scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'నిబంధనలు పాటిస్తూనే అలా సింపుల్‌గా పెళ్లి చేసుకున్నాం !'

'పెళ్లంటే.. వధూవరులు, ఇరు కుటుంబ సభ్యులు, అతిథులు, అక్షతలు.. ఇలా జీవితంలో ఒకేసారి చేసుకునే ఈ వేడుకను ఎంతో అంగరంగ వైభవంగా జరుపుకోవాలనుకుంటారు ప్రతి ఒక్కరూ. అయితే ఈ కరోనా కాలంలో పెళ్లి చేసుకునే వారికి అంత అదృష్టం కరువైందని చెప్పుకోవాలి. లాక్‌డౌన్‌, సామాజిక దూరం పేరుతో చాలా పెళ్లిళ్లు తూతూ మంత్రంగానే జరిగిపోతున్నాయి. వధువు ఒక చోట, వరుడు మరో చోట ఉంటే ఫోన్‌కే తాళికట్టి పెళ్లైందనిపించే రోజులొచ్చాయి. అంతేనా.. వధూవరులిద్దరూ ఒకే చోట ఉండి, కుటుంబ సభ్యులు వేరే ప్రాంతాల్లో ఉంటే వీడియో కాలింగ్‌ యాప్స్‌ ద్వారా అందరినీ ఒక్కచోట చేర్చి మరీ అక్షతలు వేయించుకుంటున్నాయి కొత్త జంటలు. ఇదిగో.. తమ పెళ్లీ ఇలాగే జరిగిందంటోంది ఓ నవ వధువు. ఉద్యోగ రీత్యా వేరే ప్రాంతంలో ఉన్న తమకు ముందుగానే పెళ్లి ముహూర్తం నిశ్చయమైనప్పటికీ.. కరోనా కారణంగా స్వస్థలాలకు వెళ్లలేక ఉన్నచోటే పెళ్లి చేసుకున్నామంటూ తమ పెళ్లి ముచ్చట్లను మనతో పంచుకోవడానికి ఇలా మన ముందుకొచ్చేసింది.'

Know More

Movie Masala

 
category logo

కుంచె పట్టి బొమ్మలూ గీయగలను!

Smriti Irani reveals her hidden talent through insta post

ప్రతి మనిషిలోనూ ప్రపంచానికి తెలియని ఓ కళ దాగుంటుంది. సందర్భం, సమయాన్ని బట్టి అప్పుడప్పుడూ అది బయటపడుతుంటుంది. ఈ క్రమంలో కేంద్ర మంత్రి స్మృతి ఇరానీ కూడా తనలో దాగున్న చిత్ర కళను ప్రపంచానికి పరిచయం చేశారు. మహిళా సాధికారతకు పెద్ద పీట వేసే మహిళా శిశు సంక్షేమ శాఖ బాధ్యతలు నిర్వహిస్తోన్న ఆమె...హఠాత్తుగా ప్రొఫెషనల్‌ ఆర్టిస్టులా మారిపోయారు. మయమొచ్చినప్పుడల్లా పార్లమెంటు వేదికగా ప్రత్యర్థులపై మాటల తూటాలు పేల్చే ఆమె...పెయింట్‌ బ్రష్‌ పట్టుకుని బొమ్మలు గీయడం మొదలుపెట్టారు. అది కూడా అచ్చం అనుభవమున్న ఆర్టిస్టులా.. ఎంతో ఆసక్తి, శ్రద్ధతో..!

smrithipostghg650-1.jpg
అనుభవమున్న ఆర్టిస్టులా!
రాజకీయాల ద్వారానే కాదు.. సామాజిక మాధ్యమాలతోనూ ప్రజలకు నిరంతరం చేరువగా ఉండే నేతల్లో స్మృతి ఇరానీ ఒకరు. తానొక కేంద్రమంత్రిని అన్న విషయాన్ని ఏ మాత్రం తలకెక్కించుకోని వ్యక్తిత్వం ఆమె సొంతం. చూడడానికి సింపుల్‌గా, సరదాగా కనిపించే ఆమె ..సోషల్‌ మీడియాలోనూ యాక్టివ్‌గా ఉంటారు. సందర్భానికి తగినట్లుగా పోస్టులు, మీమ్స్‌లు పెడుతూ తనలోని హాస్య చతురతను బయటపెడుతుంటారు. అంతేకాదు అప్పుడప్పుడూ తన పిల్లల ఫొటోలను షేర్‌ చేస్తూ, వారితో తనకున్న అనుబంధానికి అక్షర రూపమిస్తుంటారీ సూపర్‌ వుమన్‌. గతంలో ఓ కార్యక్రమంలో భాగంగా కత్తులు పట్టి ‘తల్వార్‌ రాస్‌’ అనే సంప్రదాయ నృత్యం చేసి అలరించిన ఆమె.. తాజాగా కుంచె పట్టి ఆర్టిస్టుగా మారిపోయారు. ఈ క్రమంలో తనలో దాగున్న చిత్ర కళను ప్రపంచానికి పరిచయం చేస్తూ ఆమె ఇన్‌స్టాలో పోస్ట్‌ చేసిన ఫొటో ప్రస్తుతం సోషల్‌ మీడియాలో వైరల్‌గా మారింది.

View this post on Instagram

A post shared by Smriti Irani (@smritiiraniofficial) on


అప్పుడప్పుడూ బొమ్మలు వేస్తుంటాను!
సాధారణంగా అనుభవమున్న ఆర్టిస్టులు ఎంతో ఆసక్తి, శ్రద్ధ చూపుతూ బొమ్మలు వేస్తారు. తాజాగా స్మృతి కూడా ప్రొఫెషనల్‌ ఆర్టిస్టులా మారిపోయారు. ఎంతో శ్రద్ధతో, సీరియస్‌గా పెయింట్‌ బ్రష్‌ పట్టుకుని బొమ్మలు గీస్తున్న ఫొటోను ఇన్‌స్టాలో షేర్‌ చేసిన స్మృతి ‘ నేను అప్పుడప్పుడూ బొమ్మలు కూడా వేస్తుంటాను’ అని సరదా క్యాప్షన్‌ జోడించారు. ప్రస్తుతం ఈ ఫొటో సోషల్‌ మీడియాలో ట్రెండింగ్‌గా మారి, ఇప్పటివరకు 50వేలకు పైగా లైకులు సొంతం చేసుకోవడం విశేషం.

ఇక ఈ ఫొటోను చూసిన స్మృతి స్నేహితురాలు, నిర్మాత ఏక్తా కపూర్‌ ‘రాకింగ్‌..’ అంటూ కామెంట్‌ పెట్టింది. ఆమెతో పాటు పలువురు నెటిజన్లు కూడా కేంద్రమంత్రి పెయింటింగ్‌ ప్రతిభను మెచ్చుకుంటూ ప్రశంసల వర్షం కురిపిస్తున్నారు. ‘వావ్‌..మీ పెయింటింగ్‌ అద్భుతంగా ఉంది. బొమ్మ పూర్తయ్యాక ఫైనల్‌గా మళ్లీ పోస్ట్‌ చేయండి ’ అని ఒక నెటిజన్‌ కామెంట్‌ పెట్టగా, ‘ సూపర్బ్‌.. మీరు బహుముఖ ప్రజ్ఞాశాలి’ అని మరొకరు ప్రశంసించారు. అదేవిధంగా ‘ మీరు ఆల్‌రౌండర్‌ మేడమ్‌,’ ‘మీకంటూ కొంత సమయం కేటాయించుకున్న మిమ్మల్ని చూస్తుంటే చాలా సంతోషంగా ఉంది’ అని వివిధ రకాలుగా నెటిజన్లు కేంద్రమంత్రిని, ఆమె ప్రతిభను కొనియాడుతున్నారు.

Photos: Instagram.com/smritiiraniofficial





women icon@teamvasundhara
corona-virus-women-pilots-on-evacuation-duty-on-mothers-day-eve

ఈ సూపర్‌ మామ్స్‌కి సెల్యూట్‌!

కొన్ని దశాబ్దాల క్రితం వరకు వంటింటికి మాత్రమే పరిమితమైన మహిళలు నేడు అన్ని రంగాల్లో అడుగుపెడుతున్నారు. పురుషులతో సమానంగా అవకాశాలిస్తే రాకెట్లలో రివ్వున ఎగిరి ఆకాశాన్ని కూడా అందుకోగలమని రుజువు చేస్తున్నారు. అంతేనా.. ఇటు ఇంటి బాధ్యతలతో పాటు అటు వృత్తి బాధ్యతలను కూడా సమర్థంగా నిర్వర్తించగలమని నిరూపిస్తున్నారు. అయితే ఈ లాక్‌డౌన్‌ కారణంగా విదేశాల్లో చిక్కుకున్న భారతీయులను తిరిగి స్వదేశానికి తీసుకురావడానికి ప్రతిష్ఠాత్మకంగా ప్రారంభించిన ‘వందే భారత్‌’ మిషన్‌లో కూడా ఇద్దరు అమ్మలు భాగస్వాములయ్యారు. ఈ మేరకు ‘మాతృ దినోత్సవం’ సందర్భంగా ప్రముఖ ఎయిర్‌లైన్స్‌ సంస్థ ‘ఎయిర్‌ ఇండియా ఎక్స్‌ప్రెస్‌’ ఈ సూపర్‌ మామ్స్‌ సేవలపై ప్రశంసల జల్లు కురిపించింది.

Know More

women icon@teamvasundhara
corona-virus-newyork-doctor-who-treated-covid-patients-eliminates-her-self

కరోనాను జయించినా... ఒత్తిడితో తనువు చాలించింది!

చిన్నా ,పెద్దా, ధనిక, పేద అన్న తారతమ్యాల్లేకుండా అందరితో కన్నీళ్లు పెట్టిస్తోంది కరోనా. ప్రపంచంపై పగబట్టినట్లు పంజా విసురుతూ ఇప్పటికే లక్షలాది మందిని పొట్టనపెట్టుకుంది. ఇదే సమయంలో ఈ మహమ్మారికి ఎదురెళ్లి మరీ పోరాడుతున్నారు వైద్య సిబ్బంది. విధి నిర్వహణలో భాగంగా కుటుంబ సభ్యుల ప్రేమానురాగాలకు దూరమై ప్రాణాంతక వైరస్‌పై పోరాటం సాగిస్తున్నారు. వైరస్‌తో ముప్పు పొంచి ఉన్నా వృత్తిధర్మానికే ఓటేస్తూ అందరి మన్ననలు అందుకుంటున్నారు. అయితే కరోనా రోగులకు చికిత్స అందించే క్రమంలో కొందరు డాక్టర్లు కూడా దురదృష్టవశాత్తూ ప్రాణాలు కోల్పోతున్నారు. ఈ కోవకే చెందుతుంది న్యూయార్క్‌కు చెందిన డాక్టర్‌ లోర్నా ఎం బ్రీన్‌(49). ఎక్కడున్నా నిత్యం రోగుల బాగోగుల గురించి ఆలోచించే ఆమె.. తాను వైద్యం చేసిన కరోనా బాధితులు వరుసగా చనిపోవడం చూసి చలించిపోయింది. దీంతో మానసిక వేదనకు గురై తనకు తానే తనువు చాలించుకుంది.

Know More

women icon@teamvasundhara
varalakshmi-sarath-kumar-and-kriti-sanon-urge-the-women-to-report-on-domestic-violence

మళ్లీ సూర్యాస్తమయాలు వస్తాయి.. కానీ ఇక ఆ హింస వద్దు!

‘ఇంటి కన్నా గుడి పదిలం..’ ప్రస్తుత లాక్‌డౌన్‌ కాలంలో కొందరు మహిళలకు ఈ సామెత అతికినట్లు సరిపోతుంది. కరోనా కల్లోలం నుండి ప్రజలను కాపాడడానికి ప్రభుత్వం లాక్‌డౌన్‌ విధించింది. ఈ స్వీయ నిర్బంధం కారణంగా కరోనా కట్టడి మాటేమో గానీ.. కొందరిళ్లల్లో కొత్త సమస్యలు మొదలయ్యాయి. ఏ సమస్య వచ్చినా.. ఇంట్లో ఉంటే సేఫ్‌ అనుకుంటాం.. కానీ ఇంట్లో ఉండడమే సమస్యైపోతోంది కొందరు మహిళలకు. లాక్‌డౌన్‌ కారణంగా పిల్లలు, పెద్దలు అంతా ఇంటిపట్టునే ఉండడం వల్ల ఓవైపు పెరిగే పనిభారంతో మహిళలందరూ సతమతమైపోతుంటే.. మరోవైపు ఇంటి నుంచే పనిచేస్తూ క్షణం ఖాళీ లేకుండా గడుపుతున్నారు ఇంకొందరు అతివలు.

Know More

women icon@teamvasundhara
covid-19---first-person-to-inject-vaccine-invented-by-oxford-team-is-a-woman

ఇలా కరోనాపై పోరాడుతున్నందుకు తృప్తిగా ఉంది!

ఓ సూక్ష్మక్రిమి(కరోనా)కి.. 190కి పైగా దేశాలకు మధ్య సాగుతోన్న సమరంలో మనుషులంతా ఏకమై కంటికి కనిపించని శత్రువుతో.. బయటకు కనబడని యుద్ధం చేస్తున్నారు. ఈ వైరస్‌ ధాటికి మనుషులందరూ ప్రాణాలను అరచేతిలో పెట్టుకొని బతుకు జీవుడా అని రోజులు గడుపుతున్నారు. ఈ క్రమంలో కొవిడ్‌ 19 వైరస్‌ నుంచి మానవజాతిని రక్షించేందుకు ప్రపంచవ్యాప్తంగా శాస్త్రవేత్తలు, వైద్య నిపుణులు నిరంతరంగా పరిశోధనలు కొనసాగిస్తున్నారు. వ్యాక్సిన్‌ తయారీలో అలుపూ-సొలుపూ లేకుండా శ్రమిస్తున్నారు. ఈ క్రమంలో యూరప్‌లోని ఆక్స్‌ఫర్డ్‌ విశ్వవిద్యాలయానికి చెందిన ఓ శాస్త్రవేత్తల బృందం కొవిడ్‌ 19పై ఎన్నో అధ్యయనాలు చేసి ‘ChAdOx1 nCoV-19’ అనే టీకాను కనిపెట్టింది. అయితే ఈ టీకాను ముందు మనుషులపై ప్రయోగించాలని వీళ్లు నిర్ణయించారు. ఈ క్రమంలో తమపై ఈ పరీక్షలు జరిపేందుకు అంగీకరిస్తూ 800 మంది వలంటీర్లు ముందుకు రాగా.. వారిలో ఎలీసా గ్రనాటో అనే మహిళ టీకా తీసుకోవడం విశేషం.

Know More

women icon@teamvasundhara
classical-dancer-janaki-rangarajan-portrays-domestic-abuse-during-lockdown-in-powerful-video

ఎందరో మహిషాసురులు.. వారిని వధించే దేవతలెక్కడ?

ప్రస్తుతమున్న కరోనా పరిస్థితులను ఎదుర్కొనే క్రమంలో చాలామంది మానసిక వేదనకు గురవుతున్నారు. దీనికి తోడు అందరూ ఇంట్లో ఉండడం వల్ల మహిళలపై మరింత భారం పడుతుంది. ఓవైపు ఇంటి పని, మరోవైపు కొందరికి ఇంటి నుంచే పనిచేయాల్సి రావడం, ఇంకోవైపు ఇంట్లో పిల్లల ఆలనా పాలన చూసుకోవడం.. ఇవన్నీ బ్యాలన్స్‌ చేసుకోలేక అతివలంతా సతమతమైపోతున్నారు. ఇక వీటన్నింటికీ తోడు కొందరు మహిళలు ఈ లాక్‌డౌన్‌ సమయంలో గృహహింస, ఇతర వేధింపులను సైతం ఎదుర్కొంటున్నట్లు ఇటీవలే జాతీయ మహిళా కమిషన్‌ కూడా వెల్లడించింది. అయితే ఇలాంటి మహిళలు ఎదుర్కొంటున్న గృహహింసను తన డ్యాన్స్‌తో కళ్లకు కట్టినట్లు చూపించింది చెన్నైకి చెందిన ప్రముఖ క్లాసికల్‌ డ్యాన్సర్‌ జానకీ రంగరాజన్‌. అద్భుతమైన హావభావాలు పలికిస్తూ ఈ లాక్‌డౌన్‌ సమయంలో మహిళలు ఎంతటి గడ్డు పరిస్థితిని ఎదుర్కొంటున్నారో తన నృత్యం ద్వారా వివరించిందామె.

Know More

women icon@teamvasundhara
corona-virus-jeevika-didis-fight-against-corona-through-their-social-activities

కరోనాపై వీరిది నిశ్శబ్ద పోరాటం!

ప్రపంచంపై ప్రకోపం చూపిస్తోన్న కరోనాపై గెలిచేందుకు కోట్లాది మంది భారతీయులు ఇంటికే పరిమితమయ్యారు. ఇక వైద్యులు, పోలీసులు, పారిశుద్ధ్య కార్మికులు ముందుండి మరీ ఈ వైరస్‌కు ఎదురొడ్డి పోరాడుతున్నారు. వీరితో పాటు సామాజిక స్పృహ కలిగిన మరికొందరు సైతం ఈ ఆపత్కాలంలో సమాజానికి తమ వంతు సహాయాన్ని అందించేందుకు స్వచ్ఛందంగా ముందుకొస్తున్నారు. అలాంటి కోవకే చెందుతారు బిహార్‌లోని ‘జీవిక దీదీ’లు. మహిళా సాధికారతలో భాగంగా 2006లో అప్పటి బిహార్‌ ప్రభుత్వం ప్రారంభించిన ఈ ‘జీవిక’ పథకం ద్వారా స్వయం ఉపాధి పొందుతున్నారు అక్కడి ఎంతోమంది మహిళలు. వీరంతా ప్రస్తుతం అత్యవసరాలుగా భావించే మాస్కులు, శానిటైజర్ల తయారీలో నిమగ్నమయ్యారు. సామాన్య ప్రజలు కూడా వీటిని కొనేలా సరసమైన ధరలకు అందజేస్తూ అందరి మన్ననలు అందుకుంటున్నారు. ఈక్రమంలో తాజాగా వీరి సేవల గురించి తెలుసుకున్న ఉప రాష్ర్టపతి వెంకయ్య నాయుడు ట్విట్టర్‌ వేదికగా ఈ మహిళా సంఘాలపై ప్రశంసలు కురిపించారు.

Know More

women icon@teamvasundhara
after-providing-sanitary-pads-to-the-poor-she-now-making-surgical-masks-to-fight-corona-virus

ఈ ప్యాడ్‌వుమన్‌ ఇప్పుడు మాస్కులు తయారుచేస్తోంది!

‘మన ఆశయం మంచిదైతే ఆ దేవుడు కూడా మనకు అండగా ఉంటాడం’టారు. ముంబైకి చెందిన సుహానీ మోహన్‌ను చూస్తే ఈ మాటలు నిజమనిపిస్తాయి. సామాజిక బాధ్యతతో శ్యానిటరీ న్యాప్‌కిన్లు తయారుచేస్తోన్న ఆమె.. కరోనా విజృంభణతో సర్జికల్‌ ఫేస్‌ మాస్కుల తయారీకి నడుం బిగించింది. డిజైన్లు కూడా సిద్ధం చేసుకుంది. అంతా సవ్యంగా సాగిపోతుందనుకుంటున్న తరుణంలో లాక్‌డౌన్‌ రూపంలో ఆమెకు అనుకోని అవాంతరం ఎదురైంది. మాస్కుల తయారీ, విక్రయాల్లో కీలకపాత్ర పోషించే సిబ్బంది అందుబాటులో లేకపోవడంతో వాటి ఉత్పత్తి ఆగిపోయింది. ఈ నేపథ్యంలోనే ఎంతో ఉన్నతాశయంతో సుహానీ ప్రారంభించిన పనికి ప్రముఖ పారిశ్రామిక వేత్త ఆనంద్ మహీంద్రా ఆపన్నహస్తం అందించారు. ఇంకేముంది.. ఆమె అనుకున్న లక్ష్యం మళ్లీ పట్టాలెక్కింది. మరి తన ప్రతిభాపాటవాలతో ఆనంద్‌ మహీంద్రా లాంటి బిజినెస్‌ టైకూన్‌ మెప్పు పొందిన ఈ యువ వ్యాపారవేత్త గురించి కొన్ని ఆసక్తికర విషయాలు తెలుసుకుందాం రండి.

Know More

women icon@teamvasundhara
corona-virus-princess-sofia-of-sweden-starts-work-at-hospital-treating-covid-patients

కరోనా రోగుల కోసం ‘కోట’ దాటొచ్చిన యువరాణి!

ప్రపంచాన్ని పట్టి పీడిస్తోన్న కరోనా మహమ్మారిని కట్టడి చేసేందుకు వైద్య సిబ్బంది ప్రాణాలు పణంగా పెట్టి మరీ పోరాడుతున్నారు. అహర్నిశలూ శ్రమిస్తూ కరోనా బాధితులను కంటికి రెప్పలా కాపాడుతున్నారు. అయితే పలు దేశాల్లో రోగులకు సరిపడా వైద్య సిబ్బంది, నర్సులు ఉండడం లేదు. ఈ కారణంగా సరైన వైద్య సేవలు అందక రోగులు, పనిభారంతో వైద్య సిబ్బంది సతమతమవుతున్నారు. ఈ క్రమంలో కరోనా బాధితులను కాపాడేందుకు తన ‘కోటగుమ్మం’ దాటి మరీ ముందుకు వచ్చింది స్వీడన్‌ యువరాణి సోఫియా. సకల రాజభోగాలు అనుభవిస్తోన్నా.. ఇతరులకు సహాయపడడంలోనే మానసిక సంతృప్తి ఉందంటూ స్వచ్ఛందంగా వైద్య సేవలు అందించడానికి ‘వలంటీర్‌’గా అవతారమెత్తిందీ స్వీడిష్‌ ప్రిన్సెస్‌.

Know More

women icon@teamvasundhara
women-cricketers-plays-isolation-cricket-cup-during-quarantine-watch-this-video

బెంగళూరులో వేద బంతిని కొడితే.. బెడ్‌రూమ్‌లో ఉన్న మేష్రం ఆపింది..!

రోజురోజుకూ పెరుగుతోన్న కరోనా వ్యాప్తిని అరికట్టేందుకు కేంద్రం లాక్‌డౌన్‌ను మే 3 వరకు పొడిగించింది. ఈ క్రమంలో ప్రజలు మరికొన్ని రోజుల పాటు ఇళ్లకే పరిమితం కాక తప్పదు. దీంతో ఈ సమయంలో కాలక్షేపం కోసం రకరకాల మార్గాలను వెతుక్కొంటున్నారు చాలామంది. ఈ పరిస్థితుల్లో భౌతిక దూరాన్ని పాటిస్తూనే స్నేహితులతో కలిసి ఎంజాయ్‌ చేసేందుకు తమలోని సృజనాత్మకతకు పని చెబుతున్నారు. ఈ క్రమంలో మన మహిళా క్రికెట్‌ జట్టుకు చెందిన కొంతమంది క్రీడాకారిణులు కలిసి ఓ మ్యాచ్‌ ఆడడం విశేషం. దేశవ్యాప్తంగా లాక్‌డౌన్‌ కొనసాగుతోన్న ఈ పరిస్థితుల్లో వీళ్లకి ఇది ఎలా సాధ్యమైందో మీరే చూడండి.

Know More

women icon@teamvasundhara
worlds-shortest-woman-jyoti-amge-urges-indians-to-follow-lockdown-rules-stay-indoors

నేను మిమ్మల్ని కోరేది ఇదొక్కటే!

కరోనాను నివారించే ఏకైక మంత్రం సామాజిక దూరం పాటించడం. అందుకే ప్రభుత్వాల దగ్గర్నుంచి సెలబ్రిటీల వరకు ప్రజలంతా ఇంట్లోనే ఉండాలంటూ పలు మాధ్యమాల ద్వారా కోరుతున్నారు. అత్యవసరమైతే తప్ప బయటికి రావద్దని, ఒకవేళ వచ్చినా తప్పనిసరిగా మాస్క్‌ ధరించాలని - సామాజిక దూరం పాటించాలని, ఇంట్లో ఉన్నా భౌతిక దూరం పాటిస్తూ, చేతులు ఎప్పటికప్పుడు శుభ్రం చేసుకుంటూ ఉండాలని పదే పదే చెప్పడం మనం చూస్తూనే ఉన్నాం. అయితే ఈ జాబితాలో తాజాగా ప్రపంచంలోనే అత్యంత పొట్టి మహిళగా పేరుగాంచిన జ్యోతీ ఆమ్గే కూడా చేరిపోయింది. నాగ్‌పూర్‌ పోలీసులతో చేతులు కలిపి అక్కడి వీధుల్లో తిరుగుతూ కరోనాపై తన వంతుగా అవగాహన కల్పిస్తోందీ షార్టెస్ట్‌ వుమన్‌.

Know More

women icon@teamvasundhara
corona-virus-american-nurse-dealing-with-corona-patients-shares-her-experience

మృతుల మొబైల్‌ ఫోన్లు ఇంకా మోగుతూనే ఉన్నాయి!

కరోనా సృష్టిస్తున్న ప్రకంపనలకు యావత్‌ ప్రపంచం చిగురుటాకులా వణికిపోతోంది. ప్రపంచానికి పెద్దన్న అని చెప్పుకునే అగ్రరాజ్యం అమెరికా సైతం ఈ మహమ్మారితో అతలాకుతలమవుతోంది. అక్కడి ప్రజలపై పగబట్టినట్టు ఇప్పటికే సుమారు 24 వేల మంది అమెరికన్లను ఈ వైరస్‌ బలితీసుకుంది. దీంతో ఆ దేశంలో ఎక్కడ చూసినా శవాల గుట్టలే కనిపిస్తున్నాయి. ముఖ్యంగా ఆస్పత్రుల్లోని మార్చురీలన్నీ కరోనా రోగుల మృతదేహాలతో నిండిపోయాయి. ఈ క్రమంలో అక్కడి అధ్వాన్న పరిస్థితులను వివరిస్తూ అలెక్సాండ్రియా మాకియాస్‌ అనే ఓ నర్సు ఫేస్‌బుక్‌లో ఓ సుదీర్ఘ పోస్ట్‌ షేర్‌ చేసింది. ఆ హృదయ విదారక పోస్ట్‌ ప్రస్తుతం నెట్టింట్లో వైరల్‌గా మారింది.

Know More

women icon@teamvasundhara
lucknow-authorities-all-set-to-deliver-free-sanitary-napkins-to-women-during-lockdown

అక్కడి సఖులకు అండగా ‘సఖి’!

ప్రస్తుతం దేశమంతా లాక్‌డౌన్‌ని పాటిస్తోన్న నేపథ్యంలో కనీస అవసరాలకు సంబంధించిన వస్తువులు దొరకడమే గగనమైపోయింది. ఒకవేళ దొరికినా వాటిని కొనడానికి గడపదాటడానికి సైతం జంకుతున్నారు చాలామంది. ఇక ఆడవాళ్లకు అత్యవసరమైన శ్యానిటరీ న్యాప్‌కిన్ల లభ్యత కూడా ప్రస్తుతం అంతంతమాత్రంగానే ఉంది. ఒకవేళ లభించినా.. కరోనా కారణంగా ప్రస్తుత పరిస్థితుల్లో కొందరు మహిళలు వాటిని కొనడానికి కూడా డబ్బుల్లేక నానా అవస్థలూ పడుతున్నారు. ఈ పరిస్థితి ఇలాగే కొనసాగితే మహిళల్లో వ్యక్తిగత పరిశుభ్రత లోపించి లేనిపోని అనారోగ్యాల బారిన పడే అవకాశం ఉంది. అందుకే ఈ పరిస్థితిని అర్థం చేసుకున్న లక్నో జిల్లా అధికార యంత్రాంగం లాక్‌డౌన్‌ కారణంగా శ్యానిటరీ న్యాప్‌కిన్లను ఉచితంగా సరఫరా చేయనున్నట్లు ప్రకటించింది. ఇలాంటి క్లిష్ట సమయంలో మహిళలకు ఈ విధంగా అండగా నిలవాలని నిర్ణయించుకుందా ప్రభుత్వం.

Know More

women icon@teamvasundhara
corona-virus-women-stitching-face-masks-for-the-needy-inspires-many

కరోనాపై పోరులో మేము సైతం!

కరోనా ధాటికి మానవజాతి విలవిల్లాడిపోతోన్న నేపథ్యంలో.. ప్రపంచమంతా ఒక్కటై ఈ మహమ్మారిపై పోరాటం సాగిస్తోంది. మన దేశంలో కూడా కరోనా వ్యాప్తిని అరికట్టేందుకు కేంద్ర, రాష్ట్ర ప్రభుత్వాలు తమ శక్తికి మించి కృషి చేస్తున్నాయి. ముఖ్యంగా వైద్యులు, పారిశుద్ధ్య కార్మికులు, మీడియా, పోలీస్‌.. తదితర అత్యవసర విభాగాలకు చెందిన ఉద్యోగులు కంటి మీద కునుకు లేకుండా తమ బాధ్యతలను నిర్వర్తిస్తున్నారు. వీళ్లతో పాటు సామాజిక స్పృహ కలిగిన మరికొందరు సైతం ఈ ఆపద సమయంలో సమాజానికి తమ వంతు సహాయాన్ని అందించేందుకు స్వచ్ఛందంగా ముందుకొస్తు్న్నారు. ఈ క్రమంలో కొంతమంది కరోనా వ్యాప్తిని అరికట్టేందుకు ప్రాథమికంగా ఉపయోగించే మాస్కులను స్వయంగా రూపొందిస్తున్నారు. ఇలాంటి కొంతమంది మహిళామణుల గురించి తెలుసుకుందాం రండి..!

Know More

women icon@teamvasundhara
corona-virus-covid-19-indian-origin-covid-survivor-shares-her-experience

ఆ క్షణం చావు నా ముందున్నట్లనిపించింది!

కనికరం లేకుండా కోరలు చాస్తోన్న కరోనాకు అగ్రదేశాలు సైతం అతలాకుతలమవుతున్నాయి. ఈ మహమ్మారి కారణంగా బ్రిటన్‌లో ఇప్పటికే సుమారు 7వేల మంది మృత్యువాత పడగా, లక్షలాది మంది క్వారంటైన్‌ ఆస్పత్రుల్లో చికిత్స పొందుతున్నారు. ఆ దేశ ప్రధాని బోరిస్‌ జాన్సన్‌, ప్రిన్స్‌ చార్లెస్‌ లాంటి ప్రముఖులు కూడా ఈ వైరస్‌ బారిన పడ్డారంటే సామాన్యుల పరిస్థితి ఎలా ఉందో అర్థం చేసుకోవచ్చు. అయితే ఈ కరోనా కోరల్లో చిక్కుకొని తాను కూడా చావును చాలా దగ్గర్నుంచి చూశానని చెబుతోంది లండన్‌లో నివసిస్తోన్న రియా లఖానీ. భారతీయ సంతతికి చెందిన ఆమె కరోనా బారిన పడి ఇటీవలే కోలుకుంది. ఈ క్రమంలో చికిత్స తీసుకునే సమయంలో తనకెదురైన అనుభవాల గురించి సోషల్ మీడియాలో షేర్‌ చేసుకుందీ బ్రేవ్‌ లేడీ.

Know More

women icon@teamvasundhara
anm-and-aasha-workers-plays-a-major-role-in-corona-survey

వృత్తిధర్మం కోసం కరోనానూ లెక్క చేయడం లేదు..!

తుమ్మితే అనుమానంగా చూస్తున్నారు. దగ్గితే దూరం జరిగిపోతున్నారు. జ్వరం ఉందంటే.. ఆ వైపు వెళ్లడానికి జంకుతున్నారు. కానీ ఈ మహిళలు మాత్రం.. నిరంతరం శోధిస్తున్నారు. వైరస్‌ బారిన పడినవారిని వెతికి పట్టుకునే పనిలో ఉన్నారు. ఇంటింటికీ వెళ్తున్నారు.. వీధి వీధినీ జల్లెడ పడుతున్నారు వాళ్లే ఏఎన్‌ఎమ్‌లు, ఆశా కార్యకర్తలు.. కరోనా కట్టడికి వీళ్లు నడుం బిగించారు. అవమానాలు ఎదురైనా.. అనుమానితులను వదలడం లేదు. అయినవారే వద్దంటున్నా.. ఆపత్కాలంలో వెనుకడుగు వేసేది లేదంటున్నారు. కరోనా కల్లోలంపై జగతిని జాగృతం చేస్తున్న ఈ స్త్రీమూర్తుల కష్టాన్ని చదవండి..

Know More

women icon@teamvasundhara
britain-doctor-roopa-says-corona-patient-vomited-on-her-while-treatment

చికిత్స చేస్తుండగానే నా దుస్తులపై వాంతి చేసుకున్నాడు!

కరోనా వైరస్‌ కారణంగా కోట్లాది మంది ఇళ్లకు పరిమితమయ్యారు. అదే సమయంలో అదే కరోనాను కట్టడి చేసేందుకు వైద్యులు, నర్సులు కంటి మీద కునుకు లేకుండా పనిచేస్తున్నారు. రోగులకు చికిత్స చేసే క్రమంలో తమకు వైరస్‌ సోకే ప్రమాదం పొంచి ఉన్నా ప్రాణాలను పణంగా పెట్టి మరీ వైద్య సేవలు అందజేస్తున్నారు ఎందరో వైద్య సిబ్బంది. విధి నిర్వహణలో భాగంగా నెలల తరబడి కుటుంబ సభ్యులకు దూరంగా ఉంటూ ప్రాణాంతక వైరస్‌పై పోరాటం కొనసాగిస్తున్నారు. వృత్తి ధర్మాన్ని నిక్కచ్చిగా పాటిస్తూ అందరి మన్ననలు అందుకుంటున్నారు. ఈ కోవకే చెందుతారు బ్రిటన్‌కు చెందిన డాక్టర్‌ రూపా ఫారూఖీ. ఇంగ్లండ్‌లోని క్వీన్‌ ఎలిజబెత్‌ మదర్‌ ఆస్పత్రిలో జూనియర్‌ డాక్టర్‌గా విధులు నిర్వర్తిస్తున్నారామె. ఈక్రమంలో విధి నిర్వహణలో భాగంగా తనకెదురైన సవాళ్లు, వాటిని అధిగమించిన తీరును తాజాగా అందరితో పంచుకున్నారు రూప.

Know More

women icon@teamvasundhara
jk-rowling-shares-a-video-that-helped-her-tide-over-covid-19-symptoms

కరోనా లక్షణాలతో బాధపడ్డా.. అయినా కోలుకున్నా!

కరోనా ప్రభావంతో అగ్రదేశమైన బ్రిటన్‌ కూడా అతలాకుతలమవుతోంది. ఏకంగా ఆ దేశ ప్రధాని బోరిస్‌ జాన్సన్‌, ఆరోగ్య శాఖ మంత్రి, ప్రిన్స్ చార్లెస్‌ తదితర ప్రముఖులు ఈ మహమ్మారి బారిన పడడం గమనార్హం. చిన్నా, పెద్ద, పేద, ధనిక, సామాన్యుడు, సెలబ్రిటీ అన్న తేడాల్లేకుండా అందరినీ కబళిస్తోన్న వైరస్‌ కారణంగా బ్రిటన్‌లో సుమారు 5వేలమందికి పైగా మరణించారు. ఈక్రమంలో ఆ దేశానికి చెందిన ప్రముఖ రచయిత్రి, హ్యారీ పోటర్‌తో సరికొత్త మాయాలోకాన్ని సృష్టించిన జేకే రౌలింగ్‌ తాను కూడా కరోనా లక్షణాలతో బాధపడ్డానని ప్రకటించింది. అయితే వైద్యుడైన తన భర్త సూచించిన కొన్ని సలహాలను పాటించడంతో ఎటువంటి పరీక్షలు, చికిత్స చేయించుకోకుండానే ఈ మహమ్మారి నుంచి బయటపడ్డానని చెప్పుకొచ్చారామె. మరి ఆమె పాటించిన ఆ సలహాలేంటో మనమూ తెలుసుకుందాం రండి.

Know More

women icon@teamvasundhara
nurse-shows-how-quickly-corona-can-spread-even-while-wearing-gloves

మనకు తెలియకుండానే వైరస్‌ ఇలా వ్యాపిస్తుంది.. జాగ్రత్త!

కనికరం లేకుండా కోరలు చాస్తోన్న కరోనాను కట్టడి చేసేందుకు ఆయా దేశాలు ఆపసోపాలు పడుతున్నాయి. వైరస్‌కు కేంద్ర బిందువైన చైనాలో కేసులు తగ్గుముఖం పట్టినప్పటికీ మిగతా దేశాలు ఈ మహమ్మారి ధాటికి అతలాకుతలం అవుతున్నాయి. ఈ వైరస్‌ వ్యాప్తిని అరికట్టేందుకు ఇప్పటికే పలు దేశాలు లాక్‌డౌన్‌ను పటిష్టంగా అమలు చేస్తున్నాయి. స్వీయ నిర్బంధం, వ్యక్తిగత పరిశుభ్రతను పాటించాలని మార్గదర్శకాలు జారీ చేస్తున్నాయి. ఇక అత్యవసరంగా బయటికెళ్లాల్సి వస్తే తప్పనిసరిగా ముఖానికి మాస్కులు, చేతులకు గ్లౌజులు ధరించాలని వైద్య నిపుణులు కూడా సూచిస్తున్నారు. అయితే ఈ జాగ్రత్తలు పాటించినంత మాత్రాన ఈ వైరస్‌ వ్యాప్తిని పూర్తిగా అడ్డుకోలేమంటున్నారు మిచిగాన్‌కు చెందిన మోలీ లిక్సే. అక్కడి స్థానిక ఆస్పత్రిలో నర్సుగా పనిచేస్తోన్న ఆమె... చేతులకు గ్లౌజులు ధరించినప్పటికీ వైరస్‌ వ్యాప్తి చెందే ప్రమాదముందని ప్రయోగ పూర్వకంగా వివరించింది.

Know More

women icon@teamvasundhara
former-british-parliament-member-anna-soubry-praises-kerala-nurses

ఆమె నోట కేరళ నర్సుల మాట..!

కరోనా మహమ్మారిని ఎదుర్కోవడానికి ఆరోగ్య కార్యకర్తలు పెద్ద యుద్ధమే చేస్తున్నారు. దీంట్లో కేరళకు చెందిన నర్సులే కీలకపాత్ర పోషిస్తున్నారని అధ్యయనాలు చెబుతున్నాయి. ప్రపంచ ఆరోగ్య సంస్థ నివేదిక ప్రకారం... ప్రపంచవ్యాప్తంగా ఉన్న నర్సుల్లో భారత్‌ నుంచి వెళ్లినవాళ్లే ఎక్కువట. అందులోనూ కేరళదే అగ్రస్థానం. కేరళలో చదువుకున్న 30 శాతం మంది నర్సులు అమెరికా, బ్రిటన్‌లో... 15 శాతం మంది ఆస్ట్రేలియాలో, 12 శాతం మంది మధ్య తూర్పు ప్రాంతంలో సేవలను అందిస్తున్నారు. బ్రిటిష్‌ పార్లమెంట్‌ మాజీ సభ్యురాలు అన్నా సౌబ్రి... తమ దేశ ఆరోగ్య సంరక్షణ వ్యవస్థలో కేరళ నర్సులు అందిస్తోన్న సేవలను ఎంతగానో ప్రశంసించారు. ఈ వీడియో సోషల్‌ మీడియాలోనూ వైరల్‌ అవుతోంది. ‘విదేశాల నుంచి వచ్చిన నర్సులు మా దేశంలో పనిచేయడం వల్ల మాకెలాంటి ఇబ్బందీ లేదు. నిజానికి ప్రతిభా, సేవానిరతి ఉన్న భారతదేశానికి చెందిన నర్సులు.. ముఖ్యంగా కేరళ నర్సుల నుంచి మేమెంతో నేర్చుకున్నాం కూడా’ అని వారి సేవలను కొనియాడారు. ప్రస్తుతం కరోనా మహమ్మారితో పోరాడుతూ అత్యవసర సేవలను అందిస్తున్న వాళ్లలోనూ వీరే ముందున్నారు. యూకేలోని అత్యవసర సేవల బృందాల్లోనూ కేరళ నర్సులే మొదటి స్థానంలో ఉన్నారట.

Know More

women icon@teamvasundhara
england-captain-heather-knight-joins-nhs-to-bat-against-covid-19

ఈ ఖాళీ సమయం సేవకే అంకితం!

కరోనా భయంతో ప్రపంచమంతా షట్‌డౌన్‌ అయిపోయింది. డాక్టర్లు, పోలీసులు, మీడియా.. వంటి అత్యవసర సేవలు మినహా సామాన్యుల దగ్గర్నుంచి సెలబ్రిటీల దాకా అందరూ స్వీయ నిర్బంధంలోకి వెళ్లిపోయారు. ఇక ఇలాంటి సమయంలో మరీ అత్యవసరమైతే తప్ప ఇంటి నుంచి బయటికొచ్చే సాహసం ఎవరైనా చేస్తారా చెప్పండి. కానీ అలాంటి సాహసమే చేసింది ఇంగ్లండ్‌ మహిళల క్రికెట్‌ జట్టు కెప్టెన్‌ హీథర్‌ నైట్‌. క్వారంటైన్‌లో భాగంగా దొరికిన ఖాళీ సమయాన్ని మనమంతా విభిన్న రకాలుగా ఉపయోగించుకుంటుంటే.. ఈ ఇంగ్లండ్‌ స్కిప్పర్‌ మాత్రం ‘నా ఈ ఖాళీ సమయం సేవకే అంకితం..’ అంటూ ‘జాతీయ ఆరోగ్య సేవా సంస్థ (ఎన్‌హెచ్‌ఎస్‌)’లో వలంటీర్‌గా చేరిపోయింది. ఈ క్రమంలోనే తాజాగా ఎన్‌హెచ్‌ఎస్‌లో తన సభ్యత్వాన్ని కూడా నమోదు చేసుకుందీ ఇంగ్లిష్‌ క్రికెట్‌ బ్యూటీ. ఇంతకీ హీథర్‌ ఎన్‌హెచ్‌ఎస్‌ వలంటీర్‌గా ఎలా సేవ చేస్తోందో తెలుసుకుందామా..?

Know More

women icon@teamvasundhara
friends-celebrate-teens-last-chemo-session-in-an-unique-way

సామాజిక దూరం పాటిస్తూనే సర్‌ప్రైజ్‌ గిఫ్ట్‌ ఇచ్చారు..!

ఎదుటివారికి ప్రేమను పంచాలనే మనసుండాలే కానీ, ప్రకృతి విపత్తులు సైతం వారికి అడ్డుగా నిలబడలేవు..! దీనికి ఉదాహరణగా నిలిచే ఓ సంఘటనే ఇటీవల అమెరికాలో చోటు చేసుకుంది. అమెరికాకు చెందిన జాన్‌ క్రసిన్స్‌కి అనే నటుడు ‘ఈ వారంలో మీకు ఎదురైన స్ఫూర్తిదాయక కథ లేదా మిమ్మల్ని ఆనందానికి గురి చేసిన సంఘటనలను నాతో పంచుకోండి’ అంటూ ఇటీవల సోషల్‌ మీడియాలో పోస్ట్‌ చేశాడు. ఈ పోస్ట్‌పై చాలామంది నెటిజన్లు స్పందించారు. కానీ, వీరిలో ఏప్రిల్‌ డాన్జ్‌ అనే మహిళ షేర్‌ చేసిన ఓ వీడియో జాన్‌తో పాటు నెటిజన్లను సైతం విపరీతంగా ఆకట్టుకుంటోంది. మరి ఆ వీడియో ఏంటి..? దాని వెనకున్న కథేంటో మనమూ చూసేద్దామా..!

Know More

women icon@teamvasundhara
paramedic-applauded-by-her-neighborhood-in-uk

ఆమె సేవలకు కాలనీ అంతా చప్పట్ల వర్షం కురిసింది!

కరోనా ఆడుతోన్న విలయ తాండవానికి ప్రపంచ దేశాలు వణికిపోతున్నాయి. ఈ మహమ్మారి బారిన పడకుండా సామాన్యుల నుంచి సెలబ్రిటీల వరకు స్వీయ నిర్బంధంలో ఉంటూ సామాజిక దూరాన్ని పాటిస్తున్నారు. కానీ, అత్యవసర సేవల కోసం కొన్ని రంగాలకు చెందిన వాళ్లు మాత్రం తమ విధుల్లో కొనసాగుతున్నారు. వీరిలో వైద్య రంగానికి చెందిన డాక్టర్లు, నర్సులు, కాంపౌండర్లు.. తదితర సిబ్బంది కూడా ఉన్నారు. వీళ్లు కరోనా లేదా ఇతర రోగాలతో ఆసుపత్రుల్లో చేరుతోన్న రోగులకు వైద్య సేవలందించేందుకు పగలు, రాత్రి అనే తేడాల్లేకుండా నిరంతరం పని చేస్తున్నారు. ముఖ్యంగా కొవిడ్‌-19 లక్షణాలున్న వారిని తిరిగి మామూలు స్థితికి తీసుకొచ్చేందుకు వీళ్లు తమ ప్రాణాలను సైతం లెక్క చేయకుండా ఆ మహమ్మారితో పోరాటం చేస్తున్నారు. ఈ క్రమంలో యూకేలో పారామెడిక్‌ (ఎమర్జెన్సీ కేర్‌ అసిస్టెంట్‌)గా సేవలందిస్తోన్న ఓ యువతి డ్యూటీకి వెళ్తుండగా తన కాలనీ వాసులంతా ఇంటి నుంచి బయటకు వచ్చి చప్పట్లతో ఆమెకు కృతజ్ఞతలు తెలిపారు.

Know More

women icon@teamvasundhara
gwalior-women-making-masks-sanitizers-for-low-cost

ఆ మహిళల కృషితో అందుబాటు ధరల్లోనే మాస్కులు, శానిటైజర్లు!

ప్రపంచమంతా కరోనా వైరస్‌ అలుముకున్న ఈ తరుణంలో దాన్నుంచి మనల్ని మనం కాపాడుకోవాలంటే వ్యక్తిగత పరిశుభ్రత, మాస్కులు ధరించడం ఎంత ముఖ్యమో ప్రత్యేకించి చెప్పాల్సిన అవసరం లేదు. మరి, ఓవైపు మార్కెట్లో లభించే మాస్కులు కొందామంటే వందలకు వందలు ఖర్చుపెట్టాల్సి వస్తోంది. మరోవైపు చేతులు శుభ్రం చేసుకోవడానికి ఉపయోగించే శానిటైజర్ల కొరత కూడా ఏర్పడినట్లు మనం రోజూ వార్తల్లో వింటూనే ఉన్నాం. అయితే ఇక నుంచి మాస్కులు, శానిటైజర్ల విషయంలో ఎలాంటి ఇబ్బందీ పడాల్సిన అవసరం లేదంటున్నారు మధ్యప్రదేశ్‌ గ్వాలియర్‌లోని ఫూల్‌బాగ్‌కు చెందిన మహిళలు. ఈ క్రమంలోనే అక్కడి వందలాది మంది మహిళలు మాస్కులు, శానిటైజర్ల తయారీలో నిమగ్నమయ్యారు. ఇలా వీరు తయారుచేసిన ఈ ఉత్పత్తుల్ని తక్కువ ధరకే విక్రయిస్తూ కరోనా బారి నుంచి అందరినీ కాపాడడంలో పరోక్షంగా తమ వంతుగా కృషి చేస్తున్నారు. మరి, ఈ మహిళల గురించి, వారు తయారుచేస్తోన్న ఉత్పత్తుల గురించి సంక్షిప్తంగా తెలుసుకుందాం రండి..

Know More

women icon@teamvasundhara
women-share-her-experience-about-corona-symptoms-to-bring-awareness

నాలో ‘కరోనా’ అలా బయటపడింది!

ఒంట్లో కాస్త నలతగా ఉన్నా, దగ్గినా, తుమ్మినా వెంటనే.. ‘నాకూ ‘కరోనా’ వచ్చిందేమో.. అందుకే ఇలా అవుతోంది’ అని భయపడే పరిస్థితులు వచ్చాయి. ప్రస్తుతం ఎక్కడ చూసినా, విన్నా కరోనాకు సంబంధించిన వార్తలే వస్తున్న నేపథ్యంలో చాలామందిలో ఏదో తెలియని గుబులు మొదలైంది. మరీ ముఖ్యంగా యువతలో ఇది ఎక్కువగా కనిపిస్తోందని నిపుణులు చెబుతున్నారు. అయితే ప్రజల్లో ఇలాంటి భయాలను దూరం చేయాలనుకుంది కరోనా బారిన పడి క్రమంగా కోలుకుంటోన్న ఓ 22 ఏళ్ల అమెరికన్‌ అమ్మాయి. ఈ క్రమంలోనే తన ‘కరోనా అనుభవాలను’ నెటిజన్లతో పంచుకుంది. కరోనా తనను ఎలా అటాక్‌ చేసింది? రోజురోజుకీ తనలో ఎలాంటి లక్షణాలు కనిపించాయి? అనే విషయాలను ట్విట్టర్‌ ద్వారా పంచుకుంటూ అందరిలో ధైర్యం నింపుతోంది. మరి ఆ యువతి పంచుకున్న ‘కరోనా’ అనుభవాల గురించి మనమూ తెలుసుకుందామా..?

Know More

women icon@teamvasundhara
wife-of-coronavirus-doctor-writes-how-their-lives-have-changed

మూడు వారాల పాపాయిని నా భర్త చేతుల్లోకే తీసుకోలేదు!

‘ఈ ప్రపంచంలో దేవుడి తర్వాత అందరూ చేతులెత్తి మొక్కేది ఒక్క డాక్టర్లకే’...! ‘ఠాగూర్‌’ సినిమాలో మెగాస్టార్‌ చిరంజీవి నోటి వెంట వచ్చిన ఈ డైలాగ్‌ ఒక్కటి చాలు...డాక్టర్ల గొప్పతనమేంటో చాటి చెప్పడానికి..! ఇక ‘వైద్యో నారాయణో హరి’ అంటూ వైద్యులను సాక్షాత్తూ నారాయణుడి (భగవంతుడు)తో పోల్చారు మన పెద్దలు. ప్రస్తుతం కరోనా బాధితులకు సేవలందిస్తున్న వైద్యులను, నర్సులను చూస్తే చాలామందికి ఈ మాటలే గుర్తుకు వస్తాయి. రోగుల కారణంగా ఎక్కడ తమకు వైరస్‌ సోకుతుందోనన్న భయంతో బిక్కుబిక్కుమంటూనే వారు వైద్య సేవలు అందిస్తున్నారు. విధి నిర్వహణలో భాగంగా కుటుంబ సభ్యులకు సైతం దూరంగా ఉంటూ ప్రాణాంతక వైరస్‌ను తరిమికొట్టేందుకు తమ ప్రాణాలనే పణంగా పెడుతున్నారు. తమ సేవా నిరతిని చాటుతున్నారు. ఈ క్రమంలో ఈ మహమ్మారి తమ జీవితాలను పూర్తిగా మార్చేసిందంటూ ఓ వైద్యుడి భార్య పెట్టిన పోస్ట్‌ ప్రస్తుతం అందరి మన్ననలు అందుకుంటోంది.

Know More

women icon@teamvasundhara
donatella-versace-donates-200000-euros-to-italy-hospital-to-help-fight-coronavirus

కరోనా బాధితుల కోసం ఈ తల్లీకూతుళ్లు ఏం చేశారో తెలుసా?

ప్రస్తుతం ప్రపంచవ్యాప్తంగా ఎక్కడ చూసినా కరోనా భయమే అలుముకుంది. చైనాలో పుట్టిన ఈ మహమ్మారి ఎన్నో దేశాల్లో తన విశ్వరూపాన్ని చూపుతోంది. మొదటి రెండు నెలలు చైనాను కుదిపేసిన ఈ వైరస్‌ ప్రస్తుతం కొన్ని దేశాల్ని ఊపిరాడకుండా ఉక్కిరిబిక్కిరి చేసేస్తోంది. అలా కరోనా చెరబట్టిన దేశాల్లో ఇటలీ కూడా ఒకటి. రోజురోజుకీ అక్కడ కేసులు పెరిగిపోతున్నాయి. కరోనా మరణాల రేటు కూడా ఇటలీలో ఎక్కువేనని అధికారికంగా వెల్లడైన గణాంకాలు రుజువు చేస్తున్నాయి. అంతేకాదు.. అక్కడ రోజురోజుకీ రోగులు పెరిగిపోతుండడంతో వైద్య సదుపాయాలు కూడా కొరవడుతున్నాయి.. ఇలాంటి క్లిష్ట పరిస్థితుల్లో అక్కడి కరోనా బాధితులకు తనవంతుగా సహాయం చేయడానికి ముందుకొచ్చారు ప్రముఖ ఇటాలియన్‌ ఫ్యాషన్‌ డిజైనర్‌ డొనాటెల్లా వెర్సేస్‌. తన కూతురు అలెగ్రా వెర్సేస్‌తో కలిసి మిలాన్‌లోని ఓ హాస్పిటల్‌కి కోటి రూపాయలకు పైగా విరాళం అందించి తన దాతృత్వాన్ని చాటుకుంది డొనాటెల్లా.

Know More

women icon@teamvasundhara
supreme-court-in-favor-of-permanent-commission-for-women-officers-in-the-navy

ఇక నేవీలోనూ నారీ శక్తి!

సాధారణంగా ఆర్మీ, నేవీ, ఎయిర్‌ ఫోర్స్‌ లాంటి సాయుధ దళాలంటే పురుషులే గుర్తుకు వస్తారు. ఇక్కడ మహిళలున్నా ఉన్నత అవకాశాలకు మాత్రం ఆమడదూరంలో ఉంటారు. ఈ వివక్ష ఏంటని ప్రశ్నిస్తే మాత్రం ‘ ఆడవాళ్లు అన్ని విభాగాల్లో పనిచేయలేరు. వారికి పురుషులతో సమానంగా శక్తి సామర్థ్యాలుండవు’ అని కుంటిసాకులు వెతుకుతుంటారు. ముఖ్యంగా ఆర్మీ, నేవీల్లాంటి దళాల్లో కొన్నేళ్లుగా ఈ వివిక్ష కొనసాగుతూనే ఉంది. ఈ నేపథ్యంలో గతనెలలో ఆర్మీలో పురుషులతో పాటు మహిళలకూ సమాన అవకాశాలు కల్పించాలని తీర్పునిచ్చిన సుప్రీం కోర్టు తాజాగా మరో చరిత్రాత్మక తీర్పును వెలువరించింది. సైన్యంలో మాదిరిగానే నావికాదళంలోనూ మహిళలకు శాశ్వత కమిషన్‌ ఏర్పాటు చేయాలని స్పష్టం చేసింది. ఈ క్రమంలో శారీరక లక్షణాలను సాకుగా చూపుతూ వారిని ఉన్నత అవకాశాలకు దూరం చేస్తున్న వారికి మరోసారి మొట్టికాయలు వేసింది.

Know More

women icon@teamvasundhara
-a-chinese-nurse-shares-her-experience-about-treating-corona-patients

అందుకే వాళ్లు దగ్గినా, తుమ్మినా దూరంగా వెళ్లలేం!

ఇప్పటికే చైనాను కకావికలం చేసిన కరోనా ప్రస్తుతం ప్రపంచ దేశాలకు కంటిమీద కునుకు లేకుండా చేస్తోంది. సుమారు 145 దేశాలకు పాకిన ఈ మహమ్మారి పేరు వింటేనే ప్రజలు హడలెత్తిపోతున్నారు. మరి సామాన్యుల పరిస్థితే ఇలా ఉంటే కరోనా రోగులకు చికిత్స చేసే డాక్టర్లు, నర్సుల పరిస్థితి ఇంకెంత దయనీయంగా ఉంటుంది చెప్పండి. రోగుల కారణంగా ఎక్కడ ఆ మహమ్మారి తమకు సోకుతుందోనన్న భయంతో బిక్కుబిక్కుమంటూనే వైద్య సేవలు అందిస్తున్న పరిస్థితి వారిది. అయినా తమ ప్రాణాలను పణంగా పెట్టి మరీ కరోనా బాధితులను కాపాడుతున్నారు. వృత్తిధర్మాన్ని చాటి చెబుతూ అందరి మన్ననలు అందుకుంటున్నారు. ఈ కోవకే చెందుతుంది చైనాకు చెందిన ఫ్యాన్‌ అన్జి. చైనాలోని చాంగ్‌ కింగ్‌ పబ్లిక్‌ హెల్త్‌ మెడికల్‌ సెంటర్‌లో హెడ్‌ నర్సుగా బాధ్యతలు నిర్వహిస్తున్నారామె. ఈ క్రమంలో విధి నిర్వహణలో భాగంగా తనకెదురైన సవాళ్లు, వాటిని అధిగమించిన తీరును అందరితో పంచుకున్నారు ఫ్యాన్‌.

Know More

women icon@teamvasundhara
us-woman-who-survived-coronavirus-shares-her-experience

అలా నేను కరోనాను జయించా !

చైనాలో పుట్టి ప్రస్తుతం ప్రపంచాన్నంతా కలవరపెడుతోంది కరోనా వైరస్‌ (కొవిడ్‌-19). ప్రపంచ ఆరోగ్య సంస్థ సైతం దీని తీవ్రతను పరిగణనలోకి తీసుకొని ఈ వ్యాధిని ‘మహమ్మారి’గా ప్రకటించింది. ఇక భారతదేశంలోనూ రోజురోజుకూ కరోనా పాజిటివ్‌ కేసులు పెరుగుతున్నాయి. ఎప్పటికప్పుడు కేంద్ర, రాష్ర్ట ప్రభుత్వాలు పరిస్థితిని సమీక్షిస్తూ.. ముందు జాగ్రత్త చర్యలు చేపడుతూ పలు మార్గదర్శకాలు జారీ చేస్తున్నాయి. అయితే ఇదేమీ ప్రాణాంతక వ్యాధి కాదని, ప్రజలు ఆందోళన చెందాల్సిన అవసరం లేదని పాలకులు, అధికారులు సూచిస్తున్నారు. ఈ క్రమంలోనే కరోనా బారిన పడి పూర్తిగా కోలుకున్న కేరళ వాసులను ఉదాహరణగా చూపిస్తూ ఊరట కలిగిస్తున్నారు. ఈ లిస్టులో తానూ ఉన్నానంటోంది 37 ఏళ్ల అమెరికన్‌ మహిళ. ఈ మహమ్మారి బారిన పడిన తాను పూర్తిగా కోలుకున్నానని చెబుతోందీ డేరింగ్‌ వుమన్‌. అంతేకాదు కరోనా భయంతో వణికిపోతున్న ప్రపంచానికి ఉపశమనం కలిగిస్తూ తన అనుభవాలను అందరితో షేర్‌ చేసుకుందీ అమెరికన్‌ లేడీ.

Know More

women icon@teamvasundhara
mexican-woman-strike-to-protest-against-gender-based-violence

ఆడవాళ్లు లేకపోతే ఎలా ఉంటుందో చూడండి !

ప్రపంచంలో అత్యంత రద్దీగా ఉండే మెక్సికో నగర రహదారులన్నీ ఆరోజు నిర్మానుష్యంగా దర్శనమిచ్చాయి. కార్యాలయాలన్నీ వెలవెలబోయాయి. బడులన్నీ బోసిపోయాయి. కళాశాలల్లో కుర్రకారు హుషారు కనిపించనేలేదు. నిత్యం సందడిగా ఉండే షాపింగ్‌మాల్స్‌లో కూడా నిశ్శబ్దం రాజ్యమేలింది. అక్కడక్కడా ఒకరిద్దరు పురుషులు తప్పితే మచ్చుకు ఓ మహిళ జాడ కూడా కనిపించలేదు. ఈ పరిస్థితులను చూస్తుంటే ప్రపంచ దేశాలను కలవరపెడుతున్న ‘కరోనా’ మెక్సికోకు వచ్చిందేమో అనుకుంటున్నారా? అసలు విషయం అది కాదండోయ్‌...! మరి నిత్యం జన సమూహంతో సందడిగా ఉండే మెక్సికో నగరం మార్చి 9న ఎందుకు మూగబోయిందో తెలుసుకోవాలనుకుంటున్నారా? అయితే ఈ స్టోరీ చదవాల్సిందే..!

Know More

women icon@teamvasundhara
pv-sindhu-won-the-bbc-indian-sportswoman-of-the-year-2019-award

మహిళలుగా మనపై మనం నమ్మకముంచాలి!

‘కష్టే ఫలి’ అన్నారు పెద్దలు. ‘దాంతో పాటు మహిళలుగా మనపై మనం నమ్మకముంచాలి.. అప్పుడే విజయం మన ముంగిట వాలుతుంది..’ అంటోంది భారత స్టార్‌ షట్లర్‌ పీవీ సింధు. 2009లో బ్యాడ్మింటన్‌ క్రీడలోకి అడుగుపెట్టిన ఈ హైదరాబాదీ.. దశాబ్ద కాలంలోనే ఎన్నో విజయాలు అందుకొని దేశానికి పతకాల పంట పండించింది. తన కీర్తి కిరీటంలో మరెన్నో అవార్డులతో మురిసి మెరిసిన ఈ స్టార్‌ షట్లర్‌.. తాజాగా మరో ఘనత సాధించింది. ‘బీబీసీ ఇండియన్‌ స్పోర్ట్స్‌వుమన్‌ ఆఫ్‌ ది ఇయర్‌ - 2019’ అవార్డు గెలుచుకొని మరింత మంది అమ్మాయిలకు ప్రేరణగా నిలుస్తోందీ సూపర్బ్‌ షట్లర్‌. ఇక ఈ పురస్కారాల్లో భాగంగా పరుగుల రాణి పీటీ ఉషను ‘లైఫ్‌టైమ్‌ అఛీవ్‌మెంట్‌ అవార్డు’తో సత్కరించింది బీబీసీ.

Know More

women icon@teamvasundhara
kerala-attukal-bhagavathy-temple

ఈ మహిళల శబరిమలై గురించి విన్నారా?

కేరళలోని అట్టుక్కల్‌ అమ్మవారి దేవాలయాన్ని మహిళా శబరిమలై అని పిలవొచ్చు. ఎందుకంటే ఇక్కడ జరిగే ప్రధాన పూజలు, అర్చనల్లో మహిళలకు మాత్రమే ప్రవేశం ఉంటుంది. కేరళ రాజధాని తిరువనంతపురంలోని ఈస్ట్‌ ఫోర్టు ప్రాంతంలో ఈ క్షేత్రం నెలకొని ఉంది. ఇక్కడ జరిగే అట్టుక్కల్‌ పొంగల్‌ ప్రపంచ ప్రసిద్ధి పొందింది. కేవలం మహిళలు మాత్రమే లక్షల సంఖ్యలో పాల్గొనే వేడుక కావడంతో దీనికి ఆ ప్రాధాన్యం ఏర్పడింది. అట్టుక్కల్‌ భగవతి అమ్మవారి చరిత్ర కేరళ, తమిళనాడుకు చెందిన పురాణగాథల్లో కనిపిస్తుంది. సరస్వతి, మహాలక్ష్మి, పార్వతిల సమ్మిళిత రూపం ఆమెది. నాలుగు చేతులలో ఆయుధాలు ధరించి దుష్ట శిక్షణ-శిష్ట రక్షణ కోసం అవతరించిన మూర్తిగా కనిపిస్తారు. పెద్దఎత్తున భక్తులు ఇక్కడకు వచ్చి మొక్కులు తీర్చుకోవడం ఆనవాయితీ. తొట్టంపట్టు అనే పేరుతో ఉన్న గీతంతో అమ్మవారిని భక్తులు కీర్తిస్తుంటారు.

Know More

women icon@teamvasundhara
free-sanitary-pads-in-noida-at-all-aqua-line-metro-stations-from-march-8-

ఆ మెట్రో స్టేషన్లో ఉచిత శ్యానిటరీ న్యాప్‌కిన్లు!

ప్రపంచవ్యాప్తంగా మహిళలు అన్ని రంగాల్లో ముందుకు దూసుకెళ్తున్నప్పటికీ నేటికీ కొన్ని అంశాల్లో సమాజం విధించే కట్టుబాట్లు, మూఢనమ్మకాలు.. అమ్మాయిల ఆత్మాభిమానాన్ని దెబ్బతీస్తున్నాయి. అలా మహిళలను ఇబ్బందికి గురిచేస్తోన్న అంశాల్లో ‘నెలసరి’ ఒకటి. ప్రపంచాన్నే అరచేతిలో చూడగలిగేంత టెక్నాలజీ వచ్చినా కూడా.. ఇప్పటికీ మన దేశంలో కొన్ని ప్రదేశాల్లో నెలసరి సమయంలో వంటింట్లోకి అడుగుపెట్టకూడదని, ఇతరులను ముట్టుకోకూడదని.. ఆంక్షలు పెడుతూ ఉంటారు. మరికొన్ని ప్రాంతాల్లో నెలసరి పరిశుభ్రత గురించి అవగాహన లేకపోవడం వల్ల పలు అనారోగ్యాల బారిన పడుతున్నారు. ఇక ఇంకొన్ని చోట్ల అన్నీ అందుబాటులో ఉన్నా, వ్యక్తిగత పరిశుభ్రత గురించి అవగాహన ఉన్నప్పటికీ శ్యానిటరీ న్యాప్‌కిన్లు కొనలేని ఆర్థిక పరిస్థితితో ఇబ్బందిపడుతున్నారు. వీటిని దృష్టిలో ఉంచుకొనే మన దేశంలోని కొన్ని రాష్ట్రాల్లోని పాఠశాలలు బాలికలకు ఉచితంగా శ్యానిటరీ ప్యాడ్స్‌ అందిస్తున్నాయి. అయితే ‘అంతర్జాతీయ మహిళా దినోత్సవం’ సందర్భంగా నోయిడా మెట్రో ట్రెయిన్‌ కార్పొరేషన్‌ కూడా మహిళలకు ఉచిత శ్యానిటరీ నాప్‌కిన్స్‌ వెండింగ్‌ మెషీన్స్‌ని ఏర్పాటు చేయడానికి సంసిద్ధమైంది. మరి, ఆ వివరాలేంటో తెలుసుకుందాం రండి..

Know More

women icon@teamvasundhara
anand-mahindra-applauds-pune-teacher-for-getting-bikers-off-footpaths

ఆ ఆంటీకి అభిమానినైపోయా!

అసలే ఇరుకు రోడ్లు, ఆపై లక్షలాది వాహనాలు, వీటికి తోడు దుమ్ము, ధూళి, పొగతో నిండుకున్న సిటీ రోడ్లపై నడిచి వెళ్లే పాదచారులకు అదొక పెద్ద ప్రహసనమని చెప్పవచ్చు. కనీసం నడిచి వెళ్లే దారి కూడా వారికి కనిపించదు. ఇక కొన్ని చోట్ల పాదచారుల కోసం ప్రత్యేకంగా ఏర్పాటైన ఫుట్‌పాత్‌లను కొందరు ఆక్రమించి వ్యాపారాలు చేసుకుంటున్నారు. మరికొన్ని చోట్ల అయితే గమ్య స్థానానికి త్వరగా చేరుకునే క్రమంలో కొందరు ద్విచక్ర వాహనదారులు ఏకంగా ఫుట్‌పాత్‌ల పైనుంచే తమ బైక్‌లు పోనిస్తుంటారు. ట్రాఫిక్‌ పోలీసులు లేరనో లేదంటే వారిని ఎవరూ గమనించట్లేదన్న ధీమాతోనే వారిలా నిబంధనలకు విరుద్ధంగా ఫుట్‌పాత్‌లపై విచ్చలవిడిగా బైక్‌లు నడుపుతుంటారు. పుణెలోని రోడ్లపై కూడా దాదాపు ఇదే పరిస్థితి. అయితే ఇటీవల ఆ నగరంలోని ఫుట్‌పాత్‌లపై బైక్‌లు నడుపుతున్న కొందరు వాహనదారులను ఓ మహిళ అడ్డుకుంది. అంతేకాదు సదరు వాహనదారులు ఫుట్‌పాత్‌ దిగి రోడ్డు మీదకు వచ్చేలా ‘క్లాస్‌ తీసుకుంది’ కూడా!

Know More

women icon@teamvasundhara
all-women-crew-ran-the-rajya-rani-express-train-from-bengaluru-to-mysore

ఆ రైలు నడిపింది అంతా ఆడవాళ్లే..!

‘పురుషులతో సమానంగా మహిళలు అన్ని రంగాల్లో వృద్ధి సాధించడం అంత సులభం కాదు’.. ఇది ఒకప్పటి మాట. ఇప్పుడు ఏ రంగంలోనైనా మహిళలు పురుషులతో సమానంగా పని చేసేందుకు పోటీ పడుతున్నారు. ఎంత కష్టంతో కూడిన రంగమైనా సరే అందులో అడుగుపెట్టేందుకు సిద్ధపడుతున్నారు. వైద్యం, విద్య, రాజకీయాలు, జర్నలిజం, ఇంజినీరింగ్‌, ఆర్మీ, వ్యాపారం, నేవీ, పరిశోధన.. వంటి రంగాలతో పాటు.. ఫుడ్‌ డెలివరింగ్‌, క్యాబ్‌ డ్రైవింగ్‌, లోకోపైలట్‌, వైల్డ్‌ లైఫ్‌ ఫొటోగ్రఫీ.. మొదలైన అధిక శారీరక శ్రమతో కూడిన రంగాల్లో సైతం తమ బాధ్యతలను సమర్థంగా నిర్వర్తిస్తూ స్త్రీ శక్తిని చాటుతున్నారు ఈతరం అతివలు. ఈ క్రమంలో భారత రైల్వే శాఖలో పని చేస్తోన్న కొందరు మహిళా ఉద్యోగులు ఇటీవల చేసిన ఓ పని మన దేశంలో మహిళా సాధికారతకు అద్దం పడుతోంది. మరి వాళ్లు చేసిన ఆ పనేంటో మీరూ చూడండి.

Know More

women icon@teamvasundhara
former-india-hockey-captain-suraj-lata-devi-files-domestic-violence-case-against-husband

ఆటలో గెలిచినా... భర్త వేధింపులు తప్పలేదు!

ఆడవాళ్లు రాకెట్లలో ఆకాశంలోకి దూసుకెళ్తున్నారు...దేశ సరిహద్దులు దాటి క్రీడల్లో ఎన్నో పతకాలు సాధిస్తున్నారు. ఇలా ఎన్నో అడ్డంకులను అధిగమించి అన్నింటా ఘన విజయాలు సాధిస్తున్న మహిళలు గృహ హింసపై మాత్రం గెలవలేకపోతున్నారు. అనాదిగా వస్తున్న అదనపు కట్న వేధింపులు, అత్తింటి ఆరళ్లు వారిని ఇంకా వెంటాడుతున్నాయి. ఈ నేపథ్యంలో చాలామంది భర్త పెట్టే శారీరక, మానసిక హింసను భరిస్తూ కళ్లు మూసుకుని కాపురం చేస్తున్నారు. మరికొద్ది మంది భర్త పెట్టే బాధను భరించలేక తమ ఆవేదనను బయటకు వెళ్లగక్కుతున్నారు. ఇందులో సామాన్యులే కాదు సెలబ్రిటీలు కూడా ఉన్నారు. ఈ క్రమంలో భారత మహిళా హాకీ జట్టు మాజీ కెప్టెన్‌ సూరజ్‌ లతా దేవి తన భర్త పెట్టే వేధింపులు తాళలేక పోలీసులను ఆశ్రయించింది.

Know More

women icon@teamvasundhara
welspun-ceo-deepali-goenka-dance-goes-viral

వాట్‌ యాన్‌ ఐడియా లేడీస్‌!

స్మార్ట్‌ ఫోన్‌ ఉంటే ప్రపంచమంతా అరచేతిలో ఉన్నట్లే. ఇక సామాజిక మాధ్యమాల కారణంగా ప్రపంచంలో ఏ మూల ఏది జరిగినా క్షణాల్లో అందరికీ తెలిసిపోతుంది. ఇందులో భాగంగా ప్రతిరోజూ వేలకొద్దీ వీడియోలు సోషల్‌ మీడియాలో చక్కర్లు కొడుతుంటాయి. అందులో కొన్ని వీడియోలు ఆనందాన్ని పంచితే, మరికొన్ని ఆలోచింపజేస్తాయి. అప్పుడప్పుడు మనకు స్ఫూర్తినిచ్చే వీడియోలు కూడా ఇందులో ఉంటాయి. అలా ప్రస్తుతం సోషల్‌ మీడియాలో కొన్ని వీడియోలు ట్రెండింగ్‌లో ఉన్నాయి. ఇందులో భాగంగా ఒక మహిళా సీఈవో తన ఉద్యోగులతో కలిసి డ్యాన్స్‌ చేసి ఫ్రెండ్లీ వర్క్‌ ఎన్విరాన్‌మెంట్‌ను క్రియేట్‌ చేస్తే, వయొలిన్‌ వాయిస్తూ తన సర్జరీ ఒత్తిడిని చిత్తు చేసింది మరో మహిళ. ఇక మరో వీడియోలో కొవిడ్‌-19 వైరస్‌ నుంచి తప్పించుకునేందుకు ఓ మహిళ ఒంటి నిండా జిరాఫీ కాస్ట్యూమ్స్ ధరించి నెటిజన్లను ఆశ్చర్యపరిచింది.

Know More

women icon@teamvasundhara
etv-bharat-gets-best-digital-news-startup-award

‘ఈటీవీ భారత్‌’కు ఉత్తమ డిజిటల్‌ న్యూస్‌ స్టార్టప్‌ అవార్డు

మీడియా రంగంలో దూసుకెళుతున్న ‘ఈటీవీ భారత్‌’ అరుదైన ఘనత సాధించింది. దక్షిణాసియా బెస్ట్‌ డిజిటల్‌ న్యూస్‌ స్టార్టప్‌ అవార్డును గెలుచుకుంది. డిజిటల్‌ మీడియా రంగంలో ఉత్తమ ఆవిష్కరణలకు గాను... వరల్డ్‌ అసోసియేషన్‌ ఆఫ్‌ న్యూస్‌ పేపర్స్‌ అండ్‌ న్యూస్‌ పబ్లిషర్స్‌ సంస్థ ‘వాన్‌-ఇఫ్రా’ ఈ పురస్కారాన్ని అందించింది. మంగళవారం దిల్లీలో జరిగిన కార్యక్రమంలో ద క్వింట్‌ వ్యవస్థాపక డైరెక్టర్‌ రీతూ కపూర్‌ చేతుల మీదుగా ‘ఈటీవీ భారత్‌’ డైరెక్టర్‌ బృహతి చెరుకూరి ఈ అవార్డును స్వీకరించారు. దాదాపు 100కు పైగా దేశాలకు చెందిన వివిధ వార్తాపత్రికలు, న్యూస్‌ ఏజెన్సీలు, పబ్లిషింగ్‌ సంస్థలకు వాన్‌-ఇఫ్రాలో సభ్యత్వాలు ఉన్నాయి. ఈ సంస్థ ఆధ్వర్యంలో రెండు రోజుల దక్షిణాసియా డిజిటల్‌ మీడియా-2020 సదస్సు మంగళవారం దిల్లీలో ప్రారంభమైంది. డిజిటల్‌ మీడియా విస్తృతి, సాంకేతికత, నూతన ఆవిష్కరణలు, మార్కెటింగ్‌ తదితర అంశాలపై ఈ సదస్సులో చర్చిస్తున్నారు.

Know More

women icon@teamvasundhara
woman-army-officers-should-be-appointed-in-command-posts-says-supreme-court

‘కమాండ్‌’ హోదా ఇవ్వాల్సిందే!

‘పాలిచ్చి పెంచిన తల్లులు సర్‌...! వాళ్లకు పాలించడం ఓ లెక్కా’ ...! కొద్ది రోజుల క్రితం విడుదలైన ‘అరవింద సమేత’ సినిమాలో ఆడవాళ్ల శక్తి సామర్థ్యాలను వర్ణిస్తూ ఎన్టీఆర్‌ చెప్పిన డైలాగ్‌ ఇది. అంతటి శక్తి సామర్థ్యాలున్నాయి కాబట్టే చాలామంది మహిళలు పలు దేశాలకు అధ్యక్షులుగా, ప్రధానులుగా సేవలందిస్తున్నారు. ఆకాశంలో సగమంటూ రాకెట్లలో ఆకాశానికి పయనమవుతున్నారు. కానీ ఇంకా కొన్ని రంగాల్లో మహిళలపై వివక్ష కొనసాగుతూనే ఉంది. ముఖ్యంగా ఆర్మీలో శారీరక కారణాలతో వారిని సైనిక సవాళ్లకు దూరం చేస్తున్నారు. ఈ విషయంలో కేంద్ర విధానాలను తప్పుపడుతూ సుప్రీంకోర్టు చరిత్రాత్మక తీర్పునిచ్చింది. సైనిక దళాల్లో ‘ఆమెకు’ కూడా అందలం కల్పించాల్సిందేనంటూ ఆదేశాలు జారీ చేసింది.

Know More

women icon@teamvasundhara
record-number-of-japanese-believe-women-should-after-after-giving-birth

ఎవరేమనుకున్నా సరే.. మేం పని చేస్తాం!

కొన్ని దశాబ్దాల క్రితం స్త్రీ అంటే సేవకురాలిగానే ఉండేది. కానీ ఇప్పుడు ఆమెలోని అనంతమైన శక్తి నలుదిశలా ప్రసరిస్తోంది. గతంలో అవకాశం లేక పురుషాధిక్యం ప్రబలిందే కానీ అవకాశం ఇస్తే పురుషులను మించగలం అని నిరూపిస్తోంది. ఇంటి బాధ్యతలతో పాటు వృత్తి బాధ్యతలను కూడా సమర్థంగా నిర్వర్తిస్తూ.. స్త్రీలు తమకంటే మిన్న కాదు అన్న పురుషుల చేతే శభాష్‌ అనిపించుకుంటోంది. ఇందుకు నిదర్శనంగా నిలుస్తున్నారు జపాన్‌ మహిళలు. స్త్రీలంటే పిల్లలను కనిపెట్టి, ఇంటిని శుభ్రంగా ఉంచే సేవకురాలు అనే సంప్రదాయ భావాన్ని చెరిపేసిన వీరు, అదే పురుషాధిక్య ప్రపంచంతో ‘వృత్తిలోనూ మీ భాగస్వామ్యం కావాలి’ అనిపిస్తున్నారు. అందుకు జపాన్‌ ప్రభుత్వం వర్కింగ్‌ ఉమెన్‌పై చేసిన ఓ సర్వే అద్దం పడుతోంది.

Know More

women icon@teamvasundhara
bhuj-college-girls-forced-to-remove-dress-to-check-up-period-checkup

ఛీ ఛీ... ఆధునిక యుగంలోనూ ఇంతటి అనాగరికమా?

కాలం మారుతోంది... కంప్యూటర్ల యుగం వచ్చేసింది... అంతా ఆధునిక భారతమంటూ ఎంతో గొప్పగా మాట్లాడుకుంటున్నాం. అయితే మహిళల విషయంలో ఇప్పటికీ కొన్ని చోట్ల కనిపిస్తున్న అనాగకరిక ఆచారాలు, మూఢనమ్మకాలు ఇంకా మనల్ని మధ్యయుగం నాటి మనుషులేనని గుర్తుచేస్తున్నాయి. ముఖ్యంగా నెలసరి విషయంలో మహిళలు ఎదుర్కొంటున్న వివక్ష అంతా ఇంతా కాదు. పిరియడ్స్‌ సమయంలో మహిళలను ఇంట్లోకి రానివ్వకుండా అందరికీ దూరంగా ఉంచుతుంటారు. ఇంకొన్ని చోట్ల అయితే వారిని అంటరానివారిగా భావిస్తూ వూరి బయటే ఉండాలని కట్టుబాట్లు విధిస్తున్నారు. ఈ క్రమంలో పిరియడ్స్‌పై విద్యార్థినులకు అవగాహన కల్పించాల్సిన ఓ విద్యా సంస్థే అమ్మాయిలతో అమానుషంగా వ్యవహరించింది. మహిళల్లో సహజంగా జరిగే కొన్ని జీవక్రియల్లాగే ఇది కూడా ఒక సహజ ప్రక్రియ అని విద్యాబుద్ధులు నేర్పాల్పిన సిబ్బందే అమానవీయంగా ప్రవర్తించారు.

Know More

women icon@teamvasundhara
give-plants-as-a-gift-for-valentines-day

పూలకు బదులు మొక్కలిచ్చారు.. తల్లిదండ్రులకు ప్రేమ పంచారు!

‘తమ మనసులో దాగున్న ప్రేమను రోజాపూలు, ఇతర కానుకల ద్వారా తెలియజేసుకోవడం.. సినిమాలు-షికార్లు, పార్టీలు, రెస్టరంట్లలో లంచ్‌-డిన్నర్‌..’ ప్రేమికుల దినోత్సవం సందర్భంగా ప్రేమికులు చేసే హడావిడి మామూలుగా ఉండదు. అయితే.. ‘ప్రేమను వ్యక్తం చేయడానికి ప్రత్యేకంగా ఒక రోజంటూ అవసరం లేదని.. మీ భాగస్వామికి ప్రతిరోజూ, ప్రతిక్షణం ప్రేమను తెలియజేయచ్చని.. అందుకోసం వేలకు వేలు ఖర్చు చేయాల్సిన అవసరం కూడా లేదం’టూ కొందరు భావిస్తుంటారు. ఏదిఏమైనా పాశ్చాత్య సంస్కృతిలో పుట్టిన ఈ సంప్రదాయం ప్రస్తుతం అన్ని దేశాలకూ విస్తరించింది. అయితే ఒకరికొకరు ప్రేమను ఇచ్చిపుచ్చుకునే ఈ ప్రత్యేకమైన రోజున వేడుకల పేరుతో వృథా ఖర్చు చేయకుండా.. పర్యావరణహితంగా, చిన్నారుల్లో సంప్రదాయాల పట్ల అవగాహన పెంచేలా ఉంటే బాగుంటుంది కదూ!! అచ్చం.. ఇలాంటి ఆలోచనలకే శ్రీకారం చుట్టాయి బిహార్‌, గుజరాత్‌ రాష్ట్ర ప్రభుత్వాలు. మరి, ఈ ‘వేలంటైన్స్‌ డే’ సందర్భంగా అందరికంటే భిన్నంగా వారేం చేశారో తెలుసుకోవాలనుందా..? అయితే ఈ స్టోరీలోకి వెళ్లాల్సిందే..!

Know More

women icon@teamvasundhara
the-brihanmumbai-electricity-supply-and-transport-has-decided-to-hire-women-drivers

అలా ‘బెస్ట్‌’గా బస్సులనీ నడపబోతున్నారు !

మగవారితో సమంగా అడుగువేయలేని రోజుల్లోనే.. మేం చేతకాని వాళ్లం కాదు, ఏమైనా చేయగలం అని బస్సు స్టీరింగ్‌ పట్టిందో మహిళ. ఓ ముఖ్యమంత్రిని సైతం కదిలించి తాను అనుకున్నది సాధించింది. అప్పుడు ఆమె వేసిన బాట ఇప్పుడు ఎందరికో మార్గదర్శకంగా మారింది. అన్ని రంగాల్లో మహిళలకు ఎందుకు సమ ప్రాధాన్యం ఉండకూడదు ? అని ప్రభుత్వ రంగ సంస్థలు కూడా ఆలోచించేలా చేసింది. ఈక్రమంలోనే ఇటీవల ‘బెస్ట్‌’ (బృహన్‌ ముంబై ఎలక్ట్రిసిటీ సప్లై అండ్‌ ట్రాన్స్‌పోర్ట్‌) మహిళల కోసం ఓ కీలక నిర్ణయం తీసుకొంది. మరింతకీ ఎవరా మహిళ ? ఏమిటి ఈ సంస్థ తీసుకున్న ఆ కీలక నిర్ణయం ? తెలుసుకుందాం రండి !

Know More

women icon@teamvasundhara
miss-universe-australia-olivia-molly-rogers-trolled-over-body-shaming

ఆ ఫొటో షేర్‌ చేయడమే నా తప్పా !

ఈ సమాజంలో స్త్రీ, పురుషులను చూసే దృక్కోణాలు వేరుగా ఉంటాయి. ఉదాహరణకు పెళ్లి సంబంధాలనే తీసుకోండి. అబ్బాయి గురించి అడిగేవారు అబ్బాయి ఏం చేస్తున్నాడని మాత్రమే అడుగుతారు. అదే అమ్మాయి గురించైతే... ఒడ్డూ, పొడుగు ఎంత ? రంగేంటి ? వంటా వార్పు వచ్చా ? ఉద్యోగం చేస్తోందా ? చేస్తే తర్వాత మానేస్తుందా ? ఇలా ప్రశ్నలు సాగుతూనే ఉంటాయి. ఇక సామాజిక మాధ్యమాల్లో అయితే స్త్రీలు ఏ ఫొటో పెట్టినా కంటికింపుగా కనిపించాలని భావిస్తుంటారు. అలా తమ అభిప్రాయానికి తగినట్లు అందంగా, ఆకర్షణీయంగా కనిపించకపోతే.. వారు ఎంతటి వారైనా, ఎన్ని గొప్ప విజయాలు సాధించినా సరే సామాజిక మాధ్యమాల్లో వారి పేర్లు ట్యాగ్‌ చేసి మరీ ట్రోలింగ్‌ చేస్తారు. ఇటీవల ఇలా నెటిజన్ల నుంచి విపరీతంగా బాడీ షేమింగ్‌ను ఎదుర్కొన్నారు ‘మిస్‌ యూనివర్స్‌ ఆస్ట్రేలియా 2017’ ఒలీవియా మోలీ రోగర్స్‌ !

Know More