌కి వెళ్లినప్పుడు నా ఫ్రెండ్స్ సునీత, శ్రావణి, భవాని కనిపించారు. ఎంత ఆనందమేసిందో వాళ్లను చూసి..! మేం కలిసి దాదాపు ఆరు నెలలకు పైగానే అయింది. అయితే అప్పటికీ, ఇప్పటికీ వాళ్లలో చాలా మార్పు. ముగ్గురూ చాలా లావయ్యారు. ఆ తర్వాత మాటల్లో తెలిసింది.. వాళ్ల ముగ్గురికీ థైరాయిడ్ సమస్య ఉందని. నిజమేనండీ.. ఇటీవలి కాలంలో మహిళల్లో ఎక్కువగా కనిపిస్తున్న సమస్య థైరాయిడ్. పిరియడ్స్ రెగ్యులర్‌గా రాకపోవడం, బరువు పెరగడం, ఇతర అనారోగ్యాలు.. ఇలా ఒక్కటేమిటి థైరాయిడ్‌తో వచ్చే అనారోగ్యాలు అనేకం. ‘జాతీయ థైరాయిడ్‌ అవగాహన మాసం’ సందర్భంగా అసలీ థైరాయిడ్ ఎందుకొస్తుంది? దీన్ని అదుపులో ఉంచుకోవడం ఎలా? వంటి ప్రశ్నలన్నింటికీ నిపుణులు చెబుతోన్న సమాధానాలు ఏంటో తెలుసుకుందామా?

Know More

women icon@teamvasundhara
super-foods-that-celebrity-nutritionist-pooja-makhija-eats-every-day

రోజూ నేను తినే సూపర్‌ఫుడ్స్‌ ఇవే!

ఆరోగ్యం విషయంలో ఏమాత్రం నిర్లక్ష్యంగా వ్యవహరించినా చిన్న చిన్న అనారోగ్యాల దగ్గర్నుంచి దీర్ఘకాలిక వ్యాధుల దాకా మనపై దాడి చేయడానికి సిద్ధంగా ఉంటాయి. మరి, అలాంటి అనారోగ్యాల బారిన పడి బాధపడడం కంటే ముందుగానే జాగ్రత్తపడడం మంచిది కదా! ఈ క్రమంలోనే చక్కటి పోషకాహారం మనకు ఎంతగానో తోడ్పడుతుందని చెబుతున్నారు ప్రముఖ సెలబ్రిటీ పోషకాహార నిపుణురాలు పూజా మఖిజ. మన రోజువారీ ఆహారపుటలవాట్లలో భాగంగా కొన్ని పదార్థాల్ని తప్పనిసరిగా భాగం చేసుకుంటే సంపూర్ణ ఆరోగ్యంతో ముందుకు సాగచ్చని, తానూ ఇదే సిద్ధాంతాన్ని పాటిస్తున్నానంటున్నారామె. ఈ క్రమంలో తాను తీసుకునే రోజువారీ ఆహార పదార్థాలు, వాటిలో దాగున్న పోషక విలువలు, అవి అందించే ఆరోగ్య ప్రయోజనాలేంటో వీడియోల రూపంలో వివరించారామె. ఇటీవలే ఇన్‌స్టాగ్రామ్‌లో పోస్ట్‌ చేసిన ఈ వీడియోలు ప్రస్తుతం ట్రెండింగ్‌లో ఉన్నాయి.

Know More

women icon@teamvasundhara
gynaecology-expert-advice-on-sexual-intercourse-in-telugu
women icon@teamvasundhara
home-remedies-for-food-poisoning-in-telugu

women icon@teamvasundhara
celebrity-nutritionist-rujuta-diwekar-explained-how-using-iron-vessels-can-help-counter-its-deficiency

అందుకే ఇనుప పాత్రల్లో వండుకోవాలట!

సంతాన లేమి, తరచూ గర్భస్రావాలు, థైరాయిడ్‌, పీసీఓఎస్‌, హార్మోన్ల అసమతుల్యత.. ఇలా చెప్పుకుంటూ పోతే మహిళల ఆరోగ్యంపై ప్రతికూల ప్రభావం చూపే సమస్యలకు లెక్క లేదు. గత కొన్నేళ్లుగా ఇలాంటి ప్రత్యుత్పత్తి సమస్యలతో బాధపడే వారి సంఖ్య అంతకంతకూ పెరుగుతోంది. అయితే వీటన్నింటికీ మూలకారణం రక్తహీనతే అంటున్నారు ప్రముఖ సెలబ్రిటీ పోషకాహార నిపుణురాలు రుజుతా దివేకర్‌. ఇలాంటి అనారోగ్యాలు మహిళల్ని అటు శారీరకంగానే కాదు.. ఇటు మానసికంగానూ కుంగదీస్తున్నాయంటున్నారామె. మరి, దీనికి పరిష్కారం లేదా అంటే.. ‘ఓల్డ్‌ ఈజ్‌ గోల్డ్‌’ సిద్ధాంతాన్ని పాటిస్తూ పూర్వకాలపు పాకశాస్త్ర పద్ధతుల్ని అలవర్చుకోవడమే దీనికి అత్యుత్తమ మార్గమని సూచిస్తున్నారు. ఈ క్రమంలోనే రక్తహీనతను ఎలా తగ్గించుకోవాలో వివరిస్తూ ఓ సుదీర్ఘ పోస్ట్‌ పెట్టారామె.

Know More

women icon@teamvasundhara
do-you-know-about-these-egg-freezing-myths-and-facts?-in-telugu

పిల్లలు వద్దనుకున్నప్పుడు ఎగ్‌ ఫ్రీజింగ్‌.. మంచిదా? కాదా?

‘ముందు జీవితంలో సెటిలవ్వాలి.. ఆ తర్వాతే పెళ్లి, పిల్లలు’ ఇది ఈ తరం అమ్మాయిల ఆలోచనా ధోరణి. అయితే ఒకవేళ పెళ్లి చేసుకున్నా కూడా పిల్లల్ని కనడం వాయిదా వేసే వారు చాలామందే ఉంటారు. ఇలాంటి మహిళలకు ఎగ్‌ ఫ్రీజింగ్‌ (శీతలీకరణ పద్ధతిలో అండాల్ని నిల్వ చేసుకోవడం) పద్ధతి ఓ వరమని చెప్పాలి. యుక్త వయసులో ఉన్నప్పుడు తమ అండాల్ని నిల్వ చేసుకొని.. ఇక ఎప్పుడంటే అప్పుడు పిల్లల్ని కనే అద్భుత అవకాశాన్ని అందిస్తోందీ పద్ధతి. అయితే మహిళలకు ఏ వయసులోనైనా సంతాన భాగ్యాన్ని ప్రసాదించే ఈ పద్ధతి గురించి చాలామందిలో చాలా అపోహలే నెలకొన్నాయని చెప్పచ్చు. అసలు ఇలా నిల్వ చేసిన అండాల వల్ల పిల్లలు ఆరోగ్యంగా పుడతారా?, దీనివల్ల ఇటు తల్లికి, అటు పుట్టబోయే బిడ్డకు ఏదైనా ప్రమాదముంటుందేమో?, ఏ వయసులో ఉన్నప్పుడు అండాల్ని శీతలీకరించుకోవడం మంచిది? ఇలా చెప్పుకుంటూ పోతే ఈ పద్ధతి గురించి మహిళల్లో నెలకొన్న సందేహాలెన్నో! అయితే ఏది ఎలా ఉన్నా కూడా ఎగ్‌ ఫ్రీజింగ్‌ పద్ధతి సురక్షితమైనది, ఎంతో ప్రభావవంతమైందని చెబుతున్నారు నిపుణులు. ఈ పద్ధతి గురించి మహిళల్లో నెలకొన్న సాధారణ అపోహలు, సందేహాల్ని నివృత్తి చేసే ప్రయత్నం చేస్తున్నారు. సాధారణంగా మహిళల్లో 30 దాటితే అండాల నిల్వ క్రమంగా తగ్గిపోతుంటుంది.. ఇలా వయసు పెరిగే కొద్దీ ఉత్పత్తయ్యే అండాలు కూడా అంత ఆరోగ్యకరంగా ఉండవని, వాటితో గర్భం దాల్చితే పిల్లల్లో అవకరాలు తలెత్తే అవకాశాలు ఎక్కువగా ఉంటాయని చెబుతుంటారు నిపుణులు. అందుకే వ్యక్తిగతంగా, వృత్తిపరంగా పిల్లల్ని కనడం వాయిదా వేసుకోవాలనుకుంటోన్న వారు యుక్త వయసులోనే తమ అండాల్ని నిల్వ చేసుకునేందుకు ఎగ్‌ ఫ్రీజింగ్‌ పద్ధతిని ఎంచుకోమని సూచిస్తున్నారు. పైగా ఇది సురక్షితమైందని, ప్రభావవంతమైందని కూడా సలహా ఇస్తున్నారు.

Know More

women icon@teamvasundhara
gynecologist-advice-on-urine-infection-in-telugu
women icon@teamvasundhara
natural-way-to-relieve-gas-and-bloating

ఈ చిట్కాలతో గ్యాస్ట్రిక్ సమస్యలు దూరం!

'రాళ్లు తిని అరిగించుకోవాల్సిన వయసులో ఈ అరుగుదల సమస్యలేంటర్రా..?' - అంటూ పెద్దవాళ్లు వాపోతున్నారు.. కానీ ఏం చేయగలం..? చదువులూ, ఉద్యోగాల కోసం పరుగులు తీసే హడావుడిలో బయట దొరికే ఆహారం తినక తప్పదు. అలాంటప్పుడు దానివల్ల కలిగే జీర్ణ సమస్యలూ తప్పవు కదా మరి..! ఇంట్లో తయారు చేసే ఆహారం కూడా వందశాతం ఆరోగ్యకరమైనదే అని చెప్పలేం. విషపూరితమైన కూరగాయలు, కల్తీ సరుకులు మన ఆహారాన్ని కలుషితం చేస్తున్నాయి. నగరాలలో ఈ సమస్య మరీ ఎక్కువ. పెరిగే హాస్పిటళ్ల సంఖ్యకీ, తరిగి పోతున్న మన ఆరోగ్యానికీ ఇదే కారణం. అలాగని తినకుండా ఉండలేం కదా.. మరి ఈ సమస్యకు పరిష్కారమేంటనేగా మీ ప్రశ్న..? అయితే జీర్ణ సమస్యలని నివారించే ఈ వంటింటి చిట్కాలను పాటించండి.

Know More

women icon@teamvasundhara
reasons-why-you-should-have-gajar-ka-halwa-this-winter

చలికాలంలో క్యారట్‌ హల్వా అందుకే తినాలట!

ఇంట్లో క్యారట్లు మిగిలిపోతే క్యారట్‌ హల్వా చేసుకుంటాం.. సాధారణ హల్వా బోర్‌ కొట్టినా క్యారట్‌ హల్వాకే ఓటేస్తుంటారు చాలామంది. సులభంగా, ఇన్‌స్టంట్‌గా చేసుకునే ఈ హల్వాతో తీపి తినాలన్న కోరికను తీర్చుకునే వారూ ఎంతోమంది! ఇలాంటి యమ్మీ స్వీట్‌ రుచిలోనే కాదు.. ఆరోగ్యంలోనూ మేటి అని చెబుతున్నారు నిపుణులు. మరీ ముఖ్యంగా చలికాలంలో క్యారట్‌ హల్వా తినడం వల్ల పలు ఆరోగ్య ప్రయోజనాలు సైతం చేకూరతాయని సలహా ఇస్తున్నారు. శరీరానికి శక్తినివ్వడం దగ్గర్నుంచి రోగనిరోధక శక్తిని పెంచే దాకా, బరువు తగ్గించడంతో మొదలుపెట్టి చర్మ ఆరోగ్యాన్ని కాపాడే దాకా.. ఇలా ఈ సీజన్‌కు క్యారట్‌ హల్వాకు అవినాభావ సంబంధం ఉందట! మరి, ఇంతకీ చలికాలంలో క్యారట్‌ హల్వా తినడం వల్ల చేకూరే ఆ ఆరోగ్య ప్రయోజనాలేంటో మనమూ తెలుసుకుందాం రండి..

Know More

women icon@teamvasundhara
why-it’s-a-bad-idea-to-use-room-heaters-this-winter?

రూమ్‌ హీటర్లు వాడుతున్నారా? అయితే ఇవి గుర్తుపెట్టుకోండి!

శరీరాన్ని గిలిగింతలు పెట్టే చలిని తట్టుకోవడానికి పొద్దెక్కేదాకా ముసుగుతన్ని పడుకోవడం మనలో చాలామందికి అలవాటే! అయితే ఈ కాలంలో ఇంకాస్త వెచ్చదనం కోరుకునే వారు పడకగదిలో హీటర్లను కూడా ఏర్పాటు చేసుకుంటుంటారు. నిజానికి ఇలాంటి హీటర్లు చలిని తరిమికొట్టడం వరకు బాగానే పనిచేసినా.. ఆరోగ్యపరంగా మాత్రం ఎన్నో సమస్యల్ని తెచ్చిపెడతాయంటున్నారు నిపుణులు. అంతేకాదు.. రూమ్‌ హీటర్ల వల్ల అనుకోని అగ్ని ప్రమాదాలు కూడా సంభవించచ్చని హెచ్చరిస్తున్నారు. కాబట్టి వాటిని వాడే క్రమంలో తగిన జాగ్రత్తలు తీసుకోవడం తప్పనిసరి. మరైతే చలికాలంలో హీటర్లు వాడడం మంచిదా? కాదా?, అవి ఆరోగ్యంపై ఎలాంటి ప్రతికూల ప్రభావం చూపుతాయి? వాడేటప్పుడు ఎలాంటి జాగ్రత్తలు తీసుకోవాలి? తదితర విషయాల గురించి తెలుసుకోవాలంటే ఇది చదివేయండి!

Know More