scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'నాన్నే కాటేయాలని చూశాడు..!'

'కంటికి రెప్పలా కాచుకోవాల్సిన తండ్రే కామంతో కళ్లు మూసుకుపోయి కూతురిపై అత్యాచారానికి ఒడిగట్టాడు.. అప్పటికి ఆమె ఎనిమిదో తరగతి చదువుతోంది. జరిగిన విషయాన్ని తల్లి దృష్టికి తీసుకెళ్లింది. వెంటనే అతను భార్య కాళ్ల మీద పడి ఇంకెప్పుడూ ఇలా జరగదంటూ కపట ప్రేమను ప్రదర్శించాడు. కానీ ఆ ముసుగు కొన్ని రోజులు మాత్రమే నిలిచింది.. మళ్లీ కూతురిపై అత్యాచారానికి పాల్పడడంతో ఈసారి ఆ అమ్మాయి వూరుకోలేదు.. నేరుగా పోలీసులను ఆశ్రయించింది. అమ్మాయిలు వేధింపుల విషయంలో మౌనం వహించడం తగదు అంటోంది. ఇంతకీ ఎవరా అమ్మాయి? ఏం జరిగింది?? తెలియాలంటే ఇది చదవాల్సిందే..'

Know More

Movie Masala

 
category logo

అందరిళ్లలోనూ ముద్దుల మహాలక్ష్ములే! అదే వీళ్ల స్పెషాలిటీ!

Apart From Virushka These Indian Cricketers Are Also A Proud Father Of A Baby Girl

‘ఆడపిల్ల ఇంటికి దీపం లాంటిది. ఆడపిల్ల లేని ఇల్లు... చందమామ లేని ఆకాశం ఒక్కటే’ అని పెద్దలంటుంటారు. అందుకే ఎంతమంది మగ పిల్లలు పుట్టినా, ఆనందాలు కురిపించే ఒక ఆడపిల్లైనా ఇంట్లో ఉండాలని భార్యాభర్తలు కోరుకుంటారు. ఈ మేరకు ‘మాకు అమ్మాయి పుట్టింది. ఈ విషయం మీతో పంచుకోవడానికి ఎంతో థ్రిల్‌గా, సంతోషంగా ఫీలవుతున్నాం’ అంటూ అమ్మాయి పుట్టగానే సోషల్‌ మీడియా వేదికగా తమ సంతోషాన్ని షేర్‌ చేసుకున్నారు అనుష్కా శర్మ-విరాట్‌కోహ్లీ. అంతకు ముందు ఫాస్ట్‌ బౌలర్‌ ఉమేశ్‌ యాదవ్‌ దంపతులు కూడా ‘ఆడపిల్ల పుట్టింది’ అంటూ సరిగ్గా కొత్త సంవత్సరం రోజున తమ కుమార్తెకు స్వాగతం పలికారు.
వీరిద్దరే కాదు... గత కొన్నేళ్ల నుంచి తండ్రులైన భారత క్రికెటర్లలో ఎక్కువ మందికి ఆడపిల్లలే పుట్టడం విశేషం.. ఈ క్రమంలో వీళ్లందరూ కలిసి భవిష్యత్‌లో భారత మహిళల క్రికెట్‌ జట్టును తయారుచేస్తున్నారంటూ నెటిజన్లు సోషల్‌ మీడియాలో సరదాగా పోస్ట్‌లు షేర్‌ చేస్తున్నారు. మరి నెట్‌ ప్రియులు మాట్లాడుకుంటున్న క్రికెటర్లు-వారి ముద్దుల మహాలక్ష్ములెవరో చూద్దాం రండి.

విరాట్‌ కోహ్లీ-అనుష్కా శర్మ


‘త్వరలోనే మేం ముగ్గురం కాబోతున్నాం’ అంటూ గతేడాది ఆగస్టులో తమ అభిమానులకు తీపి కబురు అందించారు విరాట్‌-అనుష్క దంపతులు. ఈ క్రమంలో తొమ్మిది నెలల పాటు తమ చిన్నారి కోసం ఎంతో ఆతృతగా చూసిన విరుష్క జంటకు ఆ ఆనంద క్షణం రానే వచ్చింది. జనవరి 11న మధ్యాహ్నం పండంటి ఆడపిల్లకు జన్మనిచ్చింది అనుష్క. దీంతో తండ్రిగా ప్రమోషన్‌ పొందిన విరాట్‌ ‘మాకు అమ్మాయి పుట్టిందన్న శుభవార్తను మీ అందరితో పంచుకుంటున్నందుకు చాలా సంతోషంగా ఉంది. ప్రస్తుతం తల్లీబిడ్డలిద్దరూ ఆరోగ్యంగా ఉన్నారు. బుజ్జాయి రాకతో మా జీవితాల్లో కొత్త అధ్యాయం మొదలైంది’ అంటూ ట్విట్టర్‌ వేదికగా తన సంతోషాన్ని షేర్‌ చేసుకున్నాడు.

View this post on Instagram

A post shared by Virat Kohli (@virat.kohli)


ఉమేశ్‌ యాదవ్‌-తాన్యా వాద్వా


భారత క్రికెట్‌ జట్టుకు ఫాస్ట్‌ బౌలర్‌గా సేవలందిస్తున్న ఉమేశ్‌ యాదవ్‌ ఇటీవలే తండ్రయ్యాడు. అతని భార్య తాన్యా వాద్వా సరిగ్గా కొత్త ఏడాది రోజున పండంటి ఆడబిడ్డకు జన్మనిచ్చింది. ఏడేళ్ల క్రితం పెళ్లిపీటలెక్కిన ఈ లవ్లీ కపుల్‌కు ఇదే మొదటి సంతానం. ఈ సందర్భంగా తమ చిన్నారి ఫొటోను సోషల్‌ మీడియాలో షేర్‌ చేసిన ఉమేశ్- ‘ఆడపిల్ల పుట్టింది. మా చిన్నారి రాకుమారికి ఈ ప్రపంచంలోకి స్వాగతం పలుకుతున్నందుకు ఎంతో థ్రిల్లింగ్‌గా, సంతోషంగా ఉంది’ అని సంతోషంతో పొంగిపోయాడు.

View this post on Instagram

A post shared by Umesh Yaadav (@umeshyaadav)


అజింక్యా రహానే-రాధిక


కెప్టెన్‌ కోహ్లీ స్థానంలో ప్రస్తుతం ఆస్ర్టేలియా పర్యటనలో భారత జట్టును ముందుండి నడిస్తున్నాడు అజింక్యా రహానే. వైస్‌ కెప్టెన్‌గా, ఆటగాడిగా అందరి ప్రశంసలు అందుకుంటున్న ఈ స్టార్‌ క్రికెటర్‌ 2014లో చిన్ననాటి స్నేహితురాలు రాధికతో కలిసి పెళ్లిపీటలెక్కాడు. ఈ క్రమంలో గతేడాది అక్టోబర్‌లో ‘ఆర్య’ అనే కూతురుకు జన్మనిచ్చింది రాధిక. ఇక ఆర్య అంటే రహానేకు పిచ్చి ప్రేమ. తన ముద్దుల తనయకి దగ్గరుండి పాలు పట్టిస్తాడు. లాలి పాటలు పాడతాడు. కూతురిని ఆడిస్తాడు. రహానే ఇన్‌స్టాగ్రామ్‌ ఖాతాలో తన కూతురుతో దిగిన ఫొటోలే అధికంగా దర్శనమిస్తాయి.


అంబటి రాయుడు- విద్య

View this post on Instagram

A post shared by Ambatirayudu (@a.t.rayudu)


వీవీఎస్‌ లక్ష్మణ్‌ తర్వాత భారత క్రికెట్‌ జట్టుకు ప్రాతినిథ్యం వహించిన మరో తెలుగు ఆటగాడు అంబటి రాయుడు. కొన్ని వ్యక్తిగత కారణాలతో గతేడాది ఆటకు రిటైర్మెంట్‌ ప్రకటించిన అతడు ఐపీఎల్‌లో మాత్రం అంచనాలకు మించి రాణించాడు. అంతేకాదు.. తన రిటైర్మెంట్‌ నిర్ణయాన్ని వెనక్కు తీసుకుని మళ్లీ భారత క్రికెట్‌ జట్టులో చోటు కోసం ప్రయత్నిస్తున్నాడు. ఇక రాయుడు వ్యక్తిగత జీవితానికి వస్తే... 2009లో విద్యని ప్రేమించి పెళ్లి చేసుకున్నాడు. ఈ క్రమంలో గతేడాది జులైలో వీరిద్దరికీ పండంటి ఆడబిడ్డ జన్మించింది.


పుజారా-పూజ


టెస్ట్‌ క్రికెట్‌లో సుదీర్ఘ ఇన్నింగ్స్‌లు ఆడుతూ భారత క్రికెట్‌ జట్టు విజయాల్లో కీలక పాత్ర పోషిస్తున్నాడు ఛేతేశ్వర్ పుజారా. క్రికెట్‌లో ద్రవిడ్‌ వారసుడిగా గుర్తింపు తెచ్చుకున్న ఈ స్టార్‌ క్రికెటర్‌ 2013లో పూజ అనే అమ్మాయితో ఏడడుగులు నడిచాడు. ఈ క్రమంలో 2018 ఫిబ్రవరిలో ‘అదితి’ అనే అమ్మాయి వీరి జీవితంలోకి అడుగుపెట్టింది. ఇక భార్యతో తన కుమార్తె చేసే అల్లరి ఫొటోలు, వీడియోలను సామాజిక మాధ్యమాల్లో షేర్‌ చేసుకుని మురిసిపోతుంటాడు పుజారా.


రోహిత్‌-రితిక


ఓపెనర్‌గా భారత క్రికెట్‌ జట్టుకు వెన్నెముకలా నిలుస్తున్నాడు రోహిత్‌ శర్మ. జట్టు విజయాల్లో కీలక పాత్ర పోషిస్తూ హిట్‌ మ్యాన్‌గా గుర్తింపు పొందిన ఈ స్టార్ క్రికెటర్‌ 2015 డిసెంబర్‌లో రితికా సజ్దాను వివాహం చేసుకున్నాడు. 2018 డిసెంబర్‌లో వీరిద్దరికీ ‘సమైరా’ అనే కూతురు పుట్టింది. క్రికెట్‌ షెడ్యూల్స్‌తో నిత్యం బిజీగా ఉండే రోహిత్‌ ఏ మాత్రం ఖాళీ సమయం దొరికినా సమైరాతో గడపడానికే ప్రాధాన్యమిస్తుంటాడు. ఇక విదేశీ పర్యటనల్లో ఉన్నప్పుడు తన కూతురును చాలా మిస్సవుతున్నానంటూ ఇన్‌స్టాలో పోస్ట్‌లు పెడుతుంటాడీ స్టార్‌ క్రికెటర్.


అశ్విన్‌- ప్రీతి

View this post on Instagram

A post shared by Ashwin (@rashwin99)

బంతితో మ్యాజిక్‌ చేయడమే కాదు... అవసరమైతే బ్యాట్‌తోనూ జట్టుకు అండగా నిలుస్తానంటూ ఆస్ట్రేలియాపై అసాధారణ ఇన్నింగ్స్‌తో నిరూపించాడు స్పిన్నర్‌ రవిచంద్రన్‌ అశ్విన్. చెన్నైకి చెందిన ఈ మణికట్టు మాంత్రికుడు 2011లో ప్రీతి నారాయణన్‌తో కలిసి పెళ్లిపీటలెక్కాడు. తమ అన్యోన్య దాంపత్య బంధానికి గుర్తుగా ఆద్య, అకీరా అనే ఇద్దరు కూతుళ్లకు జన్మనిచ్చారీ లవ్లీ కపుల్‌. ముద్దు ముద్దు మాటలతో సోషల్‌ మీడియాలో తెగ సందడి చేస్తున్నారీ అక్కాచెల్లెళ్లు. ఈ క్రమంలో కొవిడ్‌ జాగ్రత్తలు పాటించాలని అశ్విన్‌కు వీళ్లు చెబుతున్న వీడియో సోషల్ మీడియాలో బాగా వైరలైన సంగతి తెలిసిందే.


రవీంద్ర జడేజా-రీవా సోలంకి

అశ్విన్‌లాగే తన ఆల్‌రౌండ్‌ ప్రతిభతో ఆస్ట్రేలియా పర్యటనలో అద్భుతాలు సృష్టిస్తున్నాడు రవీంద్ర జడేజా. ఐదేళ్ల క్రితం రీవా సోలంకితో కలిసి వైవాహిక బంధంలోకి అడుగుపెట్టిన అతనికి 2017 జూన్‌లో ‘నిద్యానా’ అనే కూతురు పుట్టింది. తను పుట్టినప్పుడు ‘మా ఇంటికి చిన్నారి రాకుమారి వచ్చింది’ అని సంతోషంగా చెప్పుకున్న ఈ ఆల్‌రౌండర్‌ కూతురు పుట్టిన తర్వాతే ఆటలో బాగా రాణిస్తున్నానంటూ పలుమార్లు చెప్పుకొచ్చాడు. ఆమె తన లక్కీ స్టార్‌ అని పలు ఇంటర్వ్యూల్లో చెప్పుకొచ్చాడీ స్టార్ క్రికెటర్.


సురేశ్‌ రైనా-ప్రియాంకా చౌదరి

View this post on Instagram

A post shared by Suresh Raina (@sureshraina3)

గతేడాది అంతర్జాతీయ క్రికెట్‌కు గుడ్‌బై చెప్పిన సురేశ్‌ రైనాదీ ఇదే కథ. 2015లో ప్రియాంకా చౌదరితో కలిసి పెళ్లిపీటలెక్కిన రైనాకు గ్రేసియా అనే ముద్దుల కూతురుంది. తనంటే రైనాకు ఎంత ప్రేమంటే... తన కూతురు పేరును ఏకంగా చేతిపై పచ్చబొట్టు పొడిపించుకోవడం గమనార్హం. అలాగే గ్రేసియా పేరుతో పలు సేవా కార్యక్రమాలు కూడా చేస్తున్నాడీ మాజీ స్టార్‌ బ్యాట్స్‌మన్.


హర్భజన్‌ సింగ్‌-గీతా బస్రా

బంతిని గింగిరాలు తిప్పుతూ బ్యాట్స్‌మన్‌ను బోల్తా కొట్టించడంలో స్పిన్నర్ హర్భజన్‌ సింగ్‌ది ప్రత్యేకమైన శైలి. ఈ క్రమంలో ప్రముఖ బాలీవుడ్‌ నటి గీతా బస్రాతో కలిసి 2015లో వైవాహిక బంధంలోకి అడుగుపెట్టాడీ పంజాబీ క్రికెటర్. 2017 జులైలో హినాయా హీర్‌ సింగ్‌ అనే పండంటి ఆడబిడ్డ వీరి జీవితంలోకి అడుగుపెట్టింది. హినాయా అంటే ‘మెరుపు’ అని అర్థం.


మహేంద్ర సింగ్‌ ధోనీ-సాక్షి

ఇక భారత క్రికెట్‌ జట్టు మాజీ కెప్టెన్‌ మహేంద్ర సింగ్‌ ధోనీ-సాక్షిల గారాల పట్టి జీవా గురించి ప్రత్యేకంగా చెప్పక్కర్లేదు. ఐదేళ్ల వయసులోనే ఎంతో పాపులారిటీ సొంతం చేసుకున్న ఈ స్టార్‌ కిడ్‌కి ఇటీవల ఓ ఎండార్స్‌మెంట్‌ కూడా వచ్చేసింది. ఇక తమ కూతురు పేరుతో ప్రత్యేకంగా ఓ ఇన్‌స్టాగ్రామ్‌ అకౌంట్‌ను హ్యాండిల్‌ చేస్తున్న ధోనీ దంపతులు అందులో జీవా ఫొటోలను అందరితో షేర్‌ చేసుకుంటూ మురిసిపోతున్నారు.


గంభీర్‌-నటాషా

2007 టీ20 వరల్డ్‌ కప్‌, 2011 వన్డే ప్రపంచకప్‌లను భారత్‌ గెల్చుకోవడంలో కీలక పాత్ర పోషించాడు గౌతం గంభీర్‌. దిల్లీకి చెందిన ఈ లెఫ్ట్‌ హ్యాండర్‌ రెండేళ్ల క్రితం ఆటకు వీడ్కోలు చెప్పి రాజకీయాల్లో చేరిన సంగతి తెలిసిందే. ఇక 2011లో నటాషా జైన్‌ను పెళ్లాడిన గంభీర్‌కు ప్రస్తుతం అజీన్‌, అనైజా అనే ఇద్దరు కుమార్తెలున్నారు. ఓ వైపు పార్లమెంట్ సభ్యుడిగా ప్రజలకు సేవలందిస్తూనే...తన ఇద్దరు కూతుళ్ల ఆలనాపాలనా చూసుకుంటున్నాడీ మాజీ క్రికెటర్.


* భారత జట్టు దిగ్గజ క్రికెటర్లలో ఒకరైన సచిన్‌ తెందూల్కర్‌- అంజలి దంపతులకు సారా తెందూల్కర్‌ అనే కూతురుంది. 23 ఏళ్ల సారా ప్రస్తుతం లండన్‌లోని యూనివర్సిటీ కాలేజ్‌లో మెడిసిన్‌ చదువుతోంది.



* ప్రస్తుతం బీసీసీఐ అధ్యక్షుడిగా ఉన్న సౌరవ్‌ గంగూలీ-డోనా దంపతులకు 1997లో సనా గంగూలీ అనే కూతురు జన్మించింది. తల్లి లాగే క్లాసికల్‌ డ్యాన్సర్‌ కావాలనుకుంటున్న 23 ఏళ్ల సనా ఇటీవల ఒడిస్సీ నృత్యంలో శిక్షణ పూర్తి చేసుకుంది.



1983 వరల్డ్‌ కప్‌ను భారత్‌ గెల్చుకోవడంలో కీలక పాత్ర పోషించిన కపిల్‌ దేవ్‌- రోమీ భాటియా దంపతులకు 24 ఏళ్ల అమియా దేవ్‌ అనే కూతురుంది. విదేశాల్లో చదువుకున్న ఆమె తన తండ్రి జీవిత కథ ఆధారంగా రూపొందిన ‘83’ సినిమాతో అసిస్టెంట్ డైరెక్టర్ గా మారింది.

View this post on Instagram

A post shared by Kapil Dev (@therealkapildev)





women icon@teamvasundhara
reasons-why-working-mothers-are-great-role-models

అమ్మలూ.. అందుకే మనం ఉద్యోగం మానకూడదు..!

మహిళలు కూడా పురుషులతో సమానంగా ఉద్యోగ బాధ్యతల్ని భుజాలకెత్తుకోవడం గురించి ఈ రోజుల్లో కొత్తగా చెప్పుకోవక్కర్లేదు. అందులోనూ ఈ కరోనా సృష్టించిన సంక్షోభం పుణ్యమా అని ఆడైనా మగైనా ఉద్యోగ భద్రతే ప్రశ్నార్థకంగా మారుతోంది.. అయితే సాధారణంగా కొంతమంది పెళ్త్లె, పిల్లలు పుట్టే వరకే ఉద్యోగం చేయడానికి ఆసక్తి చూపుతుంటారు. ఆ తర్వాత పిల్లల ఆలనా-పాలనా, ఇంటి బాధ్యతల దృష్ట్యా ఉద్యోగానికి రాజీనామా చేసి ఇంటికే పరిమితమైపోతుంటారు. అయితే ఇలా చేయడం కంటే పిల్లలు పుట్టాక కూడా ఉద్యోగ బాధ్యతల్ని నిర్వర్తించే అమ్మలు తమ పిల్లలకు రోల్ మోడల్‌గా మారే అవకాశాలు ఎక్కువగా ఉన్నాయని చెబుతున్నాయి కొన్ని అధ్యయనాలు. ఈ క్రమంలో తల్లులు నిర్వర్తించే ఉద్యోగ బాధ్యతలు, వర్క్-లైఫ్ బ్యాలన్స్.. వంటివన్నీ తమ చిన్నారులకూ అలవడతాయట! ఈ నేపథ్యంలో వర్కింగ్ మదర్స్ తమ విధి నిర్వహణలో భాగంగా వారి పిల్లలకు ఎలా రోల్ మోడల్‌గా మారతారో ఈ 'మదర్స్ డే' సందర్భంగా తెలుసుకోవడం సందర్భోచితం.

Know More

women icon@teamvasundhara
protocol-for-management-of-covid---19-in-the-pediatric-age-group

పిల్లలకు కరోనా వస్తే.. ఈ జాగ్రత్తలు పాటించాలి!

రెండో దశలో కొవిడ్‌ ఉనికి అంతుచిక్కకుండా తయారైంది. మన చుట్టూ ఉన్న వారిలో అసలు ఈ వైరస్‌ ఎవరికి ఉందో? ఎవరిపై ఎలా ప్రభావం చూపుతుందో? కూడా తెలియట్లేదు. ఎక్కువ శాతం యుక్తవయసులో ఉన్న వారే ఈ మహమ్మారి బారిన పడుతుండడం కలవరపెడుతోంది. అంతేకాదు.. ఈ సెకండ్‌ వేవ్‌ ప్రభావం చిన్నారుల పైన కూడా అధికంగానే ఉన్నట్లు తాజా గణాంకాలు చెబుతున్నాయి. అయినప్పటికీ వారిలో లక్షణాలు స్వల్పంగానే కనిపిస్తున్నాయని, తల్లిదండ్రులు అనవసరమైన భయాందోళనలు మానుకొని సరైన జాగ్రత్తలు తీసుకుంటే వారు ఆస్పత్రి అవసరం లేకుండా ఇంట్లోనే కోలుకోవచ్చని నిపుణులు సూచిస్తున్నారు. ఈ క్రమంలోనే కొవిడ్‌ సోకిన చిన్నారుల విషయంలో తీసుకోవాల్సిన జాగ్రత్తల గురించి కేంద్ర వైద్యారోగ్య శాఖ కూడా తాజాగా కొన్ని మార్గదర్శకాలు విడుదల చేసింది. వైరస్‌ బారిన పడిన పిల్లల్లో సాధారణంగా కనిపించే లక్షణాలేంటి? వారిని ఎప్పుడు హోమ్‌ ఐసొలేషన్‌లో ఉంచాలి? ఎలాంటి పరిస్థితుల్లో ఆస్పత్రిలో చేర్చాలి? ఒకవేళ ఇంట్లోనే ఉండి చికిత్స తీసుకుంటే తల్లులు వారి పట్ల తీసుకోవాల్సిన జాగ్రత్తలేంటి? తదితర విషయాలన్నీ ఆ గైడ్‌లైన్స్‌లో భాగంగా వివరించింది ఆరోగ్య శాఖ.

Know More

women icon@teamvasundhara
communication-mistakes-that-parents-make-in-telugu

మీ పిల్లలతో ఎలా మాట్లాడుతున్నారు?

తల్లిదండ్రులకు, పిల్లలకు మధ్య కమ్యూనికేషన్ ఎంత స్పష్టంగా ఉంటే వారి మధ్య అనుబంధం అంత దృఢమవుతుంది.. అంతేకాదు దీనివల్ల ఇద్దరి మధ్య స్నేహభావం రెట్టింపై.. పిల్లలు వారి పేరెంట్స్ దగ్గర్నుంచి నిస్సంకోచంగా బోలెడన్ని విషయాలు నేర్చుకుంటారు కూడా! ఒక రకంగా చెప్పాలంటే.. ఇలాంటి పిల్లలు భవిష్యత్తులో మరిన్ని విజయాలు కూడా సాధిస్తారట! అయితే ఇలా పిల్లలతో మంచి కమ్యూనికేషన్ ఏర్పరచుకునే క్రమంలో తల్లిదండ్రులు కొన్ని పొరపాట్లు దొర్లకుండా జాగ్రత్తపడాలని నిపుణులు చెబుతున్నారు. అప్పుడే పిల్లల్లో ఆత్మవిశ్వాసం పెరిగి.. వారిని ప్రత్యక్షంగా, పరోక్షంగా ప్రోత్సహించినట్లవుతుందట! మరి పిల్లలతో మాట్లాడేటప్పుడు తల్లిదండ్రులు దృష్టిలో ఉంచుకోవాల్సిన కొన్ని విషయాలేంటో మనం కూడా తెలుసుకుందాం రండి..

Know More

women icon@teamvasundhara
tips-to-keep-away-children-from-dehydration-in-telugu

చిన్నారులు డీహైడ్రేషన్‌కి గురి కాకుండా..

అసలే వేసవి కాలం.. ఎండలు మండిపోతున్నాయి. ఉష్ణోగ్రతలు రోజురోజుకీ పెరిగిపోతున్నాయి. ఇలాంటి వాతావరణ పరిస్థితులను పెద్దలు తట్టుకోవడమే కష్టంగా ఉంది. మరి చిన్నారులు తట్టుకోగలరా? అందుకే ఎండాకాలంలో వారి సంరక్షణ విషయంలో చాలా జాగ్రత్తగా వ్యవహరించాలి. చిన్నారులు ఆటల్లో పడి ఎండ తీవ్రత తమపై పడుతుందన్న విషయాన్ని వారు పట్టించుకోరు. ఫలితంగా డీహైడ్రేషన్‌కి గురవుతారు. అలాగని చిన్నారుల మానసిక వికాసానికి తోడ్పడే ఆటల నుంచి వారిని దూరం చేయలేం కదా.. అందుకే ఎండ ప్రభావం వారిపై పడకుండా.. వారు డీహైడ్రేషన్‌కి గురికాకుండా.. ఎలాంటి జాగ్రత్తలు పాటించాలో తెలుసుకుందామా..

Know More

women icon@teamvasundhara
take-these-precautions-while-expressing-and-storing-breast-milk

తీసిన తల్లి పాలను ఎలా భద్రపరచాలో మీకు తెలుసా?!

ఆరు నెలల దాకా తల్లి పాలే పిల్లలకు అన్నం, నీళ్లు.. అన్నీ! వీటి ద్వారానే పసివారికి కావాల్సిన పోషకాలన్నీ అందుతాయి. ఇలాంటి అమృతధారలు చిన్నారులకు అందాలన్న ముఖ్యోద్దేశంతోనే చాలా దేశాల్లో కొత్తగా తల్లైన మహిళలకు కనీసం ఆరు నెలల పాటు ప్రసవానంతర సెలవులు అందిస్తోన్న విషయం తెలిసిందే! అలాగని ఆరు నెలలే తల్లులు పాలివ్వాలన్న రూలేమీ లేదు. కొంతమంది ఏడాది పాటు, మరికొందరు రెండేళ్ల దాకా తమ చిన్నారులకు తల్లిపాలు పడుతూనే ఉంటారు. ఈ క్రమంలో ఇంట్లో ఉండే తల్లులకైతే ఏ ఇబ్బందీ ఉండదు. అదే వృత్తి ఉద్యోగాల్లో కొనసాగే వారు నిరంతరాయంగా తమ పిల్లలకు పాలివ్వాలంటే కష్టమే! ఈ ఉద్దేశంతోనే తల్లిపాలను భద్రపరిచే పద్ధతి ఇటీవలి కాలంలో బాగా ప్రాచుర్యంలోకి వచ్చింది. అయితే ఇలా తల్లి రొమ్ము నుంచి సేకరించిన పాలను భద్రపరచడం, వాటిని తిరిగి పిల్లలకు పట్టించడం.. వంటి విషయాల్లో కొన్ని జాగ్రత్తలు పాటించాలని సూచిస్తోంది సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ (సీడీసీ) సంస్థ. అప్పుడే ముందస్తుగా భద్రపరిచినా అందులోని పోషకాలన్నీ చిన్నారులకు చక్కగా అందుతాయని చెబుతోంది. మరి, ఇంతకీ ఏంటా జాగ్రత్తలు? తెలుసుకుందాం రండి...

Know More

women icon@teamvasundhara
new-covid-19-variant-infects-kids-easily-here-are-signs-and-symptoms-to-look-out-for

పిల్లలపై కరోనా ప్రభావం: ఈ జాగ్రత్తలు పాటించాల్సిందే!

పగోడికైనా తమ శత్రువు కష్టాల్లో ఉంటే కాస్తైనా కనికరం కలుగుతుందేమో గానీ.. మాయదారి కరోనా మహమ్మారికి అది కూడా లేకుండా పోయింది. ప్రస్తుతం దేశంలో అత్యంత దయనీయమైన పరిస్థితులు ఇందుకు ప్రత్యక్ష నిదర్శనంగా నిలుస్తున్నాయి. భయం వల్లో, ఎవరి జాగ్రత్తల్లో వారు ఉండడం వల్లో మొదటి దశలో కరోనా భారీ ముప్పు నుంచి తప్పించుకున్నాం.. కానీ ఇప్పుడు పరిస్థితి చేయి దాటిపోయింది. రెండో దశలో కళ్లు మూసి తెరిచే లోగా ఈ వైరస్‌ వేలాది మందికి వ్యాపిస్తోంది. వీరిలో పెద్దలే కాదు.. అభం శుభం తెలియని చిన్నారులూ ఎక్కువగానే ఉండడం తల్లిదండ్రుల్ని ఆందోళనకు గురి చేస్తోంది. మొదటి దశలో పిల్లలపై పెద్దగా ప్రభావం చూపని కొవిడ్‌.. ఇప్పుడు వారిపైనా విరుచుకుపడుతోంది. గతేడాదితో పోల్చితే ఈ కేసుల సంఖ్య రెండింతలుగా ఉందని నిపుణులు చెబుతున్నారు. మరి, ఎందుకిలా జరుగుతోంది? కొవిడ్‌ సోకిన చిన్నారుల్లో ఎలాంటి లక్షణాలు కనిపిస్తున్నాయి? ఈ ఇన్ఫెక్షన్‌ ప్రభావం వారిపై ఎంతవరకు ఉంటుంది? ఈ క్రమంలో తల్లిదండ్రులు ఎలాంటి జాగ్రత్తలు తీసుకోవాలి?.. తదితర విషయాలపై నిపుణులేమంటున్నారో తెలుసుకుందాం రండి..

Know More

women icon@teamvasundhara
breastfeeding-tips-for-new-mothers-in-telugu

పాలిచ్చే తల్లులూ.. ఈ విషయాల్లో జాగ్రత్త!

పసి పిల్లలకు తల్లిపాలే ప్రాణాధారం అన్న విషయం తెలిసిందే. అందుకే అప్పుడే పుట్టిన పిల్లల దగ్గర్నుంచి వారికి సంవత్సరం లేదా సంవత్సరంన్నర వయసొచ్చేదాకా తల్లులు పాలిస్తూనే ఉంటారు. ఇది కేవలం బిడ్డకే కాదు.. తల్లి ఆరోగ్యానికీ ఎంతో మంచిది. అయితే ఈ సమయంలో తల్లి చేసే కొన్ని పనులు బిడ్డ ఆరోగ్యంపై ప్రభావం చూపుతాయి. ఉదాహరణకు.. చిన్న చిన్న అనారోగ్యాలకే మాత్రలు మింగడం, చక్కెరలు అధికంగా ఉండే ఆహార పదార్థాలు తీసుకోవడం.. వంటి వాటివల్ల చిన్నారులకూ పలు ఆరోగ్య సమస్యలు తలెత్తే అవకాశం ఉంటుంది. అందుకే పాలిచ్చే తల్లులు కొన్ని అంశాల్లో తగిన జాగ్రత్తలు పాటించడం ఇటు తల్లికీ, అటు పాపాయికీ.. ఇద్దరికీ మంచిది. మరి, బ్రెస్ట్‌ఫీడింగ్ మదర్స్ ఏయే విషయాల్లో జాగ్రత్త వహించాలో తెలుసుకుందాం రండి...

Know More

women icon@teamvasundhara
corona-virus-covid-19-hygiene-rules-for-babies-every-mom-should-follow

కరోనా నుంచి చంటి పిల్లలను కంటికి రెప్పలా కాచుకోండి!

కరోనా సెకండ్ వేవ్ వేగంగా విజృంభిస్తోంది. దీంతో ప్రతి ఒక్కరూ భయభ్రాంతులకు గురవుతున్నారు. సంపూర్ణ ఆరోగ్యంగా ఉన్న వారే ఈ వైరస్ బారిన పడి డీలా పడిపోతున్నారంటే.. ఇక రోగనిరోధక శక్తి తక్కువగా ఉండే గర్భిణులు, చిన్నారులు, వృద్ధుల పరిస్థితి చెప్పనక్కరలేదు. అయితే రోజుల, నెలల పిల్లలు కూడా ఈ మహమ్మారి చేతికి చిక్కుతున్నారని వింటున్నాం. అందుకే పసి పిల్లల విషయంలో తల్లులు చాలా జాగ్రత్తలు తీసుకోవాలని పిల్లల వైద్య నిపుణులు సూచిస్తున్నారు. మరి కనికరం లేకుండా అందరినీ కబళిస్తోన్న ఈ కరోనా వైరస్ నుంచి చంటి పిల్లలను కాపాడుకునేందుకు తల్ల్లులు ఏం చేయాలో తెలుసుకుందాం రండి..

Know More

women icon@teamvasundhara
five-year-old-girl-sets-world-record-by-reading-36-books-in-just-two-hours

రెండు గంటల్లోపే 36 పుస్తకాలను చదివేసింది!

ప్రస్తుత సాంకేతిక ప్రపంచంలో పిల్లల నుంచి పెద్దల వరకూ అందరూ ఆన్‌లైన్‌లోనే గడిపేస్తున్నారు. ఉదయం నిద్ర లేచింది మొదలు రాత్రి పడుకునే వరకు కంప్యూటర్లు, సెల్‌ఫోన్స్‌కే అతుక్కుపోతున్నారు. ఇక చిన్నపిల్లల సంగతైతే చెప్పక్కర్లేదు. వీడియో గేమ్స్‌ అంటూ నిత్యం సెల్‌ఫోన్లు, ల్యాప్‌టాప్‌లు పట్టుకుని వేలాడుతుంటారు. దీనికి తోడు కరోనా తెచ్చిన ఆన్‌లైన్ క్లాసులతో పుస్తక పఠనానికి క్రమంగా దూరమవుతున్నారు పిల్లలు. ఇటువంటి పరిస్థితుల్లో అబుదాబికి చెందిన ఓ ఐదేళ్ల చిన్నారి పుస్తకాల పురుగుగా మారిపోయింది. కేవలం రెండు గంటల్లోపే 36 పుస్తకాలను చదివేసి అందరినీ ఆశ్చర్యపరిచింది. ఈ క్రమంలో అతిపిన్న వయసులో వరల్డ్‌ బుక్‌ ఆఫ్‌ రికార్డ్స్‌, ఆసియా బుక్‌ ఆఫ్‌ రికార్డ్స్‌లో చోటు దక్కించుకుంది.

Know More

women icon@teamvasundhara
are-supplements-and-immunity-boosters-safe-for-kids?-here-what-experts-says?

పిల్లలకు ఇమ్యూనిటీని పెంచే సప్లిమెంట్స్‌ ఇవ్వచ్చా?

కరోనా మహమ్మారి బారిన పడకూడదంటే మన రోగనిరోధక శక్తిని పెంచుకోవడం అత్యవసరం అన్న విషయం తెలిసిందే! అయితే ఇందుకోసం కొంతమంది ఆహారంలో మార్పులు చేసుకుంటే.. మరికొందరు వైద్యుల సలహా మేరకు సప్లిమెంట్స్‌ వాడుతున్నారు. అయితే మనలాంటి పెద్ద వాళ్ల పరిస్థితి సరే.. మరి, చిన్న పిల్లల సంగతేంటి? వారికి ఇన్‌స్టంట్‌గా ఇమ్యూనిటీని పెంచే ఈ సప్లిమెంట్స్‌ ఇవ్వచ్చా? అనడిగితే.. ఐదేళ్ల లోపు పిల్లలకైతే వద్దే వద్దంటున్నారు పిడియాట్రీషియన్స్. ఎందుకంటే దీనివల్ల అవసరానికి మించి ఇమ్యూనిటీ స్థాయులు పెరిగినా అదీ వారి ఆరోగ్యానికి ముప్పేనంటున్నారు. కాబట్టి పోషకాహారంతోనే వారి రోగనిరోధక శక్తిని బలోపేతం చేయాలని సూచిస్తున్నారు. మరి, ఈ సెకండ్‌ వేవ్‌లో వైరస్‌ చిన్నారులపై తీవ్ర ఇన్ఫెక్షన్లకు కారణమవుతోందని నిపుణులు హెచ్చరించిన వేళ.. పిల్లల్లో ఇమ్యూనిటీని పెంచేందుకు ఏం చేయాలో తెలుసుకుందాం రండి..

Know More

women icon@teamvasundhara
tisca-chopra-on-her-new-book-for-young-girls-‘what’s-up-with-me?’

ఈ గుసగుసలు ఇంకెన్నాళ్లు?!

అమ్మాయి పెద్దమనిషైతే నిరాడంబరంగా వేడుక చేస్తాం.. నెలనెలా నెలసరి పలకరించినప్పుడల్లా మూగసైగలతో వారి నోరు నొక్కేస్తాం.. ఈ క్రమంలో వారి శరీరంలో జరిగే మార్పులు, ఇతర సమస్యల గురించి అడిగితే.. వారి చెవిలో గుసగుసలాడుతుంటాం.. ఇలా నెలసరిపై నెలకొన్న అపోహలు, గుసగుసలు ఇంకెన్నాళ్లు అని అడుగుతోంది బాలీవుడ్‌ అందాల తార టిస్కా చోప్రా. నెలసరి అనేది కళంకం కాదని, అది ఆడవారికి దేవుడు ప్రసాదించిన వరమని చెబుతోంది. ఇదే విషయాన్ని తల్లులు తమ టీనేజ్‌ కూతుళ్లకు వివరించాలని, అవసరమైతే తమ తండ్రులూ నిర్మొహమాటంగా ఇందులో పాలుపంచుకోవాలని.. తద్వారా ఈ సమాజంలో నెలసరిపై ఉన్న మూసధోరణుల్ని బద్దలు కొట్టే రోజు రావాలని కోరుతూ.. ‘వాట్స్‌ అప్‌ విత్‌ మీ?’ అనే పుస్తకం రాసిందామె. యుక్త వయసులోకి ప్రవేశించే అమ్మాయిలకు ప్యూబర్టీ, పిరియడ్స్‌, ఈ క్రమంలో తలెత్తే సమస్యలు-సందేహాలు.. తదితర విషయాలకు సంబంధించిన బోలెడంత సమాచారాన్ని పొందుపరిచిన తన పుస్తకం గురించి ఇటీవలే ఓ సందర్భంలో భాగంగా పంచుకుంది టిస్కా.

Know More

women icon@teamvasundhara
negative-effects-of-junk-food-on-kids-in-telugu

జాగ్రత్త... ఈ చిరుతిళ్లతో చిన్నారులకు తిప్పలే!

పిజ్జా, బర్గర్, ఫ్రెంచ్ ఫ్రైస్, చిప్స్.. వీటి పేరు చెబుతుంటూనే నోరూరుతోంది కదూ! ఇవి చూడడానికి యమ్మీగానే కాదు.. తినడానికి రుచిగా కూడా ఉంటాయి. పైగా పిల్లల మనసును ఇట్టే దోచేస్తుంటాయి కూడా! అందుకే వారు తల్లిదండ్రులతో బయటికి వెళ్తే చాలు.. ఇలాంటి ఆహార పదార్థాలు కొనివ్వమని మారాం చేస్తుంటారు. ఇక పేరెంట్సేమో.. పిల్లలు అడిగారు కదా అనో, నలుగురిలో ఇబ్బంది ఎందుకనో అడిగినప్పుడల్లా కొనిస్తుంటారు. ఇంకొంతమంది తల్లిదండ్రులైతే తమ పిల్లలకు ఇష్టమని ఇంటికొచ్చేటప్పుడు కొనుక్కురావడం, అప్పుడప్పుడు వీటిని పిల్లలకు చిరుతిళ్లుగా అందించడం.. వంటివి చేస్తుంటారు కూడా! కానీ పిల్లలు ఇలాంటి పదార్థాలు ఎక్కువగా తినడం వారి ఆరోగ్యానికి అంత మంచిది కాదు. పిల్లలకు చిన్నతనంలోనే స్థూలకాయంతో పాటు ఇతర ఆరోగ్య సమస్యలు రావడానికి ఇలాంటి పదార్థాలే కారణమంటున్నారు నిపుణులు. కాబట్టి వీటికి మీ పిల్లల్ని ఎంత దూరంగా ఉంచితే అంత మంచిది. ఇంతకీ ఈ చిరుతిళ్లు పిల్లల ఆరోగ్యానికి ఎలా హాని చేస్తాయో తెలుసుకుందాం రండి..

Know More

women icon@teamvasundhara
how-to-get-rid-of-baby-hiccups-in-telugu

పసిపిల్లలకు ఎక్కిళ్లు వస్తుంటే...

పసి పిల్లలకు ఏ చిన్న ఆరోగ్య సమస్య ఎదురైనా, వారు ఏ విషయంలో ఇబ్బంది పడినా తల్లి మనసు తల్లడిల్లిపోతుంది. ఆ సమయంలో అసలు వారికి ఏం జరిగిందో అర్థం కాని పరిస్థితి కొత్తగా తల్త్లెన మహిళలది! అందుకే బుజ్జాయిల్ని అనుక్షణం ఎంతో జాగ్రత్తగా, కంటికి రెప్పలా కాపాడుకుంటారు తల్లులు. ఈ క్రమంలో కొంతమంది అమ్మలు వారి చిన్నారులకు ఎక్కిళ్లు వచ్చినా తట్టుకోలేరు. ఇంత చిన్న పాపాయికి కూడా ఎక్కిళ్లు వస్తాయా? అంటూ సందేహిస్తారు. అయితే పుట్టినప్పటి నుంచి ఏడాది వయసొచ్చే వరకు చిన్నపిల్లల్లో ఎక్కిళ్లు రావడం సర్వసాధారణమని, దానికి పెద్దగా భయపడాల్సిన అవసరం లేదంటున్నారు పిల్లల వైద్య నిపుణులు. ఇంతకీ బుజ్జాయిల్లో ఎక్కిళ్లు రావడానికి కారణమేంటి? వాటిని ఎలా అదుపు చేయాలి? వంటి విషయాలన్నీ తెలుసుకోవాలంటే ఇది చదవాల్సిందే..!

Know More

women icon@teamvasundhara
how-to-give-tasty-milk-to-your-child-in-telugu

పాలు.. రుచిగా.. అందించేద్దామిలా!

పిల్లలకు పాలు బలవర్థకమైన ఆహారం అన్న సంగతి తెలిసిందే. ఇంకా చెప్పాలంటే పుట్టగానే వారికి మొట్టమొదట అందే ఆహారం కూడా అదే. అయితే పిల్లలు పసితనంలో తాగే తల్లిపాల ద్వారా వారి ఎదుగుదలకు కావాల్సిన పోషకాలన్నీ అందడంతో పాటు అవి వారికి ఎంతో రుచిగానూ ఉంటాయి. కానీ పెరిగే క్రమంలో ఇచ్చే సాధారణ పాలు అంతగా రుచించక చాలామంది పిల్లలు పాలు తాగడానికి వెనుకాడుతూ.. తల్లిని పదే పదే సతాయిస్తుంటారు. ఫలితంగా పాల ద్వారా వారి శరీర ఎదుగుదలకు అందాల్సిన పోషకాలు అందకుండాపోతాయి. అలాగని వారిని పట్టించుకోకుండా వదిలేయలేం. కాబట్టి రోజూ పిల్లలు తాగే పాలు మరింత రుచికరంగా తయారు చేయాలి. అప్పుడే వారు మరింత ఇష్టంతో పాలు తాగుతారు. మరి పిల్లలకు రుచికరమైన పాలు అందించడమెలాగో తెలుసుకుందాం.. రండి.

Know More

women icon@teamvasundhara
parenting-tips-for-raising-a-single-child-in-telugu

ఒక్కరే చాలా.. అయితే ఈ చిట్కాలు మీ కోసమే..!

‘మేమిద్దరం మాకిద్దరు..’ అనే రోజులు పోయి.. ‘మేమిద్దరం.. మాకొక్కరు..’ అనే రోజులొచ్చాయి. ఒక్కరే చాలనుకోవడం, ఆర్థిక పరిస్థితులు, కెరీర్‌కి అధిక ప్రాధాన్యమివ్వడం.. ఇలా కారణమేదైనా ఈ తరం తల్లిదండ్రుల్లో చాలామంది ఒక్కరిని కనడానికే ఆసక్తి చూపుతున్నారు. అది ఆడైనా, మగైనా ఒక్కరితో సరిపెట్టుకుంటున్నారు. నిజానికి ఇలా తోబుట్టువు లేని పిల్లలు ఒంటరితనాన్ని అనుభవిస్తారని, వారు నలుగురితో కలవలేరని, ఇంకొకర్ని కనడమే మంచిదంటూ ఇంట్లో ఉండే పెద్ద వాళ్లు పోరు పెడుతుంటారు. అవును.. ఇలా పెద్దవాళ్లు చెప్పే మాట వాస్తవమే అంటోంది ఓ అధ్యయనం. తోబుట్టువులున్న పిల్లల్లో కంటే లేని పిల్లల్లో సోషల్‌ స్కిల్స్‌ చాలా తక్కువగా ఉన్నట్లు తేల్చింది. అలాగని మరొకరిని కనడమనేది ఆయా తల్లిదండ్రుల ఇష్టాయిష్టాలపై ఆధారపడి ఉంటుందని, ఒక్కరున్నప్పటికీ వారు చురుగ్గా, నలుగురితో కలిసేలా వారిని పెంచచ్చని నిపుణులు చెబుతున్నారు. అయితే ఈ విషయంలో తల్లిదండ్రులు కొన్ని విషయాలు దృష్టిలో ఉంచుకోవాలని సలహా ఇస్తున్నారు. ఇంతకీ అవేంటో తెలుసుకుందాం రండి...

Know More

women icon@teamvasundhara
psychologist-advice-on-good-touch-and-bad-touch-in-telugu
women icon@teamvasundhara
diet-tips-for-underweight-children-in-telugu

మీ పిల్లలు తక్కువ బరువున్నారా?

అధిక బరువు వల్ల ఎలాగైతే పలు రకాల ఆరోగ్య సమస్యలు వస్తాయో.. అలాగే బరువు తక్కువగా ఉండడం వల్ల కూడా వెంటాడే ఆరోగ్య సమస్యలు బోలెడుంటాయి. ఇది కేవలం పెద్దవాళ్లకే కాదు.. పిల్లలకీ వర్తిస్తుంది. చాలామంది తల్లిదండ్రులు వారి బుజ్జాయిల బరువు గురించి బాధపడుతూ ఉంటారు. 'మా పాప చాలా సన్నగా, బరువు తక్కువగా ఉందండీ.. దీంతో ఐదేళ్లొచ్చినా రెండేళ్లమ్మాయిలా కనిపిస్తుంది. తన బరువు పెంచాలంటే ఏం చేయాలో తోచట్లేదు.. మీకేమైనా అవగాహన ఉంటే కాస్త చెప్పండీ..' అంటూ ఇరుగుపొరుగు వారిని సలహాలు అడుగుతుంటారు. అయితే అనారోగ్యకర సలహాల వల్ల పిల్లలు బరువు పెరగకపోవడమే కాకుండా, వారి ఆరోగ్యానికీ మంచిది కాదు. కాబట్టి వారిని ఓసారి పోషకాహార నిపుణుల వద్ద చూపించి, వారు బరువు పెరగడానికి నిపుణులు సూచించిన సలహాలను క్రమం తప్పకుండా పాటించాలి. తద్వారా పిల్లలు తక్కువ బరువు నుంచి బయటపడగలిగే అవకాశం ఉంటుంది. ఈ క్రమంలో మరీ తక్కువ బరువున్న పిల్లలు బరువు పెరగాలంటే వారి రోజువారీ అలవాట్లు ఎలా ఉండాలో తెలుసుకుందాం...

Know More

women icon@teamvasundhara
never-mix-these-fruits-they-may-cause-health-hazards-in-children

చిన్నారులకు ఇవి పెట్టేటప్పుడు జాగ్రత్త..!

తాజా పండ్లు, కూరగాయలతో చక్కటి ఆరోగ్యం మన సొంతమవుతుందని ప్రత్యేకంగా చెప్పుకోవాల్సిన అవసరం లేదు. వాటి నుంచి మనకు అందే పోషకాలు.. అనారోగ్యాన్ని మన దరి చేరనీయకుండా కాపాడతాయి. అందుకే అందరూ ఫ్రూట్ సలాడ్, వెజిటబుల్ సలాడ్ తినడానికి ఆసక్తి చూపిస్తుంటారు. పండ్లు, కూరగాయలే అయినప్పటికీ చిన్నారులకు వాటిని పెట్టే విషయంలో మాత్రం చాలా జాగ్రత్తగా వ్యవహరించాలంటున్నారు పోషకాహార నిపుణులు. ముఖ్యంగా కొన్ని పళ్లు, కూరగాయలను కలిపి ఒకేసారి సలాడ్‌గా పిల్లలకు అందించకూడదని హెచ్చరిస్తున్నారు. ఎందుకంటే అవి విషతుల్యంగా మారి చిన్నారులకు ఆరోగ్యపరమైన సమస్యలు తలెత్తే అవకాశం ఉందట..! అయితే వేటిని వేటితో కలిపి చిన్నారులకు అందించకూడదో ఓసారి తెలుసుకుందాం...

Know More

women icon@teamvasundhara
mindful-eating-steps-to-teach-kids-in-telugu

పిల్లలను ఇలా ‘హెల్దీ’గా మార్చేద్దాం!

మనం తీసుకునే ఆహారం అటు శారీరకంగానే కాదు.. ఇటు మానసికంగానూ ప్రభావం చూపుతుంది. అయితే చాలామంది తల్లిదండ్రులు మాత్రం తమ పిల్లల విషయంలో ఆరోగ్యకరమైన ఆహార నాణ్యతా ప్రమాణాలను పాటించలేకపోతున్నారు. ఎందుకంటే తమకు పెట్టే ఆహారం రుచించక ఎక్కువశాతం మంది పిల్లలు భోజనం చేసే విషయంలో తల్లుల్ని తెగ విసిగిస్తుంటారు. వాళ్లకు ఇష్టమైనవైతేనే నోరు తెరుస్తారు.. లేదంటే మూతి తిప్పేస్తుంటారు. ఇక జంక్‌ ఫుడ్‌ అంటే లొట్టలేసుకుంటూ మన దగ్గరికి వచ్చేస్తారు. అయితే తమ చిన్నారుల దృష్టిని వీటిపై నుంచి మరల్చడంలో తల్లిదండ్రులు విఫలమవుతున్నారనే చెప్పాలి. ఎందుకంటే బయటికి వెళ్లిన ప్రతిసారీ చిప్స్‌, బిస్కట్స్‌, పిజ్జా, బర్గర్‌ అంటూ వారికి అలవాటు చేయడంతో ఇంటి ఆహారం వారికి నచ్చట్లేదు. కాబట్టి ఈ అలవాటు మాన్పించాలంటే.. పిల్లల కంటికి నచ్చేలా కాదు.. నోటికి రుచించేలా ఆరోగ్యకరమైన ఆహారాన్ని అందివ్వడం తల్లుల బాధ్యత. అందుకు మనం ఏం చేయాలో ఇప్పుడు చూద్దాం..

Know More

women icon@teamvasundhara
himasree-shares-about-her-programming-startup-journey-and-how-to-teach-coding-through-innovative-way

అందుకే పిల్లలకు అలా కోడింగ్‌ నేర్పుతున్నా!

నాలుగేళ్లు ఇంజినీరింగ్‌ చదివినా, వేలకు వేలు డబ్బు పోసి కోచింగ్ ఇన్‌స్టిట్యూట్స్‌లో‌ కోర్సు నేర్చుకున్నా, ఇప్పటికీ చాలామందికి ప్రోగ్రామింగ్‌ నాలెడ్జ్‌ అంతంత మాత్రమే అని చెప్పాలి. మరి, ఎందుకిలా అంటే.. దీని గురించిన ప్రాథమిక అంశాలపై సరైన అవగాహన లేకపోవడమే! అదే పిల్లల్లో స్కూలింగ్‌ దశలోనే ప్రోగ్రామింగ్‌కి సంబంధించిన బీజం వేస్తే, ఆ కోడింగ్‌ ఏదో వారికర్ధమయ్యే రీతిలో చెప్పి వారి చేతే రాయిస్తే.. పెద్దయ్యాక ప్రోగ్రామింగ్‌ అంటే వారు భయపడాల్సిన పరిస్థితి రాదు. సరికదా ఈ నైపుణ్యాలు వారి భవిష్యత్తుకు బంగారు బాటలు పరుస్తాయి. ఆ ప్రయత్నమే చేస్తున్నారు హైదరాబాద్‌కు చెందిన హిమశ్రీ. భవిష్యత్తంతా రోబోటిక్స్‌, ఆర్టిఫిషియల్‌ ఇంటెలిజెన్స్‌.. వంటి అడ్వాన్స్‌డ్‌ టెక్నాలజీలతో ముడిపడి ఉన్న నేపథ్యంలో విద్యార్థి దశ నుంచే పిల్లల్ని అందుకు సన్నద్ధం చేయాలంటున్నారామె. ఈ క్రమంలోనే కోడింగ్‌తో పాటు ప్రోగ్రామింగ్‌కి సంబంధించిన ఇతర అంశాల్లో పిల్లలకు అవగాహన పెంపొందించేందుకు మూడేళ్ల క్రితం ఓ స్టార్టప్‌ని కూడా ప్రారంభించారు.

Know More