బాలీవుడ్‌ సుందరి మల్లికా శెరావత్‌ తన పుట్టినరోజు వేడుకలను ముగించుకుని తిరిగి తన వర్కౌట్‌ రొటీన్‌ను మొదలుపెట్టింది. ఈ సందర్భంగా దిగిన ఫొటోని అభిమానులతో పంచుకుంది.

అందాల తార అంజలి ‘సిటీకి దూరంగా’ అంటూ ఓ రాయిపై కూర్చున్న ఫొటోని పోస్ట్‌ చేసింది. దీనికి ఆకాశం, చెట్లు, కొండలు, ప్రకృతి వంటి హ్యాష్‌ట్యాగ్‌లను జోడించింది.

బాలీవుడ్‌ ముద్దుగుమ్మ మాధురీ దీక్షిత్‌ దంపతులు నేడు వివాహ వార్షికోత్సవాన్ని జరుపుకొంటున్నారు. ఈ సందర్భంగా వారిద్దరూ కలిసి దిగిన ఫొటోని పంచుకుంటూ ‘ప్రతి వార్షికోత్సవం మా ప్రయాణంలో మరొక కొత్త సంవత్సరాన్ని సూచిస్తుంది. ఈ విషయాన్ని మీతో పంచుకుంటున్నందుకు ఎంతో ఆనందంగా ఉంది. మీ ప్రేమాభిమానాలకు కృతజ్ఞతలు’ అని రాసుకొచ్చింది.

మాజీ విశ్వ సుందరి సుస్మితా సేన్‌.. జీవితం గురించి ఆలోచింపజేసే ఓ ఫొటోని పోస్ట్‌ చేసింది. ఈ ఫొటోలో ‘జీవితం ఒక కఠినమైన పరీక్ష.. చాలామంది ఈ పరీక్షలో ఫెయిల్‌ అవుతుంటారు. దానికి కారణం మరొకరిని కాపీ కొట్టడమే. అలాగే ఎవరి క్వశ్చన్‌ పేపర్‌ వారిదే అన్న విషయాన్ని కూడా వారు అర్థం చేసుకోరు’ అని రాసి ఉంది. దీనికి ‘సరైన ప్రిపరేషన్‌, ప్రాక్టీస్‌ ఉంటే జీవితమనే పరీక్ష సులభంగానే ఉంటుంది. జీవితం మనకు సంధించే ప్రశ్నలు ప్రతి ఒక్కరికీ వేర్వేరుగా ఉంటాయి. కాబట్టి ఎవరి ప్రశ్నలకు వారే సమాధానాలు వెతుక్కోవాలి. జీవితం ఒక పరీక్ష అయితే దానికి పాఠ్యాంశం మీరే. కాబట్టి మిమ్మల్ని మీరు తెలుసుకోండి. ధైర్యంగా ఉండండి. ఒకరిని కాపీ కొట్టకుండా మీ ప్రశ్నలకు మీరే సమాధానాలను వెతికే ప్రయత్నం చేయండి. విజయానికి పరాజయానికి మధ్య అతి పెద్ద తేడా ఇదేనని నా భావన’ అంటూ షేరింగ్‌, అథెంటిక్‌ పవర్‌, కోర్‌ బిలీఫ్స్‌ హ్యాష్‌ట్యాగ్‌లను జోడించింది.

స్టార్‌ యాంకర్‌ సుమా కనకాల మాస్క్‌ని తప్పనిసరిగా పెట్టుకుంటూ తోటివారిని కూడా మాస్క్‌ ధరించేలా చేస్తోంది. దానికి ఈ వీడియోనే నిదర్శనం. సుమ లిఫ్ట్‌లో ఉండగా ఒకతను మాస్క్‌తోనే లిఫ్ట్‌లోకి వచ్చినా ఫోన్‌ మాట్లాడడం కోసం మాస్క్‌ని తీసేశాడు. అది గమనించిన సుమ అతనిని సరిగా మాస్క్‌ ధరించమని సూచించింది.

టాలీవుడ్‌ నటి సమంత చీరలో దిగిన ఫొటోని పోస్ట్‌ చేసింది. ఈ సందర్భంగా- ‘మా డిజైనర్‌ ప్రీతం ఎంతో ప్రతిభ కలిగిన వ్యక్తి. ఈ చీరంటే నాకు చాలా ఇష్టం. అందరికీ హ్యాపీ వీకెండ్...’ అని రాసుకొచ్చింది.

మెగా డాటర్‌ నిహారికా కొణిదెల చాలా రోజుల తర్వాత ఇన్‌స్టాగ్రామ్‌లో తన ఫొటోని పోస్ట్‌ చేస్తూ అభిమానులను పలకరించింది.

టాలీవుడ్ భామ సమంత జిమ్‌లో దిగిన తన ఫొటోని పోస్ట్‌ చేసింది. ఈ సందర్భంగా 'మీ మనసే మీ బలం.. అదే మీ శత్రువు.. అందుకే దానికి బాగా శిక్షణ ఇవ్వండి'- అని చెప్పుకొచ్చింది.

నటి నమ్రత తన భర్త మహేష్‌ బాబుతో కలిసి దిగిన ఫొటోని పోస్ట్ చేసింది. ఈ సందర్భంగా ‘మన అస్తిత్వానికి మూల కారణం ప్రేమే అని నా బలమైన విశ్వాసం. ప్రేమ భావన ఒక్కటే మనం సంతోషంగా జీవించేలా చేస్తుంది. దయ, జాలి, కరుణ అన్నీ ప్రేమ నుంచి పుట్టేవే. అందరూ ప్రేమగా, ఒకరిపట్ల మరొకరు దయ గల వ్యక్తులుగా ఉండండి. మనకు జీవించడానికి ఒక జీవనం, ఇవ్వడానికి ఒక జీవితం ఉంది. ఈ ఫొటోలో నా నిజమైన సంతోషంతో (మహేష్ ని ఉద్దేశిస్తూ) ఉన్నాను..’ అంటూ బి హ్యాపీ, బి సేఫ్, బి కైండ్ అనే హ్యాష్ ట్యాగ్స్ జోడించింది. అంతేకాదు ఈ ఫొటోని తమ కూతురు సితార తీసిందని తెలిపింది. ఈ ఫొటోలో 'మహేష్ చాలా హ్యాండ్సమ్ గా కనిపిస్తున్నాడు', 'క్యూట్ కపుల్' అంటూ పలువురు నెటిజెన్లు కామెంట్లు పెడుతున్నారు.

నటి ప్రగతి ‘ఆన్‌ డ్యూటీ’ అంటూ షూటింగ్‌లో భాగంగా దిగిన ఓ ఫొటోని అభిమానులతో పంచుకుంది.

బాలీవుడ్‌ ముద్దుగుమ్మ కాజోల్ ‘త్రో బ్యాక్’ అంటూ ఓ ఫొటోని పోస్ట్‌ చేసింది. దీనికి ‘ఇది 23 సంవత్సరాల క్రితం ‘హమేషా’ చిత్ర షూటింగ్‌ సందర్భంగా దిగింది’ అని చెప్పుకొచ్చింది.

అందాల భామ పార్వతీ నాయర్‌ చీరకట్టులో మెరిసిపోతోన్న ఫొటోలను పోస్ట్‌ చేసింది. దీనికి ‘ఇండియాలో ఉన్నప్పుడు సీజన్లతో పని ఉండదు. ఎందుకంటే ఇక్కడ సంవత్సరమంతా వేడిగానే ఉంటుంది. కాబట్టి ఫ్లోరల్స్‌ ధరించడానికి స్ప్రింగ్‌ సీజన్‌ కోసం వేచి చూడకండి. నాకు చీరలంటే అంటే చాలా ఇష్టం. అందుకే ప్రతిరోజూ చీర కట్టుకోవడానికే ప్రాధాన్యం ఇస్తుంటాను. మరి మీరు కూడా అంతేనా?’ అంటూ అభిమానులను అడుగుతోందీ తార.

నటి తేజస్వి ‘పూల్‌ పార్టీ’ అంటూ పూల్ టబ్ లో ఓ బాబుతో సరదాగా గడుపుతోన్న ఫొటోని పోస్ట్ చేసింది.

పలువురు తారలు నేడు జన్మదిన వేడుకలను జరుపుకొంటున్నారు. ఈ సందర్భంగా ఇన్‌స్టాపురమంతా పుట్టినరోజు శుభాకాంక్షలతో నిండిపోయింది. జనసేనాని, పవర్‌ స్టార్‌ పవన్‌ కళ్యాణ్‌ పుట్టినరోజు సందర్భంగా నిహారిక, మధుప్రియ, అంజలి తదితరులు శుభాకాంక్షలు తెలిపారు. ఇక నటి జీవితను తన కుమార్తె శివాత్మిక విష్ చేయగా.. మరో నటి మీనా తన సహనటుడు కిచ్చా సుదీప్‌కి జన్మదిన శుభాకాంక్షలు తెలియజేసింది. బాలీవుడ్‌ భామ సన్నీ లియోన్ తన ఆంటీ బర్త్‌డే కోసం ఏకంగా పెయింటింగే వేసింది. ఆ విశేషాలు చూద్దాం రండి...

ప్రముఖ హీరోయిన్‌ మీనా తన ఫిష్‌ పాట్‌లో ఉన్న చేపలను చూస్తోన్న ఫొటోని పోస్ట్‌ చేస్తూ ‘ఎవరైనా ఈ ఫొటోకి మంచి క్యాప్షన్‌ పెడతారా’ అని అభిమానులను అడిగింది. దాంతో ‘మీనాలను చూస్తోన్న మీనా’, ‘ఒక అందమైన చేప మరో రెండు అందమైన చేపలను చూస్తోంది’, ‘బంగారు వర్ణపు చేపలను చూస్తోన్న అందాల రాశి’ అంటూ పలువురు అభిమానులు కామెంట్ల రూపంలో పెట్టారు. వీటికి స్పందింస్తూ ‘వావ్‌.. మీరు ఇచ్చిన క్యాప్షన్లలో ఒక్కదానినే ఎంచుకోవాలంటే చాలా కష్టం. నాకు అన్నీ నచ్చాయి. మీ ఇమాజినేషన్‌కి ముగ్ధురాలినయ్యాను. అందరికీ కృతజ్ఞతలు’ అంటూ అభిమానులకు రిప్లై ఇచ్చిందీ సుందరి.

అందాల తార సమంత క్యారట్లను పట్టుకొని దిగిన ఫొటోని అభిమానులతో పంచుకుంది. దీనికి ‘ఈ వారం మెనూ.. క్యారట్‌ జ్యూస్‌, క్యారట్‌ పచ్చడి, క్యారట్‌ హల్వా, క్యారట్‌ ఫ్రై, క్యారట్‌ పకోడి, క్యారట్‌ ఇడ్లీ, క్యారట్‌ సమోసా’ అంటూ ‘గ్రో విత్‌ మి’ అనే హ్యాష్‌ట్యాగ్‌ని జత చేసిందీ భామ. ఈ క్యారట్లను సమంతే స్వయంగా తన గార్డెన్‌లో పండించింది.

నటి ప్రగతి తన తాజా ఫొటోని పోస్ట్‌ చేసింది. దీనికి ‘మీకు మీరే ఒక ఫైటర్.. గతంలో మీరు అధిగమించిన సమస్యలను, పరిస్థితులను ఒక్కసారి గుర్తు తెచ్చుకోండి. ఇప్పుడు కూడా అలాగే పోరాడండి.. పారిపోకండి..’ అంటూ కరోనా కష్ట కాలంలో తన అభిమానులకి ధైర్యం చెబుతోందీ సూపర్‌ మామ్.

టాలీవుడ్‌ భామ రేణూ దేశాయ్‌ తన జుట్టు విరబోసినట్టుగా ఉన్న ఫొటోని అభిమానులతో పంచుకుంది. దీనికి ‘హ్యుమిడిటీ వల్ల నా జుట్టంతా చింపిరిగా మారింది.. పిచ్చుకలు కచ్చితంగా నా జుట్టుపై గూళ్లు కడతాయి.. దయచేసి వాటిని లెక్కించండి’ అంటూ తన స్నేహితులను జత చేసిందీ భామ.

టాలీవుడ్‌ భామ లావణ్యా త్రిపాఠి అంటే మనకు మొదట గుర్తుకు వచ్చేది ‘అందాల రాక్షసి’ చిత్రం. ఈ చిత్రం విడుదలై నేటితో 8 వసంతాలను పూర్తి చేసుకుంది. ఈ సందర్భంగా లావణ్య ఈ సినిమాలోని కొన్ని ఫొటోలను అభిమానులతో పంచుకుంది.

సూపర్‌ స్టార్‌ మహేష్‌ బాబు సోదరి మంజులా ఘట్టమనేని తన కుటుంబ సభ్యులు భౌతిక దూరం పాటిస్తూ మాట్లాడుకుంటున్నట్టుగా ఉన్న ఓ ఫొటోని పోస్ట్ చేసింది. దీనికి ‘భౌతిక దూరం పాటించడం అంత కష్టంగా ఏమీ లేదు.. ఇది మన ప్రమేయం లేకుండా వచ్చింది’ అంటూ ఫ్రెండ్స్‌ టైమ్ హ్యాష్‌ట్యాగ్‌ని జోడించింది.

అందాల తార కియారా అడ్వాణీ నేడు తన పుట్టిన రోజు జరుపుకొంటోంది. ఈ సందర్భంగా వివిధ కేకుల ముందు కూర్చొని ఉన్న ఫొటోని అభిమానులతో పంచుకుంది. ‘నా పుట్టిన రోజు సందర్భంగా నా కుటుంబ సభ్యులు, స్నేహితులు, అభిమానులు... వీడియోలు, మెసేజ్‌లు, ఫోన్‌ కాల్స్‌తో ప్రేమాభిమానాల వర్షం కురిపించారు. మీ అందరికీ నా హృదయపూర్వక ధన్యవాదాలు. చాలా ఆనందంగా ఉంది. నేను ఇప్పుడు ఎలా ఉన్నానో, మీరు కూడా అంతే ఆనందంగా, ఆరోగ్యంగా ఉండాలని ప్రార్థిస్తున్నాను.. ఇదంతా దేవుని ఆశీర్వాదమే’ అంటూ రాసుకొచ్చిందీ సుందరి.

టాలీవుడ్‌ సెన్సేషనల్‌ హీరో విజయ్‌ దేవరకొండ, అందాల తార రీతూ వర్మ నటించిన చిత్రం ‘పెళ్లిచూపులు’. చిన్న సినిమాగా విడుదలై మంచి కలెక్షన్లు పొందిన ఈ చిత్రం విడుదలై నేటికి నాలుగు సంవత్సరాలైంది. ఈ సందర్భంగా రీతూ వర్మ అప్పటి జ్ఞాపకాలను, ఫొటోలను అభిమానులతో పంచుకుంది.

టాలీవుడ్‌ భామ రకుల్‌ ప్రీత్‌ సింగ్‌ దేనికోసమో ఎదురు చూస్తున్నట్టుగా ఉన్న ఫొటోని పోస్ట్‌ చేసింది. ఫొటోకి తగ్గట్టే ‘ప్రపంచమంతా ఎప్పుడెప్పుడు సాధారణ స్థితికి చేరుకుంటుందా అని వేచిచూస్తున్నా’ అని రాసుకొచ్చిందీ సుందరి.

మహేష్ సతీమణి నమ్రతకు టాలీవుడ్‌ అందాల భామ రష్మిక ఒక స్పెషల్‌ గిఫ్ట్‌ పంపించింది. ఇంతకీ అదేంటో తెలుసా? ఆవకాయ పచ్చడి, మామిడి కాయలు.

ఈ రోజు కరిష్మా కపూర్ పుట్టిన రోజు సందర్భంగా తన సోదరి కరీనా కపూర్, మరో నటి సోనమ్ కపూర్‌లు శుభాకాంక్షలు తెలిపారు. ఈ సందర్భంగా తనతో దిగిన ఫొటోలను అభిమానులతో పంచుకుంటూ.. కరిష్మా తమకు ఎన్నో రకాలుగా స్ఫూర్తిదాయకురాలని కొనియాడారు.

యాంకర్ సుమ చాలా రోజుల తర్వాత సెట్స్కి వచ్చింది. ‘అన్ని రకాల జాగ్రత్తలు తీసుకుంటూ బాధ్యతగా ఉంటున్నా’ అంటూ ఓ వీడియోని తన అభిమానులతో పంచుకుంది.

బాలీవుడ్ నటుడు సుశాంత్ సింగ్ రాజ్పుత్ ఆత్మహత్య చేసుకుని అర్థాంతరంగా తనువు చాలించాడు. బిహార్ రాజధాని పాట్నాలో జన్మించిన సుశాంత్.. AIEEEలో 7వ ర్యాంక్ సాధించినా నటనపై ఉన్న మక్కువతో ఇంజినీరింగ్ చివరిలో వదిలేసి సినిమా రంగంలోకి ప్రవేశించారు. ఎన్నో డక్కాముక్కీలు తిన్న సుశాంత్ అనతికాలంలోనే స్టార్గా ఎదిగాడు. టీమిండియా స్టార్ క్రికెటర్ ధోనీ జీవితకథ ఆధారంగా తెరకెక్కిన ‘ఎమ్.ఎస్.ధోని: ది అన్టోల్డ్ స్టోరీ’లో ప్రధాన పాత్ర పోషించి దేశవ్యాప్తంగా ప్రేక్షకాదారణను సొంతం చేసుకున్నాడు. ఎంతో చక్కటి భవిష్యత్తు ఉన్న ఈ హీరో 34 ఏళ్ల వయసులోనే తనువు చాలించడంతో సినీలోకం ఒక్కసారిగా దిగ్భ్రాంతికి లోనైంది. పలువురు తారలు తమ సంతాపాన్ని తెలియజేశారు. మరికొంతమంది తారలు సుశాంత్తో దిగిన ఫొటోలను ఇన్స్టాగ్రామ్ వేదికగా అభిమానులతో పంచుకుని, అతనితో తమకున్న బాంధవ్యాన్ని తలచుకుని భావోద్వేగానికి లోనయ్యారు.