scroll top

సమస్త సృష్టికి ఆధారం.. అనంత శక్తికి సంకేతం..
వసుధను నడిపే వసుంధరకు వందనం! శిరసాభివందనం!!

Video Gallery

share your story హృదయ రాగం
ఓ సోదరి

'బావే నమ్మించి మోసం చేశాడు..!'

'మన దేశంలో మహిళల భద్రత కోసం ఎన్ని చట్టాలు రూపొందించినా లైంగిక వేధింపులు ఎదుర్కొనే అమ్మాయిల సంఖ్య అంతకంతకూ పెరుగుతూనే ఉంది. ఈ బాధితుల్లో చిన్నపిల్లలు కూడా ఉండడం చింతించాల్సిన విషయం. అంతకంటే దౌర్భాగ్యం ఏంటంటే.. అసలు తాము వేధింపులకు గురవుతున్నట్లు కూడా ఆ చిన్న వయసులో కొందరికి తెలియకపోవడం! ఫలితంగా పురుషుల్లో ఎవరిని నమ్మాలన్నా మనసులో భయం గూడుకట్టుకొని పోతోంది. సరిగ్గా ఇలాంటి పరిస్థితుల నుంచే బయటపడిన ఓ అమ్మాయి యుక్తవయసుకు వచ్చిన తర్వాత మరొక అబ్బాయిని నమ్మింది. గాఢంగా ప్రేమించింది.. కానీ అతడు కూడా ఆమెను వంచించాడు. ఇలాంటి పరిస్థితుల్లో ఆమె ఏం చేసింది? ఎలాంటి నిర్ణయం తీసుకుంది? మొదలైన ప్రశ్నలన్నింటికీ సమాధానం తెలియాలంటే ఆమె మనసు పలికే హృదయరాగం వినాల్సిందే..'

Know More

Movie Masala

 
category logo

అందుకే ఇరవై ఏళ్ల లోపే పెళ్లి చేసుకున్నా!

Telugu Actresses Annapoorna And Vijaya In Alitho Saradaga Chat Show

వెండితెరపై వారిద్దరిదీ విభిన్న ప్రస్థానం. ఒకరు తల్లి పాత్రలతో అందరి మదిలో ‘అమ్మ’గా నిలిచిపోతే, మరొకరు గయ్యాళి పాత్రలతో ‘అమ్మో’ అనిపించుకున్నారు. తమ యాభై యేళ్ల సినీ ప్రస్థానంలో వారు ఎన్నో గుర్తుండిపోయే పాత్రల్లో నటించారు. తమ అద్భుత అభినయంతో అశేష అభిమానాన్ని సొంతం చేసుకున్నారు. వారే సీనియర్‌ నటీమణులు అన్నపూర్ణమ్మ, వై. విజయ. గతేడాది ‘ఎఫ్ 2’ సినిమాలో కలిసి నవ్వుల పువ్వులు పండించిన వీరు తాజాగా ఈటీవీలో ప్రసారమయ్యే ‘ఆలీతో సరదాగా’ కార్యక్రమంలో పాల్గొన్నారు. ఈ సందర్భంగా తమ సినీ కెరీర్‌, ఎదుర్కొన్న ఒడిదొడుకులు, ఆనందపడ్డ క్షణాలు... ఇలా ఎన్నో అనుభూతులను అందరితో పంచుకున్నారు. మరి, ఆ సరదా సంగతులేంటో మనమూ తెలుసుకుందాం రండి..
మీ పేరు ఉమ కదా..! మరి అన్నపూర్ణగా ఎలా మారారు?
అన్నపూర్ణ: మాది విజయవాడ. నేను ఒకట్రెండు సినిమాలు చేసేవరకూ నా పేరు ఉమ అనే తెరపై వేశారు. దాసరి నారాయణరావు సినిమా చేస్తున్న సమయంలో రచయిత సి. నారాయణరెడ్డి నా పేరును అన్నపూర్ణగా మార్చారు. ఆ పేరు నాకు చాలా బాగా నచ్చింది. సుమారు 700-800 సినిమాల్లో ఆ పేరుతోనే నటించాను.
ఇండస్ట్రీలో బాగా నచ్చిన హీరో ఎవరు.?
అన్నపూర్ణ: నాకు అప్పటికీ.. ఇప్పటికీ ఎప్పటికైనా ఎన్టీఆర్‌.. (వెంటనే ఆలీ స్పందిస్తూ.. ‘సూపర్’ మనిద్దరం ఒకటే అని చెప్పగా.. నేను కూడా అని విజయ తనకు ఎన్టీఆర్‌ అంటే ఇష్టమని అన్నారు)
మూడేళ్ల వయసులోనే రేడియో పాట విని డ్యాన్స్ చేసేవారట..!
వై.విజయ: చిన్నతనంలో రేడియోలో పాట వస్తే.. డ్యాన్స్‌ చేస్తూ చేస్తూ అలాగే అలసిపోయి పడిపోయేదాన్ని. స్కూల్‌లో కూడా బాగా డ్యాన్స్‌ చేసేదాన్ని. ఆ తర్వాత కాలేజీ ఫంక్షన్లలో చేస్తుండేదాన్ని. పాపకు డ్యాన్స్‌ అంటే బాగా ఆసక్తి ఉందని తెలుసుకొని అప్పుడు మా అమ్మానాన్న నన్ను మద్రాసు తీసుకొచ్చి వెంపటి చినసత్యం మాస్టార్‌ దగ్గర చేర్పించారు. ఈ విషయంలో మా అమ్మానాన్న చాలా గ్రేట్‌. రేఖ, హేమమాలిని కూడా అక్కడే డ్యాన్స్‌ నేర్చుకునే వాళ్లు.

annapurnavijayainterviewgh650-2.jpg
హీరోయిన్‌గా మొదటి సినిమా..?
వై.విజయ: మేం పదిమంది సంతానం. ఆరుగురు ఆడపిల్లలం, నలుగురు మగవాళ్లు. అప్పుడు నాకు 13 సంవత్సరాలు. శోభన్‌బాబు సినిమా ‘తల్లిదండ్రులు’లో నటించా. ఆ సినిమాలో సావిత్రి, జగ్గయ్యగారు కూడా ఉన్నారు. శోభన్‌బాబు మేనకోడలు పాత్ర నాది. ఆయనతో మూడు పాటలు ఉన్నాయి. ఇదెలా జరిగిందంటే.. మా నాన్నగారేమో నన్ను చదివించాలని.. మా అమ్మేమో నాకు డ్యాన్స్‌ నేర్పించాలని. నాకోసం ప్రత్యేకంగా ఇల్లు తీసుకున్నారు. కేవలం డ్యాన్స్‌ కోసం ఇలా ఏ తల్లిదండ్రులు చేసి ఉండరు. డ్యాన్స్‌ నేర్చుకునేటప్పుడు కె.విశ్వనాథ్‌ గారి దర్శకత్వంలో ఎస్వీఎస్‌ ప్రొడక్షన్స్‌లో సినిమా జరుగుతోంది. అందులో ఒక పాట కోసం పేద అమ్మాయిలా చేశాను. అప్పుడు డ్యాన్సర్ల కోసం సినిమా వాళ్లు పాఠశాలలకు వచ్చేవాళ్లు.
మీరెప్పుడు కెమెరా ముందుకు వచ్చారు..?
అన్నపూర్ణ: కెమెరా ముందుకు ఎప్పుడు వచ్చానో గుర్తు లేదు. కానీ, అంతకుముందు నాటకాలు వేసేవాళ్లం. 1967లో పడమూడేళ్ల సమయంలో నాటకాలతో మొదలైంది నా జీవితం. ‘నీడలేని ఆడది’ సినిమాలో మద్రాసు నుంచి రావాల్సిన అమ్మాయి రైళ్లు లేకపోవడంతో రాలేకపోయింది. దీంతో బెజవాడ నుంచి నన్ను వైజాగ్‌కు పిలిపించారు. నాతో పాటు నూతన ప్రసాద్‌కు అదే మొదటి సినిమా. సినిమా పేరు ‘నీడలేని ఆడది’.. కానీ నాకు మాత్రం బాగానే నీడ దొరికింది.

annapurnavijayainterviewgh650-1.jpg
మీ మొదటి సినిమా..?
అన్నపూర్ణ: ‘అమ్మాయిలూ జాగ్రత్త’. అందులో ముగ్గురు హీరోయిన్లు. నరసింహరాజు హీరో. ఆ సినిమాలో ఒక ముసలాయనతో నాకు పెళ్లి చేస్తారు. హీరోతో వెళ్లిపోయి పెళ్లి చేసుకుందామని అనుకునే పాత్ర నాది.
వై.విజయ: రామారావుగారి కూతురు పురంధేశ్వరి, నేనూ డ్యాన్స్‌ స్కూల్‌ స్నేహితులం. అందువల్ల నేరుగా వాళ్లింటికి వెళ్లిపోయేదాన్ని. అప్పటికే హీరోయిన్‌గా పదిహేను సినిమాలు చేశాను. రామారావుగారితో ‘శ్రీకృష్ణ సత్య’ చేశాను. ఆ సినిమా సమయంలో నన్ను చూసి ‘మీరు నా పక్కన ఆనరు. కొంచెం లావు కావాలి’ అని రామారావు గారు అన్నారు. రామారావు, ఎంజీఆర్‌, రజనీకాంత్‌, కమల్‌ హాసన్‌, శివాజీ గారితో సినిమాలు చేశాను. వాళ్ల దగ్గరే మర్యాద.. భయం.. టైమింగ్‌ అన్నీ నేర్చుకున్నాం.
మీ పెళ్లెప్పుడు జరిగింది..?
అన్నపూర్ణ: అదో విచిత్ర పరిస్థితి (నవ్వుతూ). ఇరవై యేళ్ల లోపే పెళ్లి చేసేసుకున్నా. ఎవడుపడితే వాడు లవ్‌ చేస్తానంటాడు. అందుకే వివాహం చేసుకున్నా. చాలామంది ప్రపోజ్‌ చేశారు. ‘ఏమంటావ్‌.. ఏమంటావ్‌’ అనేవాళ్లు. ‘ఇప్పుడప్పుడే నేనేం అనుకోవట్లేదు’ అని తప్పించుకునేదాన్ని. మా ఆయన ఓ ఉద్యోగి. కాస్త మెతక వ్యక్తి. ఆయనది బందరు. సినిమాల్లోకి వచ్చేటప్పటికి నాకు పెళ్లయిపోయింది. నాకన్నీ మా అమ్మే. ఇండస్ట్రీ.. మా అమ్మ.. రెండూ నా ప్రాణాలు. ఈ రెండే నా జీవితాన్ని మార్చేశాయి.
అమ్మలాంటి సినిమాకు అన్నపూర్ణమ్మ అమ్మగా మారారు.. ఎలా అనిపిస్తోంది?
అన్నపూర్ణ: ఆ భగవంతుడు ఎంత అదృష్టాన్నిచ్చాడో చెప్పలేను. కానీ.. నేను కోరుకున్నదే ఈ వేషం. ఈ పాత్ర చేయాలని నన్నెవరూ బలవంతపెట్టలేదు. రెండే సినిమాలు హీరోయిన్‌గా చేసి మానేశాను. ఎవరైనా సినిమా వాళ్లు వస్తే.. అమ్మ కానీ.. అక్క కానీ.. వదిన లాంటి పాత్రలు ఉంటే వేస్తాను అని చెప్పేదాన్ని. అప్పట్లో రూ. 2 వేలు.. మూడు వేలు.. ఇచ్చేవాళ్లు.

ఒక రోజుకు ఎన్ని సినిమాలు చేసేవాళ్లు..?
వై.విజయ: ఒకరోజుకు మూడు నాలుగు సినిమాలు.. రెండు డబ్బింగ్‌లు. ఒక రోజు ఐదారు సినిమాల షూటింగ్‌లకు హాజరయ్యేదాన్ని. షూటింగ్‌, డబ్బింగ్‌ పూర్తి చేసుకున్న తర్వాత ట్రైన్‌లో తిరుపతి వెళ్లేదాన్ని.
అప్పట్లోనే వెరైటీ హెయిర్‌స్టైల్‌ వేసేవారట...!
అన్నపూర్ణ: నాకు జుట్టు తక్కువగా ఉండేది. నిజానికి బుద్ధిమంతులకు జుట్టు ఎక్కువ ఉండదు (నవ్వుతూ). ‘అమ్మాయిలూ జాగ్రత్త’ కోసం క్యారక్టర్‌ ఆర్టిస్ట్‌లు కావాలని పి.సాంబశివరావు బెజవాడకు వచ్చారు. అప్పుడు నన్ను చూసి.. ‘బాగానే ఉన్నావు కానీ.. జుట్టు చూస్తే టైఫాయిడ్‌ రోగిలా ఉన్నావ్‌’ అన్నారు. అప్పటి దాకా నాకా విషయం తెలియదు. ‘ఏమోనండీ.. మరి ఇదే ఉంది’ అన్నాను. అలా అనకూడదని కూడా అప్పట్లో నాకు తెలియదు.
అమ్మ వేషాలు వేసిన అన్నపూర్ణమ్మకి ఇటీవల...
అన్నపూర్ణ: కోడంబాకంలో విలాసినిరెడ్డి అని ఒక డాక్టర్‌ ఉండేవారు. మన సినిమా వాళ్లందరూ ఆవిడ దగ్గరే పురుడు పోయించుకున్నారు. కేవలం ఐదు రూపాయలే తీసుకునేది. ఆమె దగ్గరికి వచ్చిన వాళ్లు మొత్తం రూ.300 ఖర్చుతో పురుడు ముగించుకుని ఇంటికి తిరిగి వెళ్లిపోయేవారు. ఆమెను చూసిన తర్వాత.. ఒక ఆడపిల్లను పెంచుకొని ఆమెలా తయారు చేయాలని అనుకున్నాను. మా బెజవాడలో ఆస్పత్రి పెట్టి ఐదు రూపాయలకే వైద్యం అందించాలని అనుకున్నాను. అందుకే ఒక ఆడపిల్లను పెంచుకున్నాను. కానీ.. ఆమెకు చదువు ఎక్కలేదు. ‘నాకు చదువు రావట్లేదు ఏం చేయాలి’ అనేది. చాలా అందంగా ఉండేది. 18 ఏళ్లు వచ్చాక మంచి సంబంధం చూసి పెళ్లి చేశాం. ఆమెకు ఒక ఆడపిల్ల పుట్టింది. అయితే ఆ పాపకు మాటలు రాలేదు. మూగ కూతురు పుట్టిందని దిగులు పెట్టుకుందో ఏమో.. ఆత్మహత్య చేసుకుంది. ఆ పాపకు ఇప్పుడు మాటలు వస్తున్నాయ్‌. హీరోయిన్‌ ‘టబు’లా ఉంటుంది. బహుశా ఆమె సినిమాల్లోకి వస్తుందేమో.. నేను బతికుంటే కచ్చితంగా తీసుకొస్తా.

annapurnavijayainterviewgh650-3.jpg
మీ వివాహం ఎలా జరిగింది?
వై.విజయ: నేను సినిమా వాళ్లను కాకుండా బయటవాళ్లను పెళ్లి చేసుకోవాలని అనుకునేదాన్ని. అలా అని నాకు సినిమా రంగంలో ఎలాంటి చేదు అనుభవాలు లేవు. ఆయన కడపలో ప్రిన్సిపల్‌గా పనిచేసేవారు. మా నాన్నగారు చనిపోయినప్పుడు.. మమ్మల్ని పరామర్శించడానికి వచ్చారు. ఆ సమయంలోనే నాకు పరిచయమయ్యారు. పెళ్లి చేసుకుందామని నేనే అడిగాను. ఆయన ఓకే అన్నారు. 1985 జనవరి 27న పెళ్లి చేసుకున్నాం. మా పెళ్లికి ముందు రోజు కోడి రామకృష్ణగారి సినిమా ‘మా పల్లెలో గోపాలం’ షూటింగ్‌లో 11 గంటలు పాల్గొన్నాను. రాత్రి 12 గంటలకు షూటింగ్‌ అయిపోయింది. ఆ తర్వాత రోజు రిజిస్టర్ మ్యారేజ్ చేసుకున్నాం. నేను కోరుకున్నట్లుగానే ఆ భగవంతుడు ఒక మంచి భర్తను నాకు ఇచ్చాడు. మాకో అమ్మాయి.
విజయశాంతి.. మీరూ కలిసి ఏదో బిజినెస్‌ పెట్టారట..?
వై.విజయ: బిజినెస్‌ పెట్టలేదు. నాకు సలహా ఇచ్చిందామె. నన్ను అక్కా అని పిలిచేది. ‘ఈ సినిమాలను ఎంతకాలమని నమ్ముకుంటాం. ఇంకా ఏదైనా చేసుకోవాలి’ అని చెప్పింది. ‘నేను కమర్షియల్ ఫ్లాట్ కొన్నాను. అద్దె కూడా వస్తుంది. భవిష్యత్‌లో బతకాలంటే కనీసం నెలకు రూ.లక్ష అయినా కావాలి’ అని చెప్పింది. ‘అంటే ఏం చేయాలి శాంతి’ అని అడిగా. ‘ఏదైనా కాంప్లెక్సు లేదా కల్యాణ మండపం ఉంటే హ్యాపీగా ఉండొచ్చు. సినిమాల్లేకపోయినా బతకొచ్చు.’ అని చెప్పింది. ఇదే విషయాన్ని మా ఆయనతో చెప్పాను. ఇందులో భాగంగానే 1995లో విజయా తిరుమల మండపం ఏర్పాటు చేశాం.
మీరు ఉంటేనే సినిమా చేస్తాం అని చెప్పిన డైరెక్టర్‌ ఎవరు..?
వై.విజయ: రామ్‌గోపాల్‌ వర్మ. ‘అనగనగా ఒకరోజు సినిమా’కు ఓకే చెప్పాను. ఆ తర్వాత మా అక్క చనిపోవడంతో షూటింగ్‌కు వెళ్లలేదు. ఆ తర్వాత ఒకసారి విమానాశ్రయంలో వర్మ కలిశారు. ‘సారీ అండీ నేను మీ సినిమా చేయలేకపోయాను’ అని చెప్పగానే.. లేదమ్మా షెడ్యుల్‌ మార్చాము. ఈ సినిమాలో పాత్ర మీరే చేయాలని అన్నారు. అలా నా కోసం షెడ్యుల్‌ మార్చారు. ఆయన లాంటి వ్యక్తులు కొంతమందే ఉంటారు.

ఈవీవీకి మోడ్రన్‌ లేడీగా ఎలా కనిపించారు?
అన్నపూర్ణ: ఆయన లవర్‌ బాయ్‌. తెల్ల జుట్టు పెట్టి ఎప్పుడూ ముసలిదానిలా చూపిస్తున్నారు. వెరైటీగా ఉంటే చూస్తారని రెండు సినిమాలు చేయించారు నాతో. ‘హలో బ్రదర్‌’, ‘అప్పుల అప్పారావు’.
కారు కొనుక్కుంటే రెమ్యునరేషన్‌ ఎక్కువ ఇస్తారని ఎవరో ఒక పెద్ద నటుడు చెప్పారట.. కారు కొన్నారా..?
అన్నపూర్ణ: రావుగోపాల్‌రావు గారు. అన్నమ్మ.. అన్నమ్మ అని పిలిచేవారు. ‘కారు ఉంటే మన రెమ్యునరేషన్‌ పెంచుతారు.. దర్జాగా ఉంటుంది.. మనకు విలువ ఇస్తారు’ అని చెప్పారు.
ఇండస్ట్రీలోకి రాగానే కారు కొనుక్కుంటే అదో కష్టం.. ఇప్పుడు కొనకపోతే ఇంకొక కష్టం. ఇప్పటికీ మాకు కారు లేదు. ఈ వయసులో ఎక్కడికి పోతాం.. పైగా కరోనా అందరి కళ్లు తెరిపించింది.

అన్నపూర్ణమ్మ రెమ్యునరేషన్‌ ఎక్కువ అడుగుతుందన్న కారణంతో ఏవైనా సినిమాలు వెళ్లిపోయాయా?
అన్నపూర్ణ: ఒకటో రెండో పోతాయ్‌. పోయేవాడు ముందే వద్దనుకునే మన దగ్గరికి వస్తాడు. మన వాళ్లు మంచివాళ్లే గానీ మా జనరేషన్‌ వాళ్లకు డబ్బు తక్కువే ఇద్దామని ఫిక్స్‌ అయిపోతారు. ఇంతకు ముందు డిమాండ్‌ చేసేది కాదు.. ఇప్పుడు డిమాండ్‌ చేస్తుందని అంటున్నారు. మేమెంత కాలం ఉంటాం ఆలీ..! ఇప్పుడు కూడా డిమాండ్‌ చేసి అడక్కపోతే ఎలా..? దగ్గరదగ్గర యాభై ఏళ్ల అనుభవం ఉంది మాకు.

మీకు నచ్చిన సినిమా..?
అన్నపూర్ణ: కోడి రామకృష్ణగారితో చేసిన ‘ఇంటి దొంగ’. సినిమా చూసి అప్పుడు నన్నొకాయన ప్రేమించారు. నేనెక్కడో రాజమండ్రిలో ఉంటే అక్కడికి కూడా వచ్చారు. ఏ వయసుకు ప్రేమికులుంటారో అప్పుడు తెలిసింది నాకు. అలాగే కూర్చొని ఉన్నారు. ఎవరో మనకేం తెలుసు. ‘నేను వెళ్లిపోతున్నా.. ఆమెని కొంచెం పిలవండి’ అన్నారు. నా దగ్గరికి వచ్చి.. నా కొడుకు మాకు అన్యాయం చేశాడు. దాంతో నా భార్య చచ్చిపోయింది. ఏమైనా అలాంటి ఊహ ఉంటే కబురు పెట్టండని అన్నారు. ‘లేదండి.. వేషాలు అలా ఉంటాయి. ఇది మంచి పద్ధతి కాదు. మీరు మీ ఊరెళ్లిపోండి’ అన్నాను.





women icon@teamvasundhara
jayasudha-latest-grey-hair-look-goes-viral-on-social-media

మా ‘సహజ నటి’ ఎందుకిలా మారిపోయారు?

జయసుధ... నాలుగున్నర దశాబ్దాలుగా సినీ కళామతల్లికి సేవలు అందిస్తున్న ఈమె గురించి ప్రత్యేక పరిచయం అవసరం లేదు. అలనాడు కథానాయికగా కుర్రకారు మనసులు దోచుకున్న ఆమె... నేడు మోడ్రన్‌ మదర్‌గా వైవిధ్యమైన పాత్రల్లో మెప్పిస్తున్నారు. ఇలా తన అందం, అభినయంతో తెలుగు ప్రేక్షకుల మదిలో ‘సహజనటి’గా సుస్థిర స్థానం సంపాదించుకున్న జయసుధ చివరిగా రెండేళ్ల క్రితం ‘రూలర్‌’ సినిమాలో నటించారు. ఆ సినిమా తర్వాత ఎక్కడా కనిపించని ఆమె చాలా రోజుల తర్వాత మన ముందుకొచ్చారు. ఇందులో భాగంగా ‘జానకి కలగనలేదు’ అనే సీరియల్‌ బృందానికి అభినందనలు తెలుపుతూ సోషల్‌ మీడియాలో ఓ వీడియోను రిలీజ్‌ చేశారీ అందాల తార.

Know More

women icon@teamvasundhara
richa-gangopadhyay-announces-pregnancy-on-social-media

మా బార్బీ డాల్ కోసం ఎంతో ఆతృతగా ఎదురు చూస్తున్నాం!

అమ్మతనం మాటలకందని అనుభూతినిస్తుంది. కడుపులో నలుసు పడిన క్షణం మొదలు ప్రసవం అయ్యేంత వరకు ప్రతి క్షణం పుట్టబోయే బిడ్డ గురించే ఆలోచిస్తుంటుంది అమ్మ మనసు. ఎప్పుడెప్పుడు తన చిన్నారిని చేతుల్లోకి తీసుకుందామా అని ఎదురుచూస్తూ మాతృత్వంలోని మధురిమలను ఆస్వాదిస్తుంటుంది. ప్రస్తుతం అలాంటి మధురానుభూతుల్లోనే తేలియాడుతోంది రిచా గంగోపాధ్యాయ్‌. ‘మిర్చి’ సినిమాలోని ‘మానస’ పాత్రతో కుర్రకారు మనసులు కొల్లగొట్టిన ఈ అందాల తార త్వరలోనే అమ్మగా ప్రమోషన్‌ పొందనుంది. ఈ మేరకు సోషల్‌ మీడియా ద్వారా తను తల్లి కాబోతున్న శుభవార్తను అందరితో షేర్‌ చేసుకుని మురిసిపోయిందీ ముద్దుగుమ్మ.

Know More

women icon@teamvasundhara
sreemukhi-chitchat-with-fans-in-instagram-in-telugu

నా బాయ్ ఫ్రెండ్ పేరు ఏంటంటే...!

శ్రీముఖి... తెలుగు ప్రేక్షకులకు ప్రత్యేక పరిచయం అవసరం లేని పేరు. బుల్లితెరపై తనదైన స్టైల్‌, మ్యానరిజమ్స్‌తో ఇట్టే ఆకట్టుకునే ఈ అందాల తార ..‘నేను శైలజ’, ‘జులాయి’ తదితర హిట్ సినిమాలతో వెండితెర ప్రేక్షకులను కూడా మెప్పించింది. ఇక బిగ్‌బాస్‌-3 రియాల్టీ షోలో రన్నరప్‌గా నిలిచి అమితమైన క్రేజ్‌ను సొంతం చేసుకున్న శ్రీ ప్రస్తుతం పలు టీవీ షోలు, కార్యక్రమాలతో బిజీబిజీగా ఉంటోంది. సోషల్‌ మీడియాలోనూ చురుగ్గా ఉండే ఈ భామ... తన వృత్తిగత, వ్యక్తిగత విషయాలను ఎప్పటికప్పుడు అందులో పోస్ట్‌ చేస్తుంటుంది. ఈ క్రమంలో తాజాగా ఇన్‌స్టాగ్రామ్‌ వేదికగా ‘Post A Picture of’! Or ‘Ask Me Anything’ పేరుతో తన అభిమానులతో ముచ్చటించింది. ఈ సందర్భంగా తన కుటుంబ సభ్యులు, పలువురు ప్రముఖులతో దిగిన ఫొటోలతో పాటు ఫ్యాన్స్ అడిగిన పలు ప్రశ్నలకు సరదాగా సమాధానాలిచ్చింది.

Know More

women icon@teamvasundhara
mira-rajput-held-an-ask-me-anything-session-on-instagram-and-answered-multiple-questions-about-her-life-marriage-and-more

షాహిద్‌ కాదు.. అతడే నా ఆల్‌టైమ్‌ క్రష్!

మన జీవితంలో మనకు ఇష్టమైన వాళ్లు ఎంతమంది ఉన్నా.. తొలిచూపులోనే మన మనసు దోచుకున్న వాళ్లు (క్రష్‌) మాత్రం ఒక్కరే ఉంటారు. ఈ ప్రశ్నకు సమాధానం తన భర్త షాహిద్‌ మాత్రం కాదంటోంది మీరా రాజ్‌పుత్‌. బాలీవుడ్‌ హ్యాండ్‌సమ్‌ హీరో షాహిద్‌ కపూర్‌ భార్యగానే కాదు.. తనదైన ఫ్యాషన్‌ సెన్స్‌తో సోషల్‌ మీడియాలో క్రేజ్‌ సంపాదించుకుందీ ముద్దుగుమ్మ. భర్త, పిల్లలు, కుటుంబ బాధ్యతలతో తానెంత బిజీగా ఉన్నప్పటికీ సోషల్‌ మీడియాలో తన ఫ్యాన్స్‌కు అనుక్షణం టచ్‌లోనే ఉంటుందీ అందాల అమ్మ. అంతేనా.. వీలు చిక్కినప్పుడల్లా వారితో ముచ్చటిస్తుంటుంది కూడా! అలా తాజాగా ఇన్‌స్టాలో ‘ఆస్క్‌ మీ ఎనీథింగ్‌’ సెషన్‌ నిర్వహించింది మీరా. ఈ క్రమంలో తన భర్త, పిల్లలు, బ్యూటీ సీక్రెట్స్‌, ఫిట్‌నెస్‌.. వంటి బోలెడన్ని విషయాలతో పాటు తన క్రష్‌ ఎవరో కూడా చెప్పుకొచ్చింది. మరి, ఆ విశేషాలేంటో మనమూ తెలుసుకుందాం రండి..

Know More

women icon@teamvasundhara
interesting-facts-about-big-boss-14-winner-rubina-dilaik-in-telugu

మన ‘ఛోటీ బహూ’ బిగ్‌బాస్‌ విన్నరైంది!

బిగ్‌బాస్‌.. ఈ టీవీ కార్యక్రమానికి ఉన్న పాపులారిటీ, ప్రత్యేకతే వేరు! వివిధ భాషల్లో ప్రసారమవుతోన్న ఈ షోకు విపరీతమైన జనాదరణ ఉంది. ఏటా ఓ సీజన్‌తో మన ముందుకొస్తోన్న ఈ టీవీ షో.. ఏ భాషలో ప్రసారమైనప్పటికీ అందరి కళ్లూ విజేత ఎవరవుతారన్న ఆతృతతోనే ఎదురుచూస్తుంటాయి. అలా ఈసారి హిందీ బిగ్‌బాస్‌-14 విజేతగా నిలిచింది టీవీ నటి రుబీనా దిలాయిక్‌. ప్రపంచంతో సంబంధం లేకుండా 143 రోజుల పాటు బిగ్‌బాస్ హౌస్లో గడిపిన ఆమె.. తన పెర్ఫార్మెన్స్‌తో ఇతర కంటెస్టెంట్స్కి గట్టి పోటీ ఇచ్చింది. అందుకే ఈ సీజన్‌ విజేతగా నిలిచి ట్రోఫీతో పాటు రూ. 36 లక్షల నగదు బహుమతిని సొంతం చేసుకుంది. మరి, షో ఆద్యంతం తన క్యూట్‌ ఎక్స్‌ప్రెషన్స్‌తో, పోటీతత్వంతో అలరించిన రుబీనా గురించి కొన్ని ఆసక్తికర విశేషాలు తెలుసుకుందాం రండి..

Know More

women icon@teamvasundhara
alitho-saradaga-special-chat-show-with-srilakshmi-and-hema

అందుకే... నాకు కష్టమొస్తే గోడకు చెప్పుకుంటున్నా!

వారు తమ నటనతో వెండితెరపై నవ్వుల పువ్వులు పండించారు. తమకే సాధ్యమైన మేనరిజమ్స్‌తో, డైలాగులతో ప్రేక్షకుల మదిని దోచారు. కామెడీ నుంచి క్యారక్టర్‌ ఆర్టిస్టు దాకా ఎలాంటి పాత్రలకైనా ప్రాణం పోయగల వారిద్దరే సీనియర్‌ నటీమణులు శ్రీలక్ష్మి, హేమ. సున్నితమైన హాస్యంతో సిల్వర్‌ స్ర్కీన్‌పై తమకంటూ ఓ గుర్తింపు తెచ్చుకున్న వారు ఈటీవీలో ప్రసారమయ్యే ‘ఆలీతో సరదాగా’ తాజా ఎపిసోడ్ లో పాల్గొన్నారు. ఈ సందర్భంగా తమ సినీ కెరీర్‌, ఎదుర్కొన్న ఒడిదొడుకులు, అనందపడ్డ క్షణాలు... ఇలా ఎన్నో అనుభూతులను పంచుకున్నారు. మరి, ఆ సరదా సంగతులేంటో మనమూ తెలుసుకుందాం రండి...

Know More

women icon@teamvasundhara
top-chef-winner-melissa-king-is-proud-of-changing-her-life-style

లేట్‌నైట్ పార్టీలు, మద్యపానంతో నా శరీరాన్ని, మనసును ఎంతో బాధపెట్టా!

మనం తీసుకునే ఆహారం అటు శారీరకంగానే కాదు.. ఇటు మానసికం గానూ ప్రభావం చూపుతుంది. అయితే ప్రస్తుతమున్న యాంత్రిక జీవనంలో చాలామంది ఆరోగ్యకరమైన ఆహారపు అలవాట్లను పాటించడం లేదు. పని ఒత్తిడిలో పడిపోయి కొందరు ఏ అర్ధరాత్రో తింటున్నారు. మరికొందరు సులభంగా దొరుకుతుందనే కారణంతో జంక్‌ఫుడ్‌కు అలవాటుపడుతున్నారు. ఇక లేట్‌ నైట్‌ ప్రోగ్రామ్స్‌, వీకెండ్‌ పార్టీలంటూ ఇంకొందరు ఏది పడితే అది తింటున్నారు. దీంతో తమకు తెలియకుండానే విపరీతంగా బరువు పెరిగిపోతుంటారు. ఈ క్రమంలో ఇలాంటి అనారోగ్యకరమైన ఆహారపు అలవాట్ల కారణంగానే ఒకానొక సమయంలో విపరీతంగా బరువు పెరిగానంటోంది ప్రముఖ అమెరికన్‌ చెఫ్‌ మెలిస్సా కింగ్‌. అనారోగ్యకరమైన లైఫ్‌స్టైల్‌తో లావెక్కిన తన శరీరాన్ని చూసి ఎంతో బాధపడ్డానని చెబుతోంది. ఇక ఇలా బాధపడుతూ కూర్చుంటే ఎలాంటి ఫలితం ఉండదన్న విషయం ఆలస్యంగా గ్రహించినా... అప్పట్నుంచి తన శరీరాన్ని తనకు నచ్చినట్లుగా మార్చుకున్నానంటోంది. ఈ క్రమంలో తన ఫ్యాట్‌ టు ఫిట్‌ జర్నీ గురించి సోషల్ మీడియా వేదికగా అందరితో షేర్‌ చేసుకుందీ అందాల తార.

Know More

women icon@teamvasundhara
meghan-markle-wax-statue-gets-a-baby-bump-after-pregnancy-announcement

women icon@teamvasundhara
urvashi-dholakia-shares-her-views-about-body-shaming-and-loving-her-body
women icon@teamvasundhara
meghana-raj-introduces-her-son-to-world-in-telugu

ఇదిగో.. నా జూనియర్‌ చిరు!

భర్తతో పదేళ్ల ప్రేమ బంధం... రెండేళ్ల దాంపత్య బంధానికి ప్రతిరూపంగా కొన్ని నెలల క్రితం పండంటి మగబిడ్డకు జన్మనిచ్చింది నటి మేఘనా రాజ్‌. దీంతో తనను విడిచి వెళ్లిన చిరంజీవే మళ్లీ తన దగ్గరకు వచ్చాడని తెగ సంబరపడిపోయింది. తన భర్త వదిలి వెళ్లిన మధుర జ్ఞాపకాలను కుమారుడిలో చూసుకుంటూ మురిసిపోయింది. ఈ క్రమంలో బిడ్డే సర్వస్వంగా బతుకుతోన్న మేఘన తాజాగా తన రాకుమారుడిని ప్రపంచానికి పరిచయం చేసింది. ఈ క్రమంలో తన భర్త జ్ఞాపకార్థం కుమారుడికి ‘జూనియర్‌ చిరు’ (సింబా) అని నామకరణం చేసినట్లు ఇన్‌స్టా వేదికగా తెలిపింది. ఈ సందర్భంగా తన జీవితంలోని ముఖ్యమైన సంఘటనలతో మేఘన షేర్‌ చేసుకున్న ఓ వీడియో నెటిజన్లను బాగా ఆకట్టుకుంటోంది.

Know More

women icon@teamvasundhara
manya-singh-daughter-of-a-rickshaw-driver-crowned-miss-india-2020-runner-up

చిన్నప్పుడు పాచిపనులు కూడా చేశా.. అందాల రాణి కన్నీటి గాథ!

‘అందాల పోటీల్లో పాల్గొనే అమ్మాయిలందరూ హై క్లాస్ ఫ్యామిలీస్‌ నుంచే వస్తారు. పుట్టుకతోనే స్థితిమంతులైన అలాంటి వారికి సకల సౌకర్యాలకెలాంటి లోటూ ఉండదు’... మోడలింగ్‌ను కెరీర్గా ఎంచుకునే అమ్మాయిల గురించి చాలామంది అనుకునే మాటలివి. అయితే అందరూ అలా ఉండరని, ఈ మెరుపుల వెనుక మాటలకందని కన్నీళ్లు, దిగమింగలేని కష్టాలు కూడా ఉన్నాయంటోంది తాజా మిస్ ఇండియా రన్నరప్‌ మాన్యాసింగ్‌. తెల్లవారితే ఇంట్లో పొయ్యి వెలుగుతుందో లేదో తెలియని ఓ పేద కుటుంబంలో పుట్టిన తానే ఇందుకు నిదర్శనమంటోంది. మరి కటిక పేదరికం నుంచి ప్రతిష్ఠాత్మక అందాల పోటీల దాకా ఆమె సాగించిన విజయ ప్రస్థానం గురించి మనమూ తెలుసుకుందాం రండి...

Know More

women icon@teamvasundhara
lisa-haydon-ropes-in-son-zack-for-pregnancy-announcement-baby-no-3-coming-this-june

ముచ్చటగా మూడోసారి అమ్మను కాబోతున్నా!

అనిర్వచనీయమైన ఆనందాన్నిచ్చే అమ్మతనం ఆడవారికి మాత్రమే దక్కిన గొప్ప వరం. ఎన్నెన్నో సందేహాలు, మది నిండా సంతోషంతో కొత్తగా తల్లయ్యే అమ్మలందరూ తొలిసారి అమ్మతనాన్ని ఆస్వాదిస్తే.. ఇప్పటికే అమ్మగా ప్రమోషన్ పొందిన మహిళలు అటు అనుభవం, ఇటు మాతృత్వపు మాధుర్యం కలగలిసిన ఈ సరికొత్త అనుభూతిని తనివితీరా ఆస్వాదిస్తుంటారు. ప్రస్తుతం ఇలాంటి అంతులేని ఆనందంలోనే మునిగితేలుతోంది బాలీవుడ్‌ అందాల తార లిసా హెడెన్‌. నాలుగేళ్ల క్రితం జాక్‌ అనే పండంటి మగబిడ్డను ప్రసవించిన ఈ ముద్దుగుమ్మ గతేడాది ఫిబ్రవరిలో లియో అనే మరో బాబుకు జన్మనిచ్చింది. ఈ క్రమంలో ముచ్చటగా మూడోసారి తల్లి కాబోతోంది ఈ అందాల అమ్మ. ఈ సందర్భంగా ఓ బ్యూటిఫుల్‌ వీడియోతో తానే స్వయంగా ఈ శుభవార్తను అందరితో షేర్‌ చేసుకుందీ బ్యూటిఫుల్‌ మామ్‌. దీంతో అటు సెలబ్రిటీలు, ఇటు అభిమానుల నుంచి ఆమెకు శుభాకాంక్షలు వెల్లువెత్తుతున్నాయి.

Know More

women icon@teamvasundhara
fashion-designer-manali-jagtap-shares-about-her-cancer-treatment-and-experiences

గుండె రాయి చేసుకున్నా.. క్యాన్సర్‌ను జయించా!

క్యాన్సర్‌.. మందు లేని ఈ మహమ్మారి ఎన్నో ఏళ్లుగా మానవజాతిని పట్టి పీడిస్తోంది. ఆడ, మగ, చిన్నా, పెద్దా అన్న తేడాల్లేకుండా అందరినీ భయపెడుతోంది. అయితే దీనిపై ముందు నుంచీ అవగాహన పెంచుకోవడం, తొలిదశలోనే గుర్తించడం, క్యాన్సర్‌ అంటూ భయపడిపోకుండా సరైన చికిత్సలు తీసుకుని ధైర్యంగా ముందుకు సాగితే దీని నుంచి బయటపడవచ్చు. ఎందరో సెలబ్రిటీలు తమ అనుభవాల ద్వారా ఈ మాటలను అక్షర సత్యం చేశారు. అలాంటివారిలో ప్రముఖ ఫ్యాషన్‌ డిజైనర్‌ మనాలీ జగ్తాప్‌ ఒకరు. రెండేళ్ల క్రితం ప్రమాదకర గర్భాశయ క్యాన్సర్ బారిన పడిన ఆమె మానసిక స్థైర్యంతో ఆ మహమ్మారిని అధిగమించింది. చికిత్స సమయంలో ఎప్పటికప్పుడు సోషల్‌ మీడియా ద్వారా తన క్యాన్సర్‌ చికిత్సకు సంబంధించిన అనుభవాలు షేర్‌ చేసుకున్న ఆమె ఆ తర్వాత కూడా తనకు వీలైనప్పుడల్లా క్యాన్సర్‌ బాధితుల్లో స్ఫూర్తి నింపే ప్రయత్నం చేస్తోంది. ఈక్రమంలో ‘ప్రపంచ క్యాన్సర్‌ దినోత్సవం’ సందర్భంగా క్యాన్సర్‌ చికిత్సకు సంబంధించిన అనుభవాలను అందరితో పంచుకుంది మనాలీ.

Know More

women icon@teamvasundhara
winner-of-‘world-most-beautiful-face’-speaks-about-the-hate-she-has-received

‘బ్యూటీ క్వీన్‌’ కాదు.. ‘అగ్లీ క్వీన్‌’ అన్నారు!

‘భావ ప్రకటన స్వేచ్ఛ’ పేరుతో సోషల్‌ మీడియాలో కొంత మంది నెటిజన్లు ఇతరుల మనోభావాలు దెబ్బతినేలా కామెంట్లు పెడుతుంటారు. ప్రత్యేకించి సెలబ్రిటీల విషయంలో సోషల్‌ మీడియా వల్ల ఎన్ని ప్రయోజనాలున్నాయో అన్నే నష్టాలున్నాయనిపిస్తోంది. ఈ నేపథ్యంలో కొందరు ఆకతాయిలు వివిధ రంగాలకు చెందిన సెలబ్రిటీలను లక్ష్యంగా చేసుకుని తమకు ఇష్టమొచ్చినట్లు విమర్శలు, కామెంట్లు చేస్తుండడం మనం తరచుగా వింటూనే ఉన్నాం. మరికొందరు నెటిజన్లు తమకిష్టం వచ్చిన సెలబ్రిటీలను ట్యాగ్‌ చేస్తూ ఇష్టమొచ్చిన పోస్ట్‌లు పెడుతూ వారి మనోభావాలను దెబ్బతీస్తుంటారు. ఈక్రమంలో ‘ప్రపంచంలో అత్యంత అందమైన ముఖం’ గల యువతిగా గెలిచిన ఓ అందాల తార కూడా ఇలాంటి విమర్శలు ఎదుర్కొందట. ఇంతకీ ఎవరామె?ఎందుకు ట్రోలింగ్‌ బారిన పడిందో తెలుసుకుందాం రండి.

Know More

women icon@teamvasundhara
celebrities-who-flaunted-their-stretch-marks-with-absolute-pride
women icon@teamvasundhara
ram-charan-wife-upasana-konidela-took-the-initiate-gets-herself-vaccinated-at-apollo

మేం కరోనా టీకా తీసుకున్నాం! మీరూ తీసుకోండి!

కాలయముడిలా ప్రపంచాన్ని పట్టి పీడిస్తోంది కరోనా. సామాన్యులు, సంపన్నులు, సెలబ్రిటీలనే తేడా లేకుండా అందరూ ఈ మహమ్మారి బారిన పడుతున్నారు. ఇప్పటికే ఎన్నో వేల ప్రాణాలను బలిగొన్న ఈ ప్రమాదకర వైరస్‌కు విరుగుడు ఎప్పుడెప్పుడు వస్తుందా? అని ప్రపంచమంతా ఆసక్తిగా ఎదురుచూస్తోంది. అయితే కొవిడ్‌ రక్కసిని కట్టడి చేసే ప్రయత్నాల్లో భాగంగా ఇప్పటికే కొన్ని దేశాల్లో వ్యాక్సినేషన్‌ ప్రక్రియ ప్రారంభమైంది. మన దేశంలోనూ టీకా పంపిణీ కొనసాగుతోంది. ఇప్పటికే లక్షలాది మంది వ్యాక్సిన్‌ తీసుకున్నారు. అయితే వ్యాక్సిన్‌పై అపోహలు, అనుమానాలు ఉన్నాయంటూ చాలామంది టీకా తీసుకోవడానికి వెనకడుగు వేస్తున్నారు. ఈక్రమంలో వ్యాక్సిన్‌పై భయాన్ని పటాపంచలు చేస్తూ మెగా కోడలు, రామ్‌చరణ్‌ సతీమణి కొణిదెల ఉపాసన తాజాగా టీకా తీసుకుంది.

Know More

women icon@teamvasundhara
ellen-degeneres-shares-her-covid-19-experience-in-telugu

ఆ నొప్పితో నా పక్కటెముకలు విరిగిపోయాయేమో అనిపించింది!

కంటికి కనిపించని కరోనా వైరస్‌ ఇప్పట్లో అంతమయ్యేలా లేదు. ఓవైపు వివిధ దేశాల్లో కొవిడ్‌ వ్యాక్సినేషన్‌ ప్రక్రియ ప్రారంభమైనప్పటికీ... మరోవైపు కొత్త రూపు దాల్చుకుని విరుచుకుపడుతోందీ మహమ్మారి. లక్షణాలు తెలియనివ్వకుండా, కొత్త కొత్త లక్షణాలతో ‘స్ట్రెయిన్‌’, ‘వేరియంట్‌’, ‘మ్యుటేషన్‌’ అంటూ అందరిలో గుబులు రేపుతోంది. దీంతో ఎన్ని జాగ్రత్తలు తీసుకుంటున్నా, ఎంత అప్రమత్తంగా ఉంటున్నా సామాన్యులతో పాటు సెలబ్రిటీలు కూడా ఈ వైరస్‌ బారిన పడుతున్నారు. అదే సమయంలో సరైన మందు లేని ఈ మహమ్మారిని మనోధైర్యంతో జయిస్తున్నారు. సరైన సమయంలో చికిత్స తీసుకుని వైరస్‌పై విజయం సాధిస్తున్నారు. ఈక్రమంలో ప్రముఖ అమెరికన్‌ నటి ఎలెన్‌ డీజెనెరెస్‌ కొద్దిరోజుల క్రితం కొవిడ్‌ బారిన పడ్డారు. ఇంట్లోనే చికిత్స తీసుకుని ఇటీవలే పూర్తిగా కోలుకున్నారు. ఈ సందర్భంగా కరోనాకు సంబంధించిన తన అనుభవాలను అందరితో షేర్‌ చేసుకునేందుకు ఇలా మన ముందుకు వచ్చారు.

Know More

women icon@teamvasundhara
madhumitha-and-siva-balaji-in-alitho-saradaga-chat-show-in-telugu

మా పెళ్లికి జాతకాలు కలవలేదు... కానీ!

ఆమె ‘పుట్టింటికి రా చెల్లి’ సినిమాతో ప్రతి తెలుగింటి ఆడపడుచుగా మారిపోయింది. అతనేమో ‘ఆర్య’, ‘చందమామ’, ‘సంక్రాంతి’ చిత్రాలతో అమ్మాయిల మనసులు కొల్లగొట్టాడు. వ్యక్తిగతంగా తమ సహజ నటనతో మెప్పించే వీరిద్దరు సిల్వర్‌స్ర్కీన్‌పై ఎప్పుడూ జంటగా కనిపించలేదు. కానీ రియల్‌ లైఫ్‌లో మాత్రం సక్సెస్‌ ఫుల్‌ జోడీగా పేరు తెచ్చుకున్నారు. వారే నటులు శివబాలాజీ, మధుమిత. పుష్కర కాలం కిందట పెళ్లిపీటలెక్కిన ఈ అందాల జంట ఇప్పటికీ ఎంతో అన్యోన్యంగా మెలుగుతూ యువతకు రిలేషన్‌షిప్‌ పాఠాలు నేర్పుతోంది. ఎప్పుడు చూసినా నవ్వుతూ సరదాగా కనిపించే ఈ లవ్లీ కపుల్ ఈటీవీలో ప్రసారమవుతోన్న ‘ఆలీతో సరదాగా’ కార్యక్రమానికి హాజరయ్యారు. ఈ సందర్భంగా తమ వ్యక్తిగత, వృత్తిగత జీవితానికి సంబంధించి ఎన్నో ఆసక్తికరమైన విషయాలను సరదాగా షేర్‌ చేసుకున్నారు.

Know More

women icon@teamvasundhara
celebrities-who-adopt-hydroponic-gardening-in-telugu

మట్టి లేకుండానే పండిస్తున్నాం.. మీకూ ఈ సంతోషం కావాలా?

కరోనా వచ్చిన దగ్గర్నుంచి అందరిలో ఆరోగ్య స్పృహ పెరిగింది. ఈ క్రమంలో ఆరోగ్యాన్ని పెంపొందించుకోవడానికి తీసుకునే ఆహారం దగ్గర్నుంచి చేసే పనుల దాకా ప్రతి విషయంలోనూ తగిన జాగ్రత్తలు తీసుకుంటున్నారు. ఇందులో భాగంగానే గార్డెనింగ్‌కి ఆదరణ పెరిగింది. సామాన్యుల దగ్గర్నుంచి సెలబ్రిటీల దాకా సహజ పద్ధతుల్లో కాయగూరలు పండించుకోవడానికి ఆసక్తి చూపుతున్నారు. అందులోనూ ఎలాంటి మట్టి ఉపయోగించకుండా కేవలం నీటితోనే మొక్కల్ని పెంచే హైడ్రోపోనిక్‌ గార్డెనింగ్‌కి ఓటేస్తున్నారు. తాను కూడా ఇలాంటి పద్ధతిలోనే తన ఇంట్లో మొక్కల్ని పెంచుకుంటున్నానని చెబుతోంది బాలీవుడ్‌ ఫిట్‌నెస్‌ ఫ్రీక్‌ శిల్పాశెట్టి. ఈ క్రమంలోనే ఇటీవల తన హైడ్రోపోనిక్‌ గార్డెన్‌కి సంబంధించిన ఓ వీడియోను ఇన్‌స్టాలో పోస్ట్‌ చేసింది శిల్ప. ఇక మొన్నటికి మొన్న అలనాటి అందాల తార సుహాసిని కూడా తన హైడ్రోపోనిక్‌ గార్డెన్‌ని తన ఫ్యాన్స్‌కి పరిచయం చేసింది. వీళ్లే కాదు.. ఇంకొందరు ముద్దుగుమ్మలు కూడా ఈ సరికొత్త గార్డెనింగ్‌ ట్రెండ్‌ని తమ లైఫ్‌స్టైల్‌లో భాగం చేసుకొని అందరిలో ఆరోగ్య స్పృహ పెంచుతున్నారు. మరి, వాళ్లెవరో చూసేద్దామా..?!

Know More

women icon@teamvasundhara
sania-mirza-shares-about-her-covid-experience-in-telugu

అదో భయంకరమైన అనుభవం.. కరోనాను జోక్‌గా తీసుకోవద్దు!

కరోనా కారణంగా ఒంటరితనం అంటే ఎలా ఉంటుందో చాలామందికి తెలిసొచ్చింది. వైరస్‌ సోకి స్వీయ నిర్బంధంలో ఉంటూ కొందరు; ఆస్పత్రులు, క్వారంటైన్‌ సెంటర్లలో చికిత్స పొందుతూ మరికొందరు... ఇలా ఎక్కడి వారక్కడే ఏకాకిగా మిగిలిపోతున్నారు. ఫలితంగా ఒంటరితనంతో తీవ్ర మానసిక క్షోభకు గురవుతున్నారు. అలాంటి గడ్డు పరిస్థితుల్ని తానూ ఎదుర్కొన్నానంటోంది హైదరాబాదీ టెన్నిస్‌ స్టార్‌ సానియా మీర్జా. పదేళ్ల క్రితం పాక్‌ క్రికెటర్ షోయబ్‌ మాలిక్‌తో కలిసి పెళ్లిపీటలెక్కిన ఈ టెన్నిస్‌ క్వీన్‌ రెండేళ్ల క్రితం ఇజాన్‌కు జన్మనిచ్చింది. అమ్మయ్యాక అటు కుటుంబ బాధ్యతల్ని నెరవేరుస్తూనే... ఇటు తన కెరీర్‌నూ కొనసాగిస్తోందీ సూపర్‌ మామ్‌. ఈక్రమంలో తన కుమారుడి ఆలనాపాలనలో అమ్మతనాన్ని పూర్తిగా ఆస్వాదిస్తోన్న సానియా కొద్ది రోజుల క్రితం కరోనా బారిన పడిందట. ఈ కారణంగా కొద్ది రోజుల పాటు తన కుటుంబానికి దూరంగా ఉండాల్సి వచ్చిందంటూ తన అనుభవాలను ఇన్‌స్టాగ్రామ్‌ ద్వారా అందరితో షేర్‌ చేసుకుందీ టెన్నిస్‌ బ్యూటీ. ప్రస్తుతం ఆమె పోస్ట్ సోషల్‌ మీడియాలో ట్రెండింగ్‌లో ఉంది.

Know More

women icon@teamvasundhara
kajol-says-her-father-was-against-the-idea-of-her-getting-married-to-ajay-devgan-at-young-age

అప్పుడు మా పెళ్లికి నాన్న ఒప్పుకోలేదు!

ప్రేమించి పెళ్లి చేసుకున్న బాలీవుడ్‌ జంటల్లో కాజోల్‌-అజయ్‌ దేవ్‌గణ్‌ జోడీ కూడా ఒకటి. వైవాహిక బంధంలోకి అడుగుపెట్టి సుమారు రెండు దశాబ్దాలకు పైగా గడిచినా..ఎంతో అన్యోన్యంగా ఉంటూ నేటి తరం జంటలకు ఆదర్శంగా నిలుస్తుంటారీ లవ్లీ కపుల్‌. ఇక గతేడాది ‘తానాజీ... ది అన్‌ సంగ్‌ వారియర్‌’ సినిమాలో కలిసి నటించిన వీరిద్దరూ... ఆన్‌ స్ర్కీన్... ఆఫ్‌ స్ర్కీన్‌ ఎక్కడైనా తమది ‘పర్ఫెక్ట్‌ జోడీ’ అని మరోసారి నిరూపించుకున్నారు. ఇలా ఓవైపు తల్లిగా తన ఇద్దరు పిల్లల ఆలనాపాలన చూసుకుంటూనే ... మరోవైపు నటిగా వైవిధ్యమైన పాత్రలతో అలరిస్తోంది కాజోల్. ఈ క్రమంలో ఆమె నటించిన తాజా చిత్రం ‘త్రిభంగ’ జనవరి 15 న నెట్‌ఫ్లిక్స్‌ ద్వారా ప్రేక్షకుల ముందుకు వచ్చింది. ఈ సందర్భంగా తన వృత్తిగత, వ్యక్తిగత జీవితానికి సంబంధించిన కొన్ని ఆసక్తికర విషయాలను అందరితో షేర్‌ చేసుకుంది.

Know More

women icon@teamvasundhara
anita-hassanandani-flaunts-her-eight-month-old-baby-bump-with-hubby-rohit-reddy

ఈ లవ్లీ కపుల్‌ రొమాంటిక్‌ ఫొటోషూట్‌ చూశారా?

తమకు పుట్టబోయే బుజ్జి పాపాయిని ఊహించుకోవడం, ఎప్పుడెప్పుడు తమ ముద్దుల చిన్నారిని చేతుల్లోకి తీసుకుందామా అని ఆత్రంగా ఎదురుచూడడం... ఇలా ప్రతిక్షణం పుట్టబోయే బిడ్డ ఆలోచనల్లోనే గడపడం తల్లయ్యే ప్రతి మహిళకు సహజమే. ఇక పుట్టబోయేది తొలుచూరు బిడ్డ అయితే కాబోయే తల్లిదండ్రుల ఆనందానికి అంతే ఉండదు. మరికొన్ని రోజుల్లో తమ గారాల పట్టిని ఈ లోకంలోకి తీసుకురాబోతున్న అనితా హస్సానందాని-రోహిత్‌ రెడ్డి ప్రస్తుతం ఇలాంటి ఆనందంలోనే తేలియాడుతున్నారు. తను తల్లిని కాబోతున్నానని ప్రకటించిన మరుక్షణం నుంచే ఆ మధుర క్షణాలను ఫొటోల్లో బంధిస్తోన్న ఈ బ్యూటీ.. ఇటీవలే మెటర్నిటీ ఫొటోషూట్ కూడా తీయించుకుంది. అనంతరం ఆ మధురానుభూతుల్ని ఒక్కొక్కటిగా సోషల్‌ మీడియాలో పంచుకుంటూ తెగ మురిసిపోయింది.

Know More

women icon@teamvasundhara
virat-kohli-and-anushka-sharma-welcome-a-baby-girl

మాకు అమ్మాయి పుట్టింది..!

గర్భం ధరించిన క్షణం నుంచి నెలలు నిండుతున్న కొద్దీ కాబోయే అమ్మగా ప్రతి క్షణాన్నీ మహిళలు ఎలా ఆస్వాదిస్తారో.. తమకు పుట్టబోయే చిన్నారిని ఎప్పుడెప్పుడు చేతుల్లోకి తీసుకుందామా అన్న ఉత్సాహం కాబోయే తండ్రుల్లో మిన్నంటుతుంది. ప్రస్తుతం విరుష్క జంట అలాంటి ఆనందోత్సాహాల్లోనే తేలియాడుతోంది. తాజాగా బాలీవుడ్‌ అందాల తార అనుష్కా శర్మ పండంటి ఆడపిల్లకు జన్మనిచ్చింది. దీంతో తండ్రిగా ప్రమోషన్‌ పొందిన విరాట్‌ ఈ ఆనందకరమైన క్షణాన్ని సోషల్‌ మీడియా వేదికగా అభిమానులతో పంచుకున్నాడు. ‘బుజ్జాయి రాకతో మా జీవితాల్లో కొత్త అధ్యాయం మొదలైంది’ అంటూ పట్టరానంత సంతోషంలో మునిగి తేలుతున్నారీ లవ్లీ కపుల్.

Know More

women icon@teamvasundhara
actress-hariteja-dances-and-has-fun-with-friends-at-her-baby-shower-function

అమ్మయ్యే వేళ.. ఆనంద హేళ..!

హరితేజ... సీరియల్‌ నటిగా కెరీర్‌ మొదలు పెట్టి సిల్వర్‌ స్ర్కీన్‌పైకి అడుగుపెట్టిన ఈ అందాల తార గురించి తెలుగు ప్రేక్షకులకు ప్రత్యేక పరిచయం అవసరం లేదు. ‘అ ఆ’ సినిమాతో పలువురి ప్రశంసలు అందుకున్న ఈ ముద్దుగుమ్మ బుల్లితెరపై యాంకర్‌గానూ, హోస్ట్‌గానూ సత్తాచాటింది. ఇక ‘బిగ్‌బాస్‌ 1’ తో మరింత క్రేజ్‌ సంపాదించుకుంది. ఇలా బుల్లితెరపై, వెండితెరపై వరుస సినిమాలు, షోలతో దూసుకెళుతోన్న హరితేజ త్వరలో అమ్మగా ప్రమోషన్‌ పొందనున్న సంగతి తెలిసిందే. ఈక్రమంలో తాజాగా ఆమె కుటుంబ సభ్యులు ఆమెకు వేడుకగా సీమంతం కార్యక్రమాన్ని నిర్వహించారు. కుటుంబ సభ్యులతో పాటు బంధువులు, అత్యంత సన్నిహితులు మాత్రమే ఈ వేడుకకు హాజరయ్యారు. ప్రస్తుతం ఈ వేడుకకు సంబంధించిన ఫొటోలు, వీడియోలు సోషల్‌ మీడియాలో వైరల్‌గా మారాయి.

Know More

women icon@teamvasundhara
opens-up-about-the-casting-director-called-her-home-and-berated-her

ఆ మాటలతో బ్యాగ్‌ సర్దుకుని ఇంటికెళదామనుకున్నా!

రంగుల ప్రపంచం లాంటి సినిమా ఇండస్ట్రీలో రాణించాలంటే సాధారణ విషయమేమీ కాదు. పరిశ్రమలోకి అడుగుపెట్టడం నుంచి అవకాశాలు దక్కించుకునేదాకా ఇన్నో ఇబ్బందులు, అవమానాలు భరించాల్సి ఉంటుంది. తెరపై కనిపించి అభిమానుల ప్రేమాభిమానాలు పొందాలంటే తెర వెనుక వారు ఎదుర్కొనే వేధింపులు, చేదు అనుభవాలు ఎన్నో! ప్రస్తుతం సినీ పరిశ్రమలో స్టార్‌ హోదాను అనుభవిస్తున్న నటీమణులు కెరీర్‌ తొలినాళ్లలో ఎన్నో రకాల ఇబ్బందులు ఎదుర్కొన్నవారే. ఈక్రమంలో తాను కూడా కెరీర్‌ తొలినాళ్లలో ఎన్నో అవమానాలు ఎదుర్కొన్నానంటోంది ‘బాహుబలి’ ఫేం నోరా ఫతేహి. తనకు ట్యాలెంట్‌ లేదన్న ఓ క్యాస్టింగ్‌ డైరెక్టర్‌ మాటలు తనను చాలా రోజులు వేధించాయంటోందీ ముద్దుగుమ్మ. ఈ సందర్భంగా సినిమా ఇండస్ట్రీలో తనకెదురైన చేదు అనుభవాల గురించి అందరితో షేర్‌ చేసుకుంది.

Know More

women icon@teamvasundhara
kabir-singh-fame-vanita-kharat-boldly-poses-for-body-positivity

నా శరీరం నన్ను గర్వపడేలా చేసింది!

సాధారణంగా కాస్త బొద్దుగా ఉన్న అమ్మాయిలు తమ శరీరాకృతిని చూసుకొని తెగ ఫీలైపోతుంటారు. ‘సన్నగా, నాజుగ్గా ఎందుకు లేమా’ అని మనోవేదనకు గురవుతుంటారు. అదే సమయంలో తమను ఉద్దేశిస్తూ ఎదుటివారు చేసే విమర్శలు, కామెంట్లతో తీవ్ర అత్మన్యూనతా భావానికి లోనవుతుంటారు. తమను తాము అసహ్యించుకుంటూ తీవ్రమైన ఒత్తిడి, ఆందోళనల్లోకి వెళ్లిపోతుంటారు. కానీ మరికొందరు అమ్మాయిలు ఎంత లావుగా ఉన్నా సానుకూల దృక్పథంతో ముందుకెళుతుంటారు. ‘ఇది దేవుడిచ్చిన శరీరం.. ఎవరేమనుకుంటే నాకేంటి.. నా శరీరం.. నాకు నచ్చినట్లుగా నేనుంటా’ అంటూ బాడీ షేమింగ్‌ను బాడీ పాజిటివిటీగా మార్చుకుంటుంటారు. బాలీవుడ్‌ నటి వనితా ఖరాత్‌ కూడా ఇదే కోవకు చెందుతుంది. ‘కబీర్‌ సింగ్‌’ సినిమాతో అశేష గుర్తింపు తెచ్చుకున్న ఈ నటీమణి బాడీ పాజిటివిటీని చాటుతూ చేసిన ఓ పని పలువురి ప్రశంసలు అందుకునేలా చేసింది.

Know More

women icon@teamvasundhara
raveena-tandon-about-adpot-decision-they-said-no-one-would-want-marry-me

అలా చేసినందుకు నాకు పెళ్లికాదన్నారు!

ప్రతి స్త్రీ తన జీవితంలో మాతృత్వపు మధురిమల్ని ఆస్వాదించాలని కోరుకుంటుంది. అయితే మారుతున్న జీవనశైలి, ప్రత్యుత్పత్తి వ్యవస్థలో లోపాలు, ప్రెగ్నెన్సీని వాయిదా వేయడం.. వంటి పలు కారణాలతో కొంతమంది మహిళలు అమ్మతనానికి దూరమవుతున్నారు. దీంతో అలాంటి వారు అనాథ చిన్నారులను దత్తత తీసుకుని అమ్మగా ప్రమోషన్‌ పొందుతున్నారు. వీరితో పాటు అప్పటికే పిల్లలున్నా-లేకపోయినా, వివాహం చేసుకున్నా-చేసుకోకపోయినా కొంతమంది మహిళలు సామాజిక దృక్పథంతో అనాథ పిల్లలను దత్తత తీసుకుంటున్నారు. ఓవైపు అమ్మతనాన్ని ఆస్వాదిస్తూనే.. మరోవైపు ఆ చిన్నారులకు బంగారు భవిష్యత్తును అందిస్తున్నారు. అలాంటి వారిలో ఒకప్పటి బాలీవుడ్‌ స్టార్‌ హీరోయిన్‌ రవీనా టాండన్‌ ఒకరు. రెండు పదులు వయసులో.. అది కూడా పెళ్లి కాకుండానే ఇద్దరు అనాథ బాలికలను అక్కున చేర్చుకుందీ అందాల తార. ఈ సందర్భంగా పిల్లల్ని దత్తత తీసుకోవడం, వారి పెంపకం విషయంలో తాను ఎదుర్కొన్న అనుభవాలను తాజాగా అందరితో షేర్‌ చేసుకుందీ ముద్దుగుమ్మ.

Know More

women icon@teamvasundhara
pooja-kumar-is-now-mom-to-a-baby-girl-in-telugu

అలా నా పుట్టినరోజుని మరింత మధురంగా మార్చావు..!

పూజా కుమార్‌...‘విశ్వరూపం’ సిరీస్‌లో కమల్‌ హాసన్‌తో పోటీపడి నటించి మంచి మార్కులు కొట్టేసిన హీరోయిన్‌. తెలుగులో నటించింది కొన్ని చిత్రాల్లో అయినా తన అందం, అభినయంతో టాలీవుడ్‌ ప్రేక్షకులను బాగానే ఆకట్టుకుందీ అందాల తార. తెలుగుతో పాటు తమిళ, మలయాళ, హిందీ భాషా సినిమాల్లోను నటించిన ఈ ముద్దుగుమ్మ తన నటనతో అక్కడి ప్రేక్షకుల మెప్పు కూడా పొందింది. ఈక్రమంలో సుమారు రెండేళ్లుగా సిల్వర్‌ స్ర్కీన్‌పై కనిపించని ఈ అందాల భామ అమ్మగా ప్రమోషన్‌ పొందింది. తన భర్త విశాల్‌జోషితో కలిసి ప్రస్తుతం అమెరికాలో ఉంటోన్న ఆమె ఇటీవల ఓ పండంటి ఆడబిడ్డకు జన్మనిచ్చింది. తాజాగా సోషల్‌ మీడియా వేదికగా తన కూతురును ప్రపంచానికి పరిచయం చేసిందీ అందాల తార.

Know More

women icon@teamvasundhara
celebrities-new-year-wishes-in-telugu

అలా కొత్త సంవత్సరానికి స్వాగతం పలికారు!

కొంగొత్త ఆశలు, కలలను మోసుకొస్తూ కొత్త ఏడాది ప్రారంభమైంది. గతేడాది మిగిల్చిన చేదు అనుభవాల నుంచి బయటపడుతూ అందరూ కోటి ఆశలతో నూతన సంవత్సరానికి స్వాగతం పలికారు. ఈ సందర్భంగా కొందరు తమ స్వస్థలంలో కుటుంబ సభ్యులతో ఎంజాయ్‌ చేస్తే, మరికొందరు తమకు నచ్చిన ప్రదేశానికి వెళ్లి కొత్త ఏడాదికి ఆహ్వానం పలికారు. అనంతరం తమ సెలబ్రేషన్స్‌కు సంబంధించిన ఫొటోలు, వీడియోలను సోషల్‌ మీడియాలో షేర్ చేస్తూ తమ అభిమానులకు శుభాకాంక్షలు తెలిపారు. ఈ ఏడాది అందరి జీవితాల్లో ఆనందాన్ని నింపాలని ఆకాంక్షించారు. ఈ క్రమంలో కొందరు సినీతారలు కొత్త సంవత్సరాన్ని ఎలా ఆహ్వానించారో, వారి న్యూ ఇయర్‌ రిజల్యూషన్స్‌ ఏంటో చూద్దాం రండి...

Know More

women icon@teamvasundhara
actress-mayuri-sudha-chandran-in-alitho-saradaga-chat-show

నా కాలు తొలగించే సన్నివేశం చూసి ఒకావిడ కళ్లు తిరిగి పడిపోయింది!

మనోధైర్యం మెండుగా ఉన్న నాట్య ‘మయూరి’ ఆమె. అందుకే 13 ఏళ్లకే ఒంటికాలితో తన జీవితాన్ని అంధకారం చేయాలనుకున్న విధిని సైతం ఎదిరించింది. కష్టాలు, కన్నీళ్లకు కుంగిపోకుండా దృఢ సంకల్పంతో ముందుకు సాగింది. నటిగా, నృత్య కళాకారిణిగా కళలకే తలమానికంలా నిలిచి అశేష అభిమానాన్ని సాధించింది. మొదటి సినిమా పేరునే తన ఇంటి పేరుగా మార్చుకున్న ఆ అందాల తార మరెవరో కాదు ‘మయూరి’ సుధా చంద్రన్‌. సుమారు మూడున్నర దశాబ్దాలుగా నటన, నాట్య రంగంలో తనదైన ప్రతిభ చూపుతోన్న ఆమె ఈటీవీలో ప్రసారమయ్యే ‘ఆలీతో సరదాగా’ కార్యక్రమానికి అతిథిగా హాజరయ్యారు. ఈ సందర్భంగా తన సినీ కెరీర్‌, ఎదుర్కొన్న ఒడిదొడుకులు, ఆనంద క్షణాలు... ఇలా ఎన్నో అనుభూతులను అందరితో పంచుకున్నారు. మరి ఆ ఆసక్తికరమైన విశేషాలేంటో మనమూ తెలుసుకుందాం రండి..

Know More

women icon@teamvasundhara
singer-sunitha-pre-wedding-party-photos-goes-viral

సునీత ప్రి వెడ్డింగ్‌ పార్టీలో సెలబ్రిటీల సందడి!

తన మధురమైన గాత్రంతో తెలుగు వారి గుండెల్లో చెరగని ముద్ర వేసుకున్న సునీత కొత్త ఏడాదిలో కొత్త జీవితం ప్రారంభించబోతున్న సంగతి తెలిసిందే. ప్రస్తుతం సింగిల్‌ పేరెంట్‌గా పిల్లల బాధ్యతలు చూసుకుంటోన్న ఆమె ప్రముఖ వ్యాపారవేత్త రామ్‌ వీరపనేనితో కలిసి వైవాహిక బంధంలోకి అడుగుపెట్టనున్నారు. ఇప్పటికే ఇరు కుటుంబ సభ్యుల సమక్షంలో దండలు మార్చుకుని నిశ్చితార్థం చేసుకుందీ జంట. ఈ క్రమంలో వివాహ సమయం దగ్గరపడుతుండడంతో స్నేహితులు, సన్నిహితుల కోసం వరసగా ప్రి వెడ్డింగ్‌ పార్టీలు ఏర్పాటు చేస్తున్నారు సునీత-రామ్‌. కొద్ది రోజుల క్రితం ఓ ఫైవ్‌స్టార్‌ హోటల్‌లో టాలీవుడ్‌ నటీనటులు, సింగర్స్‌కు గ్రాండ్‌గా పార్టీ ఇచ్చిన వీరు తాజాగా మరోసారి పార్టీని ఏర్పాటు చేశారు. గచ్చిబౌలిలోని ఓ ప్రముఖ హోటల్‌లో ఏర్పాటుచేసిన ఈ కార్యక్రమానికి పలువురు సినీ ప్రముఖులు హాజరయ్యారు.

Know More

women icon@teamvasundhara
sonali-phogat-gets-emotional-remembering-her-late-husband

women icon@teamvasundhara
shikha-malhotra-who-suffered-paralysis-stroke-is-not-sure-when-she-will-be-able-to-walk-again

మళ్లీ నా కాళ్లపై ఎప్పుడు నడుస్తానో తెలియడం లేదు!

నర్సింగ్‌ విద్యను అభ్యసించిన ఆమె నటనపై ఉన్న ఆసక్తితో సినిమా ఇండస్ట్రీలోకి అడుగుపెట్టింది. ప్రారంభంలో చిన్న చిన్న పాత్రల్ని పోషిస్తూనే ప్రేక్షకుల్ని అలరించింది. ఆ తర్వాత తన నటనా ప్రతిభతో షారుఖ్‌ లాంటి స్టార్ హీరో పక్కన నటించి ఎంతో క్రేజ్‌ సొంతం చేసుకుంది. కానీ సినిమాల్లోకి వెళ్లినా తన సేవాభావాన్ని మరచిపోలేదామె. అందుకే కోరుకోని అతిథిలా వచ్చిన కరోనా వైరస్‌ నుంచి సామాన్యులను కాపాడేందుకు మళ్లీ సేవకే ఓటేసింది. ఆరు నెలల పాటు కరోనా బాధితులను కంటికి రెప్పలా కాపాడింది. కానీ దురదృష్టవశాత్తూ అదే వైరస్‌ బారిన పడి ప్రాణాల మీదకు తెచ్చుకుంది. ఆమె ఎవరో కాదు బాలీవుడ్‌ నటి శిఖా మల్హోత్రా. కొవిడ్‌ను జయించి ఇంటికి చేరుకున్న ఆమె పక్షవాతానికి గురై మళ్లీ ఆస్పత్రి పాలైంది. ప్రస్తుతం ఐసీయూలో చికిత్స పొందుతున్న ఆమె తన ఆరోగ్య పరిస్థితి గురించి అందరితో షేర్‌ చేసుకుంది.

Know More