scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

Movie Masala

 
category logo

శీతాకాలంలో ఈ సూపర్‌ఫుడ్స్‌ ఎందుకు తీసుకోవాలో తెలుసా?

Top 10 Winter Super Foods by Celebrity Nutritionist Rujuta Diwekar in Telugu

కాలాలు మారుతున్న కొద్దీ మనలో రోగనిరోధక వ్యవస్థ పనితీరు మందగించి పలు అనారోగ్యాలు తలెత్తడం సహజం. అయితే ఆయా కాలాల్లో వచ్చే వాతావరణ మార్పులకు మన శరీరం అలవాటు పడడానికి కొంత సమయం పట్టడమే అందుకు కారణం. ముఖ్యంగా శీతాకాలంలో వాతావరణ ప్రభావం మన ఆరోగ్యంపై తీవ్రంగానే ఉంటుంది. ఈ క్రమంలో జలుబు, దగ్గు, ఆస్తమా.. వంటి శ్వాసకోశ సంబంధిత సమస్యల దగ్గర్నుంచి చర్మం పొడిబారడం, జుట్టు రాలిపోవడం.. వంటి సౌందర్య సమస్యల దాకా పలు రకాల అనారోగ్యాలు ఇబ్బంది పెడుతుంటాయి. దీనికి తోడు ప్రస్తుత పరిస్థితుల్లో కరోనా కూడా మన రోగనిరోధక వ్యవస్థపై ప్రతికూల ప్రభావం చూపేందుకు రడీగా ఉంది. మరి, ఇలాంటి సమయంలో మన ఆరోగ్యాన్ని సంరక్షించుకోవడమంటే కత్తి మీద సామే అని చెప్పాలి.
అయితే కొన్ని రకాల ఆహార పదార్థాలను రోజువారీ మెనూలో చేర్చుకోవడం వల్ల చలికాలంలోనూ ఆరోగ్యంగా ఉండచ్చని చెబుతున్నారు ప్రముఖ సెలబ్రిటీ పోషకాహార నిపుణురాలు రుజుతా దివేకర్‌. శీతాకాలంలో అటు చలి నుంచి, ఇటు కరోనా నుంచి మనల్ని కాపాడే కొన్ని సూపర్‌ఫుడ్స్‌ గురించి వివరిస్తూ ఇటీవలే ఇన్‌స్టాగ్రామ్‌లో ఓ వీడియో పోస్ట్‌ చేశారామె.

View this post on Instagram

A post shared by Rujuta Diwekar (@rujuta.diwekar) on


వర్క్‌ ఫ్రమ్‌ హోమ్‌, ఆన్‌లైన్‌ క్లాసుల పేరుతో ఎక్కువ సమయం పాటు ఒకే చోట కూర్చుండిపోవడం వల్ల కీళ్లు పట్టేయడం; చలి వాతావరణం కారణంగా పొడి చర్మం, జుట్టు రాలిపోవడం, గోళ్లు పొడిబారి విరిగిపోవడం, కొంతమందిలో మలబద్ధకం.. వంటి పలు సమస్యలు తలెత్తుతుంటాయి. ఇలాంటి సమస్యలన్నింటికీ చెక్‌ పెట్టడానికి కొన్ని ఆహార పదార్థాలు ఉపకరిస్తాయంటున్నారు న్యూట్రిషనిస్ట్‌ రుజుతా దివేకర్‌. అవేంటంటే..!

సజ్జలు

wintersuperfoodsgg650-1.jpg

సజ్జలతో రోటీ, లడ్డూ, కిచిడీ, పాపడ్‌, థాలీపీట్.. వంటి పదార్థాలు తయారుచేసుకొని తీసుకోవచ్చు. వీటి నుంచి అధికంగా లభించే ఫైబర్‌, విటమిన్‌ ‘బి’ జుట్టు ఆరోగ్యానికి చాలా మంచివి. ముఖ్యంగా ప్రసవం తర్వాత జుట్టు రాలిపోతోందని బాధపడే వారు సజ్జలను ఆహారంలో భాగం చేసుకుంటే సమస్య తగ్గుతుంది. అయితే ఇది వేడి పదార్థం కాబట్టి దీన్ని శీతాకాలంలో తీసుకోవచ్చు.. కానీ వేసవి, వర్షాకాలంలో తీసుకోకపోవడమే మంచిది. అలాగే మధుమేహం, అధిక బరువు, ఐరన్‌ లోపం.. వంటి సమస్యలతో బాధపడే వారు ఈ సూపర్‌ఫుడ్‌ని రోజువారీ మెనూలో చేర్చుకోవాలి.


గోంద్

wintersuperfoodsgg650-6.jpg

చిన్న చిన్న గింజల్లా ఉండే ఈ పదార్థంతో లడ్డూ చేసుకొని తీసుకోవచ్చు. ఇది కీళ్ల ఆరోగ్యానికి, అవి ఫ్లెక్సిబుల్‌గా కదిలేందుకు సహకరిస్తుంది. అలాగే ఎముకల దృఢత్వానికి, జీర్ణశక్తిని మెరుగుపరచడానికి, శృంగార సామర్థ్యాన్ని పెంచడానికి ఇది దోహదం చేస్తుంది. అలాగే కొంతమందిలో నెలసరి సమయంలో ఎక్కువ రోజులు బ్లీడింగ్ అవుతుంటుంది. అలాంటి వారు ఐదో రోజు తర్వాత నుంచి ఈ పదార్థాన్ని తీసుకోవడం వల్ల బ్లీడింగ్‌ అదుపులోకొస్తుంది. దీన్ని కాస్త నెయ్యిలో వేయించుకొని, కొద్దిగా చక్కెర చల్లుకొని కూడా తీసుకోవచ్చు.


ఆకుకూరలు

wintersuperfoodsgg650-7.jpg

చల్లటి వాతావరణం కారణంగా కొంతమంది చేతులు, కాళ్లు మంట పుడుతుంటాయి. అలాంటి వారు ఈ కాలంలో ఆకుకూరల్ని ఆహారంలో భాగం చేసుకోవాలి. ముఖ్యంగా పాలకూర, మెంతికూర, ఆవ ఆకులు, పుదీనా, ఉల్లికాడలు.. వంటి ఆకుకూరల్లో యాంటీ ఇన్‌ఫ్లమేటరీ గుణాలు అధికంగా ఉంటాయి. అలాగే రోగనిరోధక శక్తిని పెంచే సద్గుణాలు కూడా ఆకుకూరల్లో పుష్కలంగా ఉన్నాయి.


దుంపలు

wintersuperfoodsgg650-4.jpg

దుంపలు శక్తికి నిలయాలు. ఇందులో ఫైబర్‌ ఎక్కువగా ఉంటుంది. దుంపల ద్వారా మన శరీరానికి మంచి బ్యాక్టీరియా అందుతుంది. కంటి ఆరోగ్యాన్ని మెరుగుపరచడంలో, పోషకాహార లోపాన్ని తగ్గించడంలో దుంపలకు సాటి మరొకటి లేదంటే అతిశయోక్తి కాదు. వీటితో టిక్కీ, సబ్జీ.. వంటివి చేసుకోవడం, కాల్చుకొని ఉప్పు-కారం చల్లుకొని తీసుకోవడం మంచిది. ఈ దుంపల్లోని ప్రి-బయోటిక్‌ బరువు తగ్గడానికి, జీర్ణశక్తిని పెంచడానికి దోహదం చేస్తుంది.


సీజనల్‌ పండ్లు

wintersuperfoodsgg650-5.jpg

ఈ కాలంలో ఎక్కువగా లభించే జామ, సీతాఫలాలు, యాపిల్‌, ఆప్రికాట్‌.. వంటి పండ్లను తీసుకోవడం వల్ల వీటిలోని సూక్ష్మ పోషకాలు, ఫైబర్‌, విటమిన్‌ ‘బి’, ఐరన్‌ శరీరానికి అందుతాయి. అలాగే ఈ పండ్లు పొడిబారిన చర్మానికి తిరిగి తేమనందిస్తాయి. మధుమేహం ఉన్న వారిలో కొంతమందికి మందులు వాడేటప్పుడు మలబద్ధకం సమస్య తలెత్తుతుంటుంది. అలాంటి వారు ఈ పండ్లను తీసుకుంటే సమస్య తగ్గుతుంది. ముఖ్యంగా మరో విషయం ఏంటంటే.. ఏ పండ్లు తీసుకున్నా ముందుగా శుభ్రంగా కడగాలన్న విషయం గుర్తుపెట్టుకోండి. అలాగే ఈ పండ్లను మధ్యాహ్నం భోజనం సమయంలో/భోంచేశాక తీసుకోవడం వల్ల వీటిలోని సకల పోషకాలూ శరీరానికి అందుతాయి.


నువ్వులు

wintersuperfoodsgg650-9.jpg

చిక్కీ, లడ్డూ, చట్నీ.. ఇలా ఏ రూపంలోనైనా నువ్వుల్ని తీసుకోవచ్చు. వంటకాల తయారీలోనూ వాడచ్చు. తద్వారా ఇందులోని అత్యవసర ఫ్యాటీ ఆమ్లాలు, విటమిన్‌ ‘ఇ’.. ఎముకలు, చర్మం, జుట్టు, గోళ్ల ఆరోగ్యానికి మేలు చేస్తాయి. అలాగే నువ్వులు గుండె ఆరోగ్యానికి చాలా మంచివి.


పల్లీలు

wintersuperfoodsgg650-8.jpg

ప్రపంచంలోనే ఆరోగ్యకరమైన ఆహార పదార్థాల్లో ఒకటిగా దీనికి పేరుంది. వీటిని ఉడికించుకొని, వేయించుకొని, చట్నీ రూపంలో.. ఎలాగైనా తీసుకోవచ్చు. అలాగే సలాడ్స్‌, సబ్జీలో కూడా భాగం చేసుకోవచ్చు. విటమిన్‌ ‘బి’, అమైనో ఆమ్లాలు, పాలీఫినోల్స్‌ పుష్కలంగా లభించే పల్లీలు గుండె ఆరోగ్యానికి మేలు చేస్తాయి.


నెయ్యి

wintersuperfoodsgg650-2.jpg

శీతాకాలంలో జీర్ణవ్యవస్థ పనితీరు మందగిస్తుంది. అలాంటప్పుడు నెయ్యి తీసుకోవడం వల్ల జీర్ణక్రియ సులభంగా జరుగుతుంది. పప్పులు, అన్నం వండుకునేటప్పుడు, చపాతీలు చేసుకునేటప్పుడు నెయ్యిని వాడడం వల్ల అందులోని విటమిన్‌ ‘డి’ శరీరానికి అందుతుంది. అలాగే వంటకాల రుచీ పెరుగుతుంది. ప్రస్తుతం కరోనా పరిస్థితుల్లో విటమిన్‌ ‘డి’లోపం ఉన్న వారికి పలు రకాల అనారోగ్యాలు తలెత్తుతున్నాయి. అలాంటివి రాకుండా ఉండాలంటే నెయ్యి రోజూ తీసుకోవడం మంచిది.


వెన్న

wintersuperfoodsgg650-10.jpg

ఈ రోజుల్లో వర్క్‌ ఫ్రమ్‌ హోమ్‌, ఆన్‌లైన్‌ క్లాసుల పేరుతో పెద్దలు, పిల్లలు గంటల తరబడి స్క్రీన్‌కే పరిమితమైపోతున్నారు.. తద్వారా మెడ నొప్పి-వెన్ను నొప్పి వేధిస్తుంటుంది. ఆ నొప్పుల నుంచి ఉపశమనం పొందడానికి వెన్న సహకరిస్తుంది. ఈ క్రమంలో చపాతీపై వెన్న రాసుకొని తీసుకోవచ్చు.. పప్పుల్లో వేసుకోవచ్చు. అలాగే కీళ్లు, చర్మం, ఎముకల ఆరోగ్యానికి వెన్న చాలా మంచిది. చాలామంది గుండె సంబంధిత సమస్యలున్న వారు దీన్ని దూరం పెడుతుంటారు. కానీ ఇది గుండె, శ్వాస వ్యవస్థల ఆరోగ్యానికి ఉపకరిస్తుంది.


ఉలవలు

wintersuperfoodsgg650-3.jpg

పరాఠా, పప్పు, సూప్స్‌.. వంటి వాటిలో ఉలవలను భాగం చేసుకోవడం వల్ల మూత్రపిండాల్లో రాళ్లు ఏర్పడకుండా జాగ్రత్తపడచ్చు. అలాగే కడుపు ఉబ్బరం నుంచి ఇవి ఉపశమనం కలిగిస్తాయి. ఉలవల్లో పుష్కలంగా లభించే అమైనో ఆమ్లాలు, విటమిన్‌ ‘బి’, ప్రొటీన్‌, ఫైబర్‌, సూక్ష్మ పోషకాలు సంపూర్ణ ఆరోగ్యాన్ని అందిస్తాయి.





women icon@teamvasundhara
tips-to-reduce-post-pregnancy-tummy

women icon@teamvasundhara
effective-tips-for-getting-pregnant-with-pcos
women icon@teamvasundhara
aids-myths-and-facts-about-the-deadly-disease

అపోహలు తొలగిద్దాం.. అవగాహన పెంచుకుందాం..

మానవ జాతిని వణికిస్తోన్న ప్రాణాంతక వ్యాధుల్లో ఎయిడ్స్ కూడా ఒకటి. కొన్ని సంవత్సరాల క్రితం నుంచి ఈ వ్యాధికి మందు కనుగొనేందుకు శాస్త్రవేత్తలు పరిశోధనలు చేస్తున్నా ఇప్పటికీ ఎలాంటి ఫలితం కనిపించలేదు. అలాగని హెచ్ఐవీ ఏమీ అంటువ్యాధి కాదు. ఈ వ్యాధి కేవలం కొన్ని మార్గాల ద్వారా మాత్రమే ఒకరి నుంచి మరొకరికి వ్యాప్తి చెందుతుంది. కానీ కొందరు ఎయిడ్స్, హెచ్ఐవీలపై ఉన్న అపోహల కారణంగా ఈరోజుల్లో కూడా ఎయిడ్స్ వ్యాధిగ్రస్తుల పట్ల అమానుషంగా ప్రవర్తిస్తూ; వారిని దూరం పెడుతూ ఉంటారు. ఇవే కాదు.. మన సమాజంలో హెచ్ఐవీ గురించి ఎన్నో అపోహలు ఉన్నాయి. వాటిని తొలగిస్తూ; వ్యాధి గురించి అందరికీ పూర్తి అవగాహన కల్పించే ఉద్దేశంతోనే ఐక్యరాజ్య సమితి డిసెంబర్ 1ని 'ప్రపంచ ఎయిడ్స్ దినం'గా ప్రకటించింది. ఈ ఏడాది ‘ఎండింగ్‌ ది హెచ్‌ఐవీ/ఎయిడ్స్‌ ఎపిడమిక్‌ : రీసైలెన్స్‌ అండ్‌ ఇంపాక్ట్‌’ అనే నినాదంతో ఈ వ్యాధిపై పెద్ద ఎత్తున అవగాహన కల్పిస్తోంది. ఈ సందర్భంగా ఎయిడ్స్/హెచ్ఐవీ వ్యాధి పట్ల ఉన్న కొన్ని అపోహల గురించి తెలుసుకొని; మరింత అవగాహన పెంచుకునే ప్రయత్నం చేద్దాం రండి.

Know More

women icon@teamvasundhara
fssai-suggests-these-post-festivity-tips-to-resume-a-healthy-routine

ఈ చిట్కాలతో మీ శరీరాన్ని డీటాక్స్‌ చేసుకోండి!

ప్రస్తుతం పండగలు, పెళ్లిళ్ల సీజన్‌ నడుస్తోంది. ఇలాంటి ప్రత్యేక సందర్భాలంటే నోరూరించే విభిన్న వంటకాలతో కూడిన విందులే గుర్తొస్తాయి. తలచుకుంటేనే నోరూరిపోతోంది కదూ! అయితే ఇలాంటి విందు భోజనం ఆరంగించేటప్పుడు బాగానే ఉంటుంది.. కానీ అమితంగా లాగిస్తే మాత్రం అజీర్తి, గ్యాస్ట్రిక్‌ సమస్యలు ఎదుర్కోక తప్పదు. ఏదేమైనా ఇలాంటి ప్రత్యేక వంటకాల ద్వారా ఎంతో కొంత మొత్తంలో కొవ్వులు, చక్కెరలు, శీతల పానీయాలు.. వంటివి మన శరీరంలోకి చేరిపోతాయి. నిజానికి ఇవి మన శరీరానికి మంచి కంటే చెడే ఎక్కువ చేస్తాయి. కాబట్టి మన శరీరంలో చేరిన ఇలాంటి విషతుల్యాలను తొలగించుకొని తిరిగి సాధారణ ఆహార నియమాలకు అలవాటు పడాలంటే కొన్ని చిట్కాలు పాటించాలంటోంది ‘భారత ఆహార భద్రత, నాణ్యతా ప్రమాణాల సంస్థ (FSSAI)’.

Know More

women icon@teamvasundhara
leave-these-health-habits-in-your-20s

ఇరవైల్లో ఉన్నారా? అయితే ఇలా చేయద్దు...

ఇరవయ్యేళ్ల వయసు.. టీనేజ్ దాటేశాం అన్న పెద్దరికం ఓవైపైతే.. పూర్తి చేయాల్సిన చదువులు.. కెరీర్‌లో చేరాల్సిన తీరం.. ఇంకా చేయాల్సింది చాలానే ఉందంటూ మనల్ని చిన్నవారిగా మారుస్తాయి. ఓ మహిళ జీవితంలో ఇరవై నుంచి ముప్ఫై ఏళ్ల వయసు చాలా మార్పులనే తీసుకొస్తుంది. కెరీర్‌లో తాము కావాలనుకున్న స్థాయికి చేరుకోవాలన్నా.. అంతకుమించిన ఉన్నత చదువులు చదవాలన్నా.. నచ్చిన వరుడిని పెళ్లి చేసుకొని కొత్త జీవితం ప్రారంభించాలన్నా ఈ పదేళ్లలోనే జరగడం పరిపాటి.. అందుకే ఈ పదేళ్ల సమయం మహిళల జీవితంలో చాలా ముఖ్యమైనదని చెప్పుకోవచ్చు. కానీ చాలామంది ఈ వయసులో ఆరోగ్యంపై సరైన శ్రద్ధ చూపకపోవడం వల్ల వివిధ అనారోగ్య సమస్యల బారిన పడడమే కాకుండా.. జీవితంలో ముందుముందు మరిన్ని ఆరోగ్య సమస్యలు చుట్టుముట్టేలా తమ జీవన శైలిని మార్చుకుంటూ ఉంటారు. ఈ క్రమంలో ఇరవైల వయసులో ఉన్న అమ్మాయిలు ఆరోగ్యం విషయంలో చేసే కొన్ని తప్పులేంటో తెలుసుకుందాం..

Know More

women icon@teamvasundhara
expert-suggestion-on-frequent-ivf-failures
women icon@teamvasundhara
things-to-avoid-during-periods

పిరియడ్స్ సమయంలో కలయిక మంచిదేనా?

పిరియడ్స్.. రోజు కంటే ఈ ఐదు రోజులూ కాస్త భిన్నం.. నొప్పి, చిరాకు, మూడ్ స్వింగ్స్.. వంటివి ఈ సమయంలో కామన్. అయితే కొంతమంది నెలసరి సమయంలో నొప్పితో ఏమీ చేయాలనిపించక సైలెంట్‌గా ఉండిపోతారు. మరికొందరేమో రోజూ లాగే అన్ని పనులూ చేసేస్తుంటారు. కానీ నెలసరి సమయంలో చేయకూడని కొన్ని పనులు కూడా ఉన్నాయంటున్నారు గైనకాలజిస్టులు. వాటిని పట్టించుకోకుండా మీ పని మీరు చేసుకుంటూ వెళ్లిపోతే ఆ ప్రభావం మన ప్రత్యుత్పత్తి వ్యవస్థపై పడుతుందని వారు హెచ్చరిస్తున్నారు. ఇంతకీ, పిరియడ్స్ సమయంలో చేయకూడని ఆ పనులేంటి? తీసుకోవాల్సిన జాగ్రత్తలేంటి? తెలుసుకోవాలంటే ఇది చదవాల్సిందే!

Know More

women icon@teamvasundhara
ways-to-avoid-getting-sick-in-winter-season
women icon@teamvasundhara
best-foods-to-boost-your-brain-and-memory-in-telugu

women icon@teamvasundhara
expert-suggestion-on-seizures-in-pregnancy-in-telugu

ప్రెగ్నెన్సీలో ఫిట్స్‌ వస్తే ఎలాంటి సమస్యలొస్తాయి?

నమస్తే డాక్టర్‌. నా వయసు 33 ఏళ్లు. గర్భం ధరించిన తర్వాత మూడో నెలలో నాకు ఫిట్స్‌ (సీజర్స్‌) వచ్చాయి. ఆ తర్వాత ఒక్కోసారి రోజులో నాలుగైదు సార్లు వచ్చేవి. న్యూరాలజిస్ట్‌ని సంప్రదిస్తే ఎక్కువ డోస్‌ మందులు వాడమన్నారు. నాకు ఏడో నెలలోనే సిజేరియన్‌ అయింది. బాబు పుట్టాడు. ఐదేళ్ల క్రితం నేను MTS బ్రెయిన్‌ సర్జరీ చేయించుకున్నా. ఆ తర్వాత ఫిట్స్‌ సమస్య క్రమంగా తగ్గిపోయింది. అయితే అప్పుడప్పుడూ టెన్షన్‌ పడితే మళ్లీ సమస్య తలెత్తుతోంది. ఇలాంటి సమయంలో నేను రెండో బేబీ కోసం ప్లాన్‌ చేసుకోవచ్చా? పుట్టబోయే బిడ్డ ఆరోగ్యంగా పుడతాడా? దయచేసి చెప్పండి. - ఓ సోదరి

Know More

women icon@teamvasundhara
foods-that-will-keep-you-warm-during-winter-in-telugu

women icon@teamvasundhara
gynecologist-advice-on-fungal-infections-in-telugu
women icon@teamvasundhara
winter-2020-fruits-to-include-in-your-diet-to-boost-immunity

women icon@teamvasundhara
ways-to-make-diwali-diabetes-friendly

షుగర్ ఉంటే ఈ జాగ్రత్తలు తీసుకోవాల్సిందే!

పండగ ఏదైనా ఆ పండక్కి సంబంధించిన పూజలు, వ్రతాలతో పాటు ఆ సందర్భంగా చేసుకునే పిండి వంటలూ ప్రత్యేక స్థానాన్ని ఆక్రమిస్తాయి. అందులోనూ దీపావళి పిండి వంటలనగానే ముందుగా గుర్తొచ్చేవి స్వీట్లు. ఈ పండక్కి మిఠాయిలను ఇంట్లో తయారుచేయడమే కాదు.. బయట నుంచి కొనుగోలు చేయడం, వాటిని నలుగురికీ పంచుతూ ఆనందించడం మన సంప్రదాయం. అయితే నోరూరించే ఈ స్వీట్లను చూడగానే మనసును అదుపు చేసుకోవడం కాస్త కష్టమే. ఎప్పుడెప్పుడు వాటిని రుచి చూస్తామా అన్న ఆతృతే మనలో ఎక్కువగా ఉంటుంది. మరి, మనమే ఇలా ఉంటే నిత్యం స్వీట్లకు ఆమడ దూరంలో ఉండే మధుమేహుల పరిస్థితి ఏంటి..? 'పండగే కదా కాస్త రుచి చూస్తే ఏం కాదులే..' అంటూ వారూ కొద్దికొద్దిగా స్వీట్లను లాగించేస్తుంటారు. కానీ అది వారి ఆరోగ్యానికి ఎంత మాత్రమూ మంచిది కాదు. కేవలం స్వీట్లే కాదు.. ఈ పండక్కి చేసే ఇతర పిండి వంటలూ అధికంగా తినడం వల్ల వారి ఆరోగ్యానికి నష్టం కలిగే అవకాశం ఉంటుంది. కాబట్టి ఈ విషయంలో వారు కొన్ని జాగ్రత్తలు పాటించడం, ప్రత్యామ్నాయ మార్గాల్ని అనుసరించడం.. వంటివి చేస్తే ఈ దీపావళి వారికీ మరింత తియ్యదనాన్ని పంచుతుంది.

Know More

women icon@teamvasundhara
tips-to-convenient-in-periods-in-telugu

ఇలా చేస్తే ఆ 'ఇబ్బంది' ఉండదు!

నెలసరి.. ఆడవారిని నెలనెలా పలకరించే ఈ పిరియడ్స్ వల్ల పలు ఆరోగ్య సమస్యలు ఎదురవడం సహజం. కడుపునొప్పి, నడుంనొప్పి, చికాకు, ఒత్తిడి, ఆందోళన.. ఇలా ఈ సమయం మహిళల్ని చాలా రకాలుగానే ఇబ్బంది పెడుతుంటుంది. అయితే ప్రతి నెలా ఎదురయ్యే ఈ సమస్యల నుంచి విముక్తి పొందడానికి కొందరు మాత్రలు వేసుకోవడం మనం గమనిస్తూనే ఉంటాం. కానీ ఇలా ప్రతి చిన్నదానికీ తరచూ మాత్రలు వేసుకోవడం వల్ల శరీరంలో రోగనిరోధక శక్తి క్రమంగా తగ్గిపోతుంది. కాబట్టి నెలసరి సమయంలో సౌకర్యంగా, ఉల్లాసంగా ఉండాలంటే కొన్ని చిన్న చిన్న చిట్కాలు పాటించాలంటున్నారు ఆరోగ్య నిపుణులు. అవన్నీ ఆ సమయంలో ఎదురయ్యే అనారోగ్యాల నుంచి మనకు విముక్తి కలిగేలా చేస్తాయి. ఇంతకీ సౌకర్యవంతమైన పిరియడ్స్ కోసం ఏం చేయాలో తెలుసుకుందాం రండి..

Know More

women icon@teamvasundhara
why-sooji-halwa-is-healthy-for-this-festive-season?-a-new-post-by-celebrity-nutritionist-rujuta-diwekar

అందుకే పండగ సీజన్లో ఈ హల్వా తినాలట!

పండగంటే చాలు.. దేవుడికి నైవేద్యంగా సమర్పించే పదార్థాల్లో రవ్వ కేసరి/హల్వా తప్పకుండా ఉంటుంది. పాలు, నెయ్యి, నట్స్‌, డ్రైఫ్రూట్స్‌.. వంటి ఎన్నో ఆరోగ్యకరమైన పదార్థాలు మిళితం చేసి చేసే ఈ హల్వాను దేవుడికి నైవేద్యం పెట్టాక ఎప్పుడెప్పుడు ప్రసాదంగా స్వీకరిస్తామా అని ఆతృతగా ఎదురుచూస్తుంటాం.. కానీ కొంతమంది ఇందులో వాడే చక్కెర ఆరోగ్యానికి మంచిది కాదంటూ దీన్ని తినడమే మానేస్తుంటారు. అలాంటి అపోహను వీడమంటున్నారు ప్రముఖ పోషకాహార నిపుణురాలు రుజుతా దివేకర్‌. బయట దొరికే ప్రాసెస్డ్‌ ఫుడ్ కంటే ఇంట్లో చేసుకున్న ఏ పదార్థమైనా ఆరోగ్యకరమే అంటూ తాజాగా ఇన్‌స్టాలో ఓ పోస్ట్‌ పెట్టారామె. అంతేకాదు.. ఏదైనా అతిగా తింటే విషం, మితంగా తింటే అమృతం అన్న మాటను మరోసారి గుర్తుచేశారు కూడా! మరి, ఈ పండగ సీజన్లో రుజుత హల్వా ఎందుకు తినమంటున్నారో? దానివల్ల కలిగే ఆరోగ్య ప్రయోజనాలేంటో? తెలుసుకుందాం రండి..

Know More

women icon@teamvasundhara
gynecology-expert-suggestion-on-frequent-abortions
women icon@teamvasundhara
abdominal-pain-may-be-a-symptom-of-other-health-problems-in-woman

ఈ నొప్పుల విషయంలో అశ్రద్ధ వద్దు!

సాధారణంగా మహిళల్లో నెలసరి సమయంలో పొత్తికడుపులో నొప్పి వస్తూ ఉంటుంది. కేవలం పిరియడ్స్ అప్పుడే కాకుండా మరికొన్ని సందర్భాల్లో కూడా కడుపునొప్పి రావడం మనం గమనిస్తూనే ఉంటాం. దీనికి సరైన కారణమేంటో చాలామందికి తెలియకపోవచ్చు. పైగా ఇది చిన్న సమస్యే కదా అని దాన్ని అశ్రద్ధ చేయడం లేదా గృహచిట్కాలు పాటించడం.. అదీ కాదంటే మాత్రలు వేసుకోవడం.. ఇలా దాన్నుంచి ఏదోలాగా ఉపశమనం పొందుతుంటాం. అయితే ఇలా చేసే ముందు నొప్పి వస్తున్న విధానాన్ని బట్టి అది మనలో ఎలాంటి ఆరోగ్య సమస్యలకు సూచనో తెలుసుకోవచ్చంటున్నారు నిపుణులు. తద్వారా నొప్పిని గుర్తించి, దాన్ని వైద్యులకు వివరించి సరైన చికిత్స పొందే అవకాశం కూడా ఉంటుంది.

Know More

women icon@teamvasundhara
home-remedies-for-sore-throat

గొంతునొప్పికి వీటితో చెక్‌ పెట్టేయండి !

ఎండాకాలం, వానాకాలం, శీతాకాలంలో.. ఏ కాలం ఎక్కువ ఇష్టం ? అని ఎవరినైనా అడిగితే.. చాలామంది చెప్పే సమాధానం శీతాకాలమే ! తెల్లని పొగ మంచు పరిచే చల్లదనంలో.. వెచ్చదనం కోసం వెతికే ఆరాటం చాలామందికి మహా సరదాగా ఉంటుంది. అయితే ఈక్రమంలో కొన్ని ఇబ్బందులు మన ఆనందానికి అవరోధంగా మారుతుంటాయి. వాటిలో ఎక్కువ బాధించేది ఒకటుంది. అదే గొంతు నొప్పి ! చల్లని వాతావరణంలో వేడి వేడిగా ఏమైనా తాగాలన్నా, తినాలనిపించినా గొంతులో ముల్లు దిగినట్లనిపిస్తుంటుంది. కొంతమందికైతే మాట్లాడటానికి మాట కూడా రానివ్వకుండా చేస్తుందీ గొంతునొప్పి. మరిలా ఇబ్బంది పెట్టే ఈ గొంతు నొప్పిని దూరం చేసుకోవడం ఎలా ? ట్యాబ్లెట్‌ వేసుకుంటే సరి అంటారా ? సైడ్‌ ఎఫెక్టులతో ఎందుకొచ్చిన ఇబ్బంది ! చక్కగా ఈ హోమ్‌ రెమెడీస్‌ని ఫాలో అయిపోండి.

Know More

women icon@teamvasundhara
pregnant-kareena-kapoor-khan-shares-her-diet-tips-for-expectant-moms-in-an-interview

women icon@teamvasundhara
how-to-avoid-morning-sickness-during-pregnancy-in-telugu

‘వేవిళ్లు’ తగ్గాలంటే ఇలా చేయండి!

చాలామంది మహిళల్లో గర్భం ధరించిన మొదట్లో (సుమారు ఆరు నుంచి పన్నెండు వారాల మధ్యలో) వాంతులవడం, నీరసంగా అనిపించడం.. వంటి పలు ఆరోగ్య సమస్యలు ఎదురవుతుంటాయి. దీన్నే 'మార్నింగ్ సిక్‌నెస్' అంటారు. సాధారణ భాషలో దీనినే 'వేవిళ్లు'గా వ్యవహరిస్తారు. ఈ సమయంలో శరీరంలో హార్మోన్లలో కలిగే మార్పులు, విటమిన్ల లోపం, ఒత్తిడి, ఆందోళన, మలబద్ధకం, వ్యాయామం లోపించడం.. వంటి వివిధ కారణాల వల్ల ఈ సమస్య ఎదురవుతుంటుంది. దీంతో ఏమవుతుందో ఏమోనని కొంతమంది మహిళలు భయాందోళనలకు గురవుతుంటారు. ఈ క్రమంలో 'మార్నింగ్ సిక్‌నెస్' సమస్యను సహజసిద్ధంగా ఎలా తగ్గించుకోవాలో తెలుసుకుందాం రండి..

Know More

women icon@teamvasundhara
gynecologist-advice-on-stomach-pain-in-pregnancy-in-telugu

ఆ ప్రమాదం వల్ల రెండోసారి ప్రెగ్నెన్సీలో సమస్యలొస్తాయా?

నమస్తే డాక్టర్‌. నా వయసు 35 ఏళ్లు. ప్రస్తుతం నేను ఏడో నెల గర్భవతిని. రెండేళ్ల క్రితం ప్రెగ్నెన్సీ వచ్చినప్పుడు ఆరో నెలలో బాత్రూమ్‌లో జారిపడ్డాను. అప్పుడు కడుపులోని బేబీ మాయ నుంచి సెపరేట్‌ అయింది. Hysterotomy సర్జరీ ద్వారా బాబుని బయటికి తీశారు. కానీ బాబు చనిపోయాడు. అయితే ముందు జరిగిన ప్రమాదం వల్ల ఇప్పుడు దుష్ప్రభావాలేమైనా ఎదురవుతాయా? గర్భం ధరించినప్పటి నుంచి నేను బెడ్‌ రెస్ట్‌లోనే ఉన్నాను. ఈ మధ్య నాకు అప్పుడప్పుడూ పొట్టలో ఎడమవైపు కాస్త నొప్పి వస్తుంది. స్కాన్‌ చేసి చూసి సమస్యేమీ లేదన్నారు. అయినా భయంగానే ఉంది.. సలహా ఇవ్వగలరు. - ఓ సోదరి

Know More

women icon@teamvasundhara
benefits-of-choosing-walking-in-telugu
women icon@teamvasundhara
health-benefits-of-custard-apple-in-telugu

మధుర ఫలం.. ‘ఇమ్యూనిటీ’కి బలం!

ప్రకృతి ప్రసాదించే అద్భుతమైన పండ్లలో సీతాఫలం కూడా ఒకటి. సాధారణంగా ఈ పండ్లు సెప్టెంబరు నుంచి డిసెంబరు మధ్య ఎక్కువగా లభిస్తాయి. కొన్ని గుండ్రంగా, కొన్ని హృదయాకారంలో.. ఉండే ఈ పండ్లను ఇష్టపడని వారెవరుంటారు చెప్పండి. ఎంతో రుచికరంగా ఉండే సీతాఫలాలు ఆరోగ్యానికీ ఎంతో అవసరం. ఇందులో ఎ, సి, బి6 వంటి విటమిన్లతో పాటు కాపర్, పొటాషియం, పీచు.. వంటి ఖనిజాలు కూడా పుష్కలంగా లభిస్తాయి. పైగా ఇది రోగనిరోధక శక్తిని పెంచుతుంది కూడా! కాబట్టి ప్రస్తుత కరోనా ప్రతికూల పరిస్థితుల్లో ఈ పండు తినడం శ్రేయస్కరం. మరి, ఈ మధుర ఫలంలో ఉన్న పోషకాలేంటి? అవి ఆరోగ్యానికి ఏ విధంగా ఉపకరిస్తాయో తెలుసుకుందాం రండి...

Know More

women icon@teamvasundhara
gynecologist-advice-on-second-time-pregnancy-in-telugu
women icon@teamvasundhara
rujuta-diwekar-shares-some-tips-to-prevent-health-problems-while-eating-festival-meal
women icon@teamvasundhara
how-iron-deficiency-affect-your-menstrual-flow?-diet-tips-to-overcome-this-problem

నెలసరి సమస్యలు తగ్గాలంటే ఐరన్ తీసుకోవాల్సిందే!

నెలసరి సమయంలో బ్లీడింగ్‌ ఎక్కువగా అవడం వల్ల రక్తహీనత తలెత్తడం మనకు తెలిసిందే. అందుకే ఈ సమస్య నుంచి బయటపడాలంటే ఇనుము అధికంగా లభించే ఆహార పదార్థాలను ఎక్కువగా తీసుకోవాల్సి ఉంటుంది. అది సరే కానీ.. మరి రక్తహీనత ఉన్నప్పుడు కూడా నెలసరి సమయంలో మన శరీరంలో నుంచి ఎక్కువ మొత్తంలో రక్తం బయటికి వెళ్లిపోతుంటుంది.. అలా ఎందుకు జరుగుతుంది? అనే సందేహం మనలో చాలామందికి వచ్చే ఉంటుంది. నెలసరికి, రక్తహీనతకు మధ్య ఉన్న అవినాభావ సంబంధమే అందుకు కారణమంటున్నారు నిపుణులు. మరి, ఇంతకీ ఏంటా సంబంధం? ఐరన్‌ లోపం తలెత్తకుండా, తద్వారా పిరియడ్‌ సమస్యలు రాకుండా ఉండాలంటే ఎలాంటి ఆహారం తీసుకోవాలి? వంటి విషయాల గురించి తెలుసుకోవాలంటే ఇది చదవాల్సిందే!

Know More

women icon@teamvasundhara
follow-these-safety-guidelines-while-eating-in-the-office-cafeteria-in-telugu
women icon@teamvasundhara
fasting-guidelines-for-auspicious-navratri-festival-in-telugu

నవరాత్రుల్లో ఉపవాసం చేస్తున్నారా? అయితే ఈ చిట్కాలు మీ కోసమే!

ఏదైనా పండగొచ్చిందంటే చాలు.. మనలో చాలామంది ఉపవాసానికి ఉపక్రమిస్తుంటారు. అయితే వీరిలోనూ కొంతమంది చాలా నిష్ఠగా ఉండాలని రోజంతా ఏమీ తినకుండా కడుపు మాడ్చుకుంటుంటారు. నిజానికి ఉపవాసం పేరుతో అలా కడుపు మాడ్చుకోవడం వల్ల లేనిపోని అనారోగ్యాల బారిన పడతామంటున్నారు ప్రముఖ సెలబ్రిటీ పోషకాహార నిపుణురాలు నమామీ అగర్వాల్‌. నిర్ణీత వ్యవధుల్లో సాత్వికాహారం తీసుకుంటూ అటు శరీరానికి శక్తిని అందిస్తూనే, ఇటు ఆరోగ్యాన్నీ సొంతం చేసుకోవచ్చని చెబుతున్నారు. దసరా నవరాత్రోత్సవాలు ప్రారంభమైన సందర్భంగా ఈ తొమ్మిది రోజుల పాటు ఉపవాసం ఉంటూ అమ్మవారిని కొలిచే అతివల కోసం కొన్ని చిట్కాలను సైతం అందించారామె. మరి, నవరాత్రుల్లో ఆరోగ్యానికి లోటు లేకుండా, ఉత్సాహం తగ్గకుండా ఉపవాసం ఉండాలంటే నమామి ఏం చెబుతున్నారో తెలుసుకుందాం రండి..

Know More

women icon@teamvasundhara
ankita-konwar-shares-blue-tea-recipe-its-health-benefits-in-telugu

ఈ బ్లూ టీతో ఎన్నో ప్రయోజనాలున్నాయట!

రోజును ఉత్సాహంగా ప్రారంభించడానికి, పనులతో కలిగే అలసటను తీర్చుకోవడానికి, చదువుకునేటప్పుడు నిద్ర రాకుండా ఉండడానికి.. ఇలా ప్రతి సందర్భంలోనూ టీ లేదా కాఫీ తాగడం చాలామందికి అలవాటు. నిజానికి రోజుకు ఒకటి లేదా రెండు కప్పులైతే పర్లేదు కానీ కొంతమంది వీటిని మరీ ఎక్కువగా తీసుకుంటూ ఉంటారు. దీంతో వీటిలోని కెఫీన్‌ ఆరోగ్యంపై ప్రతికూల ప్రభావం చూపుతుంది. అందుకే వీటికి బదులుగా హెర్బల్‌ టీ తాగడం మేలని సలహా ఇస్తున్నారు నిపుణులు. ఆ కోవకు చెందిందే శంఖు పుష్పంతో చేసిన ఛాయ్‌ (బ్లూ టీ). ఇక ఈ టీతో ఆరోగ్యానికి బోలెడన్ని ప్రయోజనాలున్నాయని చెబుతోంది ఫిట్‌నెస్‌ ఫ్రీక్‌ అంకితా కొన్వర్‌. తాను ఈ బ్లూ టీ తాగుతోన్న ఫొటోను ఇటీవలే ఇన్‌స్టాలో పోస్ట్‌ చేస్తూ.. దాన్నెలా తయారు చేసుకోవాలి? ఇందులో దాగున్న ఆరోగ్య రహస్యాలేంటో సుదీర్ఘ పోస్ట్‌ రూపంలో రాసుకొచ్చింది మిసెస్‌ సోమన్.

Know More

women icon@teamvasundhara
menopause-symptoms-precautions-in-telugu
women icon@teamvasundhara
masaba-gupta-shares-her-immunity-drink-and-her-healthy-food-habits-in-telugu

ఇలా ఇమ్యూనిటీని పెంచుకుంటా!

అందం, ఆరోగ్యం, ఫిట్‌నెస్‌.. ఈ విషయాల గురించి మనమే ఎంతో ప్రత్యేక శ్రద్ధ వహిస్తున్నామంటే.. ఇక ఎప్పుడూ కెమెరా కంటికి చిక్కే సెలబ్రిటీలు ఇంకెంత శ్రద్ధగా ఉంటారో ప్రత్యేకించి చెప్పాల్సిన పనిలేదు. పైగా కరోనా వచ్చిన దగ్గర్నుంచి ఆరోగ్యం విషయంలో ఏమాత్రం రాజీ పడట్లేదు చాలామంది ప్రముఖులు. ముఖ్యంగా రోగ నిరోధక శక్తిని పెంచుకోవడానికి ఎవరి ప్రయత్నాలు వాళ్లు చేస్తున్నారు. ఈ క్రమంలో వారు పాటించే ఇమ్యూనిటీ టిప్స్‌, ఆరోగ్య రహస్యాలను సోషల్ మీడియా ద్వారా పంచుకుంటూ తమ ఫ్యాన్స్‌లో స్ఫూర్తి నింపుతున్నారు. ప్రముఖ ఫ్యాషనర్‌ మసాబా గుప్తా కూడా తాజాగా అదే పని చేసింది. రోగ నిరోధక శక్తిని పెంపొందించుకోవడానికి తాను తీసుకుంటోన్న ఓ ఇమ్యూనిటీ షాట్‌ రెసిపీని ఇన్‌స్టాగ్రామ్‌ స్టోరీస్‌లో పంచుకుంది.. అంతేనా.. తాను పాటించే రోజువారీ ఆహార నియమాలేంటో కూడా చెప్పుకొచ్చిందీ ఫ్యాషన్‌ డిజైనర్.

Know More

women icon@teamvasundhara
myths-and-facts-about-breast-cancer-in-teugu
women icon@teamvasundhara
painful-periods?-rujuta-diwekar-shares-some-super-foods-to-deal-with-pms-and-period-pain

ఈ సూపర్‌ ఫుడ్స్‌తో నెలసరి నొప్పుల్ని తగ్గించుకుందాం!

నెలసరి దగ్గర్లో ఉందంటే చాలు.. చాలామంది మహిళల్లో ఏదో తెలియని నిరుత్సాహం, నిస్సత్తువ ఆవహిస్తుంటాయి. ఇందుకు కారణం ఆ సమయంలో తలెత్తే అనారోగ్యాలే! ముఖ్యంగా పొత్తి కడుపులో నొప్పి, నడుం నొప్పి, మూడ్‌ స్వింగ్స్.. ఇలాంటివన్నీ నెలనెలా పిరియడ్స్‌ సమయంలో మనం ఎదుర్కొనేవే! అయితే వీటి ప్రభావం అటు వ్యక్తిగతంగా, ఇటు వృత్తిపరంగా తీవ్రంగానే ఉంటుందని చెప్పాలి. అందుకే ఈ నెలసరి నొప్పుల్ని అధిగమించడానికి కొన్ని చిట్కాలు పాటించాలని చెబుతున్నారు ప్రముఖ సెలబ్రిటీ పోషకాహార నిపుణురాలు రుజుతా దివేకర్‌. ఇటీవలే ఓ వెబినార్‌లో పాల్గొన్న ఆమె.. నెలసరి నొప్పుల నుంచి ఉపశమనం పొందడానికి తీసుకోవాల్సిన కొన్ని సూపర్‌ ఫుడ్స్‌ గురించి చెప్పుకొచ్చారు. మరి, అవేంటో మనమూ తెలుసుకుందాం రండి..

Know More

women icon@teamvasundhara
gynecologist-advice-on-maternity-problems-in-telugu
women icon@teamvasundhara
common-myths-and-facts-about-vegetarian-diets-in-telugu

శాకాహారం గురించి మీకూ ఇలాంటి అపోహలు ఉన్నాయా?

మమతకు చిన్నతనం నుంచి పర్యావరణమన్నా, మూగ జీవాలన్నా ఎనలేని ప్రేమ. అందుకే పుట్టినప్పట్నుంచి తను నాన్ వెజ్ మొహం చూసింది లేదు. తనే కాదు.. తన కుటుంబ సభ్యుల్ని కూడా శాకాహారులుగానే మార్చేసిందామె. అయితే వెజిటేరియన్‌ డైట్‌తో పోషకాలన్నీ అందవని తన ఫ్రెండ్‌ చెప్పగా విని అది ఎంత వరకు నిజమో తెలుసుకోవడానికి న్యూట్రిషనిస్ట్‌ని సంప్రదించింది. సమత గ్యాస్ట్రిక్‌, ఉదర సంబంధిత సమస్యలతో బాధపడుతోంది. దీంతో డాక్టర్‌ సలహా మేరకు కొన్ని రోజుల దాకా మాంసాహారానికి దూరంగా ఉండాలనుకుంది. అయితే శాకాహారంతో పూర్తి ప్రొటీన్లు పొందలేనేమో అని సందేహిస్తోంది.

Know More

women icon@teamvasundhara
daily-habits-that-harm-the-heart-in-telugu