అందాల భామ రుహానీ శర్మ తన తాజా ఫొటోని పోస్ట్‌ చేస్తూ ‘మీ అందరికీ లోహ్రి, పొంగల్‌, మకర సంక్రాంతి శుభాకాంక్షలు’ అంటూ రాసుకొచ్చింది.

కొత్త జంట నిహారిక, చైతన్య దంపతులు తమ హానీమూన్‌ ట్రిప్‌ని ముగించుకుని హైదరాబాద్‌కు చేరుకున్నారు. ‘ఓకే.. ఇక తిరిగి పని మొదలు పెట్టాలి’ అంటూ తను నటించబోయే వెబ్‌సిరీస్ పూజా కార్యక్రమం ఫొటోలను అభిమానులతో పంచుకుంది నిహారిక. అంతేకాదు.. తను దీనికోసం ఎంతో ఆత్రుతగా ఎదురుచూస్తున్నట్టు తెలిపింది.

టాలీవుడ్‌ భామ ఛార్మీ కౌర్‌ రాత్రి వేళలో జిమ్‌ చేస్తోన్న ఫొటోని పోస్ట్‌ చేసింది. దీనికి ‘రోజంతా తీరిక లేకుండా గడపడంతో జిమ్‌ చేయడానికి రాత్రి సమయమే దొరికింది’ అని రాసుకొచ్చింది.

కేరళ కుట్టి అనుపమా పరమేశ్వరన్‌ ‘బై 2020, హే 2021’ అంటూ తనకు సంబంధించిన మూడు ఫొటోలను పోస్ట్‌ చేసింది. ఈ సందర్భంగా వాటికి ఆసక్తికరమైన వ్యాఖ్యలను జోడించింది.. అవేంటంటే..

‘చిన్నారి పెళ్లికూతురు’ అవికా గోర్‌ తన పెట్‌తో సరదాగా దిగిన ఓ వీడియోని పోస్ట్‌ చేస్తూ దానికి పుట్టిన రోజు శుభాకాంక్షలు తెలిపింది.

అందాల తార ఐశ్వర్యా రాజేష్‌ తన తల్లితో దిగిన ఫొటోని పోస్ట్‌ చేసింది. ఈ సందర్భంగా ‘పుట్టిన రోజు శుభాకాంక్షలు అమ్మా.. నేను ఈరోజు ఇలా ఉన్నానంటే దానికి కారణం నువ్వే.. లవ్యూ అమ్మా’ అని రాసుకొచ్చింది.

మిల్కీ బ్యూటీ తమన్నా పుట్టిన రోజు సందర్భంగా సాయి లక్ష్మి అనే అభిమాని అందమైన ఫొటోఫ్రేమ్‌ని బహుమతిగా ఇచ్చారు. ఆ ఫొటోని పోస్ట్‌ చేస్తూ ‘ఈ గిఫ్ట్‌ ఎంతో క్యూట్‌గా ఉంది.. నాకు సంబంధించిన ప్రతి అంశం గురించి ఎంతగానో ఆలోచించి, నా ప్రపంచాన్ని ఇందులో పొందుపరిచారు. నాకు చాలా బాగా నచ్చింది. థ్యాంక్యూ సో మచ్’ అంటూ తన అభిమానికి ప్రత్యేకంగా కృతఙ్ఞతలు తెలిపిందీ మిల్కీ బ్యూటీ.

యాంకర్‌ లాస్య గంగవ్వతో కలిసి నాట్లు వేసింది. గంగవ్వ దీనికి సంబంధించిన ఫొటోని అభిమానులతో పంచుకుంటూ ‘పెద్ద బిడ్డ’ అని రాసుకొచ్చింది.

అందాల భామ హంసానందిని కేరళ అందాలను తన ఫోన్‌లో బంధించింది. ఈ ఫొటోలను పోస్ట్‌ చేస్తూ ‘ఇందుకే నేను విహారయాత్రలకు వెళ్తుంటాను’ అనే వ్యాఖ్యను జత చేసింది.

టాలీవుడ్‌ భామ సమంత తన తాజా లుక్‌ని అభిమానులతో పంచుకుంది.

సూపర్‌ స్టార్‌ మహేష్‌ బాబు గారాల పట్టి సితార తన పిన్నితో కలిసి దిగిన ఫొటోని పోస్ట్‌ చేసింది.

బాలీవుడ్‌ సుందరి భాగ్యశ్రీ ఆనందంతో గంతులేస్తున్నట్టుగా దిగిన ఫొటోని పోస్ట్‌ చేసింది. ఈ సందర్భంగా ‘సోమవారం ఇలా సంతోషంగా ఉంటే వారమంతా ఆనందంగా గడిచిపోతుంది. నా కూతురు, భర్త ‘నువ్వు ఇంత ఎనర్జిటిక్‌గా ఎలా ఉండగలుగుతున్నావ్‌?’ అని ఎప్పుడూ అడుగుతుంటారు.

‘బిగ్‌బాస్‌’ బ్యూటీ పునర్నవి భూపాలం త్వరలో పెళ్లిపీటలెక్కనుందా? తాను తాజాగా ఇన్‌స్టాలో పంచుకున్న ఫొటో ఇది నిజమేనని చెప్పకనే చెబుతోంది. ఈ సందర్భంగా వేలికి ఉంగరం, ఆ ముందు ఒక అబ్బాయి నిల్చున్నట్లుగా ఉన్న ఫొటోని పోస్ట్‌ చేసిన పున్ను.. ‘నేను యస్‌ చెప్పాను.. తను ఉద్భవ్‌ రఘునందన్‌.. మిగతా విషయాలన్నీ రేపు చెబుతా..’ అంటూ తన ఫ్యాన్స్‌ని సస్పెన్స్‌లో పడేసింది.

బాలీవుడ్‌ సుందరి మల్లికా శెరావత్‌ తన పుట్టినరోజు వేడుకలను ముగించుకుని తిరిగి తన వర్కౌట్‌ రొటీన్‌ను మొదలుపెట్టింది. ఈ సందర్భంగా దిగిన ఫొటోని అభిమానులతో పంచుకుంది.

అందాల తార అంజలి ‘సిటీకి దూరంగా’ అంటూ ఓ రాయిపై కూర్చున్న ఫొటోని పోస్ట్‌ చేసింది. దీనికి ఆకాశం, చెట్లు, కొండలు, ప్రకృతి వంటి హ్యాష్‌ట్యాగ్‌లను జోడించింది.

బాలీవుడ్‌ ముద్దుగుమ్మ మాధురీ దీక్షిత్‌ దంపతులు నేడు వివాహ వార్షికోత్సవాన్ని జరుపుకొంటున్నారు. ఈ సందర్భంగా వారిద్దరూ కలిసి దిగిన ఫొటోని పంచుకుంటూ ‘ప్రతి వార్షికోత్సవం మా ప్రయాణంలో మరొక కొత్త సంవత్సరాన్ని సూచిస్తుంది. ఈ విషయాన్ని మీతో పంచుకుంటున్నందుకు ఎంతో ఆనందంగా ఉంది. మీ ప్రేమాభిమానాలకు కృతజ్ఞతలు’ అని రాసుకొచ్చింది.

మాజీ విశ్వ సుందరి సుస్మితా సేన్‌.. జీవితం గురించి ఆలోచింపజేసే ఓ ఫొటోని పోస్ట్‌ చేసింది. ఈ ఫొటోలో ‘జీవితం ఒక కఠినమైన పరీక్ష.. చాలామంది ఈ పరీక్షలో ఫెయిల్‌ అవుతుంటారు. దానికి కారణం మరొకరిని కాపీ కొట్టడమే. అలాగే ఎవరి క్వశ్చన్‌ పేపర్‌ వారిదే అన్న విషయాన్ని కూడా వారు అర్థం చేసుకోరు’ అని రాసి ఉంది. దీనికి ‘సరైన ప్రిపరేషన్‌, ప్రాక్టీస్‌ ఉంటే జీవితమనే పరీక్ష సులభంగానే ఉంటుంది. జీవితం మనకు సంధించే ప్రశ్నలు ప్రతి ఒక్కరికీ వేర్వేరుగా ఉంటాయి. కాబట్టి ఎవరి ప్రశ్నలకు వారే సమాధానాలు వెతుక్కోవాలి. జీవితం ఒక పరీక్ష అయితే దానికి పాఠ్యాంశం మీరే. కాబట్టి మిమ్మల్ని మీరు తెలుసుకోండి. ధైర్యంగా ఉండండి. ఒకరిని కాపీ కొట్టకుండా మీ ప్రశ్నలకు మీరే సమాధానాలను వెతికే ప్రయత్నం చేయండి. విజయానికి పరాజయానికి మధ్య అతి పెద్ద తేడా ఇదేనని నా భావన’ అంటూ షేరింగ్‌, అథెంటిక్‌ పవర్‌, కోర్‌ బిలీఫ్స్‌ హ్యాష్‌ట్యాగ్‌లను జోడించింది.

స్టార్‌ యాంకర్‌ సుమా కనకాల మాస్క్‌ని తప్పనిసరిగా పెట్టుకుంటూ తోటివారిని కూడా మాస్క్‌ ధరించేలా చేస్తోంది. దానికి ఈ వీడియోనే నిదర్శనం. సుమ లిఫ్ట్‌లో ఉండగా ఒకతను మాస్క్‌తోనే లిఫ్ట్‌లోకి వచ్చినా ఫోన్‌ మాట్లాడడం కోసం మాస్క్‌ని తీసేశాడు. అది గమనించిన సుమ అతనిని సరిగా మాస్క్‌ ధరించమని సూచించింది.

టాలీవుడ్‌ నటి సమంత చీరలో దిగిన ఫొటోని పోస్ట్‌ చేసింది. ఈ సందర్భంగా- ‘మా డిజైనర్‌ ప్రీతం ఎంతో ప్రతిభ కలిగిన వ్యక్తి. ఈ చీరంటే నాకు చాలా ఇష్టం. అందరికీ హ్యాపీ వీకెండ్...’ అని రాసుకొచ్చింది.

మెగా డాటర్‌ నిహారికా కొణిదెల చాలా రోజుల తర్వాత ఇన్‌స్టాగ్రామ్‌లో తన ఫొటోని పోస్ట్‌ చేస్తూ అభిమానులను పలకరించింది.

టాలీవుడ్ భామ సమంత జిమ్‌లో దిగిన తన ఫొటోని పోస్ట్‌ చేసింది. ఈ సందర్భంగా 'మీ మనసే మీ బలం.. అదే మీ శత్రువు.. అందుకే దానికి బాగా శిక్షణ ఇవ్వండి'- అని చెప్పుకొచ్చింది.

నటి నమ్రత తన భర్త మహేష్‌ బాబుతో కలిసి దిగిన ఫొటోని పోస్ట్ చేసింది. ఈ సందర్భంగా ‘మన అస్తిత్వానికి మూల కారణం ప్రేమే అని నా బలమైన విశ్వాసం. ప్రేమ భావన ఒక్కటే మనం సంతోషంగా జీవించేలా చేస్తుంది. దయ, జాలి, కరుణ అన్నీ ప్రేమ నుంచి పుట్టేవే. అందరూ ప్రేమగా, ఒకరిపట్ల మరొకరు దయ గల వ్యక్తులుగా ఉండండి. మనకు జీవించడానికి ఒక జీవనం, ఇవ్వడానికి ఒక జీవితం ఉంది. ఈ ఫొటోలో నా నిజమైన సంతోషంతో (మహేష్ ని ఉద్దేశిస్తూ) ఉన్నాను..’ అంటూ బి హ్యాపీ, బి సేఫ్, బి కైండ్ అనే హ్యాష్ ట్యాగ్స్ జోడించింది. అంతేకాదు ఈ ఫొటోని తమ కూతురు సితార తీసిందని తెలిపింది. ఈ ఫొటోలో 'మహేష్ చాలా హ్యాండ్సమ్ గా కనిపిస్తున్నాడు', 'క్యూట్ కపుల్' అంటూ పలువురు నెటిజెన్లు కామెంట్లు పెడుతున్నారు.

‘బిగ్‌బాస్‌’ బ్యూటీ హిమజ ఆనందంతో గెంతులేస్తున్నట్టుగా దిగిన ఫొటోని పోస్ట్‌ చేసింది. దీనికి ‘మొదట మిమ్మల్ని మీరు ప్రేమించుకోండి’ అని రాసుకొచ్చింది.

టాలీవుడ్ సుందరి రష్మిక పళ్ళు కనిపించేలా నవ్వుతున్న ఫొటోని పోస్ట్ చేసింది. 'తమకు తెలియని వ్యక్తులెవరైనా తమను చూసి నవ్వినప్పుడు కొంతమంది విచిత్రంగా చూస్తారు.. లేదా అలా నవ్వేవారికి పిచ్చి అనుకుంటారు.. మీరు కూడా అలాగే అనుకునేటట్లయితే మీరు నా ఫ్రెండ్ కాదు.. ఎందుకంటే నేను కూడా అలాంటి అపరిచితురాలినే.. ఎవరిని చూసినా నా స్టైల్ లో నేను నవ్వేస్తుంటాను..' అంటూ కోతి ఎమోజీ జత చేసిందీ భామ.

బాలీవుడ్‌ సుందరి షమితా షెట్టి తనకి ముద్దుపెడుతున్న ఓ బాబు ఫొటోని అభిమానులతో పంచుకుంది. దీనికి ‘మిస్సింగ్‌ మై నాటీ లిటిల్‌ బేబీ’ అని క్యాప్షన్‌ కూడా ఇచ్చింది. ఆ అబ్బాయి ఎవరో కాదు.. తన సోదరి శిల్పా శెట్టి కొడుకు. ఈ పోస్ట్‌కి ‘మీరిద్దరూ నా బేబీసే’ అంటూ శిల్ప రిప్లై ఇచ్చింది.

నటి ప్రగతి నవ్వుతోన్న తన ఫొటోని పోస్ట్‌ చేసింది. ‘ఏదైనా కావాలని మీరు బలంగా కోరుకున్నప్పుడు విశ్వం మొత్తం దానిని సాధించడంలో మీకు సహకరిస్తుంది..’ అని చెప్పుకొచ్చిందీ భామ.

మాటల మరాఠీ, యాంకర్‌ సుమా కనకాల ‘వాట్సప్‌ కష్టాలు’ అంటూ ఓ వీడియోని పోస్ట్‌ చేసింది. ఈ వీడియోలో చాటింగ్‌ కోసం ఏ అంశానికి ఎలాంటి ఎమోజీలు ఉపయోగిస్తుంటారో ఫన్నీగా చెబుతోంది సుమక్క.

ప్రముఖ హీరోయిన్‌ మీనా తన ఫిష్‌ పాట్‌లో ఉన్న చేపలను చూస్తోన్న ఫొటోని పోస్ట్‌ చేస్తూ ‘ఎవరైనా ఈ ఫొటోకి మంచి క్యాప్షన్‌ పెడతారా’ అని అభిమానులను అడిగింది. దాంతో ‘మీనాలను చూస్తోన్న మీనా’, ‘ఒక అందమైన చేప మరో రెండు అందమైన చేపలను చూస్తోంది’, ‘బంగారు వర్ణపు చేపలను చూస్తోన్న అందాల రాశి’ అంటూ పలువురు అభిమానులు కామెంట్ల రూపంలో పెట్టారు. వీటికి స్పందింస్తూ ‘వావ్‌.. మీరు ఇచ్చిన క్యాప్షన్లలో ఒక్కదానినే ఎంచుకోవాలంటే చాలా కష్టం. నాకు అన్నీ నచ్చాయి. మీ ఇమాజినేషన్‌కి ముగ్ధురాలినయ్యాను. అందరికీ కృతజ్ఞతలు’ అంటూ అభిమానులకు రిప్లై ఇచ్చిందీ సుందరి.

అందాల తార సమంత క్యారట్లను పట్టుకొని దిగిన ఫొటోని అభిమానులతో పంచుకుంది. దీనికి ‘ఈ వారం మెనూ.. క్యారట్‌ జ్యూస్‌, క్యారట్‌ పచ్చడి, క్యారట్‌ హల్వా, క్యారట్‌ ఫ్రై, క్యారట్‌ పకోడి, క్యారట్‌ ఇడ్లీ, క్యారట్‌ సమోసా’ అంటూ ‘గ్రో విత్‌ మి’ అనే హ్యాష్‌ట్యాగ్‌ని జత చేసిందీ భామ. ఈ క్యారట్లను సమంతే స్వయంగా తన గార్డెన్‌లో పండించింది.

నటి ప్రగతి తన తాజా ఫొటోని పోస్ట్‌ చేసింది. దీనికి ‘మీకు మీరే ఒక ఫైటర్.. గతంలో మీరు అధిగమించిన సమస్యలను, పరిస్థితులను ఒక్కసారి గుర్తు తెచ్చుకోండి. ఇప్పుడు కూడా అలాగే పోరాడండి.. పారిపోకండి..’ అంటూ కరోనా కష్ట కాలంలో తన అభిమానులకి ధైర్యం చెబుతోందీ సూపర్‌ మామ్.